رواية ملاك في عالم الشياطين الفصل التاسع والأربعون 49 - بقلم وردة

ريان الو ماريا أنا في الطريق مليكة عملت إيه؟ مليكة هو فين؟ ريان مليكة مليكة هو فين يا ريان؟ ريان مليكة اهدى أنا جاي دقايق وهكون عندك مليكة بصرخة هو فيييييين؟ ريان نازل في الفندق عندي مليكة بترمي الموبايل من إيدها وبتوقف تاكسي. ماريا لسه هتروح وراها ومبتلحقهاش. وريان بيلف بالعربية بسرعة وبيروح في اتجاه الفندق. ***

مليكة في العربية وبتعيط وبتفتكر لحظة خطف ياسمين من حضنها وصرخة ياسمين وعياطها. وبعد دقايق بتوصل الفندق والأمن بيفتح لها الباب وبتدخل بسرعة. وفيه اتنين من حرس فهد بيكونوا عند البوابات وبيعرفوا مليكة وبيفزعوا لما بيشوفوها وبيبلغوا كنان بسرعة بوجود مليكة في الفندق. مليكة أول ما بتوصل الفندق بتحس بضربات قلبها بتدق بسرعة جداً وبتدخل الفندق والكل بيبص لمليكة باستغراب من حالتها وهدومها والعلامة الزرقاء اللي تحت عينيها.

مليكة بتمشي كأنها في عالم تاني، بمعنى أصح هي عارفة إنها رايحة للموت برجليها. وبتدخل الأسانسير ومبتسألش أي حد على مكان الجناح بتاعه، قلبها هو اللي بيحركها. والأسانسير بيتفتح وبتشوف كنان قدامها. كنان إنتي مجنونة؟ بتعملي إيه هنا؟ مليكة بتعيط بنتي كنان أنا هدور عليها وهاراجعها لك. فهد لو شافك هيقتلك. مليكة بتبعده عنها وبتروح على جناح فهد وبتبلع ريقها وكنان واقف وراها. كنان بلاش يا مليكة.

مليكة بتبعد إيد كنان عن الباب وبتفتح الباب وبتتفاجأ بفهد واقف قدامها وحاطط إيده على قلبه. ومليكة بترفع عينيها في عيونه وفهد عيونه كلها ظلام. ومليكة بتحس برعشة قوية في جسمها. فهد مليكة مليكة أنا جيتلك برجلي. فهد بيطلع سلاحه وبيحطه على دماغها ومليكة بتغمض عينيها. وكنان بيحط إيده على سلاحه وفي استعداد. مليكة أنا عارفة إنك لو شفتني هتقتلني وأنا مش خايفة.

فهد بيبصلها أوي وضربات قلبه في صراع. ومليكة بتنهار قدامه وبتقع على ركبها. مليكة بنتي، أخدوا بنتي. وفجأة بيظهر ريان ورا كنان وفي إيده السلاح. وبييبص لفهد وفهد بيبص لريان بغضب وبيرفع سلاحه في وش ريان. كنان فهد لا. فهد بيتصدم لما مليكة بتمسك رجله وبتصرخ. فهد أخدوا بنتي مني، أخدوا بنتي. فهد بينزل بعيونه على مليكة. مليكة أرجوك رجعلي بنتي، أنا عايزة بنتي. ريان عصابة الذئاب خطفوا بنتك. فهد بنتي.

مليكة منهارة من العياط وبتحاول تقف. وريان بيساعدها بسرعة. ومليكة بتمسك في هدوم فهد بقوة. مليكة أخدوا بنتي، رجع بنتك ياسمين. فهد بيبصلها بصدمة. مليكة بعياط انتقم مني، اعمل فيا اللي إنت عايزه بس الله يخليك رجعلي بنتي. أنا عايزة بنتي، الله يخليك رجعلي بنتي. فهد بيلف دراعه حوالين مليكة وبيضمها أوي ومليكة منهارة من العياط. فهد فين كريم؟ مليكة عينيها في عيونه. فهد فين كريم؟ مليكة لازم يكون في أمان. مليكة

هو هو مع نسمة في البيت. فهد بيبص لكنان. فهد كنان خد الحيوان ده وهات نسمة وكريم هنا. أمان ليهم. مليكة وبنتي؟ فهد هترجع وبعدها هنتحاسب. مليكة بتبصله بخوف. مليكة لازم تتنازل عن الصفقة وهما هيرجعولي بنتي. فهد حتى لو اتنازلت هيرجعوها متقطعة. مليكة بتعيط أوي بخوف. وفهد بيرفع عيني مليكة في عيونه وبيشوف آثار لما المجرم ضربها. فهد هما اللي عملوا كده. مليكة بتعيط. فهد أنا همحيهم من على الأرض. مليكة لاا هيقتلوا بنتي. لا أرجوك.

