رواية ملك الفهد الفصل الرابع عشر 14 - بقلم ملك موسي

في اليوم التالي في الصباح صحى فهد قبل ملك. قعد يتأمل ملامحها ويلعب في شعرها. وهو في نفسه: ياااااا ي ملك كل ده حصل معاكي إزاي. الملاك ده يحصل فيه كده. فعلاً صدق السماكي. ملك ضحكت. قام فهد وكلم محمد صديقه. فهد: الو صباح الخير يا صاحبي. محمد: صباح النور. إيه يا عريس في حاجة؟ فهد: بقولك عايز تجبلي كل معلومة عن أبو ملك اللي هو أحمد. محمد: ليه يا صاحبي في حاجة؟ فهد: اسمع بس اللي قولتلك عليه. ويا ريت في أسرع وقت.

محمد: لوني مش مطمن بس ماشي. فهد: تمام سلام. محمد: سلام. ملك: فهد. فهد: ملك انتي هنا من إمتى؟ ملك: لسه دلوقتي. فهد حط إيده على وشها بحنان وقالها: ماشي يا عمري. ملك: مالك يا فهد؟ حساك فيه حاجة أو مضايق. فهد: لا يروحي مافيش. ملك بابتسامة: تمام. فهد: ماشي يا روحي. هاخد شاور وأجيلك. ملك: ماشي. عقبال ما أحضر الفطار. فهد: ماشي يا روحي. أو ملاكي. ملك ضحكت وراحت تشوف الفطار. فهد دخل الحمام شارد في أفكاره.

عقله: انت متخلف. بتعمل إيه؟ المفروض تنتقم. قلبه: معرفش. أنا كل ما أشوفها بضعف أو بحس إني مش عايز غيرها. عقله: لا طبعاً. انت لازم تعيشها في جحيم. قلبه: أنا بحبها أوي. عقله: انت متخلف. بتحب إيه؟ انت لازم تنتقم مش تحبها. انت غبي. وظل شارد في أفكاره. نروح لمحمد. محمد: آنسة عشق. آنسة عشق. عشق: انت جاي هنا ليه وعايز إيه؟ محمد: جاي هنا إيه؟ دي المدرسة اللي بشتغل قدامها كمين. عشق باستهبال: آه تمام. أفندم. يعني عايز إيه؟

محمد: عاملة إيه؟ عشق بعصبية: أفندم. انت موقفني تقولي عاملة إيه؟ عاملة محشي يا أخويا. امشي من وشي. ومشيت. محمد: عاملة محشي يا أخويا وامشي من وشي؟ شكلنا هنتعب معاكي يا أستاذة عشق. عند ملك وفهد. ملك جهزت الفطار وكلوا في جو من الهدوء التام. وملك استغربت إن فهد ساكت ولا بيكلم كلمة حتى. ولبس وراح الشغل. ملك: ماله دا؟ أنا ليه حاسة إن فيه حاجة غلط؟

يعني أوقات أحس إنه بيحبني جداً. ومرة أحس إنه شخص وحش. بس المتأكدة منه إن فيه حاجة مش طبيعية بتحصل. وتنهدت. يارب. في الليل. فهد راجع من الشغل. فهد: حضري الأكل عقبال ما أغير. وقرر يتجاهلها. ملك قررت تعامله بنفس معاملته. ملك: تمام. بعد شوية. فهد: فين الأكل؟ ملك: عندك أهو. فهد بغضب: فين الأكل اللي حضرته؟ أنا مش قولت تحضري الأكل عقبال ما أغير. ملك ببرود: معلش. مابحطش لحد حاجة. اللي عايز حاجة يحضرها لنفسه. فهد بغضب

مسك ملك من شعرها وقالها: أكلي يتحضر حالاً. يا إما مش هيحصل كويس. ملك بحركة سريعة تنت إيده وزقته عنها وقالتله: وأنا سبق وقولتلك البيجي عليا مابرحمهوش. انت إيه يا أخي ها؟ رد عليا انت إيه؟ مرة تكون كويس ومرة تكون وحش ومتطاقش؟ انت عندك انفصام؟ فهد بصوت عالي: وأنا سبق وقولتلك إن ده جحيمك يا قطة. وهتشوفي فيه السواد بعينه. ملك بقوة: وأنا قبلت المواجهة. علشان مش ملك اللي تتقلب عليها الترابيزة. فهد: انتي إزاي كدا ها؟

إزاي عندك القوة دي كلها؟ إزاي انتي مابتكسريش؟ إزاي قادرة تتحملي كل ده ولسه مازلتي بتعافري؟ أزززاي؟ ملك: هقولك أنا أزززاي. أنا واحدة مابتستسلمش. عندها إيمان كبير بربنا. وطول ما واثقة إنه شايلى الأحسن. عرفت ليه؟ فهد كل مرة بيتعجب من قوتها. وإنه بيقسم إنه مشافش بنت كدا في حياته. ملك: انت بقي بتعمل معايا كدا ليه ها؟ فهد خد ملك من إيديها وقالها: هقولك أنا بعمل كدا ليه؟