رواية ملاك القاسي الفصل الثاني عشر 12 - بقلم مي عبدالله

ملاك جالها تليفون وواحده بتقول: "جوزك مش بيحبك زي ما انتي فاكرة. لو مش مصدقاني روحي عماره ... شقه رقم ... ملاك راحت على المكان، لكن اتصدمت لما شافت قاسي نازل من العربية وطالع فعلاً العماره. ملاك دموعها نزلت وقلبها دق بسرعة. طلعت وراه بدقايق ورنت على الجرس وهي بتدعي ربنا إن كل ده يطلع كذب. لكن اتصدمت من اللي شافته. سوزان هي اللي فتحت الباب وهي بتقول بتوتر: "ملاك!

ملاك زقتها ودخلت الشقة، لكن اتصدمت لما لاقت قاسي قاعد وفي ازايز خمر على الترابيزة وأغاني شغالة. ملاك قربت منه وهو سكران وضربته بالقلم جامد وهي بتقول: "يا حقير، يا غشاش، يا خاين! قاسي قام وراها وهو بيقول: "ملاك اسمعيني، انتي فاهمه غلط، استني بس يا ملاك! ملاك سابته ومشيت وراحت على القصر وهي دموعها نازلة بقهر. افتكرت إنها خلاص استريحت وهيعيشوا حياة سعيدة، لكن للأسف اللي حصل غير كده.

ملاك دخلت والكل بصّلها بقلق من منظرها، لكن طلعت على الجناح بتاعها بسرعة. تحت كان جمال بيقول بخوف على بنته: "ملاك مالها؟ في إيه؟ عاطف باستغراب وقلق: "مش عارف في إيه! قاطع كلامهم دخول قاسي وهو بيقول: "ملاك فين؟ جمال بقلق: "فوق، كانت بتعيط. هو في إيه؟ قاسي ببرود وجمود: "عشان اتجوزت! جمال وعاطف بصدمة: "اتجووووزت!!! جمال قرب من قاسي وهو بيمسكه من هدومه وبيقول: "بقي تتجوز على بنتي دي؟

دي الأمانة اللي قولتلك حافظ عليها. طالما اتجوزت لازمتها إيه إنك متمسك بملاك وكنت رافض تطلقها؟ رد رد رد! قاسي ببرود شال إيده وهو بيقول: "أعصابك يا عمي، وبعدين الشرع محللي أربعة. وأنا بحب ملاك وبحب برضو سوزان." عاطف قرب منه وهو بيضربه قلم قوي جداً وهو بيقول: "انت عارف انت بتقول إيه؟ تتجوز على ملاك بنت عمك وحب عمرك اللي قعدت في المصحة سنة عشانها؟ دي ملاك اللي كنت رافض تطلقها وزعقت معانا عشانها؟

دي ملاك اللي أول ما عرفت إنها بنت عمك وحبيبتك طارت من الفرحة؟ ما ترد! دي التربية اللي ربتها لك؟ قاسي ببرود: "خلصت. عن إذنك، طالع لمراتي." عاطف بصدمة: "إيه البجاحة دي؟ وكمان مش عامل احترام ليا ولا لكلامي! قاسي طلع ومردش على حد. قاسي دخل الجناح، لكن اتصدمت من شكل ملاك اللي كانت منهارة من العياط ومنكمشة في نفسها. قاسي بصّلها ببرود وهو بيقول: "على فكرة أنا مكنتش بخونك، أنا كنت عند مراتي التانية." ملاك

بصتله بصدمة وهي بتقول: "مراتك!!! قاسي بصّلها ببرود وقسوة وهو بيقول: "الشرع محلل أربعة، إيه كفرت! ملاك بذهول: "لا، مكفرتش، بس ليه؟ ما سألتش إنك بتحبني؟ حرام عليك، أنا كمان حبيتك، لكن دلوقتي أنا بكرهك يا قاسي، بكرهك." وانهارت في العياط. قاسي بصّلها بحزن ودخل البلكونة وهو بيقول بحزن وتعب: "نفذت." وقفل السكة. قاسي دخل وهو بيقول: "من بكرة سوزان هتيجي تعيش معانا." ملاك بصتله بتعب وهي بتقول:

"طلقني يا قاسي واعمل اللي انت عاوزه." قاسي ببرود: "طلاق مش هطلق." وخرج من الأوضة. بعد فترة رجع الأوضة، لكن اتصدم لما لاقي ملاك. وجري عليها بخوف وهو بيقول: "بتعملي إيه يامجنونة؟