رواية ملاك بين الوحوش الفصل السادس عشر 16 - بقلم سارة بكري

يا عيب الشوم أنت هتتجوز مريم. لاه مريم ما عاوزانيش ياما وأنا رايد بت عمي. جولت أيه يا عمي؟ فتحي ما صدق إن فارس هيصرف نظره عن مريم عشان يجوزها لعاصم ابنه، فقال: يبني أنا مش هلاقي أحسن منك ولا إيه يا أم عاصم. أيوه يا حج اللي تشوفه.. فارس كيف ابني وهحبه. مبروك يا خوي.. مبروك يا ولدي. الله يبارك فيك يا بوي.. هنكتب الكتاب مته؟ الاه مالك يا واد مستعجل كده.. شوفيه يا أم فارس ولدك دايب خالصة. معلش ما أنا مخلفة شوية هطل.

فهمتي بقا يا مريم اللي حصل.. ده كل اللي عمله حليم الحيوان خد شرفي واغتصبني. أدهم فين يا أسماء.. أنا عاوزة أدهم. اه صحيح سبتي أدهم ليه.. إيه اللي حصل بينكم؟ فارس مقاليش. مش فاكرة حاجة.. عاوزة جوزي يا أسماء جوزي اللي حرمتوني منه. أنا مستعدة أكتبلكوا كل أملاكي حالاً. فتحي دخل عليهم الأوضة فأسماء اتخضت وخافت ليأكون فارس قاله. مالك يابت كأنك شفتي عفريت. معلش يابا اتخضيت.

خلاص يا مضروبة هتتجوزي.. فارس متقدملك وهنحدد كتب الكتاب أيه رأيك. فارس اتقدملي أنا؟ أنت هتقول أيه يابا. كأنك متعرفيش إياكي يعني ملمحلكيش وانتوا في السكة. لأ ملمحليش. طب قولي رأيك يلا موافقة نكتب الكتاب الخميس الجاي. مريم كل ده قاعدة لوحدها كأنها في عالم تاني وعمالة تقول: أدهم. الشورة شورتك يابا. مبروك يا بتي. وإنتي يا مريم جهزي حالك يابتي عشان هتطلقي يوم كتب الكتاب.

عند أدهم في المستشفى. الدكتور خرج لقى صفية كانت بتعيط جامد ومرعوبة على بنتها. طمنّي يا دكتور أبوس إيدك بنتي عايشة؟ حالة البنت مستقرة إلى حد ما. أما حالة الراجل ميؤوس منها بين الحياة والموت. مش مهم المهم خلي بالك من بنتي يا دكتور.. أنا مليش غيرها. مرت أيام وأيام وأدهم دخل في غيبوبة الله أعلم هيصحى منها ولا لأ. أما رغدة فاقت بس كان عندها كسور كتيرة أدت لشلل في الجزء اللي تحت.

ده ذنب مريم يا ماما.. اللي عملناه فيها مش قليل. متئوليش كده يا بنتي انتي كنتي عاوزة تضمني أدهم.. هيا اللي تستاهل عشان خدته مني. لا يا ماما أحنا حطينا مبرر أقوى من ذنب.. عملنا كتير فيها.. اتهمناها في شرفها وبوظنا مخها أحنا السبب في كل حاجة حصلت.. أنا عاوزة أشوف مريم يا ماما. فارس جاه وأخدها.. إنتي لازم تستغلي الفرصة دي متيأسيش هتعملي عملية وتخفي وأدهم هيرجعلك يا حبيبتي.

الدكتور قال إن مفيش عمليات. أنا خلاص هعيش طول عمري عاجزة يا ماما.. عشان دبرت الأذى لمريم الأذى جاه فيا. يلا يا بنتي نروح يلا يا حبيبتي. لا لازم أخليها تسامحني يا ماما. عند مريم البيت كله كان بيستعد وفرح كبير اتنصب في نص البلد وكتب الكتاب تم. فارس مشافش أسماء خالص هو كتب عليها وبس. هنعامل إيه في مريم؟ لازم تتطلقي. البت متجوزة يا فتحي هنطلقها كيف؟ وبعدين ابني فارس علم إن أدهم في المستشفى وحالته صعبة. يعني ممكن يموت.

