رواية ملكي من البدايه الفصل الحادي والعشرون 21 - بقلم فاطمه حسن

أيهم قرب وقفل الأغاني، وبصلها بهدوء. "البسي، معتصم عازمنا عنده." ياسمين كرمشت وشها بضيق. "بس أنا مش عايزة أروح." أيهم اترمي على السرير بتعب، وحط إيده على عينيه. "نص ساعة وتكوني جاهزة." ياسمين نفخت بضيق ومشيت عشان تغير. ..... مريم دخلت المطبخ بضيق بعد ما رجعت مع زين وتقي. "رجعتوا؟ أمال فين زين؟ مريم بضيق: "خد تقي وطلع على فوق على طول." فاطمة ابتسمت بحب ورجعت كملت اللي في إيدها.

عند زين، أول ما قفل الباب، سند تقي على الحيطة وفضل يبوس فيها. تقي بتحاول تبعد زين. "ز... زين." زين مبعدش. "اممم." تقي حطت إيدها على كتفه بتحاول تبعده، بس هو ماسك إيديها كويس ومثبتها. "عايزة أتكلم معاك." زين نقل على الجهة التانية من رقبتها. "سامعك." تقي اتنهدت. "لسه زعلان مني؟ زين سند راسها على راسها وهمسلها وهو بيزيح شعرها. "هعديه المرة دي، بس متتكررش تاني، ماشي؟ تقي ابتسمت. "ماشي."

عضت على شفايفها وقربت منه وباسه، وهو حط إيده على راسها من ورا عشان يقربها منه، وبعدين... ... عند معتصم، دخل أوضته وهو بيلقح الجاكت وبيفتح أزرار القميص. ضي كانت قاعدة على كرسي بتراقبه بهدوء. "أنا عزمت أيهم ومراته، هتعرفي تحضري أكل ولا أجيب جاهز؟ ضي: "لا، هعرف." معتصم هز راسه بهدوء، وخلع القميص خالص. ضي كانت مجهزة له هدوم غيرها، خدها ودخل الحمام، وهي نزلت على المطبخ.

شوية ونزل معتصم وهو لابس بنطلون قطن وتي شيرت بنص كم وشبشب وماسك مج في إيده. دخل المطبخ وقعد على الترابيزة اللي في النص، وهو بيراقب ضي بتعمل الأكل وبتتحرك في المطبخ. معتصم كان مركز معاها أوي. "ضي." ضي وقفت وبصت عليه. وقف وقرب منها، كان فيه دقيقة على وشها. حط إيده على خدها ومسحلها، وهو مركز معاها. معتصم ميل وباسها على خدها بهدوء، نزل لتحت شوية وباسها تاني و... ...

أيهم وياسمين واقفين في إشارة المرور، وياسمين باصة من شباك العربية وسرحانة في واحد واقف جنبها راكب موتوسيكل وفضل يبصلها، وهي مكنتش واخدة بالها. الإشارة بقت خضرة وأيهم اتحرك، بس شوية ووقف. ياسمين باستغراب. "وصلنا." أيهم وهو نازل: "ثانية واحدة بس." أيهم نزل من العربية وراح للشخص اللي بيركن الموتوسيكل ومسكه من هدومه. الشب بخوف: "في إيه؟ أيهم ضربه. "بقي يا حيو*ان بتبص على مراتي؟

ونزل فيه ضرب. بعد شوية رجع العربية وهو بينهج. ياسمين باستغراب: "هو في إيه؟ أيهم وهو بيسوق: "مفيش حاجة." .... عند زين، كان نايم لحد ما سمع خبط على الباب. زين بنوم: "مين؟ فاطمة: "أنا يا حبيبي." زين: "أيوه يا أمي." فاطمة: "يا حبيبي المغرب خلاص على أذان، ومأكلتش حاجة لا أنت ولا تقي من الضهر." زين مسح على وشه. "ماشي يا أمي، هصحّيها وننزل." فاطمة مشيت، وزين لف وشه لتقي اللي نايمة وشها الناحية التانية.

زين قرب بهدوء ومسك خصلة من شعرها وشمها، وبعدين زاح المفرش لتحت شوية وباسها على كتفها ونزل شوية وضهرها، وبعدين... يتبع مساء الفل عليكم. أنا كيان، هكون معاكم مكان فاطمة لأنها هتطر تقفل لظروف ما. أنا حاولت قدر الإمكان أكتب زيها عشان متحسوش بفرق. أتمنى الفصل يعجبكم.