رواية ملاك في عالم الشياطين الفصل التاسع والثلاثون 39 - بقلم وردة

فهد: تق تق. مش هحبسك. الباب قدامك اهو مفتوح. بس ممنوع تخرجي. ولو خرجتي هيكون في عقاب أشد من ده، واللي هو إنك ممكن ما تشوفيناش تاني في حياتك. فهد بيخرج من الباب. مليكه بتقعد على الأرض وبتعيط أوي. مليكه: ماشي يا فهد. لو فاكر إني كده هخاف، يبقى أنت متعرفنيش. مليكه بتلمس على بطنها بحنية.

مليكه: أهو شايف أبوك بيعمل فيا إيه. علشان تبقي تقف معايا كويس. أنا وأنت لازم نكون إيد واحدة. أنا وأنت لحد ما نلاقي طريقة إزاي نروض بيها الفهد. مليكه بتمسح دموعها بضهر إيديها. *** نسمة وجمال في الجنينة. ولارا وأنين وجاك وريان معاهم. ريان: حضرتك ممكن ترتاح في الجناح المخصص ليكوا. جمال: هي مليكه فين؟ ريان: اا احم. هي مليكه مشغولة شوية. لسه حضرتك عارف، النهاردة هي هتكون الملكة. جمال بيبص لريان أوي باستغراب.

جمال: بنتي بخير؟ لارا: أيوه بخير. حضرتك متقلقش أبداً. أنين: فين الشوكولاتة؟ لارا: أنين عيب. جمال بيضحك وبيقرّب من أنين. أنين: عروستي قالتلي إنك هيكون معاك شوكولاتة. جمال بيضحك. جمال: وأنتي بقيتي أنين؟ أنين بتضحك ومبسوطة. أنين: أنت عارفني. جمال: آه. مليكه حكتلي عنك كتير وقالتلي قد إيه أنتِ شاطرة وبتسمعي الكلام. نسمة: وقالتلنا كمان قد إيه هي بتحبك. أنين: وأنا كمان بحبها أوي.

والكل بيضحك. وجمال بيطلع شوكولاتة وبيدي واحدة لجاك والتانية لأنين. وبيجروا هما الاتنين بعيد وبيضحكوا ومبسوطين. وريان بيبص على نسمة طول الوقت وباين عليها التعب. ريان: أنتِ كويسة؟ نسمة: أنا اة، بس دايخة شوية من الطيارة. ريان: خليني أوصلك للجناح ترتاحي شوية. نسمة وجمال بيروحوا مع ريان على الجناح بتاعهم. وده بيكون بعيد طبعاً عن اتجاه أوضة مليكه. *** في الليل.

فهد بيدخل الأوضة لمليكه وبيتفاجأ. مليكه بتحاول تلبس الجزمة بتاعتها ومش عارفة. وفهد بيقرب منها. ومليكه بتشهق لما بتتفاجأ بيه. بيقعد قدامها وهي قاعدة على السرير بتحاول تلبس الجزمة. وفهد بيلبسها الجزمة بإيده. ومليكه بتتكسف أوي. مليكه: شكراً. مليكه بتتوتر أوي من نظراته وبتروح بسرعة تقف قدام المرايا العريضة وبتتأمل نفسها. وفهد بيقرب منها و بيلف دراعه حوالين خصرها وهمس في ودنها. فهد: جميلة أوي. مليكه: بجد؟

فهد بيبعد خصلات شعرها عن تجويف رقبتها وبيبسها من كتفها العريان. ومليكه بتبتسم أوي. وبيلفها وهي بين دراعه وبيتأمل ملامحها الهادية الرقيقة بالميك أب الهادي جداً وشعرها القصير اللي واصل لكتفها. وفستانها الأبيض البسيط. وبيلمس بطنها البارزة من الفستان. وبيفتح إيده قدام مليكه. ومليكه بتتفاجأ بسلسلة جميلة جداً على شكل فراشة جميلة. مليكه: حلو أوي.

فهد بيلبسها لمليكه و بيلفها حوالين رقبتها. وفهد بيتأمل السلسلة على رقبتها. وبينزل بشفيفه على السلسلة وبقبلات حنونة. ومليكه بتعض على شفايفها بخجل. فهد: جاهزة؟ مليكه: اممم. وبيمسك كف إيديها وبيخرجه لشفيفه وبيخرجو من الأوضة. ومليكه بتتفاجأ بالقصر متزين بالورود والإضاءة الهادية الجميلة. مليكه: حلو أوي.

