رواية ملاك الليل الفصل العاشر 10 - بقلم ملك ابراهيم

ريم بعصبية: هتعملي إيه؟ بصي أنا عاوزاك تجيبي آخرك معايا، ولو جدعة يا كريمان فكيني وأنا أوريكي مين هي ريم. كريمان بعصبية: أنا جدعة غصب عنك يا ريم، بس مع الناس اللي تستاهل مش مع واحدة زيك. بس أنا هخلي شادي يكرهك يا ريم. ريم بعصبية وخوف: لا جدعة قوي يا بت، هو إنتي عاوزة إيه بالظبط؟ كريمان ببرود: عاوزاكِ تسيبِ شادي.

ريم ببرود وعصبية: ده بعدك، أنا مش هسيب شادي عشان واحدة زيك. إنتي لو بتحبي شادي بجد يا حبيبتي كنتِ سبتيه للي هو بيحبها. كريمان وهي تضرب ريم بالقلم: اخرسي، شادي ليا أنا وبس، مش هيكون لوحده زيك. ريم ببرود: وأنا مش هسيب شادي يا كريمان، واعملي اللي تعمليه، أنا مش خايفة منك. كريمان بعصبية: وإنتي اللي جبتي لنفسك. في بيت ليل: مالك: خير يا ليل، جبتنا ليه؟ ليل: جبتكم عشان أقول لكم على اللي بيحصل، عشان تيجوا معانا أنتم كمان.

مالك: نيجي معاكم فين؟ وبعدين إيه اللي بيحصل؟ ملاك: قول لهم يا ليل. ليل: بص، أنا في واحد كلمني وقال لي: "أنا أعرف كل حاجة"، وقال لي: "أنا فاعل خير"، وحتى ما قاليش اسمه ولا أي حاجة. وداني عنوان أجي له على الساعة 10:00، وكمان قال لي: "تعالى أنت ومدام ملاك عشان تشوفوا بنفسكم". بس الساعة دلوقتي 8:30، يعني فاضل ساعة ونص، وأنتم هتيجوا معانا. مالك وحسن: تمام هنيجي.

حسن: أنا رأيي نمشي من هنا الساعة 9:00 كده عشان المكان بعيد، هياخد ساعة عشان نوصل، ولا أنتم إيه رأيكم؟ ليل: ماشي. مالك: بصراحة أنا رأيي نبلغ البوليس عشان لو حصل حاجة لا قدر الله. ليل: وأنا إيه يعني مش بوليس؟ وبعدين ما تقلقوش، كل واحد بس يجيب سلاح ومعاه عشان نأمن نفسنا لو حصل حاجة يعني. مالك وحسن: تمام. ملاك بخوف: أنا خايفة قوي. ليل بحنية وحب: ما تخافيش يا حبيبتي، طول ما أنا معاكي ما تخافيش. ملاك بكسوف: ماشي.

قاطعهم رنة تليفون ملاك. ملاك: معلش ثانية واحدة هرد على الموبايل بس. الكل: ماشي تمام. ملاك: ... ريتاج بعياط: الو يا ملاك، الحقيني. ملاك بخوف: في إيه يا بنتي؟ مالك بتعيطي كده ليه؟ ريتاج بعياط: عمي يا ملاك، عمي، عمي هيجوزني غصب عني وأنا مش عارفة أعمل إيه. وحتى ما خدش رأيي، أنا مش عارفة هو بيعاملني كده ليه؟ أنا والله مش زي بابا. ملاك بحزن: أنا عارفة يا حبيبتي والله عارفة، بس بطلي عياط. بس أنا جات لي حل. ريتاج: حل إيه؟

ملاك: طفشيه، اعملي أي حركة من حركاتك وطفشيه. ريتاج: بس تفتكري يا عمي هيسكت يعني؟ ملاك: لا طبعًا يا هبلة، ما إنتي هتطفشيه من غير ما عمك يشوفك. قولي لعمك سيبنا لوحدنا شوية يا عم نتعرف أو أي حاجة يعني، اقعدي قول له حاجات تطفشي بيه. ريتاج: طب افرضي طلع بارد وما عندوش دم، أنا أعمل إيه ساعتها بقى؟ ملاك: ما تقلقيش، أنا متفائلة خير إن شاء الله، إنتِ هتصعبي عليه وهيطفش أو هيمشي.

ريتاج بدعاء: يارب، طب بقول لك اقفلي دلوقتي عشان باب الأوضة بيتفتح. ملاك بسرعة: ماشي، سلام. سامي: جهزتي يا مخفية ولا لسه؟ ريتاج بحزن: أيوه يا عمي، جهزت. رؤى: ممكن معلش يا بابا تسيبنا لوحدينا شوية؟ سامي: ماشي، لما نشوف آخرتها معاكم. رؤى بحزن: معلش يا حبيبتي، ما تزعليش من بابا. هو والله فاهم غلط، بس هو في يوم من الأيام هيعرف الحقيقة وهيِعرف إن إنتي مش زي عمي.

