رواية ملكت الحمزة الفصل الحادي والثلاثون 31 - بقلم سندس احمد

حمزه كان قاعد مستني ملك تخلص بملل. حمزه بزهق: ملك اخلصي زهقت. ملك خرجت وبصتله وقالت بغيظ: أهدأ الله، الدنيا مش هتطير. حمزه بصّلها من فوق لتحت ورفع حاجب. حمزه ببرود: هو ده اللي إنشاء الله. ملك قربت منه وقالت بدلال: إييه. حمزه بحده: ادخلي غيري. ملك برجاء: بليز على خاطري يا حمزتي. حمزه ببرود: ماشي، مفيش خروج. وبعد عنها وراح قعد على السرير. ملك بصتله وقالت بزعل: حاضر، هدخل أغير. على فكرة بقى اللبس مفيهوش غلطة ولا ضيق.

حمزه برفع حاجب ووقاحة وهو باصصلها: آه، مش ضيق، مهو واضح. الإسكيرت مقسّمة رجليكي ومقسّمة جسمك، وتقوليلي مش ضيقة؟ آه، والبلوزة القصيرة دي، إنتي حد قالك إنك بقرون؟ ملك بزهق: خلاص، خلاص، هدخل أغير. حمزه ببرود: ما إنتي كده كده هتدخلي تغيري، كل مرة بتعملي نفس الحوار، وف الآخر بتدخلي تغيري، وكلمتك هي اللي بتمشي. فليه الهفره دي؟ تلبسي وتخلعي وتيجي بالليل تفرهدي وتنامي؟ مني وفري المجهود ده لليل يا روحي.

ملك بخجل شديد: إنت أصلاً قليل الأدب، وأنا مش هرد عليك. حمزه قام وراح حاصرها عند الدولاب وقال بخبث: لا، ردي. عايزة أعرف ردي. ملك وشها كله احمر وسخن. ملك بكسوف: حمزه، ابعد، ابعد، مش قادرة آخد نفسي، ابعد. حمزه بسفالة: استني، هديكي جرعة. ملك لسه هترد، لاقته مال على شفايفها وباسها بشغف وحب وجنون. كان بيبوسها بحنية شديدة وحب. ملك اتجاوبت معاه وحاوطت رقبته. وبعد عشر دقايق، حمزه بعد عنها.

حمزه بغمزة: كفاية الجرعة دي ولا أزودلك؟ بصتله بهيام. حمزه بضحك وحب: فُوقي. ملك هزت رأسها وقالت بخجل: حمزه، ابعد، هغير هدومي. حمزه بوقاحة: تعالي أغيرهالك أنا يا قلب حمزه. ملك زقته ودخلت الحمام. حمزه بصوت عالي وسفالة: لما نشوف بليل هتعملي إيه، مش هخليكي تفلتي من تحت إيدي يا حتتي. هاجر نزلت من عربية علي ولسه هتدخل العمارة، صوت علي وقفها. علي بهدوء: استني، هطلع معاكي. عايز أخوكي في حاجة. هاجر باستغراب: حاجة إيه دي؟ علي

قرب ووقف وشها وقال بهدوء: مفيش، بس أنا عايزها. هاجر هزت رأسها ودخلوا هما الاتنين. (هاجر ساكنة في الدور الخامس) ركبوا الإسانسير. هاجر بدون مقدمات خرجت فونها وفتحت الكاميرا وكانت هتصور، قالت بزعل: الفون ده كاميرته زفت أوي. علي بصّلها، طلع فونو وفتحو وأداهالها وقال بحب: خدي فوني، اتصوري بيه. كاميرته هتعجبك أوي. هاجر خدته وقالت بضحك: أكيد، ما آيفون. وبعدين من غير ما أقول، كنت هخليك تطلعه دلوقتي عشان نتصور.

علي استغرب بس قرر يشوف هتعمل إيه. هاجر فتحت، رفعت الفون قدام المرايا وبقت تتصور. واتصورت هي وعلي. الإسانسير وقف واتهز جامد. هاجر وقعت في حضن علي. هاجر بوجع: آه. علي بخوف وخضة: في إيه، حصلك حاجة؟ هاجر بدموع بصت لإيدها، اا لاقتها بتجيب دم والكم متغرّق. علي بص بصدمة على دراعها وقال بجنون: إيه ده؟ سندها وخرج بيها بره الإسانسير ووقفوا في الطرقة وقال بجنون وعصبية: انطقي، إيه ده؟ هاجر بدموع: إيدي وجعاني، مش قادرة.

علي شمّر دراعها وبص لإيدها، لاقاه منظرها بشع أوي. غمض عيونه بأسف ووجع وقال: ليه كده، ليه ليه يا هاجر. هاجر بصتله بدموع: إيدي وجعاني، مش قادرة. مسكها من وسطها وراح رجع الإسانسير وشغله ونزلوا. ركبها العربية وطلع على المستشفى. كان طول الطريق ساكت ومش بيتكلم. وصلوا المستشفى ودخلها أوضة عادية ودخل بعدها. كان لابس جلافز وبالطو. دخل قعد جنبها وبدأ يعقم جرحها ويخيط الغرز. هاجر كانت بتعيط بوجع شديد أوي وبتصرخ من الوجع.