فهد بيرفع كف إيديها لشفيفه وبيبسها. ومليكه بتبتسم أوي وحاسة في الوقت ده إنها ملكة متوجة. وبتنزل بخطوات هادية وبتتفاجأ بعدد كبير من الضيوف. و بتقف على السلم بتوتر. مليكه: مين دول كلهم؟ فهد: يلا تعالي. متخافيش. أنا معاكي. مليكه: وأنا مش خايفة. فهد بيبتسم وبينزلوا مع بعض. وفي الحفلة ناس من كل بلاد العالم. ومليكه عيونها بتروح يمين وشمال بتدور على شخص معين. والضيوف بيقربوا من مليكه وفهد للمباركة والترحيب.

مليكه بتقرب من فهد. مليكه: فهد، بابا. فهد بيطبطب على إيديها بحنية وبيخرجو الجنينة. وبتتفاجأ بأبوها ونسمة واقفين قدامها. وجمال بيفتح دراعه لمليكه. مليكه بتسيب إيد فهد وبتجري بسرعة على جمال وبتترمى في حضنه. مليكه: بااااابا. جمال بيلف دراعه حوالين مليكه بقوة. جمال: قلب أبوكي. نسمة: يعني أنا مليش حضن زي ده؟ مليكه بتضحك أوي وبتحضن نسمة. ورشا بتظهر هي وتامر وره نسمة. رشا: ممكن آخد حضن أنا كمان يا فندم؟

مليكه بتصرخ بفرحة وبتجري عليها وبتحضنها أوي. مليكه: كنت هزعل أوي لو مجتوش. رشا: أنا استخدمت معاه آخر سلاح عندي عشان يوافق. مليكه: سلاح؟ رشا: أه طبعاً سلاح. ولازم تجربيه أنتي كمان. مليكه: اللي هو إيه؟ رشا: الزن على الودان يا حبيبتي. مليكه بتضحك أوي ومبسوطة وبتسلم على تامر. تامر: صحبتك أخدت جائزة نوبل في الزن يا مليكه. رشا وتامر بيقربوا من فهد بيسلموا عليه. رشا: مليكه، مكتوب علينا نتجوز عمالقة أنا وأنتي.

جمال بيضحك أوي وبيسمعوا صوت موسيقى هادية. فهد: عمي، تسمح لي آخد الأميرة بتاعتي؟ جمال بيلمس على شعر مليكه بحنية وبييهز راسه بنعم. وفهد بياخد إيد مليكه وبيسحبها على مكان دائري جميل في نص الجنينة ومليان بالإضاءة الملونة بطريقة جميلة جداً. مليكه: هرقص إزاي ببطني دي؟

فهد بيستقبلها في حضنه بابتسامة جميلة وبيلف دراعه حوالين مليكه وبيرقصوا مع بعض. ومليكه بتحط جبينها على صدره. وفهد بيلف دراعه الاتنين حوالين مليكه بتملك. ومليكه بترفع عيونها في عيونه. مليكه: بحبك. فهد: أنتِ أول سيدة ترقص مع الشيطان. مليكه: دي أقل حاجة عندي حضرتك. فهد بيبسها من شفايفها. ومليكه بتتكسف أوي من كل اللي حواليها وخصوصاً أبوها. وبتخبي عيونها في حضنه. وبتنتهي الأغنية والكل بيسقف. وفيفيان بتقرب منهم.

فيفيان: مبروك. وبتبوس فهد من خده. ومليكه بتتعصب و بتبقى عايزة تهجم عليها وبتحاول تسيطر على نفسها. فيفيان: الملك وصل. فهد بيقف في استقبال الملك اللي هو بيكون والد فيفيان. وبيكون رئيس المافيا. وفهد بينحني باحترام. الملك: الفهد. فهد: اتشرفت بحضورك سيدي. الملك بيطبطب على كتف فهد بمحبة وبيشاور للحرس اللي واقفين ورا. وبيقرّب شخص وبيقدم لمليكه علبة سودة من قماش الساتان. ومليكه بتبص لفهد باستغراب.

