رواية ملكي من البدايه الفصل الثالث 3 - بقلم فاطمه حسن

تاني يوم الصبح تقي قامت من النوم بكسل لاقت الأوضة فاضية. راحت لفت الملاية كويس على جسمها بضيق وقامت تاخد دش بكسل. وبعد ما خلصت لبست ونزلت تحت بتوتر. تحت كانت فاطمة قاعدة مع البنات. تقي قربت منهم بتوتر. فاطمة أول ما شافتها: "صباح الخير." تقي قعدت بتوتر: "صباح النور." فاطمة: "قومي حضري الفطار يا نعمة." نعمة بحب: "تحت أمرك يا ستي." ..... في مصر عند زين كان مع أيهم في المستشفى بعد ما اتصل عليه وقالوا اللي حصل.

الدكتور خرج في الوقت ده. زين بهدوء: "طمني يا دكتور." الدكتور بهدوء: "شبه جلطة والحمد لله أدخلنا في الوقت المناسب. يا ريت الفترة اللي جاية يبعد عن أي ضغوط وبلاش حركة كتير." زين: "ممكن أدخل؟ الدكتور: "بس يا ريت متفضلش كتير." أيهم راح يدخل مع زين بس زين بهدوء مميت: "خليك هنا." زين دخل لقى خالد نايم على السرير بتعب. زين ماسك إيده بهدوء: "ألف سلامة عليك."

خالد بتعب: "لو حصلي حاجة، خلي بالك من هدى وأيهم. أنت سندهم بعدي زي ما كنت سندي بالظبط." زين بهدوء: "بعد الشر عليك. اللي عاوزه هيحصل وأيهم هيبطل كل ده وهيتجوز ياسمين." خالد غمض عينه بتعب وهو بيهز رأسه. برا كان أيهم بيحاول يتكلم مع هدى اللي بتعيط ورافضة الكلام معاه. زين خرج وقال بهدوء: "ادخلي يا ماما. عمي عايزك." هدى قامت بسرعة ودخلت. أيهم لما حاول يدخل تاني، زين سحبه بغضب ودخل أوضة فاضية. أيهم بضيق: "في إيه؟

زين بغضب: "في إنك عيل وهتفضل كده طول عمرك ومستعد تموت أبوك." أيهم بضيق: "هو أنا عشان مش عايزة أتجوز بنت أخوه أكون عايزة أموته؟ هو شايفني عيل، ريح يجوزني." زين بسخرية: "لا، واضح إنك مش عيل فعلاً. على العموم براحتك." ..... عند معتصم كان قاعد في الأوضة بتاعته بيفكر هيحصل إيه. لحد ما دخلت ضي. ضي جريت عليه ودخلت في حضنه وقالت: "هنمشي إمتى؟ معتصم بهدوء: "ضي، إحنا لازم نتجوز." ضي قامت بسرعة وقالت بصدمة: "إيه؟

معتصم بكذب: "أبوكي غير رأيه وعايز يجوزك حد تاني." ضي قربت من معتصم بخوف: "يعني إيه؟ أنت مش هتقدر تحميني. بابا مش هيقدر يتكلم معاك، هو بيخاف منك." معتصم بكذب وحزن: "مش هقدر أنا أحمي أبوكي ولسه مكملتيش الواحد وعشرين، يعني لسه قاصر سنة واحدة يا حبيبتي." ضي فضلت تبصله بتوتر، طب تقوله على زياد اللي بيحبه ومعاها في الكلية ولا إيه؟ معتصم بتوتر: "إيه يا ضي؟ في الوقت ده دخل محمد

بتوتر وقال بغضب مصطنع: "يلا يا ضي، إحنا هنمشي من هنا." ضي رجعت ورا معتصم بخوف: "لا، أنا مش همشي." محمد قرب وهو بيبص على معتصم بخوف: "يلا يا ضي بقولك." ضي بعياط: "قولت لااا." ومسكت في معتصم أكتر، لكن المفاجأة. معتصم: "ضي امشي مع أبوكي يلا. مينفعش كده." ضي بعياط وهي بتقرب منه: "لا، لااا." معتصم: "روحي يا ضي وأنا هطمن عليكي طول الوقت." ضي دخلت في حضنه وقالت بصوت واطي: "أنا موافقة، خلي يمشي."

معتصم ابتسم بحب وبص على محمد إنه يخرج. محمد خرج على طول. معتصم حضنها بتملك، هو بيحرك إيده على جسمها. "خلاص، مشي." ....... عند تقي كانت خلصت الفطار وقاعدة متوترة. عايزة تسألها على الأكل. تقي بتوتر: "هو مين اللي بيطبخ؟ فاطمة ابتسمت بهدوء: "الخدامين وأنا بساعدهم." تقي بتوتر: "وأكل امبارح؟ فاطمة بهدوء: "تعالي يا تقي، عايزك." ....... عند ياسمين في الأوضة

كانت بتبص على نفسها في المرايا بوجع وعلى شكلها اللي اتغير من قلة الأكل والعياط. لحد ما أمها دخلت وقالت: "سمعتي إيه اللي حصل؟ ياسمين بصت عليها بهدوء. سماح: "عمك خالد كلمك. أبوكي في... إنك تكوني مرات أيهم وطلب إيدك." ياسمين برفض: "لا، مش عايزة أتجوز حد." سماح قربت منها بغضب وضربتها بقلم وبعدين مسكتها من شعرها: "أيهم لو ضاع من إيدينا زي زين، أنا هقتلك فيها. أنتِ فاهمة؟ فتعدلي واعرفي مصلحتك أحسن لك."