رواية ملك السائر الفصل الرابع 4 - بقلم شهد مصطفى

سائر: ملل. جرى عليها وحط راسها على رجله وبدأ يضربها على وشها عشان تفوق. شالها وحطها على السرير وجاب ميه وكب شوية على وشها وحاول يفوقها، مبتفوقش. بدأ يخاف أكتر، فاتصل على عمر صاحبه. وبعد وقت، عمر علّق لملك محلول. سائر: هي مالها يا عمر؟ عمر: عندها هبوط مش أكتر. وهي من الواضح مأكلتش، فخلي بالك منها. بس مين المزة دي يا سائر؟ بوووم! سائر ضَرَبَهُ حتة بوكس. عمر: يخرب بيتك! إيه يا عم؟

سائر: عشان تلم لسانك، دي مراتي يا حيوان. عمر: أوووه، بس مزة. بوووم! سائر: اطلع بره يا كلب. عمر: خلاص، متزقش. أنا طالع بشوية الكرامة اللي اتبقوا. بقولك دول شوية فيتامينات ومقويات عشان المزة. سائر لسه هيضربه، عمر جرى. سائر: حيوان! سائر بص على ملك اللي ملامحها كلها حزن، وبدأ يملس على شعرها. سائر: آسف يا ملك، سامحيني. تعبتي بسببى.

بعد وقت، ملك بتفتح عينيها بتعب، بتلاقي سائر قاعد جنبها ونايم. ملك بتبص له بغضب وبتشد الكانولا من إيدها. إيدها بتجيب دم. لما تيجي تقوم، سائر بيفتح عينيه ويبص لها. سائر: عجبك كده؟ تعبتي. وسكت لما شاف إيدها بتنزل دم. ملك: بكرهك. وقامت ولسه هتمشي، شده. وقعت عليه. طلع المناديل ومسك إيدها وبدأ يمسح الدم. وملك بتحاول تشد إيدها منه. سائر بغضب: اخرسي وبطلي حركة. ملك بتعب: ولو مبطلتش؟ سائر اتنهد وسكت لما افتكر إنها حرقت جسمها.

وقال: مش هعمل، بس أهدي. ملك: مش ههدي إلا لما تطلقني وتسيبني أمشي. سائر: مش هيحصل يا ملك، ارتحتي. ملك سكتت وجت تقوم، لقيته ماسك إيدها. ملك: ممكن تسيب إيدي؟ سائر: لا. ويلا عشان نتغدى. ملك: مش عايزة. وجت تمشي، لقيته شالها. ملك بتبكي: نزلني يا سائر. سائر: بشرط، هننزل نتغدى. ملك بدموع: مش عايزة، هو بالعافية. سائر وهو بيشم ريحتها: لا، بالحب. ملك: ابعد بقى، أنا بكرهك وبقيت بكره نفسي. سائر: تاكلي إيه؟

ملك: سم، عشان آخده وأموت وأرتاح منه. سائر بصوت مخيف: مَلَك. ملك: نزلني بقى. وعضاته في كتفه، سابها فوقعت. ملك: آخ. ومسكت دراعها بوجع. سائر نزل لمستواها وقال: عجبك كده؟ ممكن ننزل ناكل. ملك: لا. سائر: خلاص براحتك. وخرج وسابها، وهي فضلت قاعدة على الأرض تعيط. سائر دخل ومعاه صينية صغيرة فيها أكل، حطها على الترابيزة وقال: آخر مرة هقولك تعالي. ملك مردتش عليه. سائر فتح الدولاب وطلع طرحة وقرب من ملك.

ملك: ابعد عني يا سائر، وإلا هتزعل. سائر مسك إيدها وربطهم ورا ضهرها وشالها. ملك بعياط: بكرهك ومش هسامحك. سائر قعدها على السرير وجاب الصينية وقعد قصدها. وجه يأكلها، قفلت بوقها. سائر: افتحي بوقك يا ملك. ملك مردتش. سائر قرب منها وبدأ يأكلها غصب عنها، وهي مش قادرة تقاومه. ملك في الآخر استسلمت له. سائر: كان من الأول. وبدأ يأكلها بهدوء، وهي عينيها اتملت دموع.

سائر: عشان خاطري، لا بلاش خاطري، عشان خاطر أهلك. كفاية عياط، ارجعي لجامعتك ومذاكرتك. ملك: وه"رجع ليه؟ ما أنت هتخليني أقعد ومش هحقق أحلامي ولا هشتغل. سائر وهو بيفك إيديها: مين قال كده؟ ملك بدموع: الواقع. أنا حتى حرية اختياري للشخص اللي بحبه اتحرمت منها بسببك. سائر: بتحبي عز؟ ملك: آه، بحبه. سائر: بس هو مش بيحبك، صدقيني. ملك: مش عايزة أصدقك. وقامت من قدامه وقالت: هل ممكن أنزل، ولا ممنوع؟

سائر: أنا مش حابسك يا ملك. أنتِ تقدري تعملي اللي أنتِ عايزاه، بس بعد ما تقولي لي. ملك: شكراً لكرم أخلاقك. ونزلت. سائر: وبعدين بقى ياربى. ملك نزلت وقعدت في الجنينة على المرجيحة وفضلت تتمرجح لحد ما قعد جنبها. سائر: وبعدين يا ملك؟ ملك: إيه تاني؟ سائر قرب منها وبدأ يدغدغها، وهي قامت تجري. مسكها وقعها على الأرض وبدأ يدغدغها. ملك بضحك: كفاية، هههههههه. هموت يا سائر، كفايه هههههههه. سائر بضحك: قولي بحبك.

ملك بضحك: لا، لامش هقول. كفاية هههههههه. سائر: أنتِ حرة. ومكمل. ملك بتعب: كفاية، كفاية، بحبك خلاص، والنبي. سائر ابتسم وقال وهو يدغدغها: مش هسمع. ملك بضحك: بحبك، بحبك، ابعد هههههههه. سائر مرة واحدة ميل عليها وباسها برقة، وهي اتصدمت. وبعدين شدها لحضنه، وهي لسه مصدومة. سائر بابتسامة: المرة الجاية هتقولي لي بحبك من قلبك يا ملوكة. بس أنا مبسوط لأنك قولتيها لي حتى لو مش بتحبيني. ملك بعدت عنه وقالت: هو أنت بتحبني للدرجة دي؟

سائر شالها وقال: كلمة بحبك قليلة، لإنّي بعشقك يا ملك. ملك: لو بتحبني، طلقني يا سائر. سائر: مستحيل يا ملك. كلمة طلاق أو إنك تبعدي عني، فده على جثتي. ملك خافت من نبرة كلامه. وهو حب يخفف خوفها، فمشى ناحية البسين وقال: ملوكـــــه. ملك بتكشيرة: ملك، متقولش ملوكة. سائر بابتسامة: قولى لي أنتِ حياتي يا سائر. ملك وهي بتضيق عينيها: على جثتي. سائر: هرميكي في الماية.