رواية ملكي من البدايه الفصل الأول 1 - بقلم فاطمه حسن

في الصعيد كانت قاعده ع السرير بهدوء وهي بتبص قدامها وبتسمع كلام اللي قاعده جانبها. فاطمه بحب: عارفه كل حاجه جت بسرعه معلش بس اطمني زين طيب وكويس وعمك موجود معاكي وأنا كمان كلنا معاكي. اعتبريني زي مامتك الله يرحمها وممكن تقوليلي ي ماما. تحت محمود: اطلع لمراتك ي ولدي وخلي بالك منها وبراحه عليها. زين بهدوء: حاضر ي بوي. محمود: ربنا يحفظك يولدي. زين طلع ع فوق بهدوء ولما قرب بفتح الباب. جوا في الأوضة

تقي بغضب: متقوليش كده تاني. فاطمه: قولت أي بس ي حبيبتي. تقي بغضب وهي بتفتكر كل أيامها مع مرات أبوها وإزاي كانت بتعمل طيبة قدام أبوها وكانت بتقول إنها بتعاملها كويس وأنها إزاي بتفضل تتحيل عليها علشان تقولها ي ماما وهي اللي مش راضية. انتي مش ماما ومستحيل تكوني زيها محدش زي ماما انتي فاهمه أنا بكرهكم كلكم. كلكم كدابين. في الوقت دا دخل زين بغضب ورفع أيده علشان يضربها لكن أيده فضلت في الهوا لما فاطمه قالت:

فاطمه بغضب: زين. هتعمل إيه. نزل إيدك. وتعال ورايا. فاطمه خرجت وزين وراها. ودخلت أوضتها: كنت هتعمل إيه. هتضرب مراتك لا وكمان في أول يوم جوازكم. أنا ربيتك ع كده. زين بغضب: انتي مكنتيش سامعها. فاطمه بحب: معلش ي ولدي انت عارف أبوها كان بيعمل فيها إيه هو والعقربة مراته. معلش ي ولدي استحملها وهي بكرة تفهم. زين بصلها بضيق. فاطمه بحب وهي بتحط إيدها ع كتفه: روح لمراتك يولدي ربنا يهديك عليها ويهديها عليك.

زين خرج بغضب ودخل أوضته لاقها لسه قاعده ع السرير. زين مسكها من إيدها بغضب: اسمعي الكلمتين دول. أمي هي ست الدار وانتي هنا خدامة تحت رجليها. اللي حصل دا لو حصل تاني بلغط حتي. هتشوفي حاجات عمرك ما شوفتيها انتي فاهمه. كان بيقول كل دا وهو بيضغط ع إيدها جامد. تقي بوجع: فاهمه. زين زقها ناحية باب الحمام: غوري غيري يلا. تقي أخدت هدومها ودخلت الحمام بسرعة وهي بتكتم دموعها. برا زين بص عليها بغضب وبدأ يقلع هدومه وهو مضايق. جوا

تقي بدأت تغير هدومها وهي بتعيط وهي بتقول إنها خرجت من نار أبوها علشان تدخل نار جوزها. تقي غيرت وغسلت وشها بوجع قلب وخرجت بخوف وتوتر. زين كان قاعد مستناها لحد ما لاقها بتفتح الباب براحه. زين بص عليها بيقيم ميقدرش ينكر إنها حلوه. زين قرب منها وبدأ يرجع شعرها ورا. تقي بتوتر وهي بتحاول تبعد: ابعد. أنا مش عايزة. زين بهدوء عكس الشخص اللي كان من شوية: اهدي واطمني. متخافيش مني واهدي.

زين بدأ يحرك إيده ع جسمها بهدوء رغم رفضها ونزل وبدأ يبوسها وبعدين. تاني يوم الصبح بدري زين بدأ يتحرك لحد ما فتح عينه بنوم. زين نزل عينه ع اللي نايمه بعمق. زين قام بهدوء وأخد دش ولبس ونزل تحت. تحت كانوا كلهم قاموا من بدري لأنهم متعودين على كده. فاطمه بعتاب: نزلت ليه يولدي. كنت هبعتلك الأكل فوق. زين قرب منها وبسها بحب: انتي عارفه إني مبعرفش أفطر غير معاكم. محمود بحب: تعال يولدي.