معرفش يا فتحي. ملهوف جوي. ووجت ما كانت هتتجوز ولدي كنت أقول حرام.. رايح فين يا فارس؟ طالع صالة الحريم أشوف مرتي. فارس راح هناك وقال لمامته تندهله مريم مش أسماء. وبالفعل مريم اللي خرجت لابسة أسود في أسود. يا ساتر يا رب إيه اللي لابسة دا. أحب على إيدك يا فارس عاوزة أشوف جوزي.. اتوحشني جوي. رغم إني ما أحبوش بس سألتلك عنه.. أدهم في العناية المركزة عيقولوا حالته صعبة جوي.

أنا السبب.. قتلته بإيدي.. قتلت حبيبي بإيدي.. أنا اللي قتلت أبوك يا بني. نعم يا مريم. ساعدني مرة واحدة عاوزة أشوف أدهم. مفيش مرواح في مكان. إنتي خلاص هتتجوزي ولدي.. فارس خد مرتك واطلع كلنا مستنينك يا ولدي. وإنتي يا بت حسك عينك أشوفك عتتكلمي عنه فاهمة. فارس راح خد مراته فعلاً وطلع أوضته. أسماء كانت متوترة أوي. لأني اتجوزتيني يا فارس وأنت عارف كويس إني مش بنت. مزاجي عاوز أتجوزك واتجوزتك. عاوز أعذبك شوية عشان تدوقي المر.

أنا مش ذنبي حاجة وبعدين أنت مالك أصلاً. مالي؟ إني جوزك يعني مالي وحالي كله صح ولا أي يا جطة. يلا يا ولدي مستنينك. فارس بصلها وقرب وهي خافت منه يعملها حاجة وسحب سكينة وغرزها في كتفها فصرخت بقوة. اااااه. فارس مسح إيدها بمنديل وخرجه لأبوه وهما احتفلوا. عند الباب بيخبط. طيب طيب جاي.. سارة؟ سارة ميلت على الباب وقالت: أنا موافقة نكمل يا علي. إنتي بتتكلمي جد يا سارة.. وإيه اللي غير رأيك كده؟ طب مش هتدخلني؟

مفيش كل الحكاية اقتنعت إني مليش غيرك يشيل معايا مسئولية الفلوس دي كلها!! الغريب بقا إزاي محمد كتب توكيل ليكي مش ليارا. عقلي هيقف مش قادر أستوعب إن محمد يموت بالسهولة دي. الجثة مش جثته. بس سيبك من كل دا أهم حاجة إننا هنكمل سوا. وخدها في حضنه بس هي غرزت إبرة في رقبته أفقدته الوعي. أنت وأمثالك لازم تموتوا.. أنا بكرهك. سارة نفذت كل اللي محمد قالولها ورميت عليه بنزين وولعت في الشقة كلها وهربت. محمد.

ودخلت القصر اللي عايش فيه في الواحات كان مفيش حراسة فدخلت بسرعة. محمد.. محمد أنت فين؟ أنا قتلت علي يا محمد. ملقتش حد في القصر كله بس لقيت ورقة وفوقيها مسدس. بدأت تقرأ الورقة.

