رواية ملكت الحمزة الفصل الأربعون 40 - بقلم سندس احمد

قفل الباب ودخل لاقى حور قاعدة على السرير وبتلعب في الفون. إيهاب ببرود: الشغل ده تبطليه، أنا معنديش خلق للقرف ده، أنتِ فاهمة؟ حور مردتش عليه وتجاهلته. إيهاب راح عندها ومسك إيدها وشدها وقال بحدة: أنا بكلمك! حور بوجع: ابعد إيدي يا إيهاب. إيهاب ساب إيدها وقال بتحذير: طريقتك دي تتغير بدل ما أغيرهالك أنا، وساعتها هتندمي. وسابها وخرج. *** الساعة بقت 11 بليل. علي كان قاعد جنب هاجر وحاطط الفوطة على راسها وحاطط إيده عليها.

بص لاقاها بتفوق. حاش الفوطة بسرعة وبصلها بقلق. هاجر فتحت عيونها بتعب وقالت: آه. علي قرب منها ومسك وشها وقال بقلق وحنية: إيه اللي واجعك قولي؟ هاجر بصت له وقالت: إيدي وجعاني. وبصت على إيدها لاقتها مربوطة. علي مسك دراعها وباسه وقال بوجع: واجعك؟ طيب ما أنتِ اللي عملتي كده، طيب أنا عقمتهولك وربط الغرز كويس عشان متتفكش، قولي لي أعمل إيه طيب؟ هاجر بصت لعيونه ولاقت فيها دموع محجورة جواها.

جات تقوم علي مسكها من وسطها وقعدها وهي سندت ضهرها على السرير. علي بحنية: هنزل أجيب لك تاكلي، أنتِ مكالتيش من الصبح. هاجر بصت بعيد وقالت بتعب شديد: مش عايزة. علي مسك وشها بإيده وبقى يمشي إيده عليه. علي بحنية وحب: لازم يا حبيبتي عشاني. هاجر بصت له وقالت بهدوء: ماشي. علي باس راسها وسابها ونزل تحت. هاجر بوجع: مش عايزة أديلك فرصة تاني يا علي، مش عايزة، كلكم بتخذلوني في الآخر، وادي النتيجة بقيت مريضة. وبصت على إيدها. ***

يامن كان طالع على السلم فخبط في علي. يامن باستغراب: مالك بتجري ليه؟ علي باستعجال: هنزل أجيب أكل. يامن بقلق: في إيه يااض مالك؟ علي بحب: أنا كويس بس عشان هاجر مكالتش وكده. يامن بتنهيدة: وقعت قلبي يا أخي. علي ضحك عليه وسابه ومشي. يامن دخل الجناح بتاعه ولاقى مريم بتحط روج قدام المرايا. قفل الباب ودخل بصلها من فوق لتحت وقال بوقاحة: طب اقلعيه هيبقا أحلى على فكرة.

كانت لابسة قميص بحمالات رفيعة أبيض مفتوح من عند الصدر وقصير جدا ومفتوح من الضهر. مريم بخجل ورقة: يامن بس. يامن قرب منها وأخد الروج من إيدها رماه على الأرض وقال بتوهان: يامن إيه بس، أنتِ خليتها فيها يامن بعد الصوت ده. مريم حاوطت رقابته بإيدها وقالت بدلع: عملت إيه في يومك؟ يامن دفن راسه في رقبتها وغمض عيونه وهو بيستنشق ريحتها الحلوة. يامن بعشق: سيبك من يومي خلينا هنا بس. وباسها من رقبتها. بعد عنها وبص على شفايفها

وقال وهو بيبلع ريقه: طعمه إيه؟ مريم بمحن: جرب وأنت تعرف. يامن مسك رقبتها بإيد والإيد التانية حاوط وسطها بيها وقرب وهو تركيزه كله على شفايفها. مال على شفايفها وباسها بعشق كبير ومريم بقت تتجاوب معاه وتبادله. شالها وحطها على السرير ودفن راسه في رقبتها. *** محمد وحازم كانوا داخلين الفيلا. حازم ركن عربيته ونزل منها هو ومحمد. حازم بهدوء: هتطلع لمراتك ولا هتروح فين؟ محمد ببرود: طالع يلا. ودخلوا هما الاتنين.

