رواية ملاك في عالم الشياطين الفصل الرابع والثلاثون 34 - بقلم وردة

مليكه / فهد مش هقدر. فهد بيضغط على كف إيده بقوة وغضب شديد من رفضها. مليكه بتمسك دراع فهد. مليكه / فهد استنى، خليك أرجوك. فهد / تعالي معايا. مليكه / مش هقدر، ده بابا. فهد / وإنتي مراتي وأم ابني، خلينا نروح من هنا. مليكه بترجع خطوتين وبتعيط أوي. فهد بيخرج من باب الشقة. مليكه بتنهار من العياط وتروح على أوضتها. نسمة بتروح وراها بسرعة. *** في الصباح. مليكه طول الليل مش عارفة تنام.

جمال بيدخل الأوضة وبيشوف مليكه قاعدة على السرير. مليكه بتمسح دموعها بسرعة. جمال / صباح الخير. مليكه / صباح الخير يا بابا. جمال بيقرب منها ومعاه كوباية لبن وفطاير سخنة. مليكه / تعبت حضرتك ليه. جمال / تعبك انتي وأختك راحة يا قلبي. مليكه / ربنا يخليك ليا. جمال / من قلبك. مليكه بتبص لوالدها بحزن. مليكه / بابا، انت إزاي تفكر إني... جمال / هشش، بهزر معاكي خلاص، متزعليش أوي كده.

جمال / يلا علشان تفطري، وكمان لازم تاخدي الأدوية. مليكه / مليش نفس. جمال / ولو قولتلك علشان خاطري أنا. مليكه بتعيط. جمال بيبعد الأكل عن مليكه وبيخدها في حضنه. جمال / خليكي متأكدة إن أنا بعمل كل حاجة علشانك انتي. مليكه / بابا، أنا عارفة، بس هو مستعد يتغير علشاني. جمال / وأنا مقدرش أرميكي في النار وأقول يمكن يا بنتي. مليكه / بابا، أرجوك افهمني، ده جوزي وأبو ابني.

جمال / ده مش جوزك يا مليكه، ولو على ورقة الجواز دي، أنا مستحيل أعترف بيها أبداً. يمكن في القانون فعلاً جوزك، لكن أنا مستحيل أعترف بيها أبداً. مليكه / بابا، أرجوك. جمال / أرجوكي انتي افهميني وبلاش توجعي قلبي أكتر من كده. أنا هسيبك شوية، هروح أصلي ركعتين الصبح وهاجي تكوني خلصتي الأكل ده وكوباية اللبن كلها. مليكه بتهز راسها بنعم. نسمة بتكون صاحية وسمعة كل حاجة. نسمة / مليكه، بابا خايف عليكي. ***

مليكه بتروح على البلكونة وبتعيط أوي. فهد / الجو برد عليكي. مليكه بتتفزع وبتشوف فهد قدامها في البلكونة اللي جنبها بتاعت شقة سعد. مليكه بتمسح دموعها وبتبصله بصدمة. مليكه / انت... انت هنا إزاي؟ دخلت هنا. فهد / بالعقد ده، بيقول إن الشقة دي ملكي أنا. مليكه / انت عملت إيه في سعد. فهد / أنا... أبداً، هو شخص محترم وكان متفاهم جدا معايا، ولما عرف إنك مراتي وأنا محتاج الشقة علشان أكون جنبك، وافق على بيع الشقة عادي خالص.

مليكه / بس أنا شاكة فيك. فهد / أنا؟ مليكه / فهد، أوعى تكون... فهد / أبداً. مليكه / وحشتني. فهد / عارف. مليكه / بارد. مليكه بتشهق ومن اللي شافته إن فهد بينط من البلكونة بتاعته على البلكونة بتاعت شقة مليكه. مليكه / انت مجنون! انت إزاي تعمل كده؟ كان ممكن... فهد / هششش. نسمة بتدخل البلكونة. نسمة / انت دخلت هنا إزاي؟ ده لو بابا شافك... مليكه / نسمة بليز.

نسمة / هروح أعطل بابا، هقوله إنك مانمتيش طول الليل، وإنك نمتي وبلاش نقلقك كمان. مليكه بتبتسم لنسمة أوي. نسمة بتخرج من الأوضة. فهد / إنتي كويسة. مليكه بتهز راسها بلا. بتقرب منه بهدوء وبتلف دراعها حوالين خصره وبتضمه أوي. فهد فجأة بيشيل مليكه في حضنه وبيدخل بيها من الأوضة وبيحطها على السرير بحنية وبينام جنبها وبيسحبها في حضنه. مليكه / أنا خايفة أوي. فهد / طول ما أنا جنبك متخفيش من أي حاجة أبداً.

