رواية ملاك في عالم الشياطين الفصل الثامن والأربعون 48 - بقلم وردة

فهد / امسحولي الكرة الارضية، عايزو عايش يا كنان، انت فاهم؟ كنان / تحت أمرك. فهد بيتحرك وبيروح يقف قدم إزاز العناية اللي فيها مليكة، وبيسدها أوي بقلب محروق. فهد / ملاك زيك مكنش لازم يقرب من شيطان زي ده أبداً. كان لازم تبعدي يا ملاكي، لازم تبعدي. وبتنزل دمعة من عيونه وبيسند جبينه على الإزاز قدامه. *** بعد تلات أيام.

في أوضة مليكة، أكتر من خمس دكاترة موجودين في الأوضة بيرقبوا حالتها. فهد واقف قدامها وعيونه عليها، ودكتور بيقرب من فهد بخوف. الدكتور / سيدي، المؤشرات بتقول إن حالتها في تحسن وهنشيل الأجهزة. فهد بيبص لمليكة أوي بحزن، منتظر لحظة إنها تفتح عيونها. فهد بيهز راسه بنعم، وبيبعدوا الأجهزة عنها. الدكتور / هي هتفوق حالا سيدي، لكن ممنوع تتحرك. فهد بيشاورله إنه يبعد. والدكاترة كلهم بيخرجوا من الأوضة بسرعة وبيهربوا منه.

كنان بيخبط على باب الأوضة، وفهد بيبصلو بغضب. كنان / سيدي، مراد رجع لوعيه تاني وطالب يشوفك. فهد بيبص لمليكة وبيخرج من الأوضة، وبيقول للحرس اللي واقف قدام الأوضة. فهد / متتحركوش من هنا نهائي، مفهوم؟ الحرس / أمرك سيدي. *** فهد بيروح على آخر الممر وبيدخل الأوضة اللي فيها مراد، وبتكون أسيل موجودة مع مراد في الأوضة. أسيل / مراتك حالتها إيه؟ فهد مبيردش عليها، وبيقرّب من مراد. ومراد بيفتح عيونه شوية بكسل، وباين عليه التعب.

مراد / اا ا ا. اتأخرت. فهد بيغمض عيونه بتعب. وأسيل بتقرب من فهد وبتحط إيدها على كتفه. أسيل / أنت كويس؟ فهد بيهز راسه بلا. أسيل / هيتحاسب على كل اللي عمله، بس أنت لازم ترتاح شوية. فهد بيقرب من مراد أكتر. فهد / عايز أعرف كل حاجة. مراد بيحاول يقعد وكنان بيساعده إنه يقعد. مراد / كانت بتنادي باسمك طول الوقت، بس مكنتش تعرف إنك شيطان ومش هتقدر تطير بجناحات وتنقدها. فهد بيتعصب أوي وبيضرب الأجهزة اللي جنب مراد بإيده بغضب.

مراد بصراخة / فتحوا بطنها قدام عيوني، سامع؟ فتحوا بطنها بكل وحشية قدامي، وكان بيضحك ومبسوط، والدم مغرق المكان. وبيدخل حارس الأوضة بسرعة. الحارس / سيدي. فهد بيبص للحارس بغضب وبيخرج من الأوضة بسرعة. وراه كنان. ومراد بيعيط أوي ومنهار. ***

فهد بيروح على الأوضة اللي فيها مليكة، وبيتفاجأ قدام الأوضة بنقط دم. وبيدخل الأوضة بسرعة، وبيفاجأ إن مليكة مش موجودة. وكنان بيطلع سلاحه بسرعة، وفهد بيدفعهم من قدامه وبيخرج من الأوضة. والحرس بيشاور لفهد على آخر الممر.

فهد بيمشي في طريق نقط الدم اللي على الأرض، وبيشوف مليكة ماشية بشويش وساندة على الحيط ومسكة بطنها وبتتألم، وفي دم نزل بين رجليها. والحرس عامل دايرة حواليها وبيحاولوا يكلموها إنها لازم ترجع على أوضتها، وخايفين يقربوا منها أو حد يلمسها. ومليكة مش بتسمع لحد، وبتسند على الحيط بتعب شديد وبتمشي خطوة خطوة ومسكة بطنها بألم. وفهد بيقرب منها. فهد / مليكة.

