رواية ملاكي الحارس "لهيب الانتقام" الفصل الأول 1 - بقلم سمر احمد

مسكه بعصبية من لياقة قميصه: -انت الظاهر اهلك معرفوش يربوك وانا اللي هربيك من اول وجديد يا روح امك. -فيه ايه بس يا عمي؟ جاى بكل بجاحة تتقدم لوحدة كتب كتابها بعد ساعة وتقولي فيه ايه؟ هات رقم ابوك يلا. -كتب كتاب ايه اللي بتقول عليه ده؟ انا لسه سائل جيرانكم امبارح وقالولي مش مخطوبة. وهو بيمسكه ويقربه اكتر: -وهما الجيران اللي خلفوها ونسيوها؟ وبعدين وهم مال أهلهم واهلك؟

اجوزها في ساعة في سنة محدش ليه دعوة، دي بنتي وكيفي كدا. -لو سمحت يا عمي انت راجل قد والدي فسيبني عشان انا لسه لحد دلوقتي محترم فرق السن. -لا تعالى اضربني قلمين احسن؟ هات رقم حد من عيلتك عشان ييجوا ياخدوك من القسم بتهمة بتتهجم على بيتي وانا بدافع عن عرضي وشرفي. -حصل ايه بس لدي كله يا عمي؟ انا دخلت البيت من بابه ولو اعرف ان كتب كتابها النهارده مكنتش جيت من الأساس. -واديك عرفت؟

يلا بقا من غير مطرود والا هعمل منك الخمسة بقرش. -وعلى ايه؟ الطيب أحسن. سلام. شكلك شارب حاجة ولا لهوتك الزرقة؟ -لا استنى يا وحيد، مفيش حاجة من الكلام ده كله هري. بقا كلامي انا يا بنت ال* و مسكها من شعرها ولوا دراعها: -تعرفيه منين يا بنت زنات؟ -معرفوش والله ما أعرفه هووو...... هووو..... -انطقي والا قسما بجلايل الله أموتك في إيدي.

-والله لقيت بنت في الشارع بتناديني وتقولي إيه رأيك في أخويا اللي هناك ده وهو عايز يتقدم ويدخل البيت من بابه. وقالتلي إن اسمه وحيد. قلتلها الكلمة كلمة بابا بس العريس مفيش فيه عيب. -وأنا بقا بالصلى على النبي كدا طلعت العيب؟ ويلا يلا غور من وشي ومفيش جواز. ويلا أجهزي عشان كتب كتابك. حماكي هييجي ياخدك. -كتب كتاب إيه يا بابا؟

أنا افتكرك بتهزر. وطالما فيها جواز مش هتجوز غير وحيد. بقا أهو واحد على الأقل شوفته قبل الجواز. وبعدين إيه جاي دلوقتي تقولي هتجوز؟ يعني إيه؟ مش كفاية القرف اللي انتو معينيني فيه ومعمريش اتكلمت؟ واللي مخليني موافقة أتجوز وأنا صغيرة عشان أرتاح منكم ومن العيشة القذ*ة والإهانة اللي كنت عايشة فيها. -اخرسي يا عد*يمة الرباية؟ إزاي تكلمي أبوكي بالطريقة دي؟

قلتلك يا حاج قلتلك دي زي أمها. واللي يخليها مصرة على العريس كدا يبقى أكيد فيه حاجة غلط. -اياااااااك تجيب سيرة ماما؟ أنا بقولك اهو. -اااااه أمك الخااااااااااي*نة. -قلتلك اخرررر*س*ي؟ أمي اشرف منك مليون مرة. لف شعرها على إيده وفضل يضرر*ب فيها: -انتي فاكرة إني هسيبك تعملي زي ما عملت أمك؟ وحياة النعمة لأربيك يا بنت ال****. -انتي يا ولية خدي اكشفي على البت دي. بصراااخ: -محدش يقرب لي؟

أنا قولتلكم اهو. خدتها مرات أبوها ودخلت بيها الأوضة وطلعت... -مش قولتك يا حاج بنتك زي أمها؟ مصدقتنيش. وشه أحمر والعروق بدأت تظهر من إيده: -تقصدي إيه يا ولية يا خر*فانة انتي؟ بخبث: -بنتك معيو*بة يا حاااج. معيوووو*بة. بخوف وتوسل: -والله يابابا ما حصل. والله ماحد لم*س شعرة وحدة مني. دي د...... دي كدا*ابة متصدقهاش. قرب منها ومسك الحز*ام وهات يضرب فيها: -والله يابابا ما حصل صدقني. يااااارب منك لله يا سعاد.

