رواية ملحمة الحب الفصل الثاني عشر 12 - بقلم حليمة عدادي

إيه اللي بيحصل هنا؟ إيه الأصوات دي؟ الحارس: أسر يا هانم، لاقوه ميت في أوضته. وكلنا بندور على صهيب. نيار: مين اللي قال إن صهيب هو اللي قتله؟ الحارس: يا هانم، هو اللي ضربه بالرصاص. نيار: روح على شغلك. أنا هحل المشكلة دي. دخلت بسرعة عند صهيب. نيار: صهيب، أنا آسفة بس لازم أعمل كده. صهيب: في إيه يا نيار؟ وقبل ما يكمل كلامه، حس بحاجة دخلت في ذراعه. نيار: ده علشان أحميك منهم يا صهيب. مافيش حل تاني.

صهيب وهو بيغمض عينيه: ليه يا نيار؟ نيار سندته لبرا لحد ما وصلت قدام المصنع وسابته. نيار: يا رجااااالة، يا رجالة، إنتوا فين؟ الحارس: نعم يا هانم؟ نيار: أنا لقيت صهيب هنا. ودوه للدكتور بسرعة. شالوا صهيب وهي راحت لمكان الزعيم علشان تستنى وصوله. وصلت عربية سودا، نزل منها الزعيم. نيار: أهلاً بيك يا زعيم. الزعيم: نيار، في إيه؟ أنا شايف الجو متوتر. نيار: تعالى يا زعيم ارتاح ونتكلم.

الزعيم بعصبية: مافيش زفت راحة. قصي الغبي ضيع الشحنة، والنهاردة هيكون عقابه على إيدي. اتكلمي، إيه اللي حصل؟ نيار: أسر اتهجم عليا يا زعيم، وصهيب ضربه بالرصاص. لكن بعد ما أسر فاق وبقى كويس، لقوه ميت. الزعيم: ميت؟ إزاي؟ ممكن يكون الزفت صهيب هو اللي قتله؟ نيار: يا زعيم، وقتها لاقينا صهيب واقع على الأرض وفاقد الوعي بعيد عن المكان.

الزعيم: لا يا نيار، إنتي مابقيتيش واخدة بالك زي الأول. يلا نروح عند الدكتور، وهو هيقولنا سبب موت أسر. *** فاقت ميرا مفزوعة من الكابوس اللي شافته. ميرا: لاااااا! أسد! زين: اهدي يا ميرا، إنتي كنتي بتحلمي. ميرا بدموع: أسد مات. أنا شوفته. أسد مات. هو كويس. زين: اهدي، هو كويس الحمد لله. عدى مرحلة الخطر. ميرا: الحمد لله يا رب. زين: إنتي خايفة عليه بالشكل ده ليه؟ كان ممكن تستغلي وضعه وتهربي، لكن انتي معملتيش كده.

ميرا: علشان هو هنا بسببي. القناص كان قاصدني أنا، مش هو. زين: مش إنتي السبب. هما كانوا عايزين يأذوكي علشان ينتقموا من أسد. ميرا بدموع: أنا ماليش مكان أروحله. حتى لو كنت عايزة أهرب، أنا ماليش حد غيركم. زين: علشان كده أسد كان مانعك إنك تخرجي، لأن أعداءه شافوكي في بيته وهما عايزين يأذوه فيكي. ميرا: هو يفوق، وأنا مش همشي خالص لحد ما تزهقوا مني. هقعد على قلبكم. الدكتور جه ناحيتهم، وقفوا. زين: نقدر نشوفه يا دكتور؟

الدكتور: الحمد لله، هو فاق بس مش لازم يتكلم كتير، هو لسه تعبان. ميرا: حاضر يا دكتور. إحنا متشكرين. دخلوا عنده، كان مغمض عينيه والتعب باين على وشه والأسلاك في صدره. زين: حمد الله على السلامة يا بطل. خضيتنا عليك. أسد: الله يسلمك. ماتخافش، أنا بخير. ميرا: حمد الله على السلامة. أنا آسفة. أسد: آسفة على إيه؟ ميرا: علشان أنا السبب في إنك اتصبت. لو ماكنتش خرجت، ماكنش كل ده حصل.

أسد: هو ده اللي كنت عايز أفهمهولك طول الوقت. ودلوقتي إنتي حرة. روحي مكان ما إنتي عايزة. تقدري تمشي. زين: اهدى يا أسد. الكلام مش كويس ليك. إنت لسه تعبان. أسد: مش هي كانت عايزة تمشي وبتقول إني حبستها؟ إنتي حرة دلوقتي. ميرا بدموع: تمام. أنا همشي. ومرة تانية أنا آسفة. خرجت ودموعها سابقها وهي بتفكر هتروح فين.

