رواية ملاك الليث الفصل الرابع والعشرون 24 - بقلم اسراء محمد

ليث اتصدم لما شاف ملاك واقعة على الأرض مضروبة على رأسها بتنزف جامد. في منديل مرمي على الأرض وآثار جزمة حد موجودة. ليث شالها ونزل بيها وحطها في العربية وساق بأقصى سرعة على المستشفى. في المستشفى ليث شايلها وقلبه خلاص قرب يقف، بيجري بيها في المستشفى: "أنا عايز أي حيوان يجي يشوف مراتي." دكتور: "اهدأ، إحنا مش في زريبة، إحنا في مستشفى ومستشفى كبيرة كمان وليها اسمها."

ليث بنرفزة من اللي قدامه بيديله محاضرة وسايب اللي في إيده بينزف. دكتور: "ثواني بس ناخد المدام ونطمنك عليها." ليث بعصبية: "لأ، عايزة دكتورة وحالاً." بعد فترة ليث أعصابه بدأت تفلت منه وممكن في ثانية كمان يفرقع المستشفى دي على اللي فيها. دكتورة: "ليث بيه." ليث: "ها؟ مالها؟ وقفتوا النزيف؟ دكتورة: "حضرتك هي كويسة وقدرنا نوقف النزيف.. بس." ليث: "بس إيه؟ انطقي."

دكتورة: "المدام حصلها تشوش في الذاكرة، يعني فقدان ذاكرة مؤقت لأن الوقعة كانت شديدة عليها." ليث: "إيه؟ فقدت الذاكرة؟ دكتورة: "متقلقش حضرتك، مؤقت بس الأهم إنت هتتعامل معاها إزاي. المريض بيكون في الحالة دي متتوقعش رد فعله. كل اللي بنطلبه منك تفكرها بس بالحاجات الحلوة اللي في حياتكم وأي سلبيات بلاش منها في الفترة دي، ممكن يحصل انتكاسة في أي وقت." ليث: "هي هتفوق إمتى؟ الدكتورة: "بعد ساعة إن شاء الله."

لؤي عرف وراحله على المستشفى. لؤي: "ها يا ليث فيها حاجة؟ ليث: "متقلقش، الحمد لله بس فقدت الذاكرة." لؤي: "لا إله إلا الله، ربنا يشفيها يارب." ليث: "متشكر يا دكتورة. ولما ملاك تفوق هابعت حد ينادي عليكي وتطمنيني عليها. تقدري تروحي تكملي شغلك." بعد شوية لؤي نزل الكافتيريا وبعد شوية طلع. لؤي: "ها فاقت؟ ليث: "لسه. عدى الساعة ومفقتش ودكتورة بتقول عادي، هاتفوق في أي وقت." لؤي: "طيب خير."

"ليث بيه، المدام فاقت تقدر تدخلها وأنا هانادي على دكتورة." ليث دخل على ملاك لقاها قاعدة بتعيط وماسكة راسها. ليث: "ملاك، إنتي تعبانة؟ ملاك: "إنت تعرفني؟ أنا مش فاكرة حاجة خالص." ليث قرب منها: "آه أعرفك. أنا ليث جوزك وإنتي ملاك مراتي." ملاك: "طيب إيه حصلي؟ ليه مش فاكرة حاجة؟ ليث: "اممم عشان اتخبطي خبطة جامدة جالك نزيف." (مرضيش يقولها تفاصيل عشان ميحصلهاش انتكاسة) "بس ده فقدان مؤقت يعني ممكن تفتكري في أي وقت."

ملاك: "مؤقت يعني في أمل أفتكر أنا مين؟ ليث: "طبعاً يا ملاكي. أنا وإنتي مع بعض هافكرك بكل حاجة. طيب إنتي عارفة إن إحنا عندنا بنوتة لسه صغيرة عندها شهر اسمها مليكة؟ ملاك بفرحة: "إيه ده بجد؟ أنا خلفت وعندي بنوتة؟ ليث بابتسامة: "آه يا ملاكي." ملاك: "عايزة أشوفها والنبي."

