رواية ملكي من البدايه الفصل الرابع 4 - بقلم فاطمه حسن

سماح قربت منها بغضب وضربتها بقلم، وبعدين مسكتها من شعرها. "ايهم لو ضاع من ايدنا زي زين، اقت -لك فيها. انتي فاهمه؟ فاتعدلي واعرفي مصلحتك أحسنلك." ياسمين بعياط: "آه حرام عليكي." سماح زقتها: "والله والله لو فتحتي بوقك أو قولتي لأ، لكون اقت -لك." سماح خرجت وياسمين فضلت تعيط بوجع. ..... عند تقي وفاطمة. كانوا دخلوا الأوضة بتاعت فاطمة. فاطمة راحت جابت ألبوم صور وقعدت جانب تقي. فاطمة بحب: "خدي."

تقي فتحته بتوتر وهي مستغربة تصرفات فاطمة، بس... تقي عينها اتملت دموع وهي بتقلب في الصور. فضلت تقلب وتقلب. تقي بدموع: "انتي... فاطمة بحب وهي بتحرك إيدها على وشها: "زي أمك بالظبط، أخدتي منها كل حاجة." تقي بدموع: "إزاي تعرفيها؟ إزاي؟ فاطمة: "اتعرفنا على بعض في الكلية." فاطمة فضلت تحكي لها كل اللي حصل معاهم زمان، وتقي بتسمع بدموع. ..... عند معتصم. خرجها من حضنه بضيق، هو بيحاول ينظم أنفاسه.

"اطلعي على أوضتك يا ضي، لحد ما أكلمك. المأذون لازم أكتب عليكي دلوقتي." ضي هزت رأسها بتوتر وخوف ورفض لفكرة إن هي ومعتصم يكونوا متجوزين. ضي طلعت على الأوضة بسرعة وفضلت تلف فيها، وبعدين بصت على الفون بتوتر. "مـ... مش هيعرف، مش هقول لحد. وأبيه قال... سنة." ضي لنفسها: "أهدي يا ضي، سنة واحدة يا ضي وهتكوني مع زياد بعدها." تحت. معتصم كان بيمسح على وشه بتعب، لحد ما دخل محمد بتوتر. "المأذون جي في السكة."

معتصم بهدوء: "كويس إنك عارف مين الأقوى، واختارت صح." محمد اتوتر. معتصم: "اخرج برا." ...... عند زين، كان قاعد برا الأوضة هو وأيهم، بعد ما خالد رفض إنه يشوفه. لحد ما خرجت هدي. ايهم بسرعة: "بابا عامل إيه؟ هدي بصت عليه بغضب وفضلت ساكتة. زين بهدوء: "عمي بقى أحسن." هدي: "الحمد لله." ايهم رح يمسك إيدها: "ماما." هدي سحبت إيدها بغضب: "ابعد عني، وإياك تلمسني تاني. إنك مش أمي، وميشرفنيش إني أكون أمك." ايهم بص عليهم وسابهم وخرج.

هدي بصت عليه بتوتر وحزن. زين بحب: "معلش، لازم نعمل كده." هدي هزت رأسها بهدوء. ...... عند تقي وفاطمة. فاطمة بحب: "وبس كده." تقي: "ودا مين دا؟ أنا شوفت الصورة دي قبل كده." فاطمة بحزن: "دا مجدي، كان معانا وكان بيحب مامتك و... تقي بحقد: "وسبها، مش كده؟ مكنتش فاهمه الأول. هو السبب في كل دا، كل يوم لما تعيط أسمعها بتقول إنه لو مكنش سبها مكنش حصل كل دا. ماما اتعذبت وهو عاش حكايته ومبسوط، مش كده؟ هو السبب في كل دا."

فاطمة: "كفاية، كفاية. إنتي بتتكلمي على واحد ميت. اللي الوحيدة اللي كانت ممكن تخلي مجدي يسيب أمك هي الموت، وفعلاً مفيش حاجة قدرت تبعدهم غير المـ... ـوت." فاطمة بتعب: "روحي أوضتك، كفاية كده." تقي مسكت الألبوم: "ممكن آخده معايا، وهبقى أرجعه." فاطمة هزت رأسها بهدوء. ...... عند زين، فضل معاه لحد ما عمه خرج من المستشفى ورح البيت. زين أتصل على أيهم. زين: "إنت فين؟ إزاي تسيب أبوك كده وتمشي؟

ايهم بغضب: "مش هما مش عايزني خلاص، وأنا خلاص الابن العاق. وكل دا ليه؟ علشان مش عايز أتـ... ـجوز الفلاحة." زين بهدوء: "شكلك نسيت أصلك، وإن أبوك كمان من الصعيد. وع العموم، هما عندهم حق فعلاً. خليك يا أيهم، إنت كل تثبت إنك عيل وعمرك ما هتكون راجل." ايهم بشر: "مين قال كده؟ أنا هـ... ـجي هتـ... ـجوز بنت عمي، مش دا اللي هيريح بابا."