رواية ملكي انا الفصل الثالث عشر 13 - بقلم رحمه محمد

أسر: شكلك كدا دماغك فيها حاجة. اتطلق مين يا حازم؟ حازم: الله أنا مالي يا لمبي؟ مش أنت اللي مش عايزها في حياتك خلاص، سبها. ولأننا لازم نحميها فهتجوزها أنا. أسر مسكه من هدومه واداله بالبوكس: آخر مرة تجيب سيرتها على لسانك يا حازم. ولولا إني عارف إنك بتهزر كان هيبقى ليا تصرف تاني. حازم: هههههه. كل ده وبتهزر؟ ده أنا سناني كانت هتتكسر. أسر: حااااااازم، خلصنا.

حازم: عندك حق، هي فعلاً خلصت. بس أنت لازم تكون معترف إنك حبيت عائشة ومبقتش مجرد بنت في حمايتك. أسر: لأ، بقيت ملك. والملك ومحدش تاني من حقه إنه يقرب ناحيتها. حازم: طيب، اومال ليه كل ده؟ أسر: لازم خايف إنخدع فيها. حازم: من قلبك يا فوزي؟ مصدق كلامك ده؟ أسر: لأ مش مصدق. بس لازم أكمل عشان أعرف اللي عمل فيا وفيها كدا، وقتل أبوها كمان. حازم: بس هي واضحة قدامك، عايز إيه تاني؟ الديب هو اللي عمل كل ده. أسر: طيب، أعقلها إزاي؟

هيعمل كدا في أخوه وبنت أخوه؟ أسر بصله ومردش. حازم: طيب، يعني إيه مصلحته؟ أسر: ماهو هو ده اللي أنا عايز أعرفه. *** خالد: وحشتيني أوي يا أش. عاملة إيه؟ عائشة: أنت أكتر يا حبيبي. المهم، عامل إيه في مذاكرتك؟ وإنتي كمان يا ست سماسما؟ سما: عيب عليكي، أنتِ تعرفي عني كده؟ مش بفتح كتاب طبعًا.

خالد: هههههه. كويس إنك عارفة إنك فاشلة. تروحي الدرس وترجعي ترمي الكتب وتفتحي النت تلعبي وتقري في الروايات بتاعتها، ولا قدام التلفزيون، ولا كأن في حاجة وراكي. سما: بس ياض، أومال زيك ليل نهار بدح لحد ما قربت أبقى شبه القلم. عائشة: سما، عيب. ده أخوكي الكبير وليه احترامه. ده أولًا. يا ست سما، ثانيًا بئا مذاكرتك دي هي عملك اللي ربنا هيسألِك عنه. وبعدين متنسيش حبيبك النبي

صلى الله عليه وسلم قال: "إن الله يحب إذا عمل أحدكم عملاً أن يتقنه". صدق رسول الله صلى الله عليه وسلم. يعني من الآخر مش شطارة إنك تلمي المنهج في الآخر. بالعكس، أنتِ لازم تتقي الله في مذاكرتك. ويا ستي ابقي خدي راحة بعد ما تخلصي اللي عليكي زي ما أنتِ عايزة. بس ده مش معناه يا خالد إني أفضل الأربعة وعشرين ساعة بذاكر وأقصر من ساعات نومي. "فإن لبدنك عليك حق". يعني نام كويس واصحى وأنت نشيط واعمل اللي أنت عايزه بعدها.

سما وخالد: اتفقنا. عائشة: طيب، يلا قدامي منكم ليها نشوف بتعملوا إيه. يلا. -عائشة هانم. عائشة: أيوه، في إيه؟ -في واحدة واقفة برا ومصرة إنها تقابل حضرتك. عائشة: مقلتش مين ولا عايزة إيه؟ -لأ، عايزة حضرتك وبس.