مرات عمه بحقد: أمال فين مراتك ي زين الرجال ولا متعرفش حاجة في الأصول وإنها المفروض تنزل قبلك تحضر الفطار مع البنات. فاطمه بصتلها بضيق. حتي أحمد جوزها. زين وهو بياكل بهدوء: شكلك نسيتي إنها عروسة ي مرات عمي. زين قام من ع الأكل: أنا رايح أشوف الدبيح ي حاج. محمود بهدوء: روح ربنا معاك. زين قبل ما يخرج قرب من امه: مش عايز حد يدخل الأوضة لحد ما هي تقوم لوحدها. فاطمه بحب: حاضر ي حبيبي. زين مشي.

وسماح قامت بحقد وطلعت ع فوق لاقت بنتها قاعده في الأوضة بتعيط. سماح بغضب: ما خلاص. بتعيطي بعد إيه ما خلاص اتجوزت. ياسمين بعياط: سبني في حالي بق حرام عليكي. سماح بغضب: خليكي عيطي كل حاجة راحت مننا علشان انتي غبية ومش بتسمعي الكلام. وبكرة المحروسة تخلف الواد وياخد كل حاجة. عند زين فضل مع الرجالة. هي بتوزع ع الناس اللي ف البلد بمناسبة فرحه لحد ما خلصوا. بليل زين رجع بعد ما خلص شوية حاجات في الأرض. ودخل لاقهم حاطين الأكل.

فاطمه قربت منه: حبيبي اطلع فوق لمراتك لأنها مزلتش خالص وأنا محبتش أدخل عليها. وأنا هبعتلك الأكل فوق مع حد من البنات. زين هز رأسه بهدوء: بعد إذنكم. زين طلع ع فوق ودخل بهدوء لاقها لسه نايمه. شوي وسمع واحدة من البنات بتقول له ع الأكل. زين وقف قدام الباب علشان متشوفش حاجة. البنت كانت بتحاول تلمح أي حاجة جوا. زين بغضب: مش خلصتي ع تحت يلا. البنت بخوف: تحت أمرك. البنت نزلت علطول ورحت قالت لسماح كل حاجة.

سماح بغضب: خلاص روحي انتي. فوق زين حط الأكل وقرب منها وفضل يبص عليها بتركيز شوية. زين بهدوء: تقي. تقي. تقي. زين وهو بيهزها: قومي. تقي بدأت تفتح عينها بكسل. زين بهدوء: قومي يلا كفاية نوم إحنا بقينا بليل وانتي لسه نايمة. تقي اتعدلت بكسوف وهي بتشد الملاية ع جسمها: اسفه كنت تعبانة شوية. زين هز رأسه بهدوء وحط الأكل قدامها: كلي يلا. تقي بهدوء: مليش نفس. شكر.

زين حط الأكل في بوقها: أنا مش فاضي ومش بحب الدلع الفاضي دا. ف كلي يلا. تقي بلعت الأكل غصب عنها ورحت كلت وهي بتحاول تكتم دموعها. بعد ما خلصت. زين: قومي خدي دش يلا. تقي قامت وهي ماسكة الملاية كويس عليها واخدت هدومها ودخلت بسرعة تغير. زين قام وبص ع الأوضة ولم كل حاجة كانت ع الأرض. بعد شوية تقي خرجت لاقت الأوضة نضيفة. زين بهدوء: الأوضة دايما لازم تكون نضيفة مش بحب حاجة تكون مش في مكانها. فاهمه. تقي بيأس: فاهمه.

