رواية ملك الفهد الفصل الثالث عشر 13 - بقلم ملك موسي

قام فهد أخذ شاور وعمل نسكافيه وفطر ولبس وراح الشغل. بعد ساعة ملك صحيت وعرفت إن فهد راح الشغل. أخدت شاور وراحت تفطر. ملك: إيه ده! فهد عمل لي فطار. واللهي كتر خيره. وقعدت تاكل. وبعد كدا أدت فرضها ودموعها نازلة ومش عارفة تعمل إيه. خلصت وبعد كدا راحت تعمل الغدا. جه فهد من برا. فهد: ملك ملاكي، إنتي صحيتي؟ ملك: آه، أكيد يعني مش هنام كل ده. فهد: عاملة أكل إيه النهاردة يا ملاكي؟

ملك بستغراب: بس أنا مش بعرف أعمل أكل قوي، بس حاولت وعملت مكرونة وبانيه القدرت عليه، عقبال ما أتعلم. فهد: يحياتي، أحلى مكرونة وبانيه من إيديكي. ملك: حياتك!!! فهد، إنت سخن ولا إيه؟ فهد: لا يا ملاكي، مش سخن. بس فيها حاجة لما أدلع مراتي حبيبتي. ملك بفرحة من جواها: لا عادي، مافيهاش. يلا علشان ناكل. فهد: ماشي يا روحي. هاخد شاور وأجي لك. ملك: ماشية. أول مادخل فهد، ملك في سرها: ماله دا؟ هو فيه حاجة؟

فهد وملك خلصوا أكل. وملك شالت الأطباق وغسلتهم. وراحت تصلي وبعد كدا راحت لبست تيشيرت كت وشورت وقعدت تقرأ رواية. فهد فتح باب الأوضة. فهد: ملك مشوفتيش؟ ملك: إيه ده! إنت إزاي تدخل كدا؟ المفروض تخبط الأول. فهد: ملك، هو ده شعرك بجد ولا مكواة وبروكة؟ ملك: مكواة إيه يا جاهل، اسمها بيبي ليس. طبعاً لا، الحاجات دي مضرة للشعر. فهد قفل الباب وقالها: احلفي كدة. ملك بخوف: إنت بتقفل الباب ليه؟ فهد: ملك، اهدي. مالك؟

أنا مش هعمل لك حاجة. ملك بأطمنان: طيب، كنت عايز إيه؟ فهد نسى هو كان جاي ليه أصلاً. فهد: أنا... أنا معرفش، نسيت. ملك بضحك: طيب خلاص، لما تفتكر تعالي. بس تخبط. فهد لفت انتباهه أجندة محوطة على المكتب. فهد جاي يمسكها. ملك: سيبها يا فهد! ومسكتها. فهد: إيه ده يا ملك؟ بقول لك إيه؟ ملك: دا... دا... سيبها يا فهد! فهد: بقول لك إيه؟ دي. وشده منها. ملك: بتشدوا إيه؟ سيبوها يا فهد، بقول لك سيبوها! فهد: إيه ده يا ملك؟

مش عايزني أشوفه ليه؟ ملك بدموع: فهد، أرجوك سيبها. دي مذاكراتي. فهد بهدوء وبضيق لأنه بيضايق لما يشوفها بتعيط: طب ومش عايز برضه توريهالي ليه؟ ملك بعياط: عشان مش بحب حد يشوف مذاكرتي. فهد: وأنا حد؟ أنا جوزك. ملك بعياط وبشهقة: ماشي، بس ما تشوفهمش. فهد صعب عليها مرة واحدة. أخدها في حضنه وقالها: شششششش، خلاص. أنا آسف. ملك: زي ما يكون لقت اللي يطمنها واللي يسندها لما تحتاج. ومسكت فيه جامد. ملك: متسبنيش يا فهد، اوعدني بكده.

فهد: أوعدك يا ملاكي. عمري ما أسيبك. مالك بس يا ملاكي؟ مالك يا روحي؟ أنا موجود علشان أسمعك.

