تحميل رواية «ممرضة قلبي» PDF

اسراء: في إيه يالا، ماتفوق كده. أنت تنحت ولا إيه؟

عمر: في إيه؟ كنتي بتقولي حاجة؟

اسراء: لا يا عنيا، أنت. يالا بتبص عليا ليه؟ ده أنا هطين عليك عيشتك.

عمر: في إيه؟ أنا كنت بفكر في الشغل.

اسراء: استنى عايزة أصدقك.

عمر: أنتي حرة.

اسراء: يالا، أنت كنت داخل ليه؟ كنت عايز تعمل فيا إيه؟

عمر: الله يخربيتك، دماغك الشمال! بنتي، أنا كنت داخل عشان أجيبلك نسكافيه.

اسراء: أنا برضه اللي دماغي شمال؟ وأنت جايبلي نسكافيه ليه؟ بمناسبة إيه؟

عمر: أنتي هبلة؟ أنتي اللي قولتيلي اعملي نسكافيه معاك، ولا أنت كنتي نايمة؟

اسراء: آه صح. طب أنت مش خبطت على الباب ليه؟

عمر: والمصحف خبطت. أنا كنت بحسبك بتتكلمي مع لميس. خبطت 3 مرات.

اسراء بتفكير: اممممم.

عمر: هااا، خلص التحقيق ولا لسه؟

اسراء: بس يالا اسكت، وأنا براحتي أسأل.

عمر: أنتي كنتي واقفة النهاردة مع آسر صح؟

اسراء: أيوه، ما أنت كنت شايف.

عمر: أنتي خدتي رقمه ليه؟

اