رواية ملجئي العشق والحياة الفصل الأول 1 - بقلم أية البدري

ايوا يعني عاجز ازاي يعني عنده رجل مقطوعه ولا ايده. المسؤولة بأحراج: عاجز يا فندم..... عقيم. صدمة لبرهة. المسؤولة: هو نفس العمر الي حضرتك طالبتيه و ساكن في المنصورة زي ما طلبتي المواصفات تقريبا متطابقة. احضر لكم معاد. الفتاة ما زالت في صدمتها: حددي. اتفاجئت المسؤولة من ردها: طيب المعاد النهارده بليل الساعة 8 يناسب حضرتك. الفتاة بتوهان: ماشي. تم اغلاق الخط.

الفتاة لنفسها بصوت عالي: و بعدين اي الي ناقص يحصل في حياتي تاني. البطلة (شمس) فتاة جمالها طبيعي عيونها عسلي غامق في عمر 21 في جامعة صحافة. شعرها طويل. ليست محجبة. محترمة. ليست بمرحة. عصبية جدا. لبسها على طول بنطلون وقميص. لونها المفضل الأسود و الأزرق. موهبتها الغناء و الرقص. أمنياتها ترك القاهرة، الغوص، ركوب الخيل، ركوب منضاد. عايشة مع خالتها و أولادها كارما و كريم و كرم. في المساء خرجت شمس من غرفتها.

خالتها سما: أي لقيتي عريس ولا لسه. شمس اتنهدت بشويش: نعم يا خالتوا. سما بضحكة صفرا: بصي بقي انتي تلاقيكي أي زفة يشيلك من هنا بسرعة فاهمة ولا لا قبل ما كرم يرجع من جيشه والا بالله لهرميكي لمرات أبوكي وعيالها ومش هسأل فييكي. شمس جزت على سنانها بعصبية: حاضر يا خالتوا. أي طلبات تانية. سما بقرف: لا يا ختي غوري اخرجي يمكن ترجعي بعريس الغفلة. مشت شمس بعصبية وقابلت حبيبها و اترمت في حضنه. كريم بحب: ماما كلمتك تاني.

شمس متكلمتش فضلت في حضنه. كريم اتنهد: طيب المسؤولة عن الموقع كلموكي في جديد. شمس بعدت بلطف: آه و رايحة أقابل عريس الغفلة على رأي أمك. كريم: أمك. طب يلا يا ختي متتأخريش يا مشمش. شمس: حاضر يا كركر. كريم: هي كاري فوق في الشقة. شمس: في أوضتها زي العادة يعني. كريم: طب هطلع أزهقها شوية. غوري انتي بقي. في المكان المتفق عليه في المقابلة كافيه. المسؤولة: اتفضلي خمسة وهييجي هو بره الكافيه. شمس: حضرتك هتفضلي قاعدة معانا صح.

المسؤولة: في الأول بس و هقوم بعدها أستناكم على ترابيزة تانية. شمس ببعض طمأنينة: طيب. بعد وقت قصير. المسؤولة: أهو هو الي هناك ده. شمس بصتله لقيته شاب من شكله نقدر نقول إنه في الثلاثينات. شمس للمسؤولة: حضرتك أنا قلت العمر 24 سنة صح. الشب كان بيقرب أكتر. المسؤولة بسرعة: أيوا هو عمره مكتوب إنه 24. الشب جه. المسؤولة بترحاب: أستاذ طارق. الشب: أنا أيمن مش طارق. لحظة صمت.

أيمن بجدية: أنا أيمن صديق طارق و أكتر من أخوه و ابن خاله. المسؤولة: و أستاذ طارق فين. أيمن قعد و المسؤولة واقفة: مش فاضي و بعتني بداله. شمس كانت متابعة و على آخرها و عايزة تشتمه. المسؤولة جت تقعد أيمن برقله. المسؤولة بانسحاب: طيب أنا هسيبكم شوية. أيمن بص لشمس بتقييم. أيمن: تشربي تاكي حاجة. شمس: آسفة. صاحبك فين. أيمن بثقة: أي حاجة عايزة تقلهاله عايزة تسألهاله تقدري تسأليني أنا.

شمس اتغاظت: اممم عايزة أسأله هو ورث الوقاحة من أمه ولا من أبوه. أيمن بعصبية: ناعم. شمس ببرود: أي مش عارف الإجابة ولا أي. أسأله زي دي هو بس الي هيعرف يرد عليها. عن إذنك. شمس طلعت من الكافيه و أيمن طلع وراها و مسك إيدها. أيمن بهدوء: ممكن نتكلم. شمس بنرفزة: لا شكراً. أيمن بمحلا: لو سمحتي. شمس هدت شوية: اتفضل. بعد ما قعدوا تاني: انتي عارفة بالي عنده ليه قبلتي تتجوزيه. شمس بحزن: أيوا موافقة أتجاوزه.

