رواية ملك الزين للكاتبة شهد عبدالسلام الفصل الرابع 4 - بقلم الكاتبة شهد عبدالسلام

الشمس أشرقت تعلن يوم جديد بكل تفاصيله. زينب: ملك يا ملك قومي عشان الشغل. ملك بنوم: اممممم قايمه. زينب: طب يلا عشان تفطري. طلعت مامت ملك، وقامت ملك غيرت هدومها وصّلت فرضها. على الفطار: ملك: صباح الخير. الأب والأم: صباح النور. ملك: عايزين حاجة؟ أنا نازلة راحة الشغل. الأم: مش هتفطري؟ ملك: لا يا ماما، يدوبك ألحق الشغل، باي. ملك نزلت واتقابلت هي ونرمين. نرمين: إزيك يا يختي، خدي دي المحاضرات مريم جبهالي امبارح.

ملك: ماشي يختي، يلا بقا. وفعلاً مشيوا على الشركة. في الشركة: مهاب: أهلاً، كل ده؟ يلا كل واحدة على شغلها. وشوية وزين ومراد وصلوا الشركة. زين: ابعتيلي القهوة على مكتبي وابعدي لملك. شمس: ماشي يا مستر زين. بعد شوية وصلت ملك. شمس بغل باين عليها: ادخلي، مستر زين مستنيكي جوا. مشيت ملك من غير ما ترد على طريقتها. زين: ادخل. ملك دخلت. زين: عيّنتي قرارك؟ ملك بتوتر: لا. زين بعصبية خفيفة: هو إيه اللي لا؟ ما تخلصي، قولي رأيك.

ملك: اصل... زين بمقاطعة ليها: ده العقد امضى عليه وهتستلمي الشغل من النهارده. ملك خدت العقد ومن غير كلام وقعت عليه. زين: صح، أنا عندي هنا قواعد للي هيشتغل. ملك: قواعد؟! زين: آه، ولو خلفتيها هزعل جامد. ملك بعصبية: أنا ماحدش يقدر يزعلني! ولسه هتقوم، من بصة من زين ليها رجعت مكانها تاني. زين: أول حاجة تتعلميها، وأنا بتكلم ما تتكلميش. وأنتي هتبقي في مكتبك وكل شغلك معايا أنا. فاهمة؟

وتاني حاجة، مش عايز أشوف بتتكلمي مع أي حد في الشركة نهائي، فاهمة؟ ملك باستغراب من كلامه بس مش قادرة تنطق: فاهمة يا مستر زين. زين: تمام كده يا ملك. أنتي هنا نص ساعة بالكتير والمكتب هيبقى جاهز. ملك: طب إيه رأي حضرتك نبدأ من بكرة؟ زين: خلاص، تمام. اتفضلي، وبكرة من قبل ما أنا أوصل تبقي هنا. ملك: طب حضرتك أنا عندي كلية وساعات...

زين بقاطعه: عارف إنك في الكلية وساعات بيبقى فيه محاضرات مهمة. فا بقولك عادي، بس أديني خبر قبل المحاضرة. ملك: تمام يا مستر زين. أقدر أتفضل؟ زين: اتفضلي. زين بعد ما خرجت ملك، في سره: ده الشغل هيحلو من بكرة بقى. روحوا لملك اللي كانت خارجة من عند زين والصدمة كانت باينة عليها. ونزلت كملت شغلها واليوم خلص. نرمين وهما نازلين من الشركة: مالك؟ من ساعة ما مستر زين طلبك وطلعتيله مش على بعضك.

ملك: ده بني آدم مش طبيعي. ده خدني في كلام أوي. أول ما طلعت من عنده حسيت إني هبلة. ده أنا ما نطقتش ولا كلمة اعتراض. نرمين بضحك: صحبتي جالها اللي يخوفها. ملك بضحك: عيب عليكي، تعرفي عن صحبتك كده. نرمين: بعد الضحكة دي عرفت اللي فيها.