زين هز رأسه وبدأ يقرب منها. تقي بتوتر ورفض: أنا تعبانة. زين سابها بهدوء ورح نام. تقي بعد شوية قربت من السرير ونامت هي كمان. تاني يوم الصبح كان زين قام من النوم قبلها ودخل أخد دش وخرج وهو بيلف فوطة حوالين وسطه. زين: تقي. تقي. زين بضيق: تقيي. تقي بدأت تفتح عينها بكسل ورحت بصت عليه ونزلت عينها بسرعة بكسوف. زين بهدوء: قومي يلا علشان تنزلي تحت عند امي وتساعدها لو محتاجة حاجة. تقي قامت وهي لسه منزلة عينها: حاضر.

تقي اخدت هدومها ودخلت أخدت دش. زين نزل. زين قرب من فاطمه وبسها: تومري بحاجة قبل ما أمشي. فاطمه بحب: يخليك ي حبيبي. روح مع السلامة. زين خرج رح الأرض وشوية ونزلت تقي. فاطمه بحب: تعالي ي حبيبتي. تقي قربت منها بضيق. فاطمه: نزلت ليه ي حبيبتي أنا كنت هبعتلك الأكل فوق. تقي بسخرية: يعني مش عارفه. أنا نازلة أخدمك زي ما جوزي قالي إني هبقى خدامة علشانك. فاطمه

بحب كأنها مسمعتش حاجة: واحنا ماعندناش حاجة نعملها. إيه رأيك تخرجي الجنينة شوية حلوة وهتعجبك. تقي قامت: ياريت لحسن أنا اتخنقت. فاطمه بهدوء: حطي حاجة ع شعرك واخرجي ماشي ي حبيبتي حطي حاجة ع شعرك أهم حاجة. تقي هزت رأسها واتحركت بسرعة. وهي ماشية اتخبطت في سماح. سماح بغضب: مش تشوفي قدامك. تقي بتوتر: مكنش قصدي. سماح: والعروسة رايحة فين إن شاء الله. تقي بضيق: خارجة الجنينة.

سماح وهي بتبص عليها بخبث: طب أخرجي يلا مستنية إيه ولا عايزة حد يوصلك. تقي اتحركت بضيق: خارجة أهو. تقي خرجت بغضب منها ورحت قعدت في مكان لوحدها. تقي فضلت تبص قدامها ورحت عينها دمعت بحزن ع حالها. تقي بدموع: لو كنتي هنا مكنش حصل دا كله مكنش دا حالي. مكنتش هتجوز واحد زي دا غصب عني ويعاملني كده. تقي مسحت دموعها وبدأت تتحرك في الجنينة الكبيرة. في الوقت دا دخل زين بضيق وهو بيتكلم في التليفون لكن بص عليها بغضب.

زين قفل وقرب منها بغضب وسحبها ودخلها جوا. تقي انصدمت لما لاقته مرة واحدة في وشها وبيسحبها بالطريقة دي من غير سبب. تقي مسكت إيده بوجع. زين بغضب: انتي إزاي تخرجي برا. فاطمه خرجت وهي والبنات من المطبخ. تقي كانت واقفة خايفة ومش عارفة تقول إيه. زين بغضب وهو بيمسك إيدها: هو أنا مش قولتلك تفضلي مع امي مين قالك تخرجي برا كده. فاطمه أول ما شافت كده أدخلت بسرعة وخلت تقي وراها: إيه ي حبيبي. تقي أول ما شافت فاطمه افتكرت إنها

بتمثل راحت قالت بغضب وحقد: هي. هي اللي قالتلي. هي. زين اتعصب أكتر ورح يقرب منها. فاطمه: اهدا بس ي حبيبي محصلش حاجة لكل دا. زين: لما تخرج كده وتفضل قدام الرجالة وفرحانة أوي وفي الآخر بتكذب وبتقول إنك اللي قولتها. فاطمه بهدوء: حقك عليا أنا ي ولدي هي مغلطتش أنا اللي نسيت أقولها تحط حاجة ع شعرها وانت عرف إنها مش لابسة الحجاب ف متعرفش. تقي وشها بهت بخوف.

