رواية مليكة الاسد الفصل الثالث 3 - بقلم ايمي الطيب

البنت: اسدددددددددد اسد وهو بيبص للبنت وقال بصدمه: سوزي سوزي بخبث وهي بتحضنه: وحشتني يا اسدي حين قالت سوزي "اسدي" شعرت مليكة بألم في قلبها ولكن تجاهلت هذا الشعور. وقالت: خلاص يا جماعه لو سمحت الكل يروح يكمل شغله. وفعلاً كل واحد راح على شغله. وبعدين بصت لباباها. والد اسد: اتفضلوا يافندم ارتاحوا من الطريق وهطلب لكم اتنين قهوه.

والد مليكة بضحك: إيه يابت الاحترام ده الي يشوفك دلوقتي ميشوفكيش وانتي بتقولي "حبيبي يا بيبو ياللي رافع من معنوياتي". مليكة بمرح: طب ليه الفضايح دي يا حج قدام الحج المز ده. الأب: قولي يا حج. والد اسد بضحك: عايزة إيه. مليكة بمرح: هو انت متجوز. والد اسد بضحك: ههههههه اه وابني واقف قدامك. قال كدا وهو بيشاور على اسد. مليكة بخيبة أمل مصطنعة: يخسارة كنت هتجوزك، يلا تبقي تتعوض. وبعدين قالت بهمس: هو الثلاجة ده ابنك. والد

اسد وهو بيضحك بأعلي صوته: دا انتي مشكلة. اسد ببرود: هنفضل نهزر كده كتير. يلا يا آنسة على شغلك. مليكة ببرود عكس ما كانت عليه من شويه: تمام، رايحة. عن إذنك. ومشيت مليكة ومشي اسد ومعاه سوزي. والد مليكة: هي دي بنتي اللي بتتكلم ببرود. والد اسد: هي مليكة كدا لما تتكلم مع اسد، معرفش ليه. والد مليكة بحزن: مليكة مش ناسيه اللي حصل زمان. والد اسد بصدمة: إيييييه. عند البوص. الشخص المجهول: ننفذ امتى يا بوص.

البوص بخبث وشر: انهارده. الشخص المجهول: بس يا بوص الاسد مش هيسكت، انت عارف دي تبقي مين بالنسباله. قاطعه البوص: كان زمان، دلوقتي هو مش فكرها. وحتي لو افتكرها هي مش هترجعله. وبعدين أكمل: نفذ من غير نقاش. الشخص المجهول: تحت أمرك يافندم، عن إذنك. ومشي الشخص المجهول. البوص بخبث: لما نشوف آخرتها يا ابن الغرباوي. عند اسد ومليكة. رجع اسد المكتب وهو معاه سوزي، دخل مكتبه على طول.

وبعدها بشويه طلب مليكة في التلفون وطلب منها قهوة وعصير برتقال. وبعدها بشويه كمان دخلت مليكة ومعاها القهوة والعصير. وحطت القهوة قدام اسد والعصير قدام سوزي. وكانت لسه هتطلع لاكن قاطعها صوت سوزي وهي بتقول بغرور: إيه القرف ده. انتي عايزة تسمي إيه العصير ده، ده طعمه لا يطاق. مليكة بسخرية: اسمك إنتي اللي معدتك فافي. سوزي بغضب: انتي قليلة الأدب. وراحت دلقت عليها العصير. مليكة بصت لها بصدمة ومسحت وشها. وبعدين

ضربت سوزي بالقلم وقالت: انتي اللي قليلة الأدب وعديمة الذوق. وسبتها وطلعت بره المكتب بل بره الشركة كلها. اسد بعصبية: سوزي مكنش في داعي لكل الي عملتيه ده. سوزي لما حست انها هتخسر اسد قالت بعياط مصطنع: يعني يرضيك تضربني بالقلم يا اسدي. اسد بعصبية خفيفة: لا ميرضنيش، بس دا برضه أقل رد فعل منها. سوزي بمسكنة واسف مصطنع: أنا آسفة يا اسدي متزعلش مني. اسد: مش تتأسفي ليا أنا، انتي هتتأسفي للي أهنتيها وأنا واقف.

سوزي بخبث لكي لا تخسر اسد: حاضر يا حبيبي. عند مليكة. كانت طالعة بره الشركة وهي متعصبة. ولكن فجأة وقفت عربية جيب سودة ونزلت منها رجاله ضخام. كانت مليكة لسه هتصوت ولاكن خدروها وشدوها داخل العربية.