رواية ملكي انا الفصل الخامس عشر 15 - بقلم رحمه محمد

عائشه فرحت جدا لما أسر رفض الطلاق واعترف أنها تنتمي له. ورد: بس كدا كل الأطراف متضررة، ابوس ايدك يا بني ده الحل الوحيد لكل اللي بيحصل. أسر: وأنا قلت إن عائشة تبقى مراتي، وده أمر مفروغ منه. أما بئا بالنسبة لرامي وباسل فأنا عارف إزاي هوقف كل واحد عند حده. ورد: بس أصل يعني... أسر: خليها على الله، كله خير بإذن الله. ورد: ونعم بالله، عن إذنكم. بعدها مشيت، وعائشة قعدت على أقرب كرسي وفضلت تبكي.

أسر: أقدر أفهم انتي بتعيطي ليه دلوقتي. عائشة: مفيش، لقيت عندي دموع كتير قولت لما أصرفهم. أي العسل ده! أسر ضحك بصوت عالي على المجنونة دي. عائشة بتوهان: يالهوي، انت عندك غمازات؟ أي الحلاوة دي! أسر: هههه، أنا بتعاكس يعني. عائشة: احم، مش قصدي. أنا طالعة فوق. بس أسر مسك إيديها وشدها ناحيته. أسر: ممكن تبصيلي. عائشة، أنا بحبك. عائشة: بجد؟ أسر: آه والله بجد، معرفش إزاي وليه بس حبيتك.

عائشة: طيب كلامك اللي انت قولته وضربك ده، انت إيدك تقيلة أوي يا جدع. أسر: وانتي مجنونة أوي. وخلاص بئا قلبك أبيض؟ عائشة: يعني خلاص مش هتزعلني تاني ولا هتسبني وهخلف منك حمزة ومالك؟ أسر: ههههه، اشمعنى حمزة ومالك يعني؟ عائشة: مش عارفة، بس أنا بحب الاسمين دول أوي. أسر شالها. أسر: تحت أمرك مولاتي. عائشة: انت شايلني كدا ليه؟ نزلني. أسر: هنجيب حمزة ومالك بس. عائشة: لالا، أنا بهزر يا رمضان. أي مبتهزرش؟

أسر: لا بهزر، بس دي سمعة مصر يا وليه. /////////////////////////////////// -عملتيها يا ورد، وبرضو روحتي وحكيتي. -غصب عني، ده ابني، كنت هعمل إيه يعني أقف أتفرج عليه وهو بيتقتل قدام عيني. -بس ده مكنش الاتفاق، وانتي عارفة جزاء خيانة العهد إيه. ورد بخوف: يعني إيه؟ -يعني هتموتي يا ورد.