رواية ملك الزين للكاتبة شهد عبدالسلام الفصل الثالث والعشرون 23 - بقلم الكاتبة شهد عبدالسلام

زين : إيه ده؟ أنا إزاي نايم كده؟ كان نايم وملك بين أحضانه. زين قام، خد شاور، لبس، ونزل الشركة. بعد كام ساعة، وملك صحت. فضلت تبص حواليها. عرفت إن زين نزل، وفضلت قاعدة في الأوضة. مانزلتش ولا اتكلمت مع حد. عند مراد ونرمين. مراد: عاملة إيه؟ نرمين: كويسة. مراد: اقعدي افطري. نرمين قعدت. مراد: ما طلعتيش من أوضتك من ساعة الفرح. نرمين: معلش، كنت تعبانة شوية. مراد بخضة ومسك إيديها: طب أجيبلك الدكتور؟ نرمين: لا، بقيت كويسة.

مراد: مش عايزك تتعبي نفسك خالص، وابقي خلي بالك من نفسك. أنا هنزل الشغل من بعد بكرة. نرمين: ربنا معاك. وأنا هنزل معاك. مراد: كان زمان الكلام ده. نرمين: إيه اللي زمان؟ مراد: الشغل. نرمين: يعني إيه؟ مراد: يعني مافيش شغل تاني غير لما تتخرجي، تيجي تشتغلي معايا. نرمين: بس عايزة أنزل الشغل معاك، حتى ما أبقاش لوحدي. مراد: خليكي هنا أحسن، تبقي مرتاحة. نرمين: بس الشغل مش هيتعبني، حتى أشتغل معاك لحد ما تجيب حد مكاني.

مراد: أنا طول عمري من غير سكرتارية. نرمين: بجد؟ مراد: عادي. نرمين: طب والنبي أكمل معاك شغل بدل ما أقعد في البيت. مراد: اقعدي بس عشان مذاكرتك. نرمين: يا مراد... مراد: قلبي. نرمين وشها احمر. نرمين: احم... مراد: بس خلاص، بفراولة بتاعتك دي. نرمين ضحكت. مراد: انزلي براحتك، ده بيتك على فكرة. نرمين: ما أنا براحتي. مراد: على لبسكك، عشان كده قاعدة مخنوقة، أنا عارف. نرمين فضلت تضحك. نرمين: وإيه اللي عرفك بقى؟

مراد: باين عليكي. يلا افطري، وبعدين ده مش معاد فطار خالص، ده الغدا. عند ملك. شوية وزين رجع الفيلا. زين: اعمليلي القهوة في المكتب. وطلع فوق. دخل، كانت ملك في الحمام. دخل زين من غير أي كلام، وخد شاور، ونزل. ملك: أنا عايزة أنزل الجامعة من بكرة. زين: براحتك، انزلي، وخلي بالك من مذكرتك. وسبها ونزل. ملك رنت على نرمين. ملك: إيه يا نرمين؟ نرمين: مال صوتك؟ ملك: مافيش. إنتي مالك؟ نرمين: مافيش حاجة.

ملك: أنا هنزل الجامعة من بكرة، هتنزلي؟ نرمين: خليها بعده، عشان يكون مراد نزل الشغل. ملك: خلاص، ماشي. نرمين: ماشي، باي. وقفلوا السكة. ملك فضلت قاعدة شوية على السوشيال ميديا، وشوية وكانت هتعيط. ملك لنفسها: لا مش هعيط، أنا هقوم أنام أحسن. وفعلاً نامت. وعدى تاني يوم من غير جديد. زين مابيتكلمش معاها، وهي مابتنزلش من الأوضة. يوم الجامعة. ملك: إيه، صحيتي؟ نرمين: آه. وقفلوا. نرمين: صباح الخير. مراد: صباح النور يا نونا.

نرمين: نونا؟ مراد: إنتي في عيني نونا. عايزة حاجة؟ نرمين: بقا كده أنا نونا؟ مراد: تعالي، راحة فين؟ نرمين: مش أنا قولتلك إن هنزل الجامعة؟ مراد: آه، معلش نسيت. نرمين: ولا يهمك. مراد: طب افطري، وهاخدك في طريقي. نرمين: ماشي. عند زين وملك. ملك: لبست، وكان زين في المكتب. زين: راحة فين؟ ملك: راحة الجامعة. زين: تمام، السواق برا، هيوديكي ويجيبك. ملك: ماشي. زين: افطري وانزلي. ملك: مش جعانة. زين: اخلصي يا ملك. ملك: أنا...

و غابت عن الوعي. زين: ملك! ملك! فوقي! وطلب الدكتورة. الدكتورة: ده ضعف، من الواضح إن هي بقالها فترة مابتأكلش. وأنا علقتلها محاليل. زين: طب هتفوق إمتى؟ الدكتورة: هي فاقت جوا، ومتخافش، هتبقى كويسة. بس ياريت تخلي بالها من أكلها. زين: تمام، شكراً. ودخل لملك. زين: حلو كده، مابتأكليش ليه؟ ملك: ... (مافيش رد) زين: وربنا يا ملك، لو ماخدتيش بالك من نفسك، هعرفك إزاي تاخدي بالك. ملك: فرالك أوي. زين: ... (لسه هيتكلم)

الدادة: مراد بيه ونرمين هانم حاضر. زين: خليهم يطلعوا. وجاب حجاب لملك. نرمين: مالك يا روحي؟ ألف سلامة عليكي. ملك: الله يسلمك، مافيش. مراد: ألف سلامة عليكي يا لوكا... قصدي يا ملك. ملك لسه هترد. زين خد مراد وطلعوا برا. زين: لوكا؟ وربنا يا مراد، لو نطقتها تاني، هموتك. مراد: غلطة لسان يا زين. زين: طب امشي. مراد: أروح فين؟ زين: انزل، وأنا نازل وراك. مراد: ماشي. ودخل زين لملك. زين: أنا نازل دلوقتي أنا ومراد، وشوية وراجع.

ملك: ماشي. مراد لنرمين: أنا هروح الشركة، وإنتي اقعدي مع ملك عقبال ما أجي آخدك. نرمين: ماشي. وطلعت تاني لملك. نرمين: مالك بقا؟ إيه اللي خلاكي ماتأكليش؟ ملك: مافيش. وإنتي الي مالك؟ وكل واحدة هربت من الكلام. ونرمين أكلت ملك، وفضلوا يتكلموا لحد ما الوقت خدهم. وزين ومراد رجعوا.