رواية مليكة الاسد(2 الفصل الخامس 5 - بقلم ايمي الطيب

بعدما عاد النور كان الكل في أماكنه ماعدا جاسمين. فقال فهد بقلق: جاسمين جاسمين فيييين. ومن هنا حدث قلق بين الحضور، وخاصة مليكة التي تملكها القلق. رعد بقلق على أخته قال: مازن مااااازن. دخل مازن وهو رئيس الحرس: نعم يا رعد بيه. رعد: خلي كل الحرس يتحركو ويدوروا على جاسمين وميسبوش مكان. وهنا بقا خرج أسد عن هدوئه وقال: خلينا نشوف كاميرات المراقبة. سراج قال: ينفع أجي معاكم. أسد وهو بيتحرك: تعالي يا ابني.

وفعلاً تحركت كل الشباب على غرفة المراقبة. في غرفة المراقبة. دخلوا كلهم مرة واحدة. راح سيف وبدأ يفتح الكاميرات على وقت اختفاء جاسمين ولكن ملقاش حاجة. فقال سيف بأسف: للأسف مفيش حاجة. الوقت اللي اختفت فيه جاسمين النور انطفى، وللأسف لما النور بيقفل الكاميرات بتتعطل. فهد بغضب وهو بيخبط الكرسي في الأرض: يعني إيه الكلام ده. صقر محاول تهدئة فهد: إهدي يا فهد هنلقيها متقلقش. فهد وهو يخرج من المكان: أنا مش هرجع غير بيها.

أسد وهو بيبص لسراج: مش عارفة أقلك إيه يبني والله. بس روح أهلك عشان أكيد تعبوا من اليوم وأنا هطمنك. سراج: بس يعمي جاسمين دلوقتي في حكم خطيبتي يعني المفروض أطمن عليها. أسد: معلش يبني عشان أهلك وأنا هطمنك لو في جديد. واضطر سراج يمشي، ووصل أهله. داخل الفيلا. طبعا المعازيم روحوا وسراج أخد أهله يروحهم. دخل أسد وأول ما دخل جريت عليه مليكة. مليكة بعياط وانهيار: بنتي بنتي فين يا أسد أنا عايزة بنتي.

أسد بحنان: إهدي يا موكا إهدي يا صغيرتي صدقيني بنتك هتكون في حضنك في أقرب وقت وفهد كمان طلع يدور عليها ومش هيرجع من غيرها. مليكة بانهيار: متضحكش عليا يا أسد أرجوك هاتلي بنتي أرجوك. أسد وهو يتمالك نفسه قدام مليكة: صدقيني في أقرب وقت بنتك هتكون في حضنك خليكي واثقة فيا. ثم وجه كلامه لياسمين والبنات اللي كانوا ما يقلوا حاجة عن حالة مليكة: ياسمين سارة معلش خدوا مليكة عشان ترتاح وكمان إنتوا اطلعوا ارتاحوا ومتقلقوش.

مليكة: مش هطلع في حتة يا أسد إلا لما بنتي ترجع أنت سامع. أسد: مليكة حبيبتي أنتي لازم ترتاحي وجسي متقلقيش صدقيني هرجعهالك. وطبعا رغم اعتراض الجميع إلا أنهم نفذوا كلام أسد وطلعوا، بس كلهم كانوا مع مليكة في الأوضة ومرضوش يسيبوها وهي في الحالة دي. في مكان أخر وجديد. كانت جاسمين متكتفة على أحد الكراسي. جاسمين وهي بتفوق: أه أه دماغي أنا فين. شخص ما في الظلام: وأخيرا فوقتي يا حياتي. جاسمين وهي بتستغرب الصوت: أنت مين.

وفجأة ظهر هذا الشخص للضوء: أنا يا جسي. جاسمين بصدمة: يوسف. يوسف بابتسامة: أيوه يوسف يا جسي. يوسف اللي حبك وأنتي رفضتي، وفي الآخر رايحة تتخطبي للزفت اللي اسمه سراج. جاسمين بعصبية: أنت مجنون تقوم تخطفني. يوسف بابتسامة مختلة: أيوه مجنون، مجنون بيكي يا جسي. وخليكي عارفة إنك مش هتكوني لغيري. لا لفهد ولا لسراج. وكمان ساعة هييجي المأذون وأكتب عليكي وتكوني ملكي للأبد. وضحك بجنون وطلع من المكان.

جاسمين بخوف: أنت فين يا فهد. إلحقني. بعد مرور ساعة دخل يوسف ومعاه المأذون واتنين من الجارد. يوسف ببسمة مصطنعة: يلا يا جسي عشان نكتب كتابنا. جاسمين بخوف: ابعد عني يا يوسف. أنا مش موافقة. ولكن مجرد ما انتهت من كلمتها لقت قلم قوي على وشها وصوت كله شر. يوسف بشر: أمال موافقة على مين. على حبيب القلب؟ ولا على الزفت سراج؟ المأذون: الظاهر إن في مشكلة، أنا لازم أمشي. ولكن قبل ما يتحرك كان يوسف

موجه السلاح عليه وقال: مكانك يا شيخنا، أنت مش هتمشي قبل ما تكتب الكتاب. وقعد المأذون ويوسف وجاسمين رغم رفضها. المأذون: لا حول ولا قوة إلا بالله. قولي ورايا يبنتي. ولكن لم يكمل كلامه حتى وجد الباب يفتح وفي هجوم من جارد آخر. ولكن بعدها ظهر فهد. فهد بغضب وشر: كنت فاكر يا روح أمك إنك هتخش بيت عيلة الغرباوي وتخطف حد يخصني ومش هلاقيك. وفجأة فهد اتهجم عليه ونزل في ضرب لحد ما نزف. وبعدها دخل البوليس.

فهد راح لجاسمين وفك إيديها وباس راسها وقال وهو بيبصلها في عيونها: أنا هنا يا جسي متخافيش. جاسمين وهي تشعر بأمان: كنت حاسة ومتأكدة إنك جاي يا فهد. أنا مكنتش خايفة منه، كنت خايفة تتأخر وأكون مرا. ولكن قاطعها فهد وقال: متكمليش، لأن عمري ما هسمح إنك تكوني لغيري يا جسي. جاسمين بصتله بصدمة وهي فاتحة بوقها. فهو ضحك على شكلها وهي مصدومة وقال بضحك: اقفلي بقك يا هبلة، ولا أقفلهولك أنا. وغمز في نهاية كلامه وجاسمين اتكسفت.

وبعدها سندها فهد للعربية وطلعها من المكان. في بيت عيلة الغرباوي. الكل قاعد على نار بعد ما فهد كلمهم وقال إن راجع بجاسمين. مليكة بقلق وتوتر: هما اتأخروا كده ليه. أسد بهدوء وراحة شوية: اهدي يا حبيبتي، زمانه على وصول. صقر بمرح: بصوا بقا جاسمين ترجع ونحدد معاد الفرح. عايز اتجوز يا عااااالم. سيف بضحك: أنت عبيط يلا ما أنت متجوزها. صقر بتذمر: دا كتب كتاب بس يا أخويا. مليش دعوة أنا عايز فرحه ولولولولولي زي الناس.

رائد برفعة حاجب: أنت أهبل يلا أنت لسه كات ب الكتاب امبارح. وعايز تحدد معاد الفرح انهارده. صقر: وفيها إيه خير البر عاجله. كله عمال يضحك على كلام صقر، ولكن قاطع ضحكهم صوت دخول جاسي وفهد. مليكة وهي بتجري على جاسمين وبتحضنها: جاسمين بنتي حبيبتي أنتي كويسة فيكي حاجة حصلك حاجة؟ متظايظي يبنتي. أسد بضحك: ما أنتي بطلي تسأليها عشان تديها فرصة ترد. جاسمين بابتسامة لمامتها: اهدي يا مامتي أنا كويسة.

وفجأة لقت اللي بيشدها لحضنه وده كان رعد. رعد بحب أخوي: حمد الله على السلامة يا جسيكا القلب. خوفتيني عليكي. جاسمين بحب: أنا كويسة يا رعد متقلقش. وبعدها لقت اللي بيشدها من حضن رعد. أسد بحب وهو بيحضنها: أوعي يلا كده تعالي يا حبيبة أبوكي. كنت هتجنن عليكي يا جسي. وقبل ما ترد فجأة طلع صوت بغضب طفولي. فهد بغضب طفولي: إيييييييييييه. هو كل عمال يشدها ويدلع فيها. في إيه أنا واقف.

أسد ببرود مصطنع: طب ما تقعد حد ماسكك. ثم أنت مالك. فهد بتحدي: لا مالي ونص لأن جسي هتكون مراتي. فجأة الكل بصاله بصدمة. فأكمل فهد: مالكم بصيلي بصدمة ليه؟ جاسمين مش هتتجوز حد غيري وانتهى. فقالت سيلين: طب وسراج. فهد بلامبالاة: عادي كل شيء قسمة ونصيب وهي مش موافقة. أسد: ومين قال إن هوافق. فهد بابتسامة: دا كده كده هتوافق، لأن مش هسمحلك تبعدها عني يا أسد. سيف لكي يهدي الجو قليلا: طب بس قولي يا فهد أنت عرفت مكان جسي منين.

فهد: اولا إسمها جاسمين وممنوع حد يدلعها غيري. هقولك عرفت إزاي. فلاش باك لقبل الخطوبة بيوم. كانت جاسمين قاعدة في الحديقة بتاعت الڤيلا. ووقتها كان فهد داخل من بره. وشافها وهي قاعدة على الأرض وبتبص للسما. فراح قعد جمبها من غير ما تحس وقال: القمر حلو أوي انهارده. جاسمين بخضة بسيطة: فهد خضتني. أنت هنا من امتى. فهد ببسمة خفيفة: من شوية صغيرين بس مكنتش حاسة بيا. إيه اللي واخد عقلك يا جسي.

جاسمين وهي بصه قدامها: ولا حاجة يا فهد. بفكر في اللي جاى. فهد: جسي أنتي بتحبي سراج. جاسمين وهي بتبصله: وهي هتفرق معاك يا فهد. أنا من رأي تركز مع خطيبتك ومتشغلش بالك إذا كنت بحب سراج ولا لأ. فهد بحزن ولكن أخفاه ببراعة وقال ببسمة: طب ممكن تغمضي عينك. جاسمين باستغراب: ليه. فهد: غمضي بس. جاسمين غمضت وبعد شوية حست بحاجة بتتحط على رقبتها. ولما فتحت لقت سلسلة فضه رقيقة على رقبتها فقالت: الله شكلها جميلة يا فهد.

فهد ببسمة: لو ليا غلاوة عندك خليكي لبساها ومتقلعهاش يا جسي. جاسمين ببسمة: غلاوتك غالية عندي يا ابن عمي. قلتها وبعدها قامت وطلعت أوضتها. بااااااك. كان في جهاز تتبع في السلسلة دي. ولما اختفت قدرت بكل بساطة أوصلها. أسد بهدوء: مين اللي كان ورا الفعلة دي يا فهد. فهد بهدوء: يوسف ابن علي النويري. لأن كان صديق جاسمين في الجامعة وعرض عليها الجواز بس هي رفضت. وكمان أنا وقفتله في مرة وعشان كده خطفها لما عرف إنها هتتخطب.

مليكة وهي حضنه جاسمين: خلاص اللي فات فات. المهم إن بنتي في حضني ومحصلهاش حاجة. كله قال: الحمد لله. سيف: احم احم. عمو معتز يا قمر. معتز برفعة حاجب: أنتو مش بتحترموا نفسكم إلا لما يكون في مصلحة. خير يا سيف. سيف: كنت حابب أطلب منك خدمة حلوة كده. معتز: خدمة وحلوة خير يا سيف. سيف: عايز إيد بنتك نرمين. معتز برفعة حاجب: وعايز إيد بنتي تعمل بيها إيه؟ ما أنت عندك إيدين. سيف بسخرية: هلعب بيها تنس؟ هكون عايزها ليه؟

عايز اتجوزها. كله عمال يضحك على كلامهم. معتز بضحك: طب ما أنا عارف بس الرأي رأي نرمين. قلتي إيه يا نيمو. نرمين بخجل من الموقف: الي حضرتك تشوفه يا بابا. معتز بابتسامة: باين عليكي يا قلب أبوكي. نقرأ الفاتحة. ولكن قاطعهم فهد: طب بالمرة نقرا فتحتي على جاسمين. أسد: ومين قالك إني موافق. فهد بابتسامة خبيثة مصطنعة: نقرأ الفاتحة ولا الخاطفة الجاية تكون مني أنا بس. صدقني مش هتعرفوا توصلولي ولا توصلوها.

أسد بغضب مصطنع: بتهددني يا إبن الـ... هنقرأ الفاتحة بس عشان جسي مش عشان تهديدك البايخ. وتمت قراءة الفاتحة. فهد على جاسمين وسيف على نرمين. وعمت السعادة المنزل بعد يوم كان مليء بالحزن. في مكان ما أشبه بالصحراء بليل. وقفت عربيتين قصاد بعض. واحدة نزل منها شخص مجهول الهوية. والتانية نزل منها فهد. فهد بابتسامة وهو بيسلم عليه: تسلم يصحبي. لولا مساعدتك مكنتش هعرف أوصل لجسي.

الشخص المجهول: متقلش كده يا فهد. إحنا أخوات. المهم استعد. كل حاجة قربت تنتهي. فهد بابتسامة غامضة: وأنا جاهز جدااااا. لأن هما السبب في موته وحقه لازم يرجع. الشخص المجهول: هيرجع يا فهد. هيرجع. وبعدها الاتنين مشيوا.