رواية ملحد سرق قلبي الفصل الأول 1 - بقلم لؤلؤة محمد

يالاهوي يالاهوي يالاهوي ملحد ياحور بتحبي ملحد حبيتي فيه إيه ده. شفتي إيه في واحد ملحد حاجة حلوة تحبي عليها. ده حتى مش مسيحي ده ملحد. ملحد ياحور. إنتي واعية؟ حور بدموع: أعمل إيه دلوقتي. بحبه ياقمر. بحبه. ولو مشوفتوش مرة قلبي بيوجعني أوي من بعده. أعمل إيه في نفسي يعني. أنتحر. قمر: أه ماهو ده اللي ناقص عشان تتقابلوا هناك في جهنم. أهو بالمرة تسلية. حور: يعني هو ده ذنبي إني حكيتلك. يعني أعمل إيه دلوقتي.

قمر: مش عارفة أقولك تعملي إيه. مش عارفة. حور: أنا هسيب الشغل ده خلاص. قمر: وهتلاقي شغل تاني فين. إنتي ناسيه قسط الشقة اللي إنتي قاعدة فيها دي. حور: ربنا يسامحك يا بابا ويرحمك. راح وسابلي شقة كان جايبها بالقسط وقرض كان ساحبه من البنك. محتاسه فيهم لحد دلوقتي. طب أعمل إيه ياقمر. قمر: حاولي تنسيه يا حور. وادعي ربنا يشيل حبه من قلبك. وفكري نفسك دايماً إنه ملحد. يعني مابيؤمنش بربنا أصلاً.

حور: كل ما أفكر في كده بحس قلبي بيتقطع ياقمر. قمر بمرح عشان تفك الجو: سيبك سيبك. قوليلي إنتي عاملة أكل إيه النهاردة. أحسن كلاب بطني بتهوهو. حور: معملتش أكل. قومي هاتيلنا اندومي. قمر: هو كل يوم اندومي. أنا بقيت شبه الشعرية من كتر مابناكل اندومي. حور: ياختي ابقي اطبخي انتي. قمر: ربنا على المفتري يا شيخة. ونزل للبقال. قمر: ازيك ياعم صالح. عم صالح: ازيك ياقمرايه يا عسلايه انتي. قمر في نفسها:

(أستغفر الله العظيم منك لله ياحور. الراجل ده مش هيحل عني غير لما أفتح نافوخه. أجيب أجله. يلا الصبر من عندك يارب) . عاوزه أربع أكياس اندومي. عم صالح: المحل كله تحت أمرك ياست البنات. إنتي بس أشري. قمر بنرفزة: لأ هما الأربعه بس. وخد حقهم أهوه. عم صالح: ياسلام عليك ياقمر لما تتنرفز كده بتخطف قلبي. قمر: ياراجل. هو إنت لسه فيك قلب يتخطف. مش عارفة ملك الموت تايه عنك فين. وخدت الإندومي ومشيت تبرطم. وصلت الشقة وفتحت ودخلت.

قمر: حووووووووووور. الكلب. ورحمة أهلك لو مانزلتي إنتي بعد كده تجيبي الزفت من عمك زفت. لأكون مطلعة أحبالك الصوتية أعزف عليها. حور: إيه بس ياقمورة. ده الراجل شاريكي وعاوز الحلال يا مزة. قمر وهي بتوطي تجيب شبشبها: شاريني أه. وعاوز الحلال. وقامت تجري ورا حور في الشقة. وبعد الضحك والهزار والأكل ناموا عشان شغلهم. وتاني يوم. حور: يلا ياقمر هنتأخر. قمر: خلاص خلصت. يلا. راحوا الشغل. حور ارتبكت

وقلبها حست أنه اتسرق منها: عاوزني ليه. عبير: عاوز يشوف خريطة فيلة الصحراوي بتاعة مستر أكمل. حور: أه اه حاضر. وقامت راحت لمكتبه وهي بتقدم خطوة وتأخر خطوة لحد ماوصلت الدور اللي فيه المكتب. وراحت عند المكتب ورفعت إيدها عشان تخبط. فجأة الباب اتفتح. مايكل: ساعة عشان تجيلي. ده أنا كنت هاجي لعند حضرتك بنفسي. حور وهي بتبص في الأرض: أنا. أنا. مايكل: وبعدين هنفضل كده كتير. يعني. حور وهي بتحاول تجمع نفسها: حضرتك عاوزني في إيه.

مايكل: كنت عاوزك نشرب قهوة مع بعض. حور: نعم. مايكل: يعني هكون عاوزك ليه. ادخلي. ودخل قعد على مكتبه: وصلتي لفين في تخطيط ڤيلا الصحراوي. حور: محتاجه أعاين الأرض والمبنى تاني. مايكل: امممم. حور. أنا عاوز التخطيط ده يكون جاهز خلال شهر. إزاي معرفش. إحنا عاوزين نبدأ تأسيس. مش هنفضل موقفين شغلنا عشان سيادتك يعني. حور وهي بدأت تشعر ببوادر دوخة لأنها مفطرتش وخلاص العصر هيأذن وهي مريضة سكر: حضرتك أنا. وفجأة وقعت. فقدت الوعي.