هاي سارة حقيقي هتتوحشيني أوي. أنا نزلت مصر مخصوص عشان أخد حق أختي وأقتل علي. بس أن جينا للحق علي مقتلهاش. علي خدعها بحبه وهو مبيحبهاش. الحدوتة اللي قولتهالك كنت بخدعك عشان تقتليه. كان ممكن أبعت واحد من رجالي يقتله بس.. اخترت يموت على إيد.. مر..اته. صرخت بانهيار شديد وفي دقايق البوليس حاصر كل المكان. مطلوب القبض عليكي.. بتهمة حرق جوزك. لا أنا مظلومة.. مظلومة. يلا يا روح أمك إنتي تستاهلي الشنق. بعد مرور شهر. الدكتورة

خرجت من عند أسماء وقالت: مبروك المدام حامل. حبلة!! يابت ال... دخلها ووسط فرحة الكل قال: بعد إذنك يا خالة عاوز مرتي لوحدينا. الكل خرج وأسماء اتوترة: مالك يا فارس مكنتش عاوزني أبقى حامل.. مكنتش عاوز تبقى أب ولا مش عاوز طفل مني. ضربها قلم جامد وهي وقعت عالأرض: ابني يا كدابة يا ***. ده ابنك يا فارس مالك؟ والله ابنك. ضربها كتير وهي بتصرخ لحد ما ساحت في دمها. خرج وسابها ضعيفة لا حول ليها ولا قوة. أطلع يا أسطى على مصر.

إنتي هربانة ولا حاجة. هربانة.. لأ طبعاً يلا بقا أنت هتتكلم كتير أطلع بسرعة. فلاش باك. مريم أبوي وعمي ناوين يقتلوا أدهم. أنا هساعدك تهربى وتروحي له يا مريم غير كده أنا مليش دعوة تمام. حاضر أبوس إيدك ألحقه يا فارس. باك. مريم وصلت بعد ساعات المستشفى. وفي نفس الوقت يونس وفتحي دخلوا متنكرين. يلا يا خوي مجدمناش وجت نقتلوا. فتحي شال الأجهزة اللي عليه. وفي الوقت دا أدهم صدره بيترفع لفوق. أدهم.. أدهم أنت شايفني.

أدهم الرؤية كانت مشوشة بالنسبة له شايف مريم والدكتور بينعش قلبه. وسامع صوتها بتقول: هو كويس يا دكتور هيفوق طمنّي. الحمد لله إننا لحقناه ده بفضل ربنا ثم إنتي. أدهم حس بيها بتمسك إيده وبتقول: إنتي كويسة يا حبيبي.. فوق بقا أحنا خايفين عليك أوي. إنتي كويسة.. هما عملولك إيه. هما مين؟ عمامك. إيه اللي دخل عمامي؟ أنت بتعرف. قوم بقا يا يوسف يوسف. بتنادي على الزفت ده ليه؟ هو مش اتسجن. هو مين ده؟

أنا بنادي على يوسف ابننا.. أنت غريب أوي يا أدهم. جاه طفل صغير وجرا على أدهم: بابي وحشتني أوي أوي.. أنا وماما استنيناك كتير. مين دا؟ مش إنتي المفروض حامل وعمامك جم يقتلوني. يااه عمامي؟ أنت لسة فاكرهم دول ماتوا من زمان.. استنى اتصل بمحمد أقوله إنك فقت ده كان هيتجنن عليك وهقول ليارا بالمرة. محمد مش محمد هرب برا مصر ويارا.. يارا ماتت وجات بنت اسمها سارة تتقمص شخصيتها.

لأه ده أنت بتعرف خالص.. الو يا محمد تعالى أدهم فاق.. أه والله. واتصل بيارا وعلي يجوا هما كمان. أنا مش فاهم حاجة؟ ممكن تفهميني. أدهم يا حبيبي مالك. إنتي مش مجنونة وأخت مي اللي كانت مراتى وماتت. مجنونة إيه يا ابن المجانين.. استغفر الله العظيم عصبتني. أنا أه أخت مي الله يرحمها وأنت اتجوزتني بعدها عشان كنا بنحب بعض عادي. يعني مفيش فارس ابن عمك اللي ضرب أسماء وسقطها. تف من خشمك يا شيخ.. أنا أضرب مراتي. تعالي يا أسماء.

