رواية ملك الزين للكاتبة شهد عبدالسلام الفصل الرابع والعشرون 24 - بقلم الكاتبة شهد عبدالسلام

زين رجع ومعاه مراد. زين: عاملة إيه دلوقتي؟ ملك: الحمد لله. زين: طب تعالي ننزل نتغدا سوا. وخدها ونزل وقعدوا يتغدوا في جو لطيف مع بعض. مراد: يلا يا روحي. نرمين: يلا. ملك: استنوا شوية كمان. نرمين: معلش المرة الجاية. زين: يا عم استنى. مراد: عايز أنام. باي. ومشي نرمين ومراد. وطلعت ملك وزين طلع وراها. زين كان بيتكلم في الفون. زين: مالك يا حبيبتي في إيه؟ طب اهدي، أنا جاي نازل أهو. وخرج زين.

وملك قاعدة هتموت عشان تعرف مين دي وإزاي بيقولها "يا حبيبتي". ملك فضلت قاعدة مستنية زين وهي هتموت من العياط. وطلع النهار والساعة بقت سبعة وشوية وزين دخل. ملك: زين. زين وهو مديها ظهره: إيه يا ملك. ملك: عايزة أتكلم معاك. زين: مش دلوقتي. ولف. زين مشي ناحيتها وقعد جنبها وحط إيده على خدها. زين: إيه ده مالك، كنتي بتعيطي ليه؟ ملك: ورجعت للعياط. زين بيحضنها: اهدي بس، في إيه. ملك بعياط: أوعى، إنت بتخوني ليه يا زين.

زين: بخونك في إيه. وافتكر لما اتكلم في الفون قبل ما ينزل. زين: اهدي بس وأنا هفهمك بعدين. شوية وملك بطلت عياط. الدادة: زين بيه، الهانم الصغيرة تحت. زين: نازل. وساب ملك ونزل. وملك نزلت وراه من غير ما يشوفها. ميار واترمت في حضنه: يرضيك كده. وبعدين أصحى ألاقيك مشيت. زين: كنت هاجيلك يا حبيبتي. ملك بزعيق مع عياط في نفس الوقت: إيه ده، مين دي. زين وهو ماسك شعرها: إنتي إيه اللي منزلك. ملك: بقولك مين دي، تقولي مين اللي منزلك.

زين: اطلعي دلوقتي، مش وقتك. ملك: إنت إزاي تكلمني كده. زين بطريقته اللي بترعب ملك، مسك إيديها. زين: اطلعي أوضتك دلوقتي. ملك خافت وطلعت. زين: تعالي. وخد ميار وطلعوا برا الفيلا ووصل ميار البيت. زين: ميار، ركزي في مذاكرتك ومالكيش دعوة بيها، وأنا هخلص الموضوع ده. ميار: ماشي. زين: ماشي، خلي بالك من نفسك ولو حصل أي حاجة كلميني. ميار: حاضر. ونزل راجع الفيلا. وكانت ملك واخدة شنطتها وماشية. زين: إنتي راحة فين. ملك: راجعة بيتي.

زين: ملك، عديها على خير، اطلعي نامي. ملك: مش هقعد هنا يا زين، لما يكون حضرتك مش محترمني ومش محترم مشاعري وحبي ليك، يبقى ماينفعش أقعد هنا لو ثانية واحدة. زين: قولتي إيه. ملك: زي ما سمعت. وهي أصلاً مش عارفة هي قالت إيه. زين عرف إنها بتحبه وإنها فهمت غلط خالص. زين بابتسامة حط إيده الاتنين على كتفها. زين: اطلعي دلوقتي، معلش، وأنا وربنا هقولك مين دي، بس مش دلوقتي.

ملك: أمال إمتى ها. وكمان سبتني ونزلت لما هي كلمتك وأنا ولا كاني موجودة في حياتك أصلاً، وسايبني طول الليل هموت عليك. وبتحاول تضربه على صدره وبتتكلم: وبتحضنها ليه ها، إزاي تحضنها. زين شالها على كتفه وطلع بيها. زين: نزلها في الأوضة. زين: ما بتطلعيش غير كده. أنا داخل آخد شاور ومش عايز أسمعلك صوت، ومش عايز أشوف دموعك دي، إنتي فاهمة. ودخل خد شاور وطالع لابس شورت. ملك: إيه ده، إنت إزاي طالع كده. زين: تعرفي تسكتي وتنامي.

وشدها وخدها بين أحضانه وناموا. وصحوا على قبل المغرب. ملك حست في حاجة رابطاها، مش قادرة تتحرك. فتحت اتلاقيت زين. زين: صحيتي. ملك: اممم. زين: أنا جعان. ملك: مفجوع. زين: قومي هاتي أكل. ملك: حاضر. وهي بتاخده في الكلام عشان تعرف تقوم من حضنه. ملك فجأة افتكرت اللي حصل. ملك: أوعى، بزعيق، إنت قلت هحكيلك، احكيلي بقا، أنا ساكتة أهو. زين: في إيه، إنتي بتتحولي يا بنتي.

ملك: قولي أي، موضوع ده ومين دي وإزاي تسبني وتنزلها وإزاي تحضنها، قول. زين: يخربيتك، إيه ده كله. ملك: أنا ماليش دعوة بقا، قول، عارف لو مقلتليش هعمل إيه. زين: بقا أنا زين على آخر الزمن بتتهدد، هتعملي إيه. ملك: هموتك، إنت أصلاً تحمد ربنا إنك لسه عايش، بقا أنا شكل واحدة تتخان. زين بستفزها: بس مش مع أي واحدة، طويلة وعينيها عسلي ولا شعرها بقا حلو قوي طويل واستريت مش كيرلي. ملك بعياط: أنا بقا هموتك إنت وهي.

ولسه هتمسك في زين. زين: اهدي كده، تعالي أقولك مين دي عشان إنتي فاهمة غلط خالص. ملك: يعني مش بتخوني. زين: في قمر يتخان برضه. ملك: طب قول. زين: جعان. ملك: إنت بتاكل بعقلي بكلمتين. زين: عيب، تعرفي عن حبيبك كده. ملك بتوتر: حبيبي منين، وبعدين حبيبي مش مضمون. زين بغمز: يعني حبيبك. ملك: قول بقاا.