فهد هترجع. مليكة فهد أرجوك، ياسمين تعبانة مش هتتحمل. هي هي... ياسمين عندها قلب، فيه أدوية لازم تاخدها. الشنطة في شنطة على ضهرها فيها الأدوية بتاعتها. بنتي هتموت. مليكة منهارة من العياط. وفهد مصدوم من اللي بيسمعه. مليكة ياسمين من يوم ما اتولدت وقلبها ضعيف ومش هتتحمل. أرجوك أنا عايزة بنتي. فهد بيبعد شعره عن جبينه وبيحاول يفكر ويهدى. ومليكة بتشوف السلاح بتاع فهد على الترابيزة قدامها وبتروح تاخد السلاح. وفهد بيمسك إيدها.

مليكة خليني أنا أروح أرجع بنتي. فهد بتقصدي بنتنا. مليكة بتبصله أوي. وفهد بياخد السلاح من إيدها وبيحطه حوالين خصره. ومليكة منهارة من العياط. *** بعد دقايق بيوصل ريان وكنان ومعاهم نسمة وفريد وسيف. وبيدخل ريان ومعاه كريم. كريم ماما. فهد بيلف وبي يبص على كريم وهو بيجري وبيروح على مليكة وبيحضنها أوي. ومليكة بتضم كريم لحضنها وبتحضنها. كريم ماما أنا هروح أدور على ياسمين أختي، أنا هرجعها ومتخافيش.

وكريم بيمسح دموع مليكة. وفهد بيبصله أوي. وكريم بيبص لفهد أوي. مليكة ماما مين ده؟ فهد بيبان عليه علامات الغضب لما بيعرف إن مليكة كانت مخبية عن كريم إنه أبوه. مليكة ا ا أكريم هو ااا. كريم أنا عارف إنه بابا. أنا شفت الصورة اللي في الشنطة بتاعتك. بس أنا بكرهه عشان خلاكي تعيطي. فهد بيقرب من مليكة. فهد حتى كنتي مخبية عنهم؟ اللي عملتيه. فهد بيمسك مليكة من درعها بقوة وغضب. وفجأة كريم بيهجم على فهد بالضرب بقوة. كريم

ابعد عن أمي يا فار البلاعات. فهد بيبص لكريم برفع حاجب. وفهد بيسيب مليكة. ومليكة بترجع خطوتين بخوف. وكريم بيقف قدام فهد. كريم لو قربت من أمي أنا هقتلك، إنت فاهم؟ فهد بيبتسم أوي. وكنان بيقرب على ريان. كنان أما لو مكنش متربي بعيد عنه كان الوالد طلع إيه؟ ريان الجينات الشيطانية دي مبتتغيرش. فهد بيقرب من كريم. ومليكة بتخاف على كريم وبتسحبه بسرعة. وفهد بيرفع عيونه لمليكة وبيشوف نظرة الخوف في عينيها. فهد كنان فين فرانكو؟

كنان بلغته وهو في الطريق. قدامه خمس دقايق ويكون هنا. وبيسمعوا صوت طيارة هليكوبتر بتنزل فوق الفندق. كنان ا احم فرانكو وصل. مليكة واقفة بتبصلهم بذهول إن فهد بنفسه هو اللي بيسأل على فرانكو. مليكة ياسمين. فهد هأرجع بنتي بطريقتي. مليكة ا بس. فهد بيبعد عنها ومبيديهاش أهمية. كريم ماما متخافيش، أنا هرجع ياسمين تاني وهضرب كلهم. فهد بيسمع كريم وبييبصله أوي. فهد مدام إنت قوي كده، ليه مقدرتش تحافظ عليها؟ كريم بيبص لفهد بغضب.