مليكه بتغمض عيونها وبتلف دراعها حوالين خصره أكتر وبتنام وبتروح في النوم بسرعة جدا. *** في أمريكا. كنان بيوصل القصر وبيشوف الحراسة اللي على القصر مقتولين والدم في كل مكان. بيطلع السلاح بتاعه بسرعة وبيتسحب وبيدخل القصر وقلبه بيدق بسرعة جدا من الخوف. بيشوف واحدة من الخدم مقتولة على السلم. وبيجرى بسرعة على أوضة الأولاد. مفيش حد، أوضة لارا وجاك ومفيش حد. ولسه هيدخل أوضة مراد وبيفاجأ بمراد قدامه وموجه السلاح في اتجاه كنان.

كنان بيبصله بصدمة. مراد / أخيراً عشت وشفت كنان باشا بيخاف. لارا من ورا مراد بتصرخ. لارا / كنان. ولارا معاها أنين وجاك وبيجروا على كنان بسرعة. كنان بيضمهم أوي. كنان / إنتوا بخير؟ في حد حصل له حاجة. لارا بعياط / لا، لولا مراد كان كان... ولارا بتعيط وكنان بيضمها أوي لحضنه. أنين / بابي، مراد ضرب الناس الشريرة كلهم، هو بطل زيك يا بابي. كنان / شكراً يا مراد. مراد / ومن امتى قصر الفهد زبالة زي دول يقدروا يدخلوه.

كنان / هعرف الموضوع ده. مراد / باقي الحراس اللي عايشين، بعتهم لأوضة التعذيب، ويا ريت تشوف شغلك كويس. كنان / أكيد، مش انت اللي هتعرفني شغلي. مراد بيبتسم لـ كنان وبيدخل أوضته. كنان / لارا، خدي الأولاد وروحي الأوضة، متخافيش. لارا / لا، متسبناش لوحدنا. كنان / لارا، أنا هنا، قولتلك متخافيش. ولارا بتاخد الأولاد وبتروح على الأوضة. *** كنان بينزل لأوضة التعذيب والحراس واقفين صف قدامه وعيونهم على الأرض.

كنان / أنا اللي مجمعكم من الشارع واحد واحد، وأنا برضو اللي خليتكم تعيشوا عيشة مكنتوش تحلموا بيها، بس فيه خيانة. الكل ساكت مبيتكلمش. كنان / مين الخاين فيكم. الكل ساكت مبيتكلموش. كنان / أوكي، يبقى الكل يطلع سلاحه ويعاقب نفسه بنفسه بدل ما أنا اللي أعاقبكم بنفسي، وساعتها هتتمنوا الموت فعلاً. الحراس باين عليهم الخوف. كنان / قدامكم دقيقتين، والخاين يظهر هنا قدامي.

كنان واقف قدامهم وبعد دقيقة واحدة بيتقدم حارس من الحراس وبيترعش من الخوف. كنان بيقرب منه وبيطبطب على كتف الحارس وبيحس برعشة جسمه. كنان بيبتسم أوي. كنان / مين اللي عمل كده. الحارس / صهيب باشا، بس غصب عني، هددوني إنهم يقتلوا بنتي. وفجأة كنان بيطلع سلاح أبيض من جيب الجاكيت بتاعه وبيدبح الحارس قدام زميله. الكل بيتفزع بخوف. كنان بيخرج من أوضة التعذيب. *** في مصر.

مليكه نايمة على صدر فهد، وفهد بيلعب شعرها بحنية وبيتأمل ملامحها. وبلمس شفايفها بإيده وبيبتسم أوي. مليكه بتفتح عيونها. فهد / ملاكي. مليكه بتتنهد أوي وبترفع إيديها وبتملس على خده بحنية. مليكه / انت وسيم أوي. فهد بيمشي صباعه على شفايفها وبيسحبها أكتر، بيرفعها على صدره. مليكه / فه... فهد بيلتهم شفايفها بقبلة طويلة. مليكه بتتفاعل معاه بمشاعرها. وبيبعد عنها لما بيحس إنها محتاجة لأكسجين. مليكه / انت مجنون.

فهد بيهز راسه بنعم. مليكه بتضحك وبتحط راسها على مكان قلبه وبتسمع ضربات قلبه. فهد بيضمها أوي وبيتنهد. وباب الأوضة بيخبط. مليكه بتبعد عن فهد بسرعة وبتروح تفتح الباب. نسمة / مش قادرة أمنع بابا أكتر من كده، قلقان عليكي، عاوز ييجي يطمن عليكي. مليكه / ماشي. مليكه بتروح على فهد اللي لسه نايم على السرير زي ما هو. مليكه / يلا بسرعة من هنا، اهرب يلا. فهد / الفهد مبيهربش أبداً.

مليكه / بطل البرود بتاعك ده واتحرك يلا، روح من هنا. فهد / لأ... مليكه بتمسك بطنها وبتتألم. فهد / مليكه. مليكه / آآآه، شايف ده كله من العصبية، انت مش هترتاح غير لما تجيب أجلي أنا وابني. فهد / خلاص همشي، إنتي ارتاحي، ماشي، وهبقى أطمن عليكي. مليكه / ماشي، بس يلا روح. مليكه بتدفع فهد على البلكونة. مليكه / انت هتنط إزاي. فهد مبيردش عليها وبينط من البلكونة بتاعتها للبلكونة بتاعته بكل رشاقة وخفة.

مليكه بتبصله بذهول وبتدخل بسرعة وبتنام على السرير. وبيدخل جمال الأوضة وبيسيب على البلكونة وبيسيب على مليكه. وبيروح على مليكه وهي نايمة وبيسيب جبينها وبيغطيها كويس وبيخرج من الأوضة. *** بعد شهر. جمال رافض أي تدخل من فهد في حياة مليكه ولا حتى وجوده قريب منها. نسمة بتدخل من باب الشقة. نسمة / مليكه، مليكه. مليكه / أووف، إيه يا بنتي الهيصة دي كلها. نسمة / اتفضلي، دي كل المحاضرات بتاعتك.

مليكه / معلش تعباكي معايا يا نسمة يا قمر. نسمة / مليكه، هو ريان ده تعرفيه كويس يعني. مليكه / جداً. نسمة / أصلو إنسان غريب أوي. مليكه / ليه بتقولي كده. نسمة / وأنا خارجة من الجامعة كان فيه اتنين بيستظرفوا نفسهم وكانوا بيعاكسوني يعني، كلمتين كده، فجأة ظهر قدامي ونزل ضرب فيهم، بصراحة صعبوا عليا جدا، مكنتش أعرف إنه عصبي كده ولا بالقوة دي. مليكه / لا، خدي من ده كتير، ومش بعيد فجأة يتقلب للرجل الأخضر. نسمة / ظريفة أوي.

مليكه بتضحك. نسمة / وهو بيشتغل إيه مع جوزك. مليكه / لا، شغلانة بسيطة جداً، عادي يعني، بيقولوا إنه خبير متفجرات. نسمة / سكينة بتتخض. مليكه / يعني بيكون مسؤول عن الأسلحة والحاجات دي. نسمة / ياساتر، قدرتي تعيشي وسطهم سنة إزاي. مليكه / كانت من أصعب أيام حياتي، بس اللي عشته هناك من وجع وحزن وتعب بيهون عليا دلوقتي باللي أنا حاسة بيه. نسمة / مش هتندمي. مليكه / ممكن. نسمة / وليه متماسكة.

مليكه / متمسكة عشان لحظة واحدة، لحظة عندي بالدنيا كله. نسمة بتسكت وبتسرح بتفكرها. مليكه بتقرب منها وبتمسك إيديها. مليكه / حبيبتي، إنتي كويسة. نسمة / تفتكري يوسف كان بيحبني فعلاً. مليكه بحزن / مش عارفة. نسمة / مكنش بيحبني يا مليكه، أنا كنت مجرد عروسة لعبة هو صنعها بإيده وفضل يكبرها بإيده لحد ما املكها، بس للأسف هو كان فاكر إنها مش هتقول آه. نسمة دموعها بتنزل. مليكه بتحضنها أوي وبتملس على شعرها بحنية.

نسمة / بس أنا مبسوطة على اللي عمله جوزك فيا. مليكه / مبسوطة، ده لما ريان قالي إن فهد خلاه يمشي في الشارع من غير هدوم، أنا كنت هتجنن، يعني لو كان ضربه ولا حتى قتله كان هيكون أهون. نسمة / إنتي مش عارفة أنا كنت حاسة بإيه وهو بيهجم عليا ولما كنت بدافع عن شرفي وجسمي كان بيضربني يا مليكه، لو ريان اتأخر عليا، أنا، أنا كنت موت يا مليكه، إنتي مش هتقدري تحسي باللي أنا كنت حاسة بيه. مليكه / مفيش حد أكتر مني هيحس بيكي.

