رواية ملاكي الصغير الفصل الأول 1 - بقلم فدوى خالد

"ليه كده ضيعتيني؟ ده كله عشان الفلوس. عايزه تجوزيني راجل أكبر مني عشان الفلوس؟ ليه كده يا مرات أبويا، أنتِ أكيد مش قصدك صح؟ نظرت لي بسخرية: "لا قصدي، وهتتجوزيه يعني هتتجوزيه. الراجل متريش وهيدفع؟ "بس أنا مش عايزاه." "مش بمزاجك يا بنت رشدي." "وأنا مش موافقة." مسكتني من شعري جامد: "أقسم بالله لتتجوزيه، وما أنتِ رافضة. إيه.. هتضيعي عليا السبوبة اللي جايه لي؟ "آه.. شعري، سيبيني." "هتتجوزيه؟ "جوزيه لبدرية؟

"لا.. هو شاور عليكي أنتِ، وبعدين بدرية يجيلها ريسهم وتتشطرط عليه، إنما أنتِ مش مجرد غير سبوبة وهطلع منك بفلوس. والله العظيم لو عملتي حركة كده أو كده هموتك، مش هموتك ده أنا هشوه وشك اللي فرحانة بيه؟ "حرام عليكِ، ليه بتعملي كده؟ أنا عملتلك إيه؟ "أنتِ شكل أمك اللي دمرت لي حياتي؟ "ماما كانت أعز صحابك وعمرها ما عملت حاجة تأذيكِ." نظرت لي بسخرية: "مامتك؟! مامتك آه؟! مامتك اللي اتجوزت رشدي حُب عمري، وخدته مني؟

"أنا بكره أمك وبكره كل حاجة تتعلق بيها، بكرهها جدًا؟ "وأنا ذنبي إيه؟ "إنك شكلها، شكلها في كل حاجة! واعرفي للعريس جاي بكرة، ولو مسمعتيش الكلام أقسم بالله لأوريكِ هعمل إيه؟ قلبي اتقبض، ممكن هي تعمل إيه؟ هي تقدر تعمل، بس أنا إيه ذنبي؟!

أنا ملاك.. عندي 18 سنة، خلصت ثانوي عام وأنا زي ما بيقولوا موت وصحيت، حاربت على دخوله وعلى مصاريفه واشتغلت كل حاجة عشان أعرف أخلصه وآخذ دروس وأظبط نفسي. خلصت ثانوي عام وجبت 98% بس مرات أبويا وقفت جامد المرة دي ومخلتنيش أدخل الكلية. أتمنى أني أدخل كلية وأبعد عنها، وأخلص منها ومن عذابها. اليوم التالي. خلتني حابسة نفسي في الأوضة وأنا بعيط وخايفة من كل حاجة. أنا ممكن يجيلي واحد يهدم كل حياتي؟ هو أكيد هيهدمها! مرات أبويا

دخلت وهي بتبصلي بقرف: "البيّي جه بره ومعاه المأذون، ألبسي واطلعي يلا عشان يكتبوا كتابك؟ اللحظة دي كنت هموت فعلاً، أكيد بحلم صح؟ مش ممكن، قلبي كان هيقف. خرجت لقيت راجل كبير، وجمبه شاب بيلعب في الفون بتاعه ومش مهتم لأي حاجة خالص. بلعت ريقي بخوف وأنا ببصلهم. لقيت بدرية قربت من الشاب دي بسهوكة: "تشرب حاجة يا بشمهندس؟ رفع عينه من على الموبايل ونزلها تاني واتكلم بسخرية: "ويا ترى الحاجات اللي هنا غالية ولا رخيصة زيك؟

بصيت له وهو بيتكلم بوقاحة، المفروض بدرية تضربه، بس اتكلمت وهي بتغمز: "اللي عاوزه يا أستاذ؟ بصيت لها بصدمة. فاتكلم الراجل الكبير: "أنتِ ملاك؟ "أ.. أيوه، أنا؟ اتكلم الشاب: "يا كوتي؟ مش عارفة تتكلمي كلمتين على بعض ليه؟ رديت وأنا بحط إيدي في وسطي: "وأنتَ مين دخلك يا بتاع أنتَ، أنا هو بنتكلم حد حشرك؟ "أنتِ مين يا بت عشان تكلميني كده؟ أنتِ متعرفيش أنا مين؟ أو ممكن أعمل إيه؟ اتكلمت بسخرية

وأنا ببصله بطرف عيني: "أكيد عيل من بتوع مامي وبابي، أجيب لك بابي يا كوتي؟ "بت لمي نفسك، أو... "تؤ.. تؤ، اتكلم بأسلوب أحسن، أنتَ في بيتي؟ نبرة صوته علت: "عنااااايات، عنااااايات." لقيت مرات أبويا جاية على ملا وشها: "في إيه؟ "أنا هتجوز دي؟ بصيت له من فوق لتحت واتكلمت: "الباشا قال أنه هيتجوزها؟ بص لباباه: "مش هي دي العروسة اللي قولتلي عليها؟ "أيوة؟ "أنا هتجوزها؟ بصيت له وأنا حرفيًا كنت هعيط: "أنتَ شايفني لعبة ولا إيه؟

ضحك واتكلم: "أنتِ فعلاً كده؟ اكتب يا مولانا عليا أنا والقطقوطة." وقرب مني وهمس لي: "أهلاً بكِ في جحيمي، جحيم تميم الباشا." بصيت له بخوف وسمعت صوت صوات جامد.. بلف لقيت...