مليكة بتقف أول ما بتسمع صوته، وبتلف بجسمها بتعب في اتجاهه. وفهد بيبصلها أوي، قد إيه هي ضعيفة، ووشها أصفر أوي، والهالات السودة حوالين عيونها. مليكة / اا. فهد بيجري عليها بسرعة وبيشلها في حضنه. ومليكة بتصرخ. مليكة / لااا ابني اااابني لااا لاا ابني ااااة ااااة لاااسيبو ابني لاا سبوني. مليكة بتصرخ بانهيار وبتحاول تبعد عن فهد. فهد / مليكة مليكة اهدى مليكة. مليكة بتصرخ وبتدفع فهد بعيد عنها.

مليكة / اااااة اااة سبوني لااا ابني. فهد بيضمها لحضنه أكتر. مليكة / يا امييييييييى يا اميييييي ااااة اااة. وبغمى عليها. وفهد بيرجعها على الأوضة بسرعة وبيصرخ على الدكاترة، وبيتحرك مجموعة كبيرة من الدكاترة على الأوضة. *** بعد أسبوع. في القصر، فهد بيدخل الأوضة، وبتكون مليكة نايمة على السرير وعيونها على سقف الأوضة، ومبتتكلمش ومش حاسة بأي حاجة حواليها أبداً. وفهد بيقرب منها وبيملس على شعرها بحنية. فهد / مليكة.

ومبتردش عليه. وبيحس بقبضة إيديها على مفرش السرير. وفهد بيغمض عيونه بتعب وبيبعد خصلات شعره عن جبينه. والباب بيخبط. فهد / ادخل. وبتدخل لارا ومعاها نسمة. فهد بيهز راسه إنهم يروحوا على مليكة بعد ما شاف نظرة عيونهم ليها. ونسمة بتروح على مليكة وبتملس على خدها. نسمة / مليكة حببتي عاملة إيه دلوقتي؟ مليكة مبتردش عليهم. نسمة / يعني مش عايزة تردي عليا؟ نسمة بتعيط أوي. لارا / إحنا هناخدها نغيرلها هدومها. فهد / لا.

ولارا ونسمة بيبصوا لفهد باستغراب. فهد / أنا هتصرف، روحوا انتوا. نسمة / لا، أنا مش هسيب أختي، كفاية اللي حصلها بسببك. فهد بصرخة قوية / من اليوم اللي اسمها اتكتب جنب اسمي، أختك دي ملكي أنا، ومافيش حد يقرب منها غير بإذني أنا، مفهوم؟ نسمة بتتفزع من صوته. لارا / سيد فهد، أرجووك اهدى شوية علشان مليكة بس. بيبصوا على مليكة وبيشوفوا الدموع خارجة من عيونها. ونسمة بتبص لفهد بحزن. نسمة / آسفة، أنا مقصدتش إني...

فهد / لو كنتي قصدتي مكنتيش عايشة وواقفة قدامي دلوقتي. لارا بتروح على نسمة. لارا / نسمة تعالي معايايلا تعالي. ولارا بتاخد نسمة برة الأوضة بعيد عن غضب الفهد. وفهد بيقرب من مليكة وبيمسحلها دموعها. فهد / عارف إنك زعلانة عشان أختك، بس لازم الكل يعرف إنك ملكي أنا وبس. مليكة بتغمض عيونها. وفهد بينام جنبها وبيضمها أوي لحضنه. فهد / هدفعوا تمن اللي عملوه فيكي انتي وابني يا مليكة، مش هرحم أبداً، هيدفع التمن غالي أوي. ***

في جنينة القصر. نسمة بتعيط أوي ولارا بتحاول تهديها. وأنين بتروح على نسمة وبتمد إيدها لنسمة بشوكولاتة. ونسمة بتمسح دموعها وبتبوس إيد أنين. أنين / انتي كمان زعلانة من بابا عشان مش عايز يوديكي الملاهي؟ نسمة / بابا. لارا / أنين يلا روحي شوفي جاك فين يلا اجري. وأنين بتجري بعيد. ونسمة بتنهار من العياط. لارا / نسمة اهدى الله يخليكي. ريان بيروح عليهم بسرعة بعد ما بيسمع عياط نسمة. ريان / نسمة انتي كويسة؟ حصل حاجة؟

