رواية مليكة الاسد(2 الفصل الأول 1 - بقلم ايمي الطيب

مبروك يافهد. مبروك يا سيرين. قالتها بضيق. فهد بحب: الله يبارك فيكي ياماما. سيرين بخبث: الله يبارك فيكي يا طنطي. ياسمين بصتلها من غير نفس ومشيت. الكل كان بيبارك لفهد وسيرين. وفي اللي كان بيبارك بفرحه. وفي اللي كان بيبارك بحزن. وفيه اللي مكنش موافق وكان بيبارك من غير نفس. في مكان تاني. حيث غرفة القمر بتاعتنا جاسمين. جاسمين قاعدة في أوضتها بتعيط وهي سامعة صوت الزغاريط والأغاني تحت.

جاسمين ببكاء شديد: بقا كده يا فهد بعد كل الحب اللي حبتهولك تعمل فيا كده. بس أنا اللي غلطانة إني حبيتك. بس صدقني لهشيل حبك من قلبي وهطلعك من حياتي. وعشان أثبتلك إنك ولا حاجة ومش فارق معايا. أنا هنزل وهباركلك كمان. وقامت لبست فستان أحمر طويل ومنفوش من تحت وعليه حجاب أوف وايت. وهيلز بنفس اللون الطرحة. وحطت ميكب ومسكره خفيفة. ونزلت. تحت في قصر الغرباوي. كانوا كله بيهني فهد وسيرين. عند أسد والعيلة.

ياسين: أمال فين جاسمين يا أسد. أسد: مش عارف يا بابا. مليكة: هي كانت في أوضتها وعديت عليها قالتلي هجهز وأنزل. نرمين: أنا هطلع أشوفها. وكانت لسه هتقوم لقت الأنوار اتقفلت واتفتحت. بس الضوء كان متسلط على تلك الجميلة التي كانت تقف على السلم. نرمين بابتسامة: أهي وصلت. الكل بص على السلم مكان الضوء. لقوا جاسمين واقفة بكل كبرياء. ولما لا فهي بنت أسد الغرباوي وحفيدة ياسين الغرباوي. ونزلت على السلالم وكل منبهر من جمالها.

وسيرين كانت متغاظة عشان جاسمين خطفت الجو منها. وفهد كان بيشيّط لأن كان شايف نظرات الناس ليها وبالأخص الرجال. جاسمين نزلت وراحت عند فهد وقالت. جاسمين بابتسامة مصطنعة: مبروك يا أبيه. مبروك يا سيرين. سيرين بخبث ودلع: الله يبارك فيكي يا جاسي. عقبالك. جاسمين بثقة: قريب يا روحي. وإنتي هتنورينا. دا حتى إنتي هتبقي واحدة من العيلة. فهد واقف ومتغاظ من كلامها وشاط أكتر لما قالت قريب. جاسمين: عن إذنكم. ومشت.

خلصت الخطوبة وكل واحد روح. والكل العيلة طلعت تنام. تاني يوم في قصر الغرباوي. وتحديداً في غرفة البطلة. قامت جاسمين بنشاط ولبست بنطلون بوي فريند أسود وتيشرت أبيض وجاكت أسود بكم وعليه كوتشي أبيض وشنطة نبيتي غامق. ونزلت. جاسمين بمرح: يا أهل الداااااار أنا صحيييييت. مليكة بضحك: أنا اللي كنت بعمله في أمي بيطلع عليا. وكملت: صوتك يا زفتة. جاسمين بمرح: الله خليك رويح يا أبا روجدي.

أسد ضحك عليها وقال: ههههههههههه كلك أمك وهي صغيرة. مليكة بصتله برفعة حاجب: قصدك إني كبرت يا أسد. أسد بحب: يا روح أسد إنتي مهما كبرتي هتفضلي في نظري صغيرتي. جاسمين: أه يابابا يا جامد. فجأة دخل فهد ببرود: صباح الخير. الكل: صباح النور. والكل قعد يفطر. جاسمين وهي بتبص ناحية باباها وفي نفس الوقت بتخطف نظرات من تحت لتحت لفهد. جاسمين: بابا أنا كنت عاوزة أقولك حاجة. أسد باستغراب: إيه الاحترام ده يا بت قولي.

جاسمين بتوتر وهي بتراقب حركات فهد من غير ما حد ياخد باله: في عريس اتقدملي وعايز يقابلك. فهد كان بيشرب في الوقت ده راح شرق وقعد يكح. أسد: اسمه إيه وشفتيه فين. جاسمين: اسمه سراج وزميلي في الجامعة. أسد: امممممم وإنتي رأيك إيه. جاسمين عشان تستفز فهد: هو شاب محترم والجامعة كلها بتحلف بأدبه. وبصراحة بفكر أوافق بس طبعاً بعد موافقتك يا بابا. فهد طول الوقت قاعد عمال يدوس على إيده وهو أساساً شايط من جواها.