ريتاج بدموع: والله يا رؤى، أنا مش زي بابا، أنا بحب عمي وبحبك، مش عارفة هو بيعمل معايا كده ليه؟ أنا عملت إيه؟ أنا ذنبي إيه باللي حصل زمان. رؤى وهي تطبطب على ريتاج: معلش يا حبيبتي، بس إنتي هتعملي إيه؟ ريتاج: هطفشه. رؤى: وإنتي فكراكِ بابا هيسكت لنا؟ ريتاج: لا ما تقلقيش، ربنا يعديها على خير بقى. وأصلًا لو عرف إن أنا طفشته هيحاسبني أنا، مش هيحاسبك إنتِ، ما تقلقيش. رؤى: بس أنا خايفة عليكي يا ريتاج.

ريتاج: ما تخافيش، ربنا يعديها على خير. في بيت معتز عم ريم: معتز بقلق: هي ريم اتأخرت كده ليه؟ أنا ابتديت أقلق عليها. قاطعهم رنة تليفون معتز. معتز بقلق: ... شادي: الو يا عمي معتز، هي ريم جت ولا لسه؟ أصل أنا بكلمها تليفونها مقفول. معتز بقلق وخوف: لا يا ابني لسه ما جتش، أنا قلقان عليها قوي، مش عارف راحت فين. شادي بخوف شديد: يا نهار أسود! لا تكونش اتخطفت. معتز بقلق وخوف شديد: خطفت مين؟ اللي هيكون خطفها يعني يا شادي؟

ما تقلقنيش يا ابني. شادي: ما تقلقش، أنا هقلب الدنيا وهجيبها. شادي قفل مع معتز وكان متعصب جدًا، وكان متأكد إن كريمان هي اللي خطفت ريم. طارق: إيه يا شادي، لابس ورايح فين؟ شادي: لما أجي هقول لك يا بابا. شادي مشي بسرعة. طارق: أنا مش عارف هو رايح فين، يا ريت ما يكونش رايح للبنت الصايعة اللي اسمها كريمان دي، ما بطهاش أصلًا. يا رب ارزقه ببنت الحلال اللي تصونه. في بيت ليل:

ليل وهو يبص في الساعة: يا جماعة الساعة دلوقتي 9:00، يلا بينا عشان نلحق نوصل. الكل: تمام، يلا. في عربية ليل: كان ليل وملاك قاعدين قدام، ومالك قاعد ورا. ملاك باستغراب: إيه ده؟ هو فين حسن؟ ما جاش معانا ليه؟ مالك: ما أعرفش، قال لي رايح مشوار. ليل: مشوار إيه ده؟ مالك: والله ما أعرف، بس يلا بس ركز في الطريق عشان نوصل بسرعة. ليل: تمام. في بيت ريتاج: ريتاج بصدمة: ... سامي: إيه ده؟ هو إنتي تعرفيه ولا إيه يا ريتاج؟

ريتاج كانت واقفة مصدومة، ما ردتش. حسن: أه، كنا صحاب في الجامعة. لو سمحت ممكن تسيبنا لوحدنا شوية. سامي: تمام. حسن وهو يمسك إيد ريتاج بحب: إيه مالك مصدومة ليه؟ أيوة أنا اللي اتقدمت لك يا ريتاج عشان بحبك. ريتاج بصدمة: بتحبني؟ هو إنت لحقت بتحبيني أصلًا؟ أنا بحلم، يمكن أكون بحلم. حسن: لا مش بتحلمي، أنا اتفقت مع عمك إن بكرة نكتب كتب الكتاب. ريتاج: طب معلش، ممكن تقول لعمي إن نخلي كتب الكتاب كمان شهر؟ حسن بحب: حاضر، من عيني.

ريتاج بكسوف: بجد، الحمد لله إني مش حد غريب، لاني كنت خايفة قوي. حسن باستغراب: خايفة؟ خايفة من إيه؟ هو مش عمك خد رأيك برده؟ ريتاج بحزن: لا، بس مش مهم دلوقتي، هبقى أحكي لك بعدين. حسن: تمام. في مكان آخر: ليل ومالك وملاك وصلوا المكان اللي الشخص قال لهم عليه، وكان عبارة عن بيت مهجور. ليل: ادينا وصلنا، يلا عشان نخبط. مالك: الباب مفتوح. ملاك بخوف: طب ما تيلا ندخل، إحنا مستنيين إيه؟

ليل مسك إيد ملاك بحب وخوف عليها ودخلوا، وانصدموا صدمة عمرهم من اللي شافوه...