ليث: "لما الدكتورة تطمنا عليكي وتكتبلك على إذن خروج هنخرج من هنا على البيت. في ساندي أختي وملك وأخوها حمادة طيبين أوي وإنتي بتحبيهم أوي. وداليا بنت عمي وحسام جوزها وندي أختك." ملاك بابتسامة: "كمان أنا عندي أخت؟ ليث بابتسامة: "آه يا حبيبتي." لؤي دخل. ليث بابتسامة: "تعالى يا لؤي." ليث: "ده بقي يا ستي لؤي صاحبي." ملاك: "أهلاً وسهلاً." لؤي بابتسامة: "أهلاً."

ليث: "حبيبتي أنا هروح أشوف الحسابات وأشوف الدكتورة. تعالي معايا يا لؤي." وخرج بره هو ولؤي. ليث: "بص أنا هكلمهم في البيت وأفهمهم كل حاجة إن ملاك عايشة مامتش وأنها حصلها حادثة وفقدت الذاكرة وكده." لؤي: "ماشي. ومتقلقش الشرطة بتدور في الموضوع وهيروحوا الشقة ياخدوا البصمات وهنزود حراسات على البيت وكله تمام." ليث: "ماشي." وراح للدكتورة. الدكتورة كتبتله على إذن خروج وكلمهم في البيت فهمهم ودخل لملاك.

ليث: "الدكتورة كتبتلك على إذن خروج." ملاك: "بجد هخرج من هنا؟ ليث: "آه يلا." وسندها وخدها على العربية. ولؤي كان سبقه وراح على الفيلا. أول ما ملاك دخلت كلهم رحبوا بيها وحضنوها جامد. طبعاً كانوا فرحانين جداً لأنها عايشة مامتش، بس مش عايزين يبينوا ده قدام ملاك. ملاك شافت بنتها مليكة حست إحساس غريب أوي وحلو أوي. عدى اليوم عادي. الصبح ليث: "بالشفاء يا ملاكي." ملاك بابتسامة: "شكراً." ليث: "زي ما إنتي متغيرتيش." ملاك: "إزاي؟

مش فاهمة." ليث: "يعني بتتكسفي مني، بتقعدي تقوليلي شكراً وبتتكسفي مني وإنتي مخلفة مني." ملاك بخجل: "اممم." ليث: "أهو شفتي وشك كله بقى فراولة." ملاك: "خلاص بقي." ملاك: "أنا بتكسف منك جداً. طيب قولي أول مرة شوفتك فين وإمتى وكان شكلي عامل إزاي؟ ليث اتوتر: "أول مرة شوفتك عندي في الشركة كنتي جاية تقدمي على شغل." ليث: "كنتي جميلة أوي زي دلوقتي. إنتي طول عمرك أصلاً جميلة يا ملاكي."

ملاك: "طيب وإنت حبيبتني إمتى وأنا اتجوزتك إزاي؟ ليث قرب منها ومسك وشها بين إيديه: "أول مرة شوفتك خطفتي قلبي." ملاك: "بجد؟ ليث: "وأكتر كمان." ملاك: "طيب فين مثلاً أمي، أبويا، أخويا، كدا؟ أنا لما فوقت مشوفتش إلا إنت وصاحبك وأختك وأختي وملك وداليا والدادة. فين بقي بابايا، أنا وندي، وإحنا ملناش أخوات وأهل ولا إيه؟ ليث: "احم." مامتك وباباك متوفيين. ملاك عيونها كلها دموع: يعني أنا ماليش أهل؟ أنا واختي مالناش حد؟

ليث: أمال أنا فين يا ملاكي؟ أنا معاكي أهو. ملاك في الوقت دا عيطت جامد، حسيت قد إيه هي وحيدة: يعني مالناش حد في الدنيا ليه كدة؟ ليث خدها في حضنه: حبيبتي يا ملاك، أنا أبوكي وأخوكي وأمك وكل حاجة في حياتك. أنا أهلك وأنتي أهلي يا ملاكي. ملاك حضنته لأنها حست في حضنه بالأمان، وكمان ريحته مش غريبة عليها، كأنها عارفاها وكانت بتحبها: ربنا يخليك ليا يا ليث.

