رواية ملكت قلبى الفصل العاشر 10 - بقلم جنة سامي

ليلى كانت في أوضتها ولسه مصدومة من كلام زين ومش قادرة تنسى ولا قادرة تنام. أما زين، حكى لأخوات ليلى كل حاجة. زين: دلوقتي أعمل أنا إيه؟ يوسف: تعرف يا زين، أختي آخر بنت على الكوكب ده ممكن أفكر إنها ممكن تحب حد. زين بصلة باستغراب: للدرجادي؟ سيف: طبعاً. زين، أنا عايز أسألك سؤال. زين: اتفضل. سيف: من بين بنات الدول كلها مخترتش إلا أختي ليلى، إشمعنى؟ زين: حبتها... حبتها بكل حاجة فيها، حبتها بعيوبها قبل مميزاتها.

يوسف بص لأخوه: مين الواد ده ياض؟ ده مستحيل يكون زين، لالالالا. سيف: مش عارف والله، بس عارف لو أختك سمعت الكلام ده، كانت قالتله حبك برص وعشرة خرس. (سيف ويوسف قعدوا يضحكوا) زين: مخلااااص بقا، أنا جاي عشان تساعدوني مش تطفشوني. يوسف: ممممم، معاه حق. سيف: طب اسمع بقا يا زين. زين: هاه. سيف: أول حاجة لازم تعرفها، ليلى بتكره الكذب جداً ومش بتسامح بسهولة. زين: ما أنا اتأكدت من كده.

يوسف: عشان ترضيها، مش محتاج تلف وتدور. اتصرف على طبيعتك وقول اللي إنت حاسس بيه. زين: آه ماشي. سيف: قولي يا زين، مين اللي حط الخطة اللي هتنفذها دي؟ زين: ياسمين. يوسف: آه، كنت حاسس. زين: إشمعنى؟ يوسف: ياسمين كانت مع ليلى دايماً وفي كل حاجة، حتى الشغل، فهي فاهمة دماغها وعارفة هي بتفكر إزاي. سيف: وده هيكون لمصلحتك إن ياسمين معانا. زين: طب على بركة الله. (وعدى اليوم ليأتي يوم جديد)

الكل كان متجمع على الفطار، وجه زين قعد معاهم. زين: صبح الخير. الكل: صباح النور. زين: أمل، ليلى وأميرة وياسمين فين؟ أمل: راحوا الجامعة. زين: وإزاي ما يقولوليش؟ يوسف: عشان إنت بقيت مهزق. (الكل قعد يضحك) زين: اصبر بس، والله لأوريك. يوسف: قلت أنا حاجة غلط يا خالتي؟ أمل: لا يا حبيبي، إنت متقولش حاجة غلط خالص. زين: والله؟ أمل: آه. يوسف قال لزين بصوت واطي: هزأتك وخلت منظرك زبالة يا زين. زين: طب شوف بقا أنا هعمل إيه.

الكل: هتعمل إيه؟ زين: هروح أجيبها من الجامعة ومن وسط المحاضرة كمان. (وراح زين الجامعة عند البنات) في الجامعة... ياسمين: يلا اتأخرنا، ادخلوا بقا، ده إحنا هنتهرق. أميرة: معاها حق. ياسمين: معاك حق إنت هتطبليلي؟ يلا يا أختي هنتأخر. (وكانوا لسه هيدخلوا كان زين جه) زين: استنوا. (البنات لفت لقت زين واقف بعربيته ويوسف بترتيبه) (زين راح مسك إيد ليلى) زين: مفيش انهاردة جامعة. أميرة وياسمين روحوا مع يوسف وأنا وليلى هنلحقهم.

(راحوا البنات مع يوسف في العربية وزين وليلى ركبوا العربية وراحوا) ليلى: إيه اللي إنت عملته ده؟ زين: أبداً يا ستي، واحدة خرجت من البيت من غير ما تقول لجوزها، في حاجة جابوها. ليلى: إنت... قاطعها زين: بااااس، لو سمعت صوتك والله العظيم هعمل حادثة. (وروحوا البيت) زين: ليلى. ليلى لفت لزين وقالتله: نعم. زين بابتسامة: بعد كده متروحيش في حتة من غير ما تقوليلي. ليلى: متفتكرش إني ممكن أسامحك يا زين، متحلمش بكده حتى.

زين: أنا عارف إني غلط، بس عايزك تديني فرصة أثبتلك فيها قد إيه أنا بحبك. ليلى: إنت مستحيل تحب حد يا زين، وأنا مش هتراجع عن قراري. وراحت طلعت أوضتها. زين: شكلي هتمرمط معاكي يا بنت عمي. زين بيحاول بأقصى جهده يصالح ليلى وليلى مقسية قلبها. هيثم بحزن: زين. زين: مالك يا بابا، في إيه؟ هيثم: جدك راجع بكرة وليلى هتسافر. زين: إنت بتقول إيه يا بابا؟ هيثم: هي مصرة على قرارها. زين طلع عند ليلى لقاها بتحضر الشنطة بتاعتها.

زين: إنت بتعملي إيه؟ ليلى: بعمل اللي كان لازم يتعمل من زمان. زين: إنت مش هتسافري يا ليلى. ليلى: لا، هسافر وزي ما قولتلك قبل كده، أنا مش هسامحك وكل حاجة هتنتهي. زين: ليلى إنت... قاطعته: مش عايزة أسمعك يا زين واطلع برا. (زين طلع من أوضته ليلى وهو متعصب أوي وراح عند يوسف) وحكاله كل حاجة. يوسف بحزن: ليلى مش هتتراجع عن قرارها يا زين. زين: إزاي يعني، مستحيل تسبني وتروح.

يوسف: الموضوع دلوقتي بأدها، لازم تثبتلها إنك بتحبها قبل ما تروح ومترجعش. زين: أنا هثبتلها حبي ليها.