رواية ملك الفهد الفصل الثاني عشر 12 - بقلم ملك موسي

فهد: ادخلي لجحيمك ياقطة. ملك ببرود كأنها مسمعتش حاجة: فين اوضتي؟ فهد بأستغراب من برودها: على اليمين دية. ملك: تمام.

ودخلت غيرت، وصلت قيام الليل وقعدت تقرأ رواية قبل ما تنام، ولا كأن حاجة حصلت. بس بعد شوية نزلت دمعة غصب عنها على طفولتها الضاعت، وعلى حياتها اللي كلها توهان ومش مستقرة. حتى الشخص اللي وثقت فيه وحبته. أيوا حبته، أنوا ممكن يكون حب مراهقة، بس على الأقل لقيت حد يطمئنها. على الأقل شوية، لأن محدش طمنها لو مرة في حياتها. قررت تكون باردة وقوية، لأنها واثقة في ربنا إنوا شايلها الأحسن إن شاء الله. ونامت ملك. عند فهد.

فهد واقف مستغرب البرود اللي فيه. وبعد كدا دخل غير هدومه وقاعد يفكر، ولسة مستغرب إزاي بنت في سنها تكون عندها القوة دية والبرود دة. ونام بعدها. في اليوم التاني. ملك صحيت، قبل فهد حضرت الفطار، وشغلت قرآن في أوضتها، وعملت نسكافيه وقعدت في البلكونة وكملت قراءة الرواية. فهد صحي لقاها قاعدة في البلكونة وبتقرأ الرواية ومنسجمة. فهد: قومي اعمليلي الفطار. ملك: آسفة، مش بعمل فطار لحد. فهد بصوت

عااالي ولا هز شعرة منها: بقولك قومي اعملي الفطار، انتي هنا خدامة وأنا أقول يتنفذ. ملك مسكت تلفونها جايا تدخل الأوضة. فهد مسك إيدها وبصوت جهوري ولا بردو هز شعرة من ملك: أنا مش بكلمك. ملك: أنا قلت اللي عندي، اللي عايز حاجة يعمالها لنفسه. فهد ضربها بالقلم وقال: أنا لما أقول حاجة تتنفذ بدون كلمة. ملك بدون تردد ادته نفس القلم لكن بقوة أكبر: وأنا لما حد بيجي عليا بيدله ضعف الضهر. فهد: عينه بتطلع شرار.

ملك دخلت أوضتها وقفلت الباب عليها. فهد: افتحي يا ملك بقولك افتحي، أحسنلك. طيب ماشي أنا بقا هعرفك أنا مين. وخد المفاتيح ومشى وهو بيستغرب من قوتها، إزاي حتت عيلة تعمل فيا أنا كدة؟ إزززاي؟ إزاي تكون بالقوة دية. ملك أول ماخرج فهد، انهارت عياط وقالت: يارب خليك معايا يارب، ماليش غيرك. ودخلت صلت ودعت كتير. بليل. جه فهد وهو سكران وعمال يطوح يمين وشمال. وملك كانت في المطبخ بتعمل الأكل. وسمعت فهد جي من برا. ملك: أنت سكران؟

فهد: أنا، تضربيني بالقلم؟ حتت عيلة زيك تضربني بالقلم؟ وراح مرة واحدة واقع في الأرض. ملك سندته لحد الأوضة، وبتقيس حرارته لقيتها عالية وسخن، غير إنوا شارب. فهد: انتي جايبة كل القوة دية منين؟ هة جابيها إزاي؟ ملك: فهد أنت مش في وعيك، اهدا. ملك قعدت جنبه وجابت "جامدات" وعمالة تعمله "جمدات". ملك: لا كدا كتيرر، مش هينفع لازم يفوق الأول من السكران دة ويغير هدومه. يارب أعمل أيه؟

ملك خدت فهد للحمام وفتحت الدش، لغيت مافاق وعمال يخرف من السخنية. ملك: فهد أنت سامعني؟ فهد؟ فهد: ملك؟ إزاي تجي بي كل القوة دية؟ ملك: فهد سنية، خليك هنا أجيبلك هدوم. فهد ملك سندوته على الحيطة وجابت هدوم وقالتله: فهد غير هدومك، أنت فقت هتقدر أكيد. فهد بتخريف: ماشي. ونجح في إنو يغير هدومه. ملك: الحمدللة كدا تمام. سندته للسرير وطلعت تغير هدومها. وقعدت تعمله "جمدات" لغيت ما سخونيه راحت. ملك: الحمدللة نزلت السخونية.

ونامت جنب فهد من كتر التعب. صحي فهد الصبح وافتكر كل حاجة. ولقاها نايمة جنبه. وبيبص حواليه لقا "جمدات" وافتكر اهتمامها بيه. فهد قعد يتأمل وشها وملامحها البريئة. وكان لسة هيحط إيده على وشها. افتكر القلم اللي ادتهوله ورجع لورا. وكرامته منعته. فهد في نفسه: لو تعرفي يا ملك بحبك قد إيه، بس للأسف مينفعش أحبك. فهد بتنهيدة: ملك؟ ملك قومي يلا. ملك بتخريف وهيا نايمة: ونبي يا بابا سبني، معملتش حاجة. ونبي سبني، كفاية ضرب. فهد

بستغراب وحزن على صغيرته: ملك؟ ملك قومي يلا، دا كابوس، مالك؟ ملك قامت بخضة وعياط. ملك بدون وعي اترمت في حضن فهد وعيطت جامد. فهد غصب عنه اخدها في حضنه وضمها ليه جامد. وملك بعد شوية نامت وهيا حضناه. فهد: ملك؟ ملك انتي نمتي؟ فهد رجع نيمها وغطاها.