نسمة / يعني هيحصل إيه أكتر من اللي حصلي؟ ها ها قولولي هيحصل إيه أكتر من كده؟ ولادي ماتوا قبل حتى ما يشوفوا نور الدنيا، حتى جوزي طلع زبالة وواطي، جوزي اللي فضلت 12 سنة أحبه وكان ليا كل الدنيا دي، طلع طلع. ريان / نسمة اهدى شوية. نسمة / أنا مش عارفة الحق أزعل على إيه ولا إيه، أبويا اللي مات في بلد غريبة وادفن هناك. لارا / نسمة الله يخليكي اهدى، بلاش مليكة تسمعك، مش لازم تعرف بوفاة والدك، أرجوكي.

نسمة بتمسك دماغها وبتصرخ وبتدفع لارا. وريان بيلحق لارا قبل ما تقع. ريان / انتي كويسة؟ لارا بتحط إيدها على بطنها المنفوخ وبتهز راسها بنعم. نسمة بعياط / آسفة أنا أنا. ريان بيروح على نسمة وبيحضنها أوي، ونسمة بتتمسك فيه بقوة. نسمة / أنا مليش غير أختي، هي كمان مش هتسبني، ريان. أنا مليش غيرها. ريان بيضمها لحضنه بقوة. لارا / ريان خليها تروح ترتاح شوية. ريان بياخد نسمة على أوضتها، وبتقعد على طرف السرير بتعب.

نسمة / مليكة مش عايزة ترد عليا ولا حتى تبصلي، هي كمان هتسبني زيهم. ريان بيقعد على ركبه قدامها. ريان / مليكة مش هتسيبك أبداً، وكمان أنا معاكي ومش هسيبك. نسمة / مش هتسبني بجد؟ ريان / أكيد. سكينة / عايزة أنام أنا، تعبانة، ممكن تفضل جنبي شوية؟ ريان بيمسحلها دموعها وبيبسها من جبينها وبيساعدها تنام، وبيعد جنبها وبيملس على شعرها بحنية. *** في أوضة مراد.

أسيل واقفة، وفي ممرضة بتعمل لمراد جلسة علاج طبيعي. بسبب تعذيب صهيب له اتسبب في شلل في دراعه الشمال، وبسبب الارتجاج اللي كان عنده اتسبب بفقدان جزء من الذاكرة مؤقتاً. أسيل / أنت كويس؟ مراد / مفيش فايدة من اللي بتعملوه ده، أنا خلاص هعيش طول حياتي عاجز عشان الشيطان يكون مبسوط، اهو يبقى عنده ابن عاجز والتاني مات قبل ما يتولد.

أسيل بتشاور للممرضة تخرج من الأوضة، والممرضة بتنفذ بسرعة الأوامر وبتخرج. وأسيل بتقرب من مراد، والغضب مالي عيونها وبتضغط على سنانها بغضب. أسيل / مراد، احاسب على كلامك عن أبوك، مفهوم؟ مراد / انتي فكرة إن الكلام ده هيأثر فيا؟ ده شيطان، شيطان. ياريت كان هو اللي مات. أسيل بتضرب مراد بالقلم. *** في أوضة مليكة. فهد بيتفزع من النوم على صرخة مليكة. مليكة / ااا ابني لااا لاا ابني ابعدو عني لااا سبوني. فهد بيمسك إيدها.

فهد / مليكة مليكة. مليكة بتسمع صوته بتهدى، وصدرها بيعلى وبينزل بسرعة ومش قادرة تاخد نفسها. وفهد بيملس على جبينها وبيمسحلها العرق من على جبينها. فهد / مليكة. مليكة مبتردش عليه. وفهد بيحط جبينه على جبينها وبتنهد بتعب، وبيعد قدامها يتأمل في ملامحها الهادية، وبيشوف انقباضة كف إيديها على الغطاء، وإيديها بترتعش. وبيقرّب منها وبيبوّس كف إيديها.