فهد بيهز راسه بنعم. ومليكه بتاخد منه العلبة وبتفتحها. وبيكون جواها جوهرة حمرا كبيرة بحجم المشمش الكبيرة. ومليكه بتحطها على كف إيديها وبتبتسم أوي وبتبص لفهد. مليكه: شكلها حلو. فيفيان بابتسامة سخيفة: نادرة الوجود. الملك: دي الجوهرة الوحيدة والنادرة من نوعها في العالم. مليكه: شكراً. فهد بيبتسم لمليكه. ومليكه حطاها في إيديها ومبسوطة بيها أوي. فيفيان: اعرفي قيمتها يعني. مش لعبة للأطفال دي. مليكه بتبصلها بغضب.

مليكه: بس أنا عندي جوهرة أفضل منها. والملك بيبص لمليكه برفع حاجب. ومليكه بتبتسم وبتبص لفهد. مليكه: عندي فهد بكل جواهر العالم. فهد بيزيد من ضم مليكه ليه أوي. والملك بيودعهم وبيتحرك. وراه الحاشية بتوعه والحرس وبيخرج من القصر. وفيفيان بتبعد عنهم ومضايقة أوي. مليكه: البت دي مش هتمشي من هنا بقف. فهد: مليكه، استمتعي بالحفلة. فهد بيشاور لريان إنه ييجي ياخد من مليكه الجوهرة اللي معاها. وريان فعلاً بياخدها.

مليكه: خلي بالك منها عشان نبقى نلعب بيها أنا وأنت. ريان بيضحك أوي ومليكه مبسوطة. وبيقرّب منهم رجال أعمال وبيقدموا لمليكه هدايا كتير. وفهد بيرفض إنها تفتح الهدايا. والحرس بيقرب من مليكه بياخد منها أي هدية بتوصل ليها. رشا ونسمة بيروحوا على مليكه. نسمة: أنا حاسة إننا في حفلة تسليم جواهر. ههههه. رشا: مليكه، اعملي حاجة كده. أنا هنام منكم والله. مش هنرقص بقى؟ مليكه بتقرب من فهد وبتتعلق في دراعه.

مليكه: فهد، أنا مليت. هو ده فرح كده يعني؟ فهد: اطلبي. مليكه: عايزة أرقص. فهد: اتفضلي. فهد بيشاور لها على ساحة الرقص. مليكه: لا مهرجانات. فهد: نعم؟ مليكه: ما هو مفيش فرح غير بالمهرجانات. بلييييز بليييز. فهد بيشاور لريان يقرب منهم. وفهد بيقول لريان. ريان: وده هنجيبه منين يعني؟ تامر: تعالي وأنا أقولك.

ريان بيروح مع تامر على منظم الموسيقى. ومليكه بتفرح أوي. وفي رجال أعمال بيقربوا من فهد وبيتكلموا معاه. وفجأة الكل بيتفاجأ بموسيقى ضخمة ومزعجة بالنسبة ليهم. ومليكه ونسمة ورشا بيصرخوا لما بيسمعوا أغنية حمو بيكا. "صبح على أي رجولة ومسي على كل الناس بالفعل ومش بالقولة هتبقي وسط الخلق أساس" وبينط التلاتة على أنغام الأغنية. وفهد بيجري على مليكه وبيسحبها. فهد: أنتِ اتجننتي؟ بطنك. مليكه: اوف، عايزة أرقص بقى. بليييز.

فهد: مليكه. مليكه: اوف، خلاص. مليكه واقفة جنب فهد وبتسقف وبتتمايل شمال ويمين. وبترقص بإيديها. معاهم رشا ونسمة بيتجننوا على الأغنية. وتامر بيقلع جاكيت البدلة وبينط وسطهم. وأنين وجاك بيشاركوهم. مليكه: ريان، يلا تعالي. ريان بيبص لفهد وماسك نفسه بالعافية. وكل الضيوف مبسوطين جداً. وفي اللي بيشاركهم الرقص. وريان مبقدرش يمسك نفسه كتير وبيروح عليهم وبيرقص معاهم على الأغنية. ريان بيروح يشغل أغنية تانية بعدها وبيجرى عليهم.

ريان: اسمعوا دي كمان. وبيصرخوا من الضحك لما بيسمعوا أغنية "أنا مافيا" لمحمد رمضان. ومليكه ورشا ونسمة بيقفوا جنب بعض وبيعملوا حركة السلاح بإيديهم وبيرقصوا أوي. وفهد واقف مذهول من اندفاع الضيوف على الرقص وبيقلدوا مليكه ورشا ونسمة. وتامر وريان. فهد بيتأمل مليكه أوي وهي في قمة السعادة. لأول مرة بيشوفها سعيدة للدرجة دي. وبيروح على مليكه وبيسحبها من وسطهم. مليكه: آآه فهد، استنى. رايحين فين؟ عايزة أرقص تاني.