ليث: حبيبتي، أنا لازم النهارده أروح مشوار، معلش هسيبك. اقعدي مع ساندي وملك وندي. وداليا هتيجي، ماشي يا حبيبتي؟ ملاك: ماشي. ملاك فضلت قاعدة معاهم. ليث جه ولؤي جه معاه. لؤي: حمد الله على سلامتك يا ملاك. ليث ضغط على رجله: مدام ملاك يا حيوان. لؤي: احم، أقصد مدام ملاك. ملاك: الله يسلمك يا أستاذ لؤي. ليث قرب منها وكلمها بصوت واطي وغيره: بصي، متقوليش حاجة خالص، متوجهيش كلام ليه أصلاً يا ملاكي.

ملاك: لا هكلمه، مكلموش ليه يعني؟ ليث بحدة وصوته واطي: ملاك مالك في إيه؟ كل ما أقول كلمة تقولي لا. من وقت ما وقعتي انتي بقيتي كده ليه وبتقولي لا على طول؟ ملاك بنفس طريقته: وأنا من وقت ما فقت وانت بتقولي متكلميش ومتعمليش ومالكيش دعوة بحد. كلميني أنا وبصيلي أنا. ليث بضيق: متكلمنيش ومتبصليش وملكيش دعوة بيا وبراحتك. ملاك: هو انت زعلت؟ ليث بضيق وغيره: لا. ملاك: لا انت زعلت واتقمصت مني بردوا؟

طيب بص براحة عليا، أنا أصلاً مش فاكرة قبل ما أقع كنت إزاي ولا بتعامل إزاي يا ليث. ليث: كنتي حبيبتي ولسه حبيبتي يا ملاكي. لؤي: ما خلاص بقى يا ليث، بقالكوا ساعة بتتكلموا بصوت واطي وأنا مركز معاكوا أوي بصراحة. هههههههههههه. لؤي مشي بعد شوية صغيرة. عند ملاك وليث. ملاك: طيب أنا مش عارفة أتصرف. احم، ممكن نبقى زي المخطوبين مؤقتاً لغاية ما آخد على الوضع بس. ليث: مخطوبين؟ مخطوبين؟ إحنا تحت أمرك. هو أنا عندي كام ملاك؟

وحضنها، وهي اتكسفت بس بادلته الحضن. فالبيت ملاك قاعدة مع داليا. ملاك: طيب أنا كنت عايزة أسألك سؤال. داليا: اسألي يا حبيبتي. ملاك: هو أنا وليث كنا بنحب بعض؟ داليا: أه. ملاك: أمال ليه أنا بتكسف منه كده؟ بتوتر منه ومن نظراته، قربه مني. داليا: طبيعي يا حبيبتي، لازم تبقى كده. انتي فاقدة الذاكرة ودي حاجة مش سهلة أبداً، بس انتي خدي عليه واتجرأي كده يا ملاك يا حبيبتي. ملاك: طب أعمل إيه؟

ساعديني، أنا حاسة إني تايهة ومش فاهمة حاجة. بتكسف أتكلم معاه مع إنه متفاهم أوي. داليا: متخافيش، انتي بس وخليكي معايا وأنا هظبطك. بس انتي فكي كده، انتي متخشبة كده ليه؟ انتي مكنتيش كده يا ملاك، انتي كنتي فرفوشة خالص. ملاك: حاضر. داليا: بس أول ما ييجي اعملي كده وخليكي ناصحة كده. ههه، وغمزت. ملاك بكسوف: حاضر. عند لؤي وأميرة. لؤي كان داخل الأوضة سمع أميرة وهي بتتكلم. أميرة: بحبك يا روحي. لؤي بزعيق: أميرة بتكلمي مين؟