كريم زي ما إنت كمان مقدرتش تحافظ علينا إحنا وأمي. فهد بيبصلو بابتسامة وبيغمزله. وكريم بيضغط على سنانه بغضب قدام فهد. ومليكة بتبعد كريم عن فهد بسرعة. وبيدخل فرانكو من الباب وعيونه بتلف في الأوضة وبيشوف مليكة. فرانكو جوهارتي. مليكة بتبص لفرانكو. فهد فرانكووو. فرانكو بيبتسم لمليكة أوي وبيروح يقعد على أقرب كرسي. فرانكو كنان بلغني إنك محتاجني في أمر مهم. فهد هتوصلني لعصابة الذئاب. فرانكو الذئاب؟ وأنا هوصلهم إزاي؟

إنت عارف إن مالهمش مكان معين. فهد فرانكو أنا عارف إن ليك علاقة معاهم. متفتكرش إني سيبتك كده خلاص، أنا بعرف بكل خطواتك. فرانكو بيحط رجل على رجل. فرانكو وإيه اللي أنا هستفاده من ده؟ مليكة بعياط بنتي، أخدوا بنتي مني. وفرانكو بيتنفض وبيروح على مليكة. فرانكو إيه؟ بنتك؟ مليكة بعياط ياسمين، بنتي خطفوها مني.

وفرانكو بيلمس خد مليكة عشان يمسحلها دموعها. ولسه فهد هيتحرك وبيتفاجأ بكريم بيمسك إيد فرانكو وبي عض إيده بقوة. وفرانكو بيصرخ. ولسه هيقرب من كريم فهد بيضربه بالبوكس. فهد لو فكرت مجرد تفكير إنك ترفع إيدك تاني هقطعهالك. وكريم بيبتسم لفرانكو أوي. وفرانكو بيبصله بغضب. فرانكو أخدوها إمتى؟ مليكة من من ساعتين بالظبط. وفرانكو بيعمل مكالمة تليفون وبيعرف مكان ياسمين. فرانكو

لازم نتحرك دلوقتي لأنهم عرفوا إن البضاعة بتاعتك اتشحنت على أفغانستان. يعني خطف البنت جه متأخر. وبكده هيتخلصوا منها لأن مالهاش لازمة معاهم. مليكة يعني إيه؟ اابنتي هتروح مني؟ فهد ممكن تسكتي وتهدي شوية؟ خليني أفكر. مليكة منهارة من العياط. ونسمة بتروح على مليكة وبتحضنها أوي. مليكة ياسمين مريضة مش هتتحمل الضغط ده كله عليها. أرجوكم اعملوا حاجة. فرانكو مفيش غير حل واحد. فهد وفرانكو في نفس الوقت بيطلعوا السلاح بتاعهم. فهد

كنان جهز كل حاجة. هنتحرك حالا. كريم وأنا كمان هاجي معاكم. فرانكو إيه؟ معاك مسدس مياه؟ هترش المجرمين بيه؟ كريم اخرس إنت يا صاحب العيون البشعة. أنا هنقذ أختي من المجرمين. فهد إنت هتفضل هنا جنب والدتك وهتحميها لحد ما أرجع. كريم عايز سلاح. مليكة بصرخة كريييم. فهد أنا واثق فيك إنك هتحميها من غير سلاح. كريم بيبص لفهد. وفهد بيبتسم أوي لكريم وبيتحركوا. ومليكة بتتفاجأ بكريم أول مرة بيقتنع بحاجة بسرعة. وفهد بيتحرك. مليكة فهد.

فهد بيقف على الباب وبيبصلها. مليكة هترجعلي بنتي. فهد ووقتها هنتحاسب يا مليكة. فهد بيخرج من الأوضة. وكريم بيروح على شباك الأوضة وبييبص على كمية العربيات اللي واقفة وبيشوف فهد ومعاه فرانكو وكنان وريان بيتحركوا على العربيات وبيخرجوا من الفندق. *** بعد نص ساعة بيحصل هجوم على حي شعبي وبيحصل ضرب نار من الاتجاهين. فهد المهم البنت وبس. أول ما تكون معانا الكل ينسحب. كنان دول بيطلعوا منين؟ فرانكو

الذئاب زي النمل. خلونا نخلص المهمة دي بأسرع ما يمكن. والكل بيتحرك بسرعة وكل واحد بيروح في اتجاه. وفهد بيدخل مكان ضخم ومعاه مجموعة من الحراس وراه بيحموا ضهره. وفهد بينطلق بسرعة وبيقتل أي حد بيقف في طريقه بكل بساطة واحترافية وسرعة كمان.

