رواية ملكت الحمزة الفصل التاسع والثلاثون 39 - بقلم سندس احمد

حمزاوي بهدوء: حور عيب كده، نتي مش صغيرة على الحركات دي، اكبري شوية. إيهاب باحترام: ازيك يا دكتور. حمزاوي بابتسامة: الحمد لله يا حبيبي، أخبارك وأخبار الهبلة دي معاك إيه؟ إيهاب بص لحور وقال بهدوء: بخير يا دكتور، اتفضل. إيهاب رحب جدًا بحمزاوي، دخلهم الصالون وقعدوا. حمزاوي بحب: على فكرة يامن جه معايا بس تحت بيركن العربية. حور بقمص: إيه اللي جابه ده؟ هو ورايا ورايا في كل حتة؟ إيهاب بصلها وقال بغيظ: قهوتك إيه يا دكتور؟

حمزاوي بابتسامة: سادة. إيهاب بهدوء: طيب عن إذنك، هروح أعمل تلاتة قهوة وأرجعلك، خد راحتك البيت بيتك، عن إذنك. وسابه ودخل. حمزاوي بإعجاب: ما شاء الله تبارك الله على الذوق والأخلاق. حور بسخرية: أخلاق قال! حمزاوي بحده: حور، قربي عايز أتكلم معاكي. حور قربت منه وقعدت جنبه. حمزاوي بحده وصوت عالي نسبي: ده جوزك ولازم تحترميه وتقدريه قدام الناس، إياكي تقللي منه، ده هو حتى عنده ذوق عنك. حور بدموع: أنت بتزعقلي يا بابا؟ حمزاوي

مسك إيدها وقال بحنان: معاش ولا كان اللي يزعقلك يا حبيبتي، بس ده جوزك، لازم تكبري نتي بقيتي مسئولة عن بيت وجوز دلوقتي. حور مسحت دموعها وقالت: حاضر يا بابا. حمزاوي ضمها لحضنه وطبطب عليها بحنية شديدة. إيهاب دخل وحط الصينية على التربيزة وقال بابتسامة: قهوتك يا دكتور. حمزاوي بعد عن حور ومسك فنجان القهوة وشرب منه. حمزاوي بانبهار: القهوة دي رايقة أوي ومعمولة بمزاج.

إيهاب بحب: طبعًا يا دكتور، ما معمولة للغالي، لازم نتمزج وإحنا بنعملها. حمزاوي بضحك وحب: الله يكرم أصلك يا شيخ. حور قاعدة تبصله وتضيق عيونها وتبص بعيد ومش بتتكلم. يامن بهدوء: مساء الخير. إيهاب بترحيب: أهلًا يا يامن، اتفضل. وقام سلم عليه بالإيد. يامن بهدوء: أخبارك إيه؟ إيهاب بابتسامة: فل يا عم، تعالى اقعد. يامن قعد جنب حور وبصلها وقال بغيظ: هو أنا مش واحشك يا بت نتي؟ حور ببرطمة: وحش أما يبقى يلهفك أنت ومريم. يامن بصلها

وبص لحمزاوي وقال بحده: شايف قلة أدبها. إيهاب بهدوء: حور، اتكلمي عدل ده أخوكي. حور قامت وقالت بعصبية: أنت مالك متدخلش، دي عيلتي مش عيلتك. وسابتهم ودخلت جوه. حمزاوي بحرج: أنا متأسفلك جدًا يا إيهاب يا ابني. إيهاب ببرود: ولا يهمك. يامن بتنهيدة: معلش دي هرمونات بتطفح مرة واحدة عندها. إيهاب بابتسامة: عادي يا عم نتعود. حمزاوي بهدوء: طيب إحنا نستأذن عشان الوقت اتأخر. إيهاب بهدوء: مش لسه بدري يا دكتور؟

يامن بابتسامة: بدري من عمرك، ابقى هاتها وتعالى بكرة على الغداء. إيهاب بهدوء: حاضر، شرفتم. إيهاب سلم عليهم ومشوا.