رواية ملك الزين للكاتبة شهد عبدالسلام الفصل السابع 7 - بقلم الكاتبة شهد عبدالسلام

نرمين وملك كلموا بعض وكل واحدة حكت للتانية على اللي حصلها. ملك زعلت أوي إن نرمين سابت الشغل، ونرمين قررت إنها تكمل في الجامعة وتسيب موضوع الشغل. صباح يوم جديد مليان أحداث على أبطالنا. مراد مع نفسه: دلوقتي مافيش قدامي غير الحل الأخير اللي هتبقى فيه موجودة جنبي، يوووه، مع إن ماكنش نفسي أستخدمه أبدًا، بس مافيش غير الحل ده. بيبص للفون وبيضحك ونزل. وصل لمكان نرمين، كانت قاعدة في كافيه على النيل.

مراد: طلعتي شبه البنات أهو، بتحبي الجو الهادي. نرمين: هو أنت عايز إيه مني؟ مراد: عايزك تنفذي الشرط اللي في العقد. نرمين: أنا أصلًا كان عقدي ابتدائي. مراد: أنتِ معرفتيش. نرمين: مافيش رد. مراد: أنا هقولك مع إنك ماسألتش، بس هقولك، أصل أنا لغيت الابتدائي وعملت عقد. نرمين: ده إزاي وإمتى؟ مراد: واحدة واحدة على نفسك، هقولك. فلاش باك. نرمين كان الضغط عليها وبعد ما نزلت من عند مراد. مهاب: امضي على الوراقة دي.

نرمين: وراقة إيه دي؟ مهاب: السكرتارية بعتتهالك، بتقول دي طلعت ناقصة في ورقك. نرمين بتعب، وقعت عليها من غير ما تشوف كلمة. انتهى الفلاش. مراد: أنتِ ما شاء الله عليكي، ماكلفتيش خاطرك تشوفي كلمة واحدة. (هو طبعًا كان لازق ورقة فوقها بس نرمين ما تعرفش) نرمين: عارف، العقد ده بيلو وأشرب المايه بتاعته. مراد: بجد؟ طب أنا ممكن أروح المحكمة وأوريهم العقد وهما يجيبوا حق الشركة بمعرفتهم. نرمين: وأنا هقول العقد ده فيه تزوير.

مراد: أنتِ عارفة كويس إنه هيبقا سليم، وعلى فكرة الشرط الجزائي غالي أوي. نرمين: هو أنت أي عايز مني إيه؟ مراد: زي ما قولت امبارح، بس أنتِ فهمتي غلط. نرمين: فهمت إيه غلط؟ مراد: أنا قولتلك تعالي معايا البيت، بس مش زي اللي في دماغك. نرمين: أمال هتخدني تنيل بيا إيه في أم بيتكك؟ مراد: لسانك ده لو ماتعدلش هتزعلي جامد. نرمين: اخلص بقاا، عايز مني إيه؟

مراد: هتبقي السكرتارية الخاصة بتاعتي، يعني تيجي عندي تحضرلي الفطار، وبعد كده تنزلي معايا الشركة. نرمين: يختي قمر، أنت مجنون ولا إيه بالظبط؟ مراد وهو ماشي: فكري كويس، وهستنى الموافقة بكرة، أو... الحاجة التانية أنتِ عارفها. عند ملك، أبوها وعمها قالبين الدنيا على أدهم، وهي ماتكلمتش من كتر الخوف. عند زين. زين ساب أدهم في المخزن، وحراس زين عملوا الواجب وزيادة شوية. عمار (واحد من الرجالة) : هو جوه، وزي ما حضرتك أمرت اتعمل.

زين: ماشي يا عمار، فكوا وهاتوه جوه في الفيلا. عمار: تمام. زين بعد ما أمر عمار يطلع: آآه، عايز منها إيه بقا؟ أدهم: هي مين؟ زين: اخلص بدل ما أموتك. أدهم بتعب من اللي حصل له: تبقا مراتي.