لارا بتضرب الأرض برجليها. لأن كنان موقفها جنبه ومش عايزها تتحرك لأنها حامل في الشهور الأولى. لارا: كنان، أرجوك. شوف مبسوطين إزاي. كنان: لارا، اخرصي. ولا تحبي تروحي أوضتك؟ لارا: وعلى إيه؟ خليني هنا أحسن. كنان بيشاور للحرس إنهم يعملوا تفتيش حوالين القصر. وكنان عيونه يمين وشمال بترقب تام. والكل بيرقص بسعادة وبيعملوا حركات عمرهم ما كانوا يتخيلوا إنهم يعملوها في حياتهم. *** فهد بيشيل مليكه في حضنه وبيدخل بيها القصر.

مليكه: فهد، خلينا معاهم شوية كمان بلييز. فهد بيتلهم شفايفها باشتياق. ومليكه بتحاول تبعد عنه. وفهد مبيديش أي فرصة أبداً وبيطلع بيها على أوضتهم وبيقفّل الباب برجله. مليكه: اا فهد، والضيوف. فهد: هشششش. فهد بينزل مليكه على رجليها. ومليكه نفسها طالعة نازلة بسرعة. وبتتفاجأ الأوضة متزينة بالورد الأحمر اللي ريحته مالية الأوضة. وبترجع تبص لفهد وبتشهق لما بتشوفه واقف قدامها بصدرو العاري. مليكه: فـ... فهد.

فهد مبيديش أي فرصة للكلام. وبيشيلها من خصرها لمستواه وبيتلهم شفايفها. ومليكه بتلف دراعها حوالين رقبته. فهد: مليكه. مليكه بتبص لعيونه وبتبتسم أوي. وفهد بحركة خفيفة منه بيفتح سوستة الفستان وبينزل بشفيفه على كتفها العريان وبيبسها. وهو بينزل حمالات الفستان وبيقع تحت رجليها. ومليكه بتغمض عيونها. وفهد بيشيلها على دراعه وبيعملها بكل حنية. *** في الصباح.

مليكه بتتحرك وهي نايمة وبتحس إنها مكتفة. وبتفتح عيونها بتشوف إن فهد لفف دراعه الاتنين حواليها وكمان لفف رجله حوالين رجلها. و بتبتسم أوي وبتبص وبتشوف شعره نازل على عيونه وشكله هادي أوي وهو نايم. وبتقرب منه وبتبوسه من خده. ومش عارفة ترفع إيديها. وبتنفخ في شعره اللي على عيونه وشعره بيطير لفوق وبينزل تاني. وبتضحك وبتكررها تاني. فهد: هششش. مليكه بتتخض. وفهد بيفتح عيونه وبيبصلها أوي. ومليكه بتضحك. مليكه: صباح الخير.

فهد: صباح الخير. وبيبسها من شفايفها. ومليكه بتتكسف أوي وبتحاول تبعد عنه. فهد: ممكن أعرف أنت ماسكني كده ليه؟ فهد: يمكن عشان ما تبعديش عني. فهد بيبعد شوية عنها وبيديها مساحة. ومليكه بتحاول تقوم. فهد: أنتِ كويسة؟ مليكه بكثوف: اممم. فهد بيلمس على خدها بحنية. فهد: أنتِ حلوة أوي. مليكه: هروح آخد دوش عشان أروح أشوف بابا. إحنا سيبنا الحفلة امبارح من غير ما نقول لحد. فهد: أوكي.

مليكه لسه هتتحرك وبتنام تاني. وبتبص لفهد. وفهد بيبصلها برفع حاجب. مليكه: ممكن يعني تروح تجيب لي الروب من هناك؟ فهد: تق تق. مليكه: بلييز. فهد: لا. مليكه: ما أنا كده مش هقدر أتحرك من هنا. فهد بيسحبها على صدره. ومليكه بتشهق بخجل. فهد: وده المطلوب منك إنك ما تتحركيش من هنا أبداً. مليكه: على فكرة مش معناه إننا خلاص يعني. يبقى إنك هو يعني. أنت. ومليكه بتشهق لما إيده بتداعب جسمها بجراءة. مليكه: أنت قليل الأدب.