أسد بجدية: تمام هشوف وهحدد ميعاد. جاسمين: تمام يابابا. فهد ببرود عكس البركان اللي جواه: يلا عشان أوصلك الجامعة. بس هنعدي على سيرين الأول. جاسمين بحزن ولكن أخفته ببراعة وقالت بمرح ومكر: شكراً يا أبيه. تقدر تروح إنت لخطيبتك وأنا صقر هيوصلني مع نرمين ومها وسيلين. مش كده يا صقورتي. صقر في سره: البت دي عايزة تخلص مني بدري. وقال بصوت عالي: كده يا قلب صقورتك. فهد بغيظ: تمام بس متنساش الشركة يا صقورتها ومتتأخرش.

وقام بغضب ومشي. وأول ما مشي. أسد: مروحتيش مع ابن عمك ليه يا جاسمين. جاسمين بكذب: عادي يا بابا عشان أسيبه براحته مع خطيبته. ثم أكملت: يلا يا صقري عشان نمشي. صقر: يلا يا أختي إنتي وهيا عشان أنا هموت النهارده. جاسمين: بعد الشر بتقول كده ليه. صقر: لا متخديش في بالك. جاسمين وهي بتضحك: اوكي يلا بقا هنتأخر على الجامعة. صقر يحب أخويا: يلا يا أخرة صبري. عند فهد في العربية. فهد وهو بيسوق: ماشي يا جاسمين. أما أوريك.

وهو بيقلد صوتها: أصل في عريس اتقدملي وعايز يقابلك. ولا إيه مش كده يا صقورتي. ماشي يا جاسمين. ماشي. وعدي على سيرين وخدها وصلها للنادي وراح الشركة. في شركة فهد. دخل فهد وهو متعصب وعفاريت الدنيا كلها بتلعب قصاد وشه. وطبعاً كل الموظفين كانوا خايفين منه. دخل مكتبه وطلب السكرتيرة. السكرتيرة خبطت ودخلت. السكرتيرة بخوف: نعم يا فندم. فهد بغضب: هاتلي القهوة بتاعتي وصفقة المنصوري. وناديلي رعد وصقر وسيف. السكرتيرة: حاضر يا فندم.

بس مستر صقر لسه موصلش. فهد بغضب: تمام ناديلي رعد وسيف. ولما صقر يجي قوليله يجيلي. السكرتيرة: تمام يا فندم بعد إذنك. وبعد خمس دقايق. فتح الباب ودخل رعد وسيف. سيف بمرح: إيه مالك يا عم الشركة كلها مورهاش غير المدير اللي داخل متعصب. مالك. فهد بغيظ: طب اقعد ساكت بدل ما أقوم أروقك. رعد بهدوء: مالك يا فهد اللي معصبك. فهد: هو اللي يعرف أخته يبقى هادي. رعد باستغراب: جاسمين مالها جاسمين. فهد حكالهم اللي حصل كله.

سيف بضحك: هههههههه دا إنت هتشوف أيام سودة يا فهد. رعد بعقل: إنت اللي غلطت يا فهد واخترت إنك تخطب سيرين. فهد بحزن: أنا خطبت سيرين لأني بحب جاسمين واخاف أظلمها معايا وهي لسه صغيرة. فجأة اتفتح الباب ودخل صقر وهو بيقول بمرح: صباحو يا شباب. فهد بغيظ: أهلاً يا خوي. صقر بمرح: طب أنا مالي يا لمبي. سيف باستغراب: هو في إيه. صقر بضحك: أنا هقولك. (ثم قص عليهم كل ما حدث الصبح) سيف: وإنت هتعمل إيه يا فهد. فهد بعصبية: مش عارف.

بس كل اللي اعرفه إني مش هخلي الجوازة دي تتم. رعد بضحك: هههههههه يعيني بس تصدق تستاهل لأنك لعبت مع واحدة من جنس حواء. سيف بمرح: يعيني دا إنت هتشوف أيام عنب. صقر بمرح: عشنا وشوفنا كتلة الجليد بتتعصب. فهد بغيظ: اطلعوا بره يا حيوانات إنتوا وهو. كله يروح يشوف شغله. كل صحابه طلعوا وهما بيضحكوا. وبعد ما طلعوا. فهد: ماشي يا جاسمين. برضو مش هتبقي لغيري. عند بطلتنا. كانت في الجامعة. بعد ما خلصت محاضرتها.

كانت طالعة عشان تروح لأن مها ونرمين وسيلين لسه عندهم محاضرات. ولكن وقفها صوت شاب وسيم. سراج: جاسمين. لفت جاسمين. جاسمين: سراج إزيك. سراج بابتسامة: الحمدلله. إنتي عاملة إيه. جاسمين: الحمدلله خير. في حاجة. سراج: احم بصراحة كنت عايز أعرف يعني الموضوع اللي كلمتك فيه. جاسمين: احم أنا كلمت بابا وهو هيحدد ميعاد. وهبقى أقولك. عن إذنك. وطلعت بره الجامعة. ولكن اتفاجأت بوجود. ..........