رواية ملكت قلبى الفصل الأول 1 - بقلم جنة سامي

هيثم: لازم ترجع من أمريكا دلوقتي حالا يا زين. زين: إزاي يا بابا؟ مينفعش أرجع دلوقتي، عندي شغل كتير. هيثم: دي أوامر جدك يا زين، لازم ترجع وتروح المنصورة عشان هو عايزك ضروري. زين: طيب يا بابا، هرجع بكرة الصبح. هيثم: ماشي، متتأخرش. زين: حاضر يا بابا. وقفلو.

آه صح، نسيت أقولكم ده زين الجارحي، 30 سنة، شاب رياضي وعملي جداً، معندوش وقت للحب والتفاهات دي، بس هو ميعرفش إن هتيجي اللي هتجننه 😁. المهم، طويل، شعره كثيف بني، وسيم جداً، عيونه خضرا. هيثم أبو زين، وهنعرف بقية الشخصيات في الرواية. أمل أم زين: تفتكر الحاج عايزنا كلنا ليه؟ وبالذات زين؟ هيثم: معرفش، هو مقليش حاجة. قالي لما تيجوا هتعرفوا كل حاجة. أمل: ربنا يستر.

(وجت مجنونة العيلة 😂 أميرة أخت زين، 25 سنة، وشقية وفرفوشة زي كدا 😂، متوسطة الطول، شعرها متوسط الطول برضو، عيونها عسلي) أميرة: أنا جييييت! أمل: نورتي يا حبيبتي. هيثم: نورتي يا حبيبة بابا. أميرة: مممممم، مش مرتاحالكوا، قولولي في إيه. أمل: لا يا حبيبتي مفيش حاجة، بس جهزي نفسك وحضري شنطتك عشان هننزل المنصورة بكرة. أميرة بفرح: بجد؟ أنا مش مصدقة! يسسسس! يسسسس! هيثم بضحك: ومالك فرحانة كدا ليه؟

أميرة: عشان هشوف أم عيون القطة القمر دي. (مش مهم تعرفوا مين دلوقتي، هخليها مفاجأة 😉) هيثم: طب يلا يا أمل انتي وميرا روحوا حضروا شنطتكم، وزين هيبقى يلحقنا بقا. أمل: ماشي، يلا بينا يا ميرا. (عيلة الجارحي دي عيلة غنية جداً وأشهر العائلات الموجودة في مصر كلها) عند ميرا في الأوضة، كانت قاعدة مع صاحبتها منة. ميرا: بقولك إيه يا بت يا منة. منة: نعم يا اختشي. ميرا: بفكر يا ترى أم عيون قطة بقت عاملة إزاي دلوقتي.

منة: يا بنتي ليه بتحبي دايما تناديها كدا؟ وبعدين هو انت مش بتكلميها؟ ميرا: لا طبعاً بكلمها يا عبيطة، بس بقالي كتير مشوفتهاش. وحشتني أوي أوي يا بت. منة: والله وأنا كمان وحشتني أوي. نفسي أشوفها. ميرا: يا حمارة، مانا قولتلك إننا مسافرين بكرة، تعالي معانا. منة: مينفعش، عندي مذاكرة كتير ومش عايزة أسيب ماما لوحدها. ميرا: ماشي، بس هنبقى نروح أنا وانتي في يوم غير متوقع ونعملها مفاجأة ونخرعها 😂😂😂. منة: طبعاً يا اختشي.

(نسيت تاني أقولكم، دي منة صاحبة أميرة، معاها في الجامعة ومن أيام ابتدائي وهما يعرفوا بعض، وكانت... أم عيون قطة 😂 صاحبتهم الانتيم. المهم 🙂، منة شعرها قصير، عيونها بني، وطيبة أوي، متوسطة الطول) (عدى اليوم ليأتي يوم جديد ملئ بأحداث التشويق) ميرا: يلااااا يا جماعة بقا هنتأخر! أمل: بتزعقي كدا ليه يا بنتي؟ مأحنا رايحين أهو. ميرا: بقالكم ساعة بتتجهزوا وأنا قاعدة مربعة ومستنية.

هيثم بضحك: خلاص يا لمضة، يلا بينا يا أمل لحسن تفضحنا. أمل بضحك: يلا بينا. أما عند زين بطل الرواية 😉😉😉. زين: أنا لازم أمشي بقا يا أحمد عشان ألحق الطيارة. أحمد صديق زين المقرب، الانتيم يعني، المهم طويل عريض، شعره غامق، عيونه سودة: ليه رايح فين؟ زين: يا ابني انت حمار مش قولتلك بابا اتصل بيا وقالي إن جدي عايزني ضروري. وبعدين لسه هخلص موضوع خطوبتي ببنت عبد الله السيوفي. أحمد بفرحة: هتخطب؟ ألف مبروك يا صاحبي، ربنا يسعدك.

زين: يا شيخ اتوكس! أنا خاطبها عشان دي هتفرق معايا جداً في صفقتي الجديدة. أحمد: بس انت كدا بتغلط يا زين، البت دي أساساً عملية أوي وكل همها الفلوس، وكمان مغرورة أوي. زين: وانت عرفت كل ده منين؟ أحمد: جبت معلومات عنها عشان أطمن عليك يا صاحبي. زين: يا أخي ده انت لو أبويا مش هتعمل كدا. أحمد: مش صاحبي ولازم أطمن عليك. زين: ماشي يا خويا، أنا نازل بقا عشان ألحق الطيارة. خلص ورق الصفقة الجديدة وأنا هخلص وأرجعلك.

أحمد: سلام يا صاحبي. (وراح زين وركب الطيارة، ولما وصل راح بيت المنصورة عند جده) ولما وصل زين. أمل: حمدالله على السلامة يا حبيبي. زين: الله يسلمك يا أمي... إزيك يا جدي؟ إزيك يا عمي محمد؟ الجد: كلنا كويسين يا زين، انت عامل إيه في شغلك؟ زين بثقة (بتناكة يعني 😒 الواد رزل أوي المهم 😂) : كله تمام يا جدي، ومجموعة السيوفي بتكبر. الجد: طول عمرك مسؤول يا زين، بس أنا جمعتكم هنا كلكم عشان عايزكم في موضوع مهم.

ميرا: أمال فين أم عيون قطة؟ الكل بص لها وبعد كدا ضحكوا من كلمتها. يزن أخو... أم عيون القطة 😂 بضحك: لا مهي مسافرة دلوقتي. يزن 30 سنة، طويل عريض كدا، قمر زي زين، شعره خفيف ولون عيونه رمادي. سيف 20 سنة، أخوها برضو بس أصغر منها، عيونه بني وشعره كمان... أما يوسف 25 و... أسيبكم انتوا يا بنات تألفوا في ملامحه براحتكم بقا 😂😂😂 المهم. ميرا اتكسفت منه: آه ماشي. كل أخواتها موجودين ما عدا هي، على فكرة 😁.

يوسف: هو حضرتك جمعتنا هنا ليه يا جدي؟ وليه طلبت إن... متجيش. (قصدوا أم عيون قطة 😂. ملاحظة: اللقب ده نسبة لعيونها الزرقاء الفاتحة الساحرة ال... آسفة اندمجت شوية 🙂 المهم ☺️) شايفاكي شايفة اللى هتدعي عليا اهو، والله ما هخليكم تعرفوا اسمها دلوقتي 😂😂 المهم. الجد: أنا جمعتكم هنا عشان... يتبع