وبيشوف مجموعة من الأوض. وبيدخل أول أوضة بعد ما بيفتح القفل بتاعها وبيكون فيها ناس محبوسين وبيخرج وبيسيبهم. وبيفتح غيرها وبيكون فيها بنات. وبيفتح غيرها وبتكون فيها مجموعة أطفال. وفهد بيبص عليهم وحدة وحدة ومش قادر يحدد مين فيهم. فهد ياسمين فين؟ ياسمين ياسمين مش هنا.

فهد بيبص ورا وبيتفاجأ ببنت صغيرة واقفة وحاطة إيديها الاتنين على عينيها. وبتفكيرها الطفولي إن هي كده مستخبية ومافيش حد شايفها. وفهد بيبتسم وبيقرّب منها وبيبعد إيدها عن عينيها. فهد إنتي ياسمين؟ ياسمين بتحط صباعها على خدها وبتفكر. وفهد بيبتسم أوي. الحرس سيدي، لازم نتحرك من هنا.

وفجأة الحرس اللي بيكلم فهد بيضرب رصاصة وبيقع. وفهد بيمسك ياسمين أوي وبيخبيها ورا ضهره. وياسمين بتصرخ من الخوف. وبيضرب بالرصاص على المجرمين. وفجأة بيظهر ريان وبيقتل المجرمين اللي كانوا بيهاجموا على فهد. ريان إنت كويس؟ فهد بيلف وبيشوف ياسمين واقعة على الأرض ورا. فهد بفزع ياسمين. ريان الشنطة فين؟ ريان بيلمح الشنطة بتاعة ياسمين في آخر الأوضة وبيفتحها وبيطلع منها قرص صغير وبيحطه لياسمين تحت لسانها بسرعة.

فهد لاول مرة بيختبر إحساس الخوف من النوع ده. وياسمين وحدة وحدة بتبدأ تفتح عينيها. ياسمين مامي. فهد بيشيلها في حضنه بسرعة وبيخرج هو وريان. ريان روح إنت، أنا لازم أخرج الأولاد دي كمان. فهد بيحمي ياسمين بجسمه من أي رصاصة غادرة وبيخدها وبيخرج من المكان وبيبعتلهم إشارة إنهم ينسحبوا. وريان بيهرب مجموعة الأطفال اللي كانوا في الأوض كمان وبيخدهم في عربية وبيروح بيهم قدام قسم شرطة وبيسيبهم. *** في الفندق.

فهد بيدخل وفي حضنه ياسمين. ومليكة بتصرخ وبتجري عليها وبتحضنها أوي. وياسمين باين عليها التعب. ومليكة بتحطها على الكنبة بسرعة وبتشوف النبض بتاعها. وبتتفزع لما بتشوف بقعة دم على هدوم ياسمين. ومليكة بتدور في جسمها بسرعة عن الجرح ومش موجود. وياسمين بتفتح عينيها بتعب. ياسمين ببكاء مامي. مليكة بتاخدها في حضنها قلب أمك إنتي، حبيبتي أنا هنا جنبك يا روحي.

مليكة بيلفت نظرها فهد إن القميص بتاعه عليه بقعة دم كبيرة. ومليكة بتدي ياسمين لنسمة وبتقرب من فهد. وفهد بيبص لعيونها أوي بحزن. مليكة ا إنت مجروح. فهد جرح قديم أوي. مليكة بعياط فهد أنا فهد إنتي إيه؟ إنتي كدابة. خدعتيني، خلفتي العهد. وعدتيني إنك مش هتسبيني. هتفضلي جنبي. مليكة بعد كل ده وأنا المذنبة؟ فهد لا مش إنتي، ده هو اللي مذنب. فهد بيشاور على قلبه. ومليكة بتمسح دموعها. مليكة إنت مجروح، خليني أشوف الجرح.