وبسمع خبط على باب الأوضة وبيفتح الباب. وبيتفاجأ كنان واقف قدامه، وباين من شكله إنه كان في معركة قوية. كنان / في الأوضة تحت. فهد / في أي حد لمسه؟ كنان / لا. فهد بيشاور لكنان يروح هو. وبيدخل الأوضة لمليكة وبيقرّب منها وبيملس على شعرها. فهد / دلوقتي هحاسب اللي عمل فيكي انتي وابني. كده هحاسبه على كل دمعة نزلت من عيونك يا مليكة. هو تحت إيدي دلوقتي.

مليكة بتنكمش على نفسها بخوف. وفهد بيخرج من الأوضة بسرعة. ومليكة بتترعش من الخوف. مليكة / لاا ابني سبولي ابني لاا. مليكة بتصرخ وبتترعش بخوف. *** فهد بينزل القبو لأوضة التعذيب. بيشوف صهيب متعلق من إيده بسلاسل حديدية في السقف. وصهيب أول ما بيشوف فهد بيضحك أوي. وفهد بيقرب منه. صهيب / وصلني تقرير بحالة مراتك، بيقولوا إنها اتجننت، ههههة. فهد بيضربه بالبوكس بقوة بيخلي جسمه يرجع لورا وبيخبط في الحيط وبيترد للأمام تاني بقوة.

صهيب / ههههههه. *** في أوضة مليكة. نسمة وأسيل بيحاولوا يسيطروا على مليكة. مليكة / لاا ابني لاااااا لاا. نسمة / مليكة الله يخليكي اهدى شوية. مليكة / فهد فهد. أسيل / أولفت فين فهد؟ أولفت / سيدي في الجنينة الخلفية وممنوع حد يدخل. ومراد واقف على الباب وبيشوف الحالة اللي مليكة فيها. ومليكة منهارة من العياط. وبيقرّب منها. ومليكة بتشوف مراد بتخاف منه وبتحط إيدها على بطنها بخوف. مليكة / ابعد عني لاا سيب ابني.

أسيل / مليكة متخافيش، ده مراد. مليكة بتبص لمراد أوي، وبتفتكر لما كان معاها وكانوا بيضربوه بصاعق الكهرباء وكان بيتألم. ومليكة بتدفن عيونها بين رجليها وبتعيط. ومراد بيقرب منها. مراد / أنا سمعته بيعيط. مليكة بترفع عيونها لمراد بفزع. ومراد بيحط إيده على دماغه وبيتألم.

مراد / أنا مش فاكر كويس، بس أنا متأكد سمعت صوت طفل. كان عايش ووو اا أنا سمعته بيعيط، حتى واحد من الحرس كان مستغرب بعد ما خرجوه من بطنك بطريقة بشعة وهمجية، فضل عايش وكان بيعيط بقوة. مليكة / ابني. أسيل / مراد أنت؟ مراد / أيوه يا أسيل، أنا متأكد، أنا سمعت صوته بيعيط.

مليكة بتدفع أسيل ونسمة عنها، ولسه هتنزل من السرير. وبتقع على الأرض ورجليها مش قادرة تشيل جسمها من الضعف الجسدي والنفسي. ونسمة بتصرخ وبتروح عليها وبتساعدها تقف. نسمة بعياط / مليكة. مليكة / ابني ابني عايش يا نسمة، ابني عايش. مليكة بتروح على مراد وبتمسكه من هدومه بقوة. مليكة / ابني فيين ااا ابني. مليكة بتفتكر الكلام اللي فهد قالو قبل ما يخرج من الأوضة، إنه هيحاسب اللي عمل فيها كده هي وابنه. مليكة / اا فهد.

مليكة بتخرج من الباب وبتوقع على الأرض. ونسمة بتساعدها وتقف وهي بتعيط أوي على حالة أختها. مليكة / فهد. نسمة / مليكة ارجوكي خليني أرجعك الأوضة وأنا أنا هروح لفهد وهخليه يجي لحد عندك. مليكة / ابعدي عني، فهد هو هو هيقتله، هو اللي عارف طريق ابني، ابعدوا عني أنا عايزة ابني. مليكة بتنزل من السلم بمساعدة نسمة، وبتخرج الجنينة وبتروح على الجنينة اللي فيها أوضة التعذيب. وبيكون في حرس واقفين على الباب وبيمنعوا حد يدخل.