بعد وقت كانت نايمة على السرير ومعلقة محلول. علي كان قاعد جنبها ومستني المحلول يخلص. ملك كانت بتاكل بجوع شديد. حمزه بصّلها وحط إيده على ضهرها وقال بحنية: حبيبي، أهدأ. الأكل الكتير ده وحش عليكي، أهدأ. ملك بصتله وقالت ببراءة: ما أنا اللي عايزة ده، ابنك. وشاورت على بطنها بطفولة. حمزه ضحك عليها وقال: كلي يا قلبي، كلي. وبدأ يبصلها بحب كبير وهي بتاكل. المطعم مكنش فيه حد خالص، كان محجوز له هو وبس.

حمزه كان بيصورها وهي بتاكل ومش واخدة بالها. صورها ييجي ميت صورة. ملك بغيظ: خلاص بقى، ميت صورة. مزهقتش؟ حمزه بعشق: عمري مزهق يا ملك، عمري. إنتي روحي وقلبي. وحط إيده على قلبه. ملك تاهت في كلمة "روحي وقلبي". ملك بحب: بحبك، بحبك، بحبـــــــــــــــــااااااااااااااااااك. حمزه بضحك وعشق: خلاص يا هبلة، أهدأ. ملك ضحكت وكملت أكل. الساعة بقت تمانية بليل. علي قام وفك المحلول وحاشه ورماه في الباسكت.

والممرضة ساعدت هاجر تقوم وتقف. علي مسك إيدها وسندها وخرجوا بره. ركبها العربية وساقها. هاجر بصتله بزعل وقالت: علي. علي بهدوء: في عندك كيس فيه عصاير، افتحي واشربي، أكيد مهبطة. هاجر بدموع: إنت زعلان؟ علي بهدوء: ابداً، هزعل ليه؟ البنت اللي خلاص أسبوع وهتبقى مراتي بتقطع في إيدها وإيدها متشوهة؟ هزعل ليه؟ هاجر بدموع ووجع: خلاص، مش هعمل كده تاني. علي بهدوء: تمام، امسحي دموعك ومتعيطيش. هاجر بصتله بوجع ودموع ورجعت بصت للشباك.

هاجر بهدوء: روح عند البحر، عايزة أقعد على البحر شوية. علي سمع كلامها وراح ناحية البحر. ركن عربيته ووقف. علي بهدوء: من امتى وإنتي بتعملي كده؟ هاجر بشرود: من لما بابا وماما ماتوا. يعني بقالي أربع سنين. علي بوجع: أربع سنين بتقطعي في إيدك يا هاجر؟ على إيه؟ بتستفيدي إيه لما بتعملي كده؟ هاجر ربعت

إيدها وبصتله وقالت بوجع: مش عارفة، بس برتاح لما بعمل كده. تقدر تقول كده بقيت هواية عندي، بمارسها كل يوم. مبقدرش أفوت يوم إلا والموس يكون معلم على إيدي. علي حاول يتحكم في نفسه وقال: طيب لو قولتلك على خاطر علي حبيبك تبطلي، هتبطلي؟ هاجر بصتله بحب وعشق: بتحبني يا علي؟ علي شدها وحضنها وهي دفنت نفسها في حضنه. وبقت تشم ريحته بحب واستمتاع. بقت تتمسح في حضنه زي القطط. حست براحة رهيبة أول ما رمت في حضنه.

علي كان بيضمها بكل حنية وبيحاول على قد ما يقدر يطمنها. علي بدموع: نوجا، لو بتحبيني صحيح، بطلي اللي بتعمليه ده. على خاطري أنا. إنتي متعرفيش أنا بيحصل فيا إيه لما بشوف إيدك دي. إنتي بتقطعي قلبي، ومش بس كده، أنا بموت من جوايا لما بشوف إيدك دي. هاجر بدأت تستمع بحضنه وتدفن نفسها فيه. هاجر بعشق كبير: أنا بحبك أوي يا علي، بعشقك. علي بهيام وعشق: وأنا بعشقك يا قلب علي. هاجر رفعت وشها وبصتله وكانت قريبة أوي منه.

بصت في عيونه بحب وبصت على تفاصيل وشه وبصت على شفايفه ودقنه بعشق كبير. علي بص لشفايفها وكان هيموت ويبوسها، بس كان بيمنع نفسه. هاجر حست بيه، راحت غمضت عيونها وبوست جنبه شفايفه. كانت بتبوسه بعشق كبير وكانت بتتمنى الوقت يقف وميعديش. علي اتصدم منها أوي. هاجر بعدت وبصت في عيونه وقالت بابتسامة وحب: يلا روحني، اتأخرنا وعايزين ناخد الأنسولين. هاجر لسه هترجع مكانها، علي شدها وباسها من خدها.

هاجر غمضت عيونها وبقت تبتسم بحب وهيام. علي بهمس: مش قادر أستنى الأسبوع ده يعدي. كتير أوي عليا، يا حبيبتي. هاجر بعدت عنه ورجعت قعدت على الكرسي وقالت بحب: ما أكتر مني. يلا بقى روحني. علي بصّلها بعشق وساق ومشي. حمزه كان بيتمشى وواخد ملك في حضنه. الجو كان هوا وليل وإضاءة جميلة أوي والشوارع هادية جداً. وصوت القرآن اللي حمزه كان مشغله. ملك حب: حمزه. حمزه بهدوء: إيه يا حبيبي؟ ملك لسه هتيتم، اتصدمت.