أسماء كانت حامل وبطنها منفوخة وفارس مسندها. انتوا اتجوزتوا بعض ليه. ضحك عليا والله يا دكتور أدهم.. جالي بيحبني وطلع كداب أول ما بطني كبرت شوية لجيته جلب. دي الحاجة الوحيدة اللي صح. وحشتني أوي. يوسف ابنه حضنه ونام جنبه. أدهم بص له وقال: ده نسخة مني.. مكنتش أتوقع إن كل دا يكون حلم.. هو أنا حصلي إيه.

اتخانقنا وأنت طلعت عشان تروح الشغل وعملت حادثة بس الحمد لله يا حبيبي انت كويس مش مصدقة إنك في وسطنا.. عمري ما هزعلك أبداً. ياختي إيه المحن ده.. أوعي ياختي أحضن أخويا. إنتي بجد عايشة يعني إنتي مش سارة وحرقتي على جوزك. والله شكلها هتعملها قريب دي بقت مجرمة أوي يا أدهم.. حسبى الله ونعم الوكيل. و محمد عذبني أوي عشان اتجوزها. وانت ومحمد بتتكلموا مش كنتوا مبطيقوش بعض. والله أنت ما جبت حاجة من عندك أنا فعلا مش بطيقك.

يعني أنا اللي واقع في دبادييك.. ما تشوفوا يا أدهم. أنا عاوز أمشي من هنا أنتوا كتير كده. الدكتور قال تروح في أي وقت.. لو عاوز نروح يلا. وفعلاً طلع معاهم وهما في العربية محمد كان سايق ومريم نامت على كتفه وقالت: بحبك. من امتى؟ من زمان أوي من قبل ما مي تشوفك كنت أنا بحبك. وأنا كنت بحبك ولا بحب مي. كنت بتحبني كان لازم أسكت عشان مي كانت بتحبك أوي قولتلك إني بحب فارس. مش هتحبي حد غيري فاهمة.. حاسس إني عاوز أعوضك أوي.

يا عم مالكم أنت اتقلبت قيس كده. أدهم طول عمره رومانسي ملكش دعوة أنت. وادانك معانا أنت.. وبعدين خد هنا أنت بتشتغل إيه. مالك يا أدهم؟ أنا عندي شركتي ورجل أعمال قد الدنيا على الله بس رغدة تحن. هيا رغدة كانت بتحبني حاجة زي كده. لأ رغدة اللي ساعدتني عشان أعترفلك بحبي وساعدتني أكون مراتك.. أصل الموضوع كان صعب. كل الحكاية إنها بتحب أخوك بس هو عرف بنت عليها فبتتقل عليه وكده. إنتي لو عرفتي أنا حلمت بإيه.. هتتفاجئي.

حلمت بإيه.. احكيلي. أخدها في حضنه ورجعوا بيتهم وبعدها حكالها بس هي ضحكت ضحكة مبهمة وغير مفهومة. في اليوم ده أدهم كان واخد مريم في حضنه ونايمين. أقولك اتعرفت عليك فين.. كنت وقتها في ثانوية ورايحة لمي وقتها كانت مي طالبتك.. أول نظرة كانت فيها مشاعر كتير حسيتك وحبيتك من نظرة واحدة.. مكنتش أتخيل أني هكون في حضنك كده وأجيب منك يوسف. مريم هو أنا عندي صاحب اسمه يوسف. ل.. لاء. أحنا هنقضيها نفتكر خلينا في الجديد. أدهم

جاتله مكالمة ورد عليها: الو مين معايا. صوت حد بيستنجد: أدهم أدهم ألحقني هيجوزوني عاصم.. ألحقني يا أدهم. وتظل الحقيقة غيرت مفهومة لأدهم. أدهم من بعد الرسالة دي قرر يعيش حياته مع مريم وتجاهل كل شئ وكانت حياتهم مستقرة وجميلة أوي.