زين متقدرش يتكلم بعد كلام فاطمه ورح دخل المكتب بغضب واخد ورق من جوا وخرج تاني. بعد ما زين مشي. فاطمه بعتاب: مش قولتلك تحطي حاجة ع شعرك. تقي بخوف: والله أنا نسيت مكنش قصدي. أنا آسفة. فاطمه: اطلعي ع فوق استريحي لحد ما الأكل يجهز. تقي راحت تتحرك وبعدين وقفت وقالت بخوف: انتي مش هتقوليله مش كده. فاطمه بحزن عليها: متخافيش مش هقول حاجة. كل دا حصل تحت أنظار سماح اللي كانت هتموت من العصبية بعد ما فاطمه أدخلت.

سماح طلعت ع أوضتها بنتها لاقتها زي ما هي بتعيط وبس. سماح: ما خلاص يختي بدل العياط دا فكري هيرجع إزاي. ياسمين بعياط: أعمل إيه. هو خلاص بقى مع واحدة غيري. عند زين وصل الأرض بغضب وهو مش طايق نفسه. لاقى التليفون بيرن. زين بضيق: إيه ي معتصم. معتصم بغضب: الحمد لله إن الأستاذ رد عليا حضرتك سايب كل حاجة ع دماغي انت والأستاذ التاني. زين بضيق: حصل إيه لكل ده. وهما يومين اللي سبتك فيهم. وفين إيهم.

معتصم بغضب: وإنت أش عرفني هو كان ابن عمي أنا الأستاذ كل ما أكلمه ألاقي مع واحدة جديدة ومش فاضي يجي الشغل. زين بغضب: اقفل وأنا هتصرف. زين اتصل ع حد: شوفلي إيهم فين. الشخص: تحت أمرك. زين قفل بضيق. ورح يشوف شغله لحد ما الفون رن تاني. الشخص: هو في شقة المعادي مع واحدة. زين قفل بغضب ورح اتصل ع إيهم. زين فضلت يتصل لحد ما رد. عند إيهم. اتعدل بضيق من صوت الفون. إيهم فتح بضيق: في إيه ي زين. زين بهدوء مميت: إنت فين.

إيهم وهو بيبص ع جسم البنت اللي جنبه: في شغل لكن إيه مهم أوي. زين بصراخ. والله ي ايهم لو متحركتش من عندك ومشيت الزباله اللي عندك دي ورحت لمعتصم حالا انت عارف أنا ممكن اعمل اي. وبعدين قفل السكه في وشه. ايهم بص ع الفون بضيق وقام يلبس بسرعه لانه عارف زين. البنت قامت وقربت منه بدلع: رايح فين بس ي باشا؟ ايهم زقها بقرف: خلاص وقتك خلص. ايهم نزل ركب العربيه وطلع ع الشركه بضيق. بعد شوي وصل وطلع ع فوق.

معتصم بسخرية: أخيرا الباشا أتنازل يجي يشوف شغلو. ايهم بضيق: ونبي هي مش ناقصك ي معتصم. معتصم بضيق: ي ايهم حرام عليك اللي بتعملو دا. انت كده بضيع نفسك وصحتك. ايهم بسخرية: شيخ معتصم ونبي خليك ف حالك. أنا مش محتاج نصايح من حد. أنا عارف بعمل اي كويس. أنا مش صغير. معتصم بهدوء: فعلا عندك حق. انت مش صغير. معتصم خرج علطول بضيق. ..... اللي قولت عليه هو اللي هيحصل. انتي فاهمه. ضي بعيط: بابا قول حاجه. انا مش عايزه اتجوز.

علي بعصبية: اي ي محمد مش قادره ع المحروسه بنتك ولاا اي؟ محمد بتوتر: اهدا ي علي. وانتي ي ضي اسمعي كلام عمك. ضي وهي بتبص ع علي بحقد: أنا بكرهك ومش هتجوز. انت عايز مننا اي. أنا بكر -هكم كلكم. علي رفع أيده بغضب علشان يضربها بس. معتصم بغضب: بابا. ضي اول ما سمعت صوته طلعت تجري عليه ودخلت ف حضنه بعيط: ك .ك.كان هيضربني. معتصم: برا. ..... معتصم بغضب: قولت برااا. يلااا.