مليكة / ابعدوا عني لازم ألحق، ابعدوا عني. الحرس / سيدتي ممنوع حد يدخل. مليكة / ابعد عني. مليكة بتدفع الحارس من قدمها وبتتكعبل وبتقع على الأرض. ونسمة بتساعدها. وبسرعة نسمة منهارة من العياط. نسمة / مليكة ارجوكي كفاية، مش قادرة، ورحمة بابا كفاية، أنا تعبت. نسمة بتحط إيدها على شفايفها بفزع. مليكة / بابا. نسمة بتضم مليكة أوي لحضنها.

نسمة / بابا مات يا مليكة وسبنا، أنا وانتي، إحنا مالناش غير بعض دلوقتي، بابا اتدفن في أطهر أرض، اتدفن في الأرض اللي اتدفن فيها رسول الله. مليكة بتحط إيدها على قلبها وبتغمض عيونها بتعب.

وبتبعد نسمة عنها، وبتدخل أوضة التعذيب، وبتشم ريحة الدماء. وبتحط إيدها على صدرها وبتحاول تتنفس ومش قادرة. وبتسمع صرخة من آخر الممر وبتروح في اتجاه الصرخة. وبتشوف فهد ماسك سكين وبيقرّب من شخص متعلق من إيده في السقف. من آثار الدم على ملامحه مش قادرة تحدد مين هو. وبتقرب أكتر وبتمسك في الباب وبتستمد منه القوة عشان تقدر تقف على رجليها المرتعشة. مليكة بصوت ضعيف / اا فهد.

فهد وكنان وريان بيبصوا لوراهم. وبيتفاجأوا بمليكة واقفة قدامهم بجسمها الضعيف وملامحها اللي اتغيرت جدا. وفهد بيجري على مليكة وبيضمها لصدرو. فهد / مليكة انتي انتي جيتي هنا إزاي؟ مليكة بتبعد فهد عنها وبتقرب من الشخص ده. فهد / مليكة لاا.

مليكة بتبعد إيد فهد عنها وبتقرب من الشخص ده وبتدقق في ملامحه. وصهيب بيرفع عيونه في عيونها. ومليكة بتتفزع لما بتشوف عيونه وبتصرخ وبترجع بضهرها. وكانت هتقع على ضهرها لكن فهد بيسندها بصدرو بسرعة. مليكة / اا فهد ابني عايش اابني. فهد / ريان خدها على القصر. مليكة بتصرخ وبتدفع فهد عنها. مليكة / لااا. مليكة بتروح على صهيب وبتمسكه من هدومه. مليكة / فين ابني ارجووك ابني فين هو عايش ارجووك قول لي ابني فين.

صهيب / أنا قتلته ومش هتشوفيه طول حياتك. فهد بيقرب من مليكة. مليكة / لااا ااا. صهيب / ابنك مات، أنا قتلته بإيدي ورميت جسمه الصغير للحيوانات في الغابة. مليكة بتصرخ وبتنزل على ركبتها قدام صهيب وبتمسك رجله. مليكة / ارجووك ابوس رجلك قول لي فين ابني. فهد بيروح على مليكة، ومليكة بتدفع إيده عنها. وصهيب بيضحك أوي ومبسوط. صهيب / هقولك على مكانه، بس بشرط. مليكة بفرحة بتقف قدامه بسرعة.

صهيب / نقضي يوم أنا وانتي مع بعض، هبسطك صدقيني، وممكن تحملي كمان وتجيبي طفل تاني. فهد مبتحملش وبيمسك السكين وبيغرزه في قلب صهيب. ومليكة بتصرخ. مليكة / لااا لاااااا أنت أنت عملت إيه؟ هو هيقولي ابني فين؟ لا أرجووك متت. مليكة بتحاول توقف النزيف بإيدها بطريقة هستيرية. مليكة / لا اااااا لاااااا.