-خلاص بقا يا حاج البت هتموت في إيدك. زقها بعيد: -أنا لازم أغسل عااا*ري بإيدي. -طب وكتب كتابها اللي بعد ساعة ده؟ وأما لطفى بيه يوصل هتقوله إيه؟ غيرت رأيك عشان بنتك مطلعتش بنت؟ يادي الفضي*حة؟ أدي اللي خدناه من زنات وبنتها. -وإزاي أجوزها وهي كدا؟ أودّي وشي من الناس فين؟ يا فض*حيتي. -وهو يعني عريسها واعي لحاجة؟ أما ياخد باله من حاجة زي دي؟ جوزها واقبض التمن؟ وأهو الفلوس أحسن من وشها. أو قتلها وسمعتك تروح في الأرض.

فكر شوية: -معاكي حق. ادخلي معاها عشان تلبس وداري العلامات اللي على جسمها دي بأي حاجة. -حاضر يا حاج. يلا معايا يا فاج** -مش هاجي ومش هلبس ومش هتجوز. شدتها مرات أبوها بعنف وخدتها ولبستها بالعافية بال*ضرب وبمساعدة بنتها. _الباب خبط -اهلا اهلا يا لطفى بيه. داحنا حصلنا الشرف. والله نورت البيت. -البيت منور بأهله. بس هات البنية عشان أنا عندي طيارة ومستعجل. -حاضر ثواني. دخل الأوضة: -يلا يا بت حماكي جه. -مش هطلع. طلع سك*ينة:

-قسما بالله لو مطلعتيش معايا لأكون داب*حك. خافت حور وطلعت معاه وهي بتعيط. -مالها بنتك يا عاصم؟ بتعيط ووشها وارم ليه؟ -أصلها زعلانة إنها هتمشي وتسيبنا. والورم ياعيني يابنتي وقعت امبارح من الفرحة أول ما عرفت إنها هتتجوز. في وشها حصل فيه كدا. -طب يلا عشان نلحق نكتب الكتاب. مشى عاصم وسعاد مراته وحور وراحوا بيت لطفى. سعاد: -شوفى بصي كويس. انتي هتعيشي في قصر. مع إن خسارة في شكلك. انتي عايزة تربة وتتواي فيها.

كتبوا الكتاب وهي برضو مشافتش عريسها ولا كانت عايزة تشوفه. وكانت ساكتة مش بتتكلم وأهلها مشيوا. لطفى: -طب بقولكم إيه؟ أنا موعد الطيارة بعد ساعة يا دوب الحق. دول أخواتي ودول مراتاتهم، هيوريكى أوضتك ويدخلوكي عند عريسك. عاملوها كويس. انتو عارفين إني هكون مشغول مش هعرف أطمن عليها وعلى ابني حتى أو أكلمكم. خلي بالك من نفسك وعريسك يابنتي. -متخفش عليها يابو أكرم. دي في عينينا من جوا. انت هتوصينا على بنتنا وابننا.

-تسلم عنيكم. سلام بقا عشان اتأخرت. -سلام. حور سرا: -عريس إيه اللي مشفتهوش ده؟ وليه مجاش؟ وإزاي أنا هدخله؟ غريبة. بس بالرغم من دا كله باين عليهم ناس محترمين وهيريحوني من العذاب اللي كنت عايشة فيه و......... -انتي ياااااز*فتة انتي. -..... -انتي ياااااز*فتة ياللي اسمك حور؟ انتي طر*شة ولا واقعة على ودنك وانتي صغيرة؟ بصتلها حور باستغراب: -أناااا؟!!! -بتريقة؟

لا أنا يا صاحبة الصون والعفاف. بصي بقا اوعي تفتكري إنك جاية هنا عشان تجيبي حفيد للطفى أو هتبقي ست البيت. انتي هنا خداااامة وبس. وحكاية الحفيد تنساها تماما. ويلا غيري فستانك وتعالي نضفي البيت وجهزي لنا أكل وبعدها تغسلي المواعين. وبعدها تدخلي على اللبس تغسليه. -أنا عمري ما هكون خدامة لحد. قربت منها وبقلم على وشها: -اتعودي ياروووووو*ح امك. وبمكر: -بس قبل دا كله لازم برضو من الذوق تشوفى عريسك المصون.

عرفت حور إنها هتعيش في نفس العذاب. عرفوها الأوضة عشان تشوف عريسها. دخلت الأوضة اتصدمت وبلمت واتجمدت مكانها أما...