مليكة بترفع التيشيرت وبتشهق لما بتشوف رصاصة في بطن فهد. وفهد بيفقد توازنه وبينزل على ركبه قدامها. ومليكة بتصرخ من الخوف. وفهد بيبعدها عنه بقوة. ومليكة بترجع خطوتين. وبيحاول يقف على رجله ومش قادر. هو نزف كتير. مليكة فهد لازم نروح المستشفى حالا. فهد بلاش تمثيل إنك خايفة عليا. مليكة بعياط فهد إنت بتنزف. فهد بيبتسم أنا من ٦ سنين وأنا بنزف وإنتي مش حاسة. مليكة بتعيط أوي وبتصرخ على الحرس وبتفتح باب الأوضة. مليكة

إسعاف، إسعاااف بسرعة. ريان بيجري على مليكة بسرعة. ريان فهد. فهد مليكة دي أدوية ياسمين كلها. مليكة ريان، فهد متصاب برصاصة. اطلب إسعاف بسرعة. مليكة بتدخل لفهد وبتتفاجأ بياسمين قريبة من فهد وبتخاف أوي. وفهد بيرفع عيونه لياسمين وبي تأمل في ملامحها. ياسمين عمو إنت تعبان. فهد بيرفع إيده وبيلمس خدها بحنية. ياسمين مامي، عمو تعبان. مليكة بتكتم شهقتها. ياسمين عمو متخافش، مامي دكتورة وهتكون بخير.

ياسمين بتقرب من فهد وبتبوسه من خده. وبيدخل ريان وكنان الأوضة ومعاهم اتنين من المسعفين من المستشفى. وفهد بيرفض إنه ينام على السرير النقال وبيساعده كنان. وبيخدوه على المستشفى. ومليكة معاهم. *** في المستشفى. بينقلوا على العمليات فوراً. ومليكة هي اللي بتعمل العملية. بعد أكتر من ٦ ساعات فهد بيفتح عيونه وبيشوف مليكة قاعدة جنبه. وفهد بيقعد. مليكة ا فهد لا متتحركش. فهد استنى إنت رايح فين.

فهد بيتجاهل كلامها وبيتحرك وبينزل من السرير. مليكة فهد جرحك جديد كده ممكن. فهد جرحي جديد؟ أنا جرحي من ٦ سنين. مليكة فهد إنت تعبان لازم ترتاح يا فهد. فهد بيتجاهلها وبيخرج من الأوضة. ومليكة بتعيط أوي. مليكة أنا مش ندمانة على اللي عملته. فهد بيقف وبييبصلها. مليكة إنت عملت كل حاجة توجعني، كنت عايزني أستنى أكتر من كده إيه تاني؟ إنت دبحتني بدل المرة ألف. فهد

وأنا مش هحاسبك على اللي عملتيه. إنتي اتخليتي عني وأنا هأتخلى عندك كمان. أنا بقالي ٦ سنين بدور عليكي عشان أعاقبك على اللي عملتيه فيا. لكن أنا مش هعاقبك يا مليكة، أنا كمان هأتخلى عنك. مليكة منهارة من العياط قدامه. وفهد بيتحرك وبييبص لكنان وريان. ريان ا فهد. فهد بيتجاهل ريان وبييبص لكنان. فهد كنان جهز العربية خلينا نروح. ولسه فهد هيتحرك مع كنان وبيتفاجأ بياسمين وكريم. وياسمين بتجري عليه وبتحضن رجله أوي. ياسمين

بابي، إنت بابي. فهد بيبص لياسمين بحزن. وكريم بيروح على ياسمين وبيبعدها عن فهد بغضب. كريم قلتلك متقربيش منه. ياسمين بتعيط بس أنا عايزة بابي. كريم لا ده مش أبوكي. فهد واقف قدامهم بيبصلهم أوي. ياسمين بعياط فريد قالي إنو بابي هو أنقذني من الأشرار. كريم لسه هيصرخ على ياسمين. مليكة كريييم. كريم بيبص لأمه بحزن. وبيبرجع يبص لفهد أوي بكره. وفهد بيتحرك وبيمشي. وراه بيتحرك كنان والحراسة. وبي تفاجأ بياسمين بتصرخ وبتعيط. ياسمين

بابي، بابي. وبيقف وبييبص ورا وبيشوف مليكة واقفة في حضنها ياسمين. ياسمين بتصرخ. ياسمين بابي. مليكة بتبص لفهد أوي. وكريم بيقرب من مليكة وبيحضنها أوي. وفهد بيكمل طريقه وبيمشي مع كنان.