أيمن بفرحة: ممكن متقدروش تخلفوا ولا حتى طفل أنابيب. شمس بحزن: برضوا موافقة بس بشرط يجي يتقدملي ولا كأن في موقع جواز ولا كأننا اتعرفنا على بعض قبل كده و كل الكلام ده. أيمن الفرحة بتغمره: هو موافق. شمس بصتله بحزن و سكتت. أيمن حس بحاجة غريبة فيها. أيمن: اسمه طارق عنده 23 و هيتم 24 كمان شهر. حصله عقم و ميقدرش يخلف و العلاج شبه مستحيل. عنده أخت من أمه و أبوه (جود)

هي في سنك بالظبط و بتدرس في نفس مجالك و فضلها سنة و تخلص زيك. أكيد هتبقوا صحاب. و ليه أخت من أبوه و دي يستحسن تبعدي عنها. شمس: ليه يعني حرباية ولا أي. أيمن بجدية و تكشير: لا هي و طارق مش على وفاق علشان هي منحازة لولدتها أكتر. و خطيبتي على فكرة. شمس اتحرجت و فضلت ساكتة. أيمن أكمل: متحوليش تقربي منها كتير علشان طارق ميضيقش. و ليه أخ صغير (حسن)

عنده 17 سنين من أبوه بيزوره على طول و العلاقة بينهم أحسن من علاقة حسن بأبوه. ليكي حما متحوليش تزعليها و أبوه كمان متحوليش. حتى مرات أبوه و جوز أمه متحوليش تدايقيهم. و دي نصيحة مني ليكي. عايزك تعتبريني أخوكي الكبير كمان و متقلقيش أي حد هيزعلك حقك هيجي و لو حتى طارق نفسه (بمرح) . اعتبريني محاميكي الخاص. ابتسمت شمس. أيمن بمرح: هو انتي واكلة قبل ما تيجي ولا أي. أنا جوعت. ابتسمت مرة أخرى. و طلبوا أكل و أكلوا.

و أيمن وصلها للبيت و أخدوا أرقام بعض. كارما بهمس: أي تعالي قوليلي الواد كريم قاعد معايا مستنيينك علشان تحكيلنا أي الي حصل. شمس: طب أنا عايزة أنام. كريم خرج من الأوضة و مسك شمس من شعرها بمزاح. كريم بمزاح: هو ده الي مش هتتأخري. أروح أصحي خالتك دلوقتي أخليها تعشينا بيكي. كارما و شمس ضحكوا و دخلوا الأوضة.

شمس: بصوا عنده أختين و أخ و هو الكبير. أهله منفصلين عن بعض زي يعني أمه متجوزة و أبوه كذلك. عنده أخت شقيقة اسمها جود و دي في سني و في نفس مجالي. كريم: حلوة. شمس بغيظ: اتلم ياض. كارما: كملي سيبك. شمس بتوتر: بس يعني شكله مرتاح مادياً و كويس. كارما: ولله و لعب الزهر معاكي يا جميل. شمس ابتسمت ابتسامة مكسورة: أنا عايزة أنام. تصبحوا على خير. الاتنين: تصبحي على خير. كارما: انتي يا بت اسمه أي. شمس و هي خارجة: طارق.

كريم لكارما: أنا مش مطمن. كارما: هي بس زعلانة علشان هتتجوز بالطريقة دي عادي. في صباح جديد. صحت شمس على رن تليفونها باسم أيمن. شمس بنعاس: الو. أيمن: انتي لسه نايمة. صحصحي كده. آخر كلام ليكي موافقة. شمس: يا عم آه أقولها تاني موافقة. نعيد تاني موافقة. في أي يا جدعان. أيمن: خلاص خلاص متزقيش يا ختي. اجهزي يلا جيين نخطبك النهارده. شمس برقت: آه أنا لا ليه. أيمن: مهوا علشان منمش في الخط نخلص بسرعة بسرعة كده.

شمس بحزن: طيب هتيجوا امتي. أيمن: 8. شمس: ماشي. أيمن: هيجي هو و جود و حسن و أنا و أبويا. شمس: نعم. و أبوه و أمه فين. أيمن: أمه مسافرة مع جوزها و أبوه هيسافر النهارده هو الساعة 7 فمش هيعرف يحضر. شمس بخنقة: طيب. أيمن حس بخنقتها: أتمنى متديقيش من ده. سلام. شمس: سلام. شمس خرجت من غرفتها. شمس: خالتوا. سما: نعم يا آخر صبري. شمس: في عريس جي يتقدملي النهارده. سما بمفاجأة: بجد. شمس: بجد.

سما بحب: مبروك يا حبيبتي. يعني كنتي تعرفي حد و متقوليليش يا واطية. شمس: معلش بقي يا خالتو. سما: ماشي يا حبيبتي استحمي و انزلي خدي الواد كريم و روحوا حاتي طقم حلو كده ليكي و حاتيلي مقصوفة الرقبة تروق معايا عما تيجي. كارما خارجة من الحمام: مين نعم. أه لا أنا ورايا درس النهارده. سما: النهارده إجازة يا نصابة. كارما: طب أنا مالي طيب. شمس: يلا يا قطة اوعي بقي علشان آخد دش. كارما بصتلها بغيظ.