محمد ساب حازم وراح المطبخ. حازم طلع جناحه. وفتح الباب مالاقاش حياة فيه. فتح باب الأوضة برضه مش موجودة. لسه هيخرج من الأوضة لاقاها في وشه. حياة لسه هتتكلم لاقت حازم مسك إيدها وشدها للجناح. وقفل الباب. حازم بجنون وعصبية: كنتي فين؟ حياة بخوف: كـ كنت تحت في المطبخ. حازم مسك دراعها وشدها وضغط عليه وقال بغضب: بتعملي إيه لحد دلوقتي في المطبخ ها، ومش من الطبيعي أجي ألاقيكي هنا.

حياة بوجع ودموع: كـ كنت في الأوضة بـ بس طنط جميلة جات قعدت معايا وقالت لي عايزة تاكل كيكة ونفسها فيها، روحت طلعت أنا وهي المطبخ وعملت كذا صينية عشان إخواتك وكانت بتساعدني والله. حازم مسك فكها وشدها ليه وقال بتحذير وعصبية: أول وآخر مرة تحصل يا حياة أنتِ فاهمة أول وآخر مرة. حياة بدموع: حاضر بس اهدأ ما حصلش حاجة لكل ده. حازم مسك معصمها وشدها وقال بصوت عالي: حياة.

حياة بخوف: آسفة مش هتتكرر تاني بس سيب إيدي بتوجعني يا حازم. حازم ساب إيدها وبعد عنها وراح قعد على الكنبة. حازم بعصبية: طلعي حاجة ألبسها انجزي. ومال فك رباط الكوتشي وبقى يقلعه. حياة راحت عند الدولاب وطلعت تيشيرت أسود بيتي وشورت أبيض. راحت عنده ومدت إيدها وقالت بهدوء: الهدوم. حازم نتشهم منها وسابها ودخل الحمام. *** ماريا كانت واقفة في البلكونة ومربعة إيدها. ماريا بزهق: أنا زهقت هفضل مسجونة هنا لحد إمتى؟

وافتكرت محمد ومعاملته. ماريا بدموع: كان لازم أقول لحمزة مش لمحمد، أنا اللي غبية. وبتبص في الجنينة لاقت حمزة داخل بعربيته. دخلت بسرعة الأوضة ولبست شال على لبسها ونزلت. *** علي باستعجال: يا ماما اخلصي متسخنيهاش أوي. جميلة بغيظ: متصبر مستعجل على إيه يا زفت أنت. علي بضحك: يا ماما بقول لك مكالتش من الصبح. جميلة بحب: يا خرابي على الحب وسنينه. محمد بابتسامة: عاملة إيه يا حبيبتي؟

جميلة اتعدلت عليه لاقت محمد، سابت اللي في إيدها وراحت حضنته وقالت بحب: وحشتني يا حبيبي. علي بغيظ: مش وقته دلوقتي يا جميلة اغرفي الأكل. محمد برفع حاجب: مالك ومالنا يااض؟ جميلة بضحك: اسكت يا واد منك ليه، ما حياة عاملة كيكة حلوة أوي. محمد بجوع: وريني كده. علي بضحك: هتاكل نفسك وراها. جميلة راحت طلعت قطعة كبيرة من الصينية وراحت أكلت محمد وقالت بحب: إيه رأيك؟ محمد باستمتاع: جميلة أوي أول مرة أكل كيكة في الحلاوة دي.

علي بضحك: أمال دي مرات أخوك اللي عاملاها وشوف الأصيلة عملت حسابنا كلنا فيها. جميلة بحب: تسلم إيدها والله يا زين ما اخترت يا عيالي. محمد مسح بوقه وقال بهدوء: طيب أنا هطلع دلوقتي يا جميلة عشان تعبان أوي. جميلة بحب: ماشي يا قلب جميلة. وسابهم وطلع. علي بصياح: يا جوجو اخلصي ونبي. *** حمزة دخل الفيلا وطلع على السلم ولسه هيروح يفتح الباب وقفه صوت ماريا. حمزة اتعدل وبصلها وفي ثواني وداه نظره لبعيد:

ماريا بتوتر: حمزة أنا ممكن أتكلم معاك؟ حمزة ببرود: تتكلمي في إيه؟ ماريا بتنهيدة: في موضوع مهم أوي عايزة أقولهولك وعايزة أعرفك إيه سبب جوازي من محمد. محمد كان طالع على السلم في الوقت ده. حمزة باهتمام: سامعك عايزة تقولي إيه؟ ماريا بهدوء: بس الكلام ده ميطلعش بينا يا حمزة. حمزة لسه هيتكلم لاقى الباب بيتفتح وملك طلعت. ملك بصت لماريا من فوق لتحت. وهنا محمد طلع وشافهم.