وبيدخل جمال البيت ومعاه شنط كتير. نسمة ومليكه بيروحوا عليه بسرعة. مليكه / إيه ده كله يا بابا. جمال / عديت على السوبر ماركت جبت شوية حاجات. نسمة / ربنا يخليك لينا يا أحن أب في الدنيا. جمال / نسمة، أنا جبتلك الشوكولاتة اللي إنتي بتحبيها عندك في الشنطة، بس متخلصيهاش في يوم واحد، ماشي. نسمة / حاضر، يومين كويس. جمال ومليكه بيضحكوا عليها. جمال / وإنتي يا حبيبتي مش نفسك في حاجة أجبهالك. مليكه / أول...

مليكه هتتكلم والباب بيخبط. مليكه بتروح تفتح الباب. مليكه / ريان، تعال ادخل. ريان بيدخل ومعاه صندوق. جمال / وده إيه اللي جابه هنا. ريان / النصيب يا حاج. مليكه / بابا، ده ضيف برضه. ريان / اتفضلي يا ستي، التنين اللي إنتي عايزاه. مليكه بتاخد الصندوق وبتفتحه وبتتفاجأ بفاكهة التنين الأحمر اللي بتتوحم عليها. ريان / الفاكهة دي مبتتزرعش غير في المكسيك، ومنه لله بقي، قالي مترجعش من غيرها، سافرت جبتهالك وجيت. مليكه بتضحك أوي.

جمال / وليه مقولتليش يا مليكه. مليكه / بابا يا حبيبي، أنا شربتها مرة في كافيه هنا وعجبتني جداً، يعني وكل شوية أشم ريحتها بس. جمال بيبص لريان باستغراب. ريان عيونه على الشقة يمين وشمال. جمال / وانت بتدور على إيه. ريان / عطشان. جمال / نسمة، هاتي كوباية مياه. نسمة بتخرج من المطبخ وفي إيديها الشمال المياه، وإيديها اليمين شوكولاتة بتاكل فيها، وفيه شوكولاتة على خدها. نسمة بتبص لريان بصدمة، مكنتش عارفة إنه موجود.

وبتكثف أوي وبتخبي الشوكولاتة ورا ضهرها بسرعة. ريان بيقرب منها وبياخد منها المياه وبيشاور لها على مناخيرها. نسمة بترفع إيديها على مناخيرها وبتمسحها بسرعة وبتهرب من قدامه وبتروح على أوضتها. ريان بيضحك. مليكه بتضرب ريان على ضهره. ريان / آآآه، إيه العيلة الفصيلة دي. مليكه / شيل عينك من على أختي. ريان / أصلها حلوة أوي. مليكه / أوكي، هقول لفهد إنك بتقولي إنها حلوة أوي. ريان / أنا بقول عليها هي، وهو أنا جيت جمبها.

مليكه / اثبت بقى. ريان / ماشي. مليكه / بتعملي كده في أخوكي. ريان / إنتي صدقتي ولا إيه، يلا يا بابا من هنا. ريان / أنا شامم ريحة طعمية، هاتي واحدة. مليكه / إيه، عاوز تبوسني. ريان بيبصلها بفزع وبيجري وبيخرج من الشقة بسرعة. مليكه بتضحك أوي عليه وبتدخل أوضتها وبتشوف نسمة على السرير بتاكل في الشوكولاتة. مليكه / يا بنتي، إنتي كبرتي على الشوكولاتة دي، ارحمي شوية. نسمة / مش يمكن عاوزة أنسى إني كبرت.

مليكه / أه، إنتي هتقلبيها دراما بقى. نسمة / لا، دراما ولا حاجة، هروح أجهز الفطار عشان عندي جامعة. مليكه / ماشي. نسمة / جوزك مستني في البلكونة. مليكه بتبص على البلكونة وبتشوف فهد واقف قدامها. وبتبتسم أوي. نسمة بتخرج ومليكه بتروح عليه. *** فهد / وصل الصندوق. مليكه بتهز راسها بنعم. فهد / أنا لازم أسافر. مليكه / وهتسبني. فهد بيقرب منها وبيلمس خدها بحنية. فهد / مقدرش أسيبك، مش هتأخر عليكي، خلي بالك من نفسك.

مليكه / هتروح دلوقتي، خليك معايا شوية. فهد / مش هتأخر عليكي، ريان والحرس هيكونوا تحت أمرك. مليكه بتهز راسها بنعم. فهد بينط على البلكونة بتاعته. مليكه بتبص عليه لحد ما بيختفي ومديقة أوي. ولسه هتدخل بتبص ورا بتتفاجأ بوالدها قدامها. مليكه / بابا. جمال / متخليه يخرج من الباب أحسن. مليكه بتبص للأرض بحزن. جمال / مكنتش أعرف إنك متهورة للدرجة دي.

مليكه / فهد بالنسبة ليا تحدي يا بابا، أنا متأكدة إنه هيطلع حاجة حلوة أوي منه، لما يتغير هيكون مميز بجد. جمال / آه، وإنتي عايزاني أسيبك للاحتمالات دي، مش كده. مليكه / لو واثق فيا يا بابا، لازم تديه فرصة. جمال / يلا عشان تفطري. *** في الليل. مليكه بتتفزع من النوم على صوت صرخة باسمها. مليكه بتحاول تاخد نفسها. نسمة / مليكه، ده كابوس ولا إيه. مليكه / آه. نسمة بتجبلها مياه تشرب.

مليكه بتروح على البلكونة وبتبص على البلكونة بتاعة فهد وبتحس إن قلبها مقبوض. وبتنزّل دمعة من عينيها. مليكه / فهد. نسمة / مليكه، مالك، إنتي كويسة. مليكه / مش عارفة، قلبي مقبوض أوي، حلمت حلم وحش أوي يا نسمة. وبيسمعوا أذان الفجر بيأذن. نسمة / تعالي يلا، بابا أكيد هيصحى عشان يصلي الفجر. مليكه / أنا هنام، حاسة إني تعبانة شوية. *** في الصباح. مليكه بتفتح عيونها وبتبص في اتجاه البلكونة. وبسمع أصوات من شقة فهد وبتسم أوي.

وبتحري على البلكونة بسرعة. مليكه / فهد. ومبتشوفش حد في البلكونة. وبتبص قدام العمارة بتشوف الحراسة بتاعة فهد باين عليهم القلق وبيتحركوا بالعربيات. مليكه بتخرج من الأوضة بسرعة وبتخرج من الشقة. وبتشف الحراس بيروحوا في اتجاه سلم العمارة. مليكه / فيه إيه. والحراس بيشوفوها بيقفوا قدامها وعيونهم على الأرض. مليكه / اتكلموا، فيه إيه. الحراس / سيدتي، احنا هنا لحمايتك. مليكه بتدفعهم من قدامها بعد ما بتتأكد إنهم مش هيتكلموا.

وبتنزّل من العمارة بغضب والحراس وراها. وبتشف ريان واقف وحواليه مجموعة كبيرة من الحراس وبيتكلم في التليفون وباين عليه الغضب وبيصرخ في التليفون. مليكه / ريان. ريان / هكلمك تاني. ريان بيقفل التليفون بسرعة وبيسيب لمليكه. ريان / مليكه، محتاجة حاجة، فاكهة التنين خلصت، يعني ابعت أجيبلك تاني. مليكه / فين فهد. ريان / ها، اا، فهد، إنتي عارفة إنه مسافر. مليكه / مسافر فين. ريان / دي أسرار، مينفعش أقولك فين، ده شغل يا مليكه.

مليكه / ريان، بطل استهبال وقولي فين فهد. ريان / مليكه، لو سمحتي، اطلع على الشقة، الجو برد عليكي. مليكه بتسحب السلاح من على خصر ريان بغضب وبتوجهه على ريان. وجمال ونسمة بيجروا على مليكه بسرعة بفزع. مليكه / ريان، فين فهد. ريان / مليكه، أنا عارف، وكل اللي موجودين هنا عرفين إنك مش هتعملي حاجة بالسلاح ده، فنزلّي السلاح عشان ما أزيكيش. مليكه بتصرخ / هقتلك لو مقولتش فهد فين، اتكلم. ريان بيقرب منها وبياخد منها السلاح.

مليكه بتعيط أوي وبتمسك في هدوم ريان بقوة ومنهارة من العياط. مليكه / ريان، أرجوك، قلبي وجعني أوي، والله حاسة إن روحي بتتسحب مني، أنا عايزة فهد، أرجوك، فين فهد، أرجوك قول لي. ريان بيملس على شعر مليكه بحنية. ريان / فهد كان بيستلم صفقة على حدود الهند واختفى من وقتها، ومفيش أي حد يعرف أي معلومة عنه، والرجالة اللي كانوا معاه لقوهم مقتولين ومدفونين على حدود باكستان.