زين: حرام عليك يا أسد. البنت من لما جت المستشفى وهي مموتة نفسها من العياط. ولما سألتها ليه ماهربتش، قالت إن معندهاش حد غيرنا علشان تروحله. أسد: مش هي اللي طول الوقت عايزة تمشي؟ خليها تروح. *** قصي: يا غبي! أنا طلبت منك تقتل البنت لأن باين إنها مهمة عند أسد وكان مخبيها. الجارد: يا قصي بيه، مش أسد كمان عدوك؟ لو هو اللي مات يكون أحسن. قصي: وهقول إيه للزعيم عن الشحنة المرة دي؟

الجارد: يا بيه، لازم تفكر في حل، وإلا الزعيم مش هيرحمنا. قصي بعصبية: حل إيه وزفت إيه؟ أنا لازم أترجاه يديني فرصة تانية، وإلا دي هتكون نهايتنا. والزفتة اللي اسمها ليلى لازم نعرفوا مكانها بسرعة. الجارد: أوامرك يا بيه. *** الزعيم: ها يا دكتور، إيه سبب موت أسر؟ أكيد مش من الحقنة اللي في رجله. الدكتور: مات بالسم. والسم اللي في الحقنة كان قوي، واتأخرنا لحد ما عرفنا. الزعيم بغضب: إيه الإهمال ده يا نيار؟ مين اللي سمم أسر؟

وصهيب إيه اللي حصله؟ الدكتور: الحقنة اللي أخذها أسر، هو كمان أخذ منها. لكن هو لحقناه بسرعة. الزعيم: لا، الوضع كده بقى خطير. نيار، استدعي الكل. أسد وقصي. نيار: يا زعيم، وصلت أخبار إن أسد حد ضرب عليه نار. هو دلوقتي في المستشفى. الزعيم: لا، الوضع كده ما يطمنش. عايز قصي قدامي حالاً. نيار: أوامرك يا زعيم. *** زين: أسد، مالك؟ حاسس إنك مش كويس. أسد: زين، شوف المجنونة دي راحت فين؟ رجعها. أنا عارف إنها لسه هنا.

زين: أسد، علشان خاطري، اتعامل معاها كويس. هي لسه صغيرة، وإنت عارف اللي حصل في حياتها. أسد: عارف. وأنا بتعامل معاها كده علشان تقوى وتقدر تتصرف لما تكون لوحدها. زين: أنا هروح أشوفها وأرجعها. وهروح عند ليلى علشان أنا عملت لها كل حاجة، وبكرة عندها أول جلسة مع قصي في المحكمة. أسد: ولو رفض إنه يطلقها، هتعمل إيه؟ زين: هيطلقها بسرعة، لأن معاها شهادة طبية تثبت العنف والضرب اللي اتعرضتله. وكمان المحامي بتاعنا معايا.

أسد: تمام. اعمل كل جهدك علشان تخلصها منه، ونشوف هنعمل إيه معاها. *** زين: تمام. بعدها خرج يدور عن ميرا لحد ما شافها قاعدة قدام المستشفى وضامة رجليها وبتبكي. زين: ميرا، بتعيطي ليه يا هبلة؟ ميرا بدموع: أعمل إيه يعني؟ وأنا في الشارع وماليش حد أروحله. زين: نسيتي إني أخوكي؟ تعالي معايا يلا. ميرا: لا مش هاجي معاك. صاحبك مش عايز يشوفني. زين: على فكرة، هو اللي طلب مني أنزل أجيبك علشان تطلعي لعنده.

ميرا: هو عرف منين إني لسه هنا؟ زين: هههه، دي بقى معرفهاش. بس تعالي نطلع قبل ما يولع فينا. ميرا: تمام، هاجي معاك. بس لو زعقلي، أنا همشي. زين وميرا راحوا عند أسد. زين: أسد، أنا همشي. مش عايزك تزعقلها. أسد: زين، روح وهات معاك ليلى للقصر علشان تبقى في أمان. *** عند الزعيم وقصي. الزعيم: فين الشحنة بتاعت الأسلحة يا قصي؟ قصي بتوتر: يا زعيم، الشحنة اتعرضت لهجوم، وأسد هو اللي عمل كده.

الزعيم: عندك دليل إن أسد هو اللي أخذ الشحنة؟