رواية ملك السائر الفصل الأول 1 - بقلم شهد مصطفى

فتحت عيني بتعب وحطيت إيدي على دماغي. لقيت بابا وماما وابن عمي قدامي. سائر: حمدلله على سلامتك يا ملك. ملك بغضب: اطلع بره يا حيوان. محمد (والد ملك): عيب كده يا ملك. سائر: سيبها يا عمي، كده كده هي ملكي مهما تعمل أو تقول. ملك بغضب: طلعوا الشخص ده بره. سائر: اتفضل يا عمي، وانتِ يا عمتي. ملك وهي بتنقل بصرها بينهم: يتفضلوا فين؟ اتفضل أنت اطلع بره يا بارد. والد ووالدة ملك طلعوا، وسائر قفل الباب وقعد جنبي. ملك برقت: أنت مجنون؟ يلا إزاي تقعد جنبي؟ سائر ضرب كف بكف وقال: صبرني يا رب. يا بنت أنتِ كلها شوية وتبقى مراتي. ملك وهي بتقف على السرير: إيه؟ لا يا حبيبي اطلع بره. سائر: شوفتي أنتِ اللي قلتي حبيبي. ملك بغضب: يا بعيد، حبك برص وعشرة خرص. سائر: يا بت أنتِ تطولي اتجوزك يا أوزعة. ملك بغضب: أنا مش أوزعة، وثانياً أنت اللي زي عمود النور، وثالثاً بقى أنا مش عايزة أطول، هو بالعافية. سائر: بالحب. ملك: حبتك عقربة. سائر: اسمها قرصتك مش حبتك. ملك نزلت ومسكته من هدومه وقالت: جرا إيه يا سائر، متسيبني في حالي بقى، هو بالعافية؟ سائر بهدوء: لو موافقتيش تتجوزيني، هطلع وأقول لأهلك على... أكمل ولا لأ؟