ملك: فهد، أنا طول عمري محدش طمني بحنان. أو عمر ما أبويا ده حسسني إن ليا سند وضهر. دايماً ضرب وإهانة وشتايم. دا اللي خلاني أكمل تعليمي. ماما بعد محايلة كبيرة، كنت بشتغل وأنا عمري 13 سنة علشان أتعلم أشتغل في البيوت. واتذل للي يسوى واللي ما يسواش. ومضايقات من ناس كتير. واللي خلاني أمسح وأشيل ويضربني. وكل ده وأنا بتذل علشان أتعلم. بس عشت حياة صعبة قوي. ولما إنت جيت تتقدملي، أكيد دفعت لبابا فلوس. أنا كل اللي مطمنالوا دلوقتي إن أختي الصغيرة هتعيش كويس. ودي أكتر حاجة مطمناني. لأنها بيحبها أكتر مني بكتير. أو ممكن تقول ما بيحبنيش أصلاً. وبيجيب لها اللي عايزاه. ودي أكتر حاجة مطمناني عليها إنها بيحبها ومش هتشوف اللي شفته أنا.

فهد كل ده وهوا واخدها في حضنه. وكل كلمة بتقولها بتقطع قلبه عليها. وملك بتكمل. ملك: ولما قالي إنوا عايز يجوزني لراجل كبير وعجوز عنده 60 سنة، مستغربتش. لأن ده شخص يعمل أي حاجة علشان الفلوس. وقتها اتصلت بيك ولقيتك إنك إنت النجدة الوحيدة ليا في الوقت ده. هو ليه يا فهد بيعمل معايا كدا؟ أنا عملت له إيه؟ ليه دايماً بيضربني؟ لو إني عمري ما جيت جنبه. واللهي. (كل ده وهي بتعيط)

فهد: شششششش، أهدي. خلاص يا ملاكي. كل ده شايلاه في قلبك ومخبياه. ملك: تعرف إنك الوحيد اللي حاسة في حضنك دلوقتي بأمان وراحة. أرجوك متسبنيش. فهد: في حد يسيب روحه؟ مستحيل. فهد خدها نيمها في حضنه. وهوا جواه غضب مكتوم من أبوها اللي عمله فيها. وإزاي خلاها تشتغل في البيوت. فهد كل ده وهوا ضمها له جامد كأنها هتهرب. ملك: فهد. فهد: إيه يا ملاكي؟ ملك: ينفع أسألك سؤال؟ فهد: أكيد. ملك: أنا دلوقتي معرفش عنك حاجة غير اسمك.

فهد: أنا يا ستي فهد الحاتمي. أصغر ملياردير على مستوى الوطن العربي. عندي شركات كتير ورثتها من والدي الله يرحمه. ملك: الله يرحمه. فهد: وزي ما قلت لك قبل كده، أنا أختي وأمي عايشين في القاهرة. ملك بفرحة: عايزة أشوفهم. هما ليه مجوش كتب الكتاب بتاعنا؟ فهد: علشان أمي تعبانة. واختي معاها. فمقدروش يجوا. ممكن أشوف أسبوع أو كده نروح فيه. ملك: طب أختك اسمها إيه وعندها كام سنة؟

فهد: هتصدقي لو قلت لك إنها اسمها ملك وعندها 16 سنة زيك؟ ملك: بتهزر دي؟ دي بالضبط ونفس الاسم. فهد: آه. ملك: كمل. فهد: وأنا حياتي عملية جداً. لغاية ما جت ملاكي وحالتها. ملك: يا قلب ملاكي أنت. فهد: إنتي قولتي إيه؟ ملك: مقولتش حاجة. فهد: عمل نفسه زعلان وقالها: طيب. ملك: تصبح على خير يا قلب ملاكي أنت. فهد: ضمها له جامد وناموا. في مكان آخر. الشخص: إيه الشحنة بتتسلم أهي يا معلم.

الشخص: تمام. عينك عليهم لغاية ما تطلع الشحنة من مصر. الشخص: تمام يا معلم. بس فين الفلوس؟ الشخص: أنا مش لسه مديك فلوس أول امبارح؟ الشخص: ده كان أول امبارح. إحنا النهاردة. الشخص: اتأكد إنهم هربوا المخدرات. وأديك الفلوس. الشخص: تمام يا معلم. سلامي.