رواية ملك الزين للكاتبة شهد عبدالسلام الفصل الثالث 3 - بقلم الكاتبة شهد عبدالسلام

زين طبعًا وصل الشركة قبل ملك. ملك: ألو يا نرمين، أنا مستنياكي في الكافيه اللي قبل الشركة بشوية، انتي فين؟ نرمين: تمام، أنا قربت على الكافيه، باي. في الشركة. شمس (سكرتيرة زين) : صباح الخير يا مستر زين، طيارة حضرتك فاضل عليها ساعة. زين: تمام يا شمس، وأول ما ييجي مراد، خليه يدخل. شمس: تمام يا زين باشا. وصل مراد. مراد: شمس، زين وصل؟ شمس: اتفضل حضرتك، زين باشا جوا. مراد دخل لزين. مراد: إيه يا برو.

زين: اقعد، أخلص عشان أمشي. زين: خد دي، أوراق الصفقة كلها، وزي ما قلت لك. مراد ضحك بخبث: تمام. زين: أنا ماشي، عايز حاجة؟ مراد: ترجع بسلامة، وسلم لي على بنات لندن. عند ملك. نرمين: يلا يا روحي. ملك: يلا، ورايحة الشركة. وبدأت كل واحدة فيهم شغله. استوب بقى، لسه ما عرفناش نرمين ومراد وشمس. (نرمين صاحبة ملك وهما في ابتدائي، وأهبل برضه زي صاحبتها، بشرتها بيضة وشعرها قصير ناعم وعينيها عسلي، 20 سنة)

(مراد صاحب زين الوحيد، وقمور زي زين، بس يختلف عنه إن مراد بتاع بنات شوية، 28 سنة، هو وزين شركاه في الشغل) (شمس سكرتيرة زين، ملزقة شوية، طويلة وبشرتها خمرية وعينيها زرقاء وشعرها طويل ناعم) ملك ونرمين نازلين في الأسانسير بعد أول يوم شغل. ومراد طالع عشان نسي الفونة في المكتب. بيتقابل مراد وملك ونرمين عند باب الأسانسير. مراد بمشاكسة ليهم: أول مرة أعرف إن الشركة فيها قمرات كده. نرمين بقرف: روح العب بعيد ياض انت.

مراد: ياض؟ أنا يتقال لي ياض؟ انتي متعرفيش أنا مين؟ (واقف قدامها مش عايز يعديها) نرمين: هتكون مين يعني؟ المدير مثلاً؟ اوعى كده، غور. راحت سابته وماشية. ملك بضحك: شاطرة، تربيتي. نرمين بضحك: تربية ناقصة يختي. ملك: أنا ما اتكلمتش، وانتي قمتي بالواجب. وخلص مراد الصفقة وعمل زي ما اتفق معاه. صباح يوم جديد، ملك نازلة. أدهم: صباح الخير يا قلبي. ملك: صباح منيل على دماغك، انت إيه؟ ما عندكش دم؟

وامشي أحسن لك بدل ما ألم عليك الناس. أدهم فعلًا جاله فون وسابها ومشي. في الشركة. مراد قاعد في مكتبه وبيتكلم مع نفسه: بقا أنا مراد، واحدة تهزقني كده؟ ماشي، ما بقاش أنا لو ما جبتش آخرك. رن على حد في الشركة. مراد: هبعت لك صور اتنين من كاميرات المراقبة، وتعرف لي هما مين دول، وكانوا في الشركة بيعملوا إيه. الموظف: تمام يا مستر مراد. مراد بعت الصور اللي خدها من الكاميرا لملك ونرمين.

الموظف بعد نص ساعة: مراد بيه، دول اتنين موظفين جدد تحت التدريب، وكان أول يوم ليهم امبارح. الأول اللي في حضرتك في الصورة نرمين، والتانية ملك. مراد: تمام. وقفل معاه. شويه ومراد عمل اتصال لمهاب اللي بيشرف على تمرين ملك ونرمين. مراد: عايزك تبعت لي نرمين اللي لسه شغالة امبارح، ابعتهالي بأي حجة. (ومين يقدر ينزل كلمة لمراد أو زين) مهاب: ماشي يا مستر مراد. عند مهاب. مهاب لنرمين: خدي الملف ده، اعرضيه على حضرت المدير.

نرمين: مش حضرتك قلت مستر زين مسافر؟ مهاب: لا، ده شريك مراد باشا. نرمين خدت منه الأوراق وراحت عند مراد. أول مادخلت. نرمين: هو انت؟ وفجأة...