رواية ملكي انا الفصل الرابع عشر 14 - بقلم رحمه محمد

عائشه: انتي مين ورد: انا اسمي ورد وابقى مرات عمك وسبب كل اللي هو فيه ده عائشه: انا مش فاهمه مرات عمي ازاي، مرات عمي اسمها نهاد وماتت من اكتر من خمس سنين ورد: انا ابقى مرات عمك وفي نفس الوقت ابقى ام رامي عائشه: اي طيب ده ازاي؟ ليه انتي اكيد بتكدبي

ورد: لأ مش بكدب. انا السبب في كل اللي بيحصل حواليكي وان عمك بقي قتال قت*له. ايوا انا، انا اللي رفضت عيشه على طول، انا اللي كنت دايما بشوفه قليل وانا اللي ساعدت كمال السندي انه يدخله السجن. ايوا انا، وحتى قتله لأبو جوزك كان بسببي لأني اقنعته انه سبب كل مشاكله واني كنت حامل وسقطت بسببه وان كمال السندي اتجوزني بس علشان يحميني منه. عائشه: ده انتي مش بني ادمه. انا مش مصدقة ان في حد ممكن يكون زيك، وبعدين انتي اكيد كدابه

ورد: مفيش وقت يا عائشه. اسمعي الباقي وبعدها ابقي شوفي الدليل. متخافيش، كل حاجة بقولها معايا عليها دليل. بعدها علق الديب وقتل أبو أسر ظلم، بس ربك اسمه الحق. كمال طلقني وخد ابني وهددني اني لو فكرت انطق واقول ان رامي يبقى ابن الديب هيقتله وهيقتلني، وانا مقدرش أقف قدامه. عائشه: وانتي اي اللي جابك دلوقتي تقولي الكلام ده بعد كل السنين دي

ورد: ابني رامي على عايز يقتله لأن باسل خد منه فلوس قصاد انه يبيعك ليه. وطبعاً لما اتجوزتي أسر مبقاش يقدر يقرب وبيطالب باسل بالفلوس وإلا هيفضحك قدام أسر. ده كمان هو عرف سر قتل أبو أسر واللى انا نفسي معرفش تفاصيله. فبكده لازم يخلص منه. عائشه: طيب متقولي لعمي ان رامي يبقى ابنه ورد: مقدرش، وقتها كمال هيقتلني. عائشه: طيب انا اقدر اعمل ايه

ورد: أسر هو حلقة الوصل بين كل دول. مفيش غيرك انتي أو أسر اللي يقدروا يوقفوا الحرب دي. عائشه: ده ازاي ورد: ان أسر يطلقك وانتي تتجوزي رامي وبكده كل ده يخلص. أسر: وده مش هيحصل إلا على جثتي.