رواية ملك الزين للكاتبة شهد عبدالسلام الفصل الحادي والعشرون 21 - بقلم الكاتبة شهد عبدالسلام

مراد: قولي يا حبيبتي. نرمين: أنا... فضلت تعيط. مراد: انتي إيه؟ اهدي. نرمين: أنا اتعرضت لمحاولة اغتصاب قبل كده. مراد وقام وقف: إيه؟ انتي بتقولي إيه؟ نرمين: أنا محصليش حاجة ساعتها، بس أنا تعبانة من يومها. مراد: لو حصلك إيه، هبقى معاكي يا نرمين. نرمين بعياط: مش هتستحملني يا مراد. مراد: تبقي ماتعرفنيش. نرمين: من يوميها وأنا عندي صدمة، لما حوار زي ده بيتفتح بتعب. مراد: اهدي خالص كده. نرمين: مش قادرة. طلقني.

مراد: اهدي. إيه رأيك نعمل اتفاق؟ نرمين: اتفاق إيه؟ مراد: عيشي معايا ونحاول مع بعض لحد ما تبقي كويسة. وطول الفترة دي يا ستي نبقى زي المخطوبين، يمكن عشان انتي لسه ماتعرفينيش خايفة مني. نرمين: ولو منفعتش، هتطلقني؟ مراد: لا. نرمين: إيه؟ مراد: قصدي آه، هطلقك. نرمين: ماشي. مراد: تمام. تعالي. نرمين: إيه؟ مراد: ادخلي غيري ونامي. نرمين: طب انقلني أوضة تانية عشان دي أوضتك. مراد وضحك: لا براحتك، هي جت على الأوضة؟

انتي واخده صاحب الأوضة نفسه. ادخلي زي ما بقولك كده، وبعد كده انزلي تحت. نرمين: حاضر. نزل مراد ونرمين. الخوف اللي جواها قل شوية من كلام مراد. حست إن هي فعلاً ممكن تبقى معاه في أمان. عند زين وملك. زين: تعالي. ملك: عايز إيه؟ خدها قدام المرايا ووقف وراها. زين: إيه ده؟ وبيشاور على شعرها. ملك: شعري. زين: بجد؟ ملك: بت، ماتعصبنيش عليكي. ملك لفت وشها ناحيته. ملك بصوت هادي: فيه إيه يا زين؟

زين ونازل عليها شوية: فيه إن شعرك كان باين. ملك: وربنا لابسة بندانة بس رجعت لورا، أعمل إيه يعني؟ زين: خدي بالك، فاهمة؟ ملك: أصل أنا مش متعودة على الحجاب. زين ومسكها من خدودها وضاممهم على بعض: لا اتعودي. ملك: امم، حاضر. إيديك تقيلة. زين: أنا نازل. ملك بندفاع: رايح فين؟ زين بص لها، سكتت. بعد شوية. زين في المكتب بيتكلم في الفون: تراقبها كويس، عينك ما تشلش من عليها. المجهول: تمام يا زين باشا. ملك نزلت. ملك: عاملين إيه؟

دادة كريمة: إيه يا هانم؟ عايزة حاجة؟ ملك: هانم إيه بس يا دادة؟ انتي في سن مامتي، قولولي يا ملك. وبعدين أنا أول مرة أشوفكم. الدادة ضحكت: دي ريماس، وبتشاور عليها. ملك: ازيك؟ وبتسلموا. اتعرفت على بقيتهم. الدادة: كنتي عايزة إيه يا هانم؟ ملك: لا، انتي مافيش فايدة. اسمي ملك وربنا. ما تتعبيش نفسك، أنا هعمل قهوة. الدادة مسكتها: معلش، دي أوامر زين باشا. عايزة... ملك: فكك منه. كله بستغراب: إيه؟ ملك: إيه؟

ريماس: في حد يقول كده على أوامر زين باشا؟ ملك: وفي إيه؟ وبتاخد الفنجان من الدادة. زين: لا، مافيش أي حاجة. وبياخد فنجان القهوة. ملك: يماما، مش انت قولت إنك نازل؟ زين من غير كلام خدها وخد القهوة ودخل المكتب. زين: ينفع اللي قولتي؟ ملك بتهز دماغها بمعنى لا. زين: أنا زين، تقوليلهم فككم منه؟ أنا يتقال على كلامي كده؟ ملك بردو بتهز دماغها بمعنى لا. زين: ما تتكلمي. ملك: لا. زين: كلامك يبقى بحساب، فاهمة؟ ملك: فاهمة.

كل ده زين بيتكلم بهدوء. زين: اتفضلي. ملك: عايزة القهوة، طب. زين: مافيش. شرب خرا على دماغك. ملك: انت بارد وربنا. وبعدين انت مالك؟ هتشربني على مزاجك؟ زين بيتعمد يبقى بارد معاها: آه. ملك: طب هاتها. زين: اطلعي. ملك: طب أنا عايزة أروح لبابا وماما. زين: حاضر. بكرة. ملك: أطلع بقا. ملك: طب هات حبة صغنانين. زين ضحك على طريقتها: تعالي. وخدها على كتفه وطلع. ملك وهي على كتفه: لا لا، إحنا مااتفقناش على كده. أنا عايزة قهوة.

زين نزلها في الأوضة. زين: لازم أشيلك عشان تطلعي. وبعدين نامي. انتي إيه اللي مسهرك؟ وكمان عايزة تشربي قهوة؟ بصي من هنا ورايح مافيش شرب قهوة نهائي. ابقي اشربي لبن. ملك: إيه ده؟ لو على موتي. زين بعصبية مسكها من خدودها وضمهم على بعض جامد. زين: والله يا ملك لو سيرة الموت جت على لسانك، ما هينفع. كويس؟ سامعة؟ ملك: آه. ملك بزعيق: هو انت إيه؟ مابتحسش؟ كل شوية...