رواية ملاك الليل الفصل الثاني 2 - بقلم ملك ابراهيم

ليل بخبث: إيه يا ملاك مش كنتي عايزة تروحي؟ ملاك بصدمة ودموع: أيوة كنت عايزة أروح بس حضرتك عرفت براتي. ليل بسخرية وبرود: لا يحلوة وبعدين أنا عارف أصلاً إنك بتحوري وإنك موتّي نور أختي عشان كده أنا عايزك وهاخد منك اللي أنا عايزه وهخليكي تشوفي جحيم عمرك ما شفتيه. ملاك بصت له بصدمة وعينيها كانت مليانة دموع وكانت عايزة تصوت وتعيط من جواها قوي على اللي هو بيقوله، وقالت بعصبية ودموع: هو أنت فاكرني إيه؟

أنا الحبس يكون أحسن من اللي أنت عايز تعمله ده وبعدين أنت مالكش حق تعمل معايا كده. ليل ببرود: ليه فاكرني هاخد ذنب في واحدة زيك؟ أنا هتجوزك عشان هيبقى ليا حق كده أتصرف زي ما أنا عايز يا أمورة. ملاك بعياط: حرام عليك اللي أنت بتعمله فيا ده، قلت لك أنا بريئة والله العظيم بريئة وما قتلتهاش. ليل ببرود: هاتي لي دليل واحد يثبت إنك بريئة وأنا هخرجك منها. ملاك بعياط: أجيب دليل منين؟

أنا مستعدة أحلف لك على المصحف إني بريئة بس ورحمة أختك يا أخي ما تتجوزنيش غصب عني وتعمل فيا كده. ليل ببرود: لا برافو بتعرفي تمثلي حلو قوي زي ما مثلتي على أختي كده إنك بتحبيها وبعدين قتلتها يا مجرمة. ملاك بعياط: والله العظيم بحبها وهي كانت صاحبتي الوحيدة، صدقني ما قتلتها، والله ما قتلتها. وخاطرهم دخول المأذون. ليل: يلا اكتب الكتاب يا حضرة المأذون عشان إحنا مستعجلين.

ملاك كانت عمالة تعيط جامد وما كانتش موافقة خالص إنها تتجوز ليل. الماذون لاحظ كده وقال: ما ينفعش الجواز غصب يا ليل بيه. ليل بعصبية: هتكتب ولا لأ؟ الماذون خاف من صوت ليل. حتى ملاك. ملاك كانت حاسة إنها كأنها أغمى عليها، وفقت على جملة: بارك الله لكم وبارك عليكم وجمع بينكما في خير. ملاك حسّت إن فيه جرد تلج اترش عليها في وشها، ما كانتش قادرة تستحمل. والماذون مشي من هنا وملاك اتفتحت في العياط ما اتقفلتش من هنا. ليل ببرود:

إيه يا عروسة مالك بتعيطي كده ليه؟ يلا بقى عشان نروح على بيتنا ولا إيه. ملاك بعياط وصوت عالي: أنت إيه ما عندكش دم؟ حرام عليك اللي أنت بتعمله ده، أنت مش حاسس بيا ولا حاسس بالنار اللي جوايا، حرام عليك بقى يا أخي، أنت ما بتحسش، حسبي الله ونعم الوكيل فيك. ليل اتعصب جامد ومسك ملاك من شعرها جامد وقال بعصبية: بقولك إيه يا بت انتي، أنتي هتسمعي الكلام اللي هقول لك عليه ولا أرجعك الحجز تاني يا حلوة وبرضو هعمل لك أوخس معاملة.

ملاك بدموع ووجع: ح…حا…ضر… خلاص.. أنا.. آسفة ..سيبني.. وليل سابها و قال: يلا بينا يا عروسة عشان نروح. ملاك بصت له عينيها كانت مليانة دموع وقالت: حاضر. ملاك راحت مع ليل البيت واتصدمت من اللي شافته.