فهد بيضحك أوي بصوت عالي من قلبه. ومليكه بتبصله أوي. مليكه: أنا أول مرة أسمع ضحكتك دي. فهد بيبص لعيونها وبيلتهم شفايفها بشوق. ومليكه بتبعده عنه. مليكه: لازم أشوف بابا قبل ما يسافر. فهد: ولو قولتلك إن بابا سافر؟ مليكه بتشهق وبتدفع فهد بقوة عنها. وفهد كان هيقع من على السرير ومستغرب القوة دي كلها منين جابها. وبتسحب القميص بتاعه من على الأرض وبتلبسه بسرعة.

مليكه: لا مستحيل. بابا يسافر قبل ما يودعني. لا أنت أكيد عملت له حاجة. عااا عاا اعمل. مليكه بتخرج من الأوضة بسرعة وبتجري وهي لابسة قميص فهد فقط. وواصل لحد فوق ركبتها وماشية حافية. مليكه: أنت السبب يا ويلك مني لو بابا فعلاً سافر. هو. ونسمة. ريان بيشوف مليكه وبييلها بفزع. ريان: مليكه. مليكه بصرخة: ابعد عني أنت كمان. ريان بيبصلها باستغراب. ومليكه بتنزل تحت وبيكون كنان معاه مجموعة من الحرس. مليكه: أووووووووولفت.

والكل بيتفزع من صرختها. ومليكه متجاهلة كل نظراتهم. أولفت بتجري على مليكه بتبصلها بفزع. مليكه: بابا فين؟ أولفت: ها. أولفت بتبص ورا مليكه وبتشوف فهد واقف ورا. وفهد بيبص للحرس بغضب. والحرس بينزلوا عيونهم للأرض بسرعة. مليكه: أوعى تقولي إنه سافر فعلاً زي الغبي فهد ما بيقول. فهد بيبصلها برفع حاجب. مليكه: اتكلمي يا أولفت. بابا فين؟ أولفت: ااا ااهو سافر يا سيدتي. مليكه: لا. فهد الحقير السافل المنحرف. عاا عاا. باااابا. عااا.

مليكه بتضرب برجليها على الأرض بطفولة وبتصرخ. ولسه بتبص ورا وبتكتم صوتها لما بتشوف فهد واقف ورا ومربع دراعه قدام صدره العاري. وبييلها بغضب. ولسه مليكه هتتكلم. فهد بيشيلها على دراعه. ومليكه بتصرخ. مليكه: آآه الحقوني. آآه. مليكه بتشوف ريان قدامها. ريان: ريان أخويا الحقني. آآه. ريان: أنا سامع حد بينادي عليا بره. مليكه بتبص على ريان من ورا ضهر فهد. مليكه: ريان الغبي بتتخلى عني يا حقير. يا ويلك مني أنت كمان.

ريان بينفجر من الضحك عليها. وفهد بياخدها على أوضتهم. وبيدفعها على السرير. ومليكه بتصرخ. مليكه: غبي. هتؤذيني. ابني. أنا حامل. فهد بيضغط على سنانه بغضب. وبيقرّب منها. ومليكه بتهرب منه بسرعة وبتقف على السرير. مليكه: أنت بتبص لي كده ليه؟ فهد بيبص على جسمها الملحوظ من تحت قميصه. وشدة ضيق من بروز بطنها الكبيرة قدامها. ومبين كل مفاتن جسمها وشفايفها الحمرة. من بوسته المدمرة قبل ما تنطلق بره الأوضة.

فهد: أنتِ خرجتي كده قدام الحراس. مليكه بتبص لنفسها وبتقرص بسنانها على شفايفها بخجل. مليكه: ما هو يعني كانت حبة أشوف بابا قبل ما يسافر. هو. ونسمة. فهد: بحركة خفيفة منه وبيمسك إيديها الاتنين وبيقربها منه. مليكه: آآه فهد. إيدي. آآه. غبي. فهد: لسانك ده عايز قص. مليكه بتبصله بفزع. فهد: اختاري عقاب لنفسك يا زوجة الفهد. مليكه: عقاب؟ مليكه بتحط صبعها بين شفايفها بتفكر. مليكه: حبني. فهد: متأكدة؟ مليكه: اممم.

فهد فجأة بيقطع القميص اللي على مليكه نصين. ومليكه بتصرخ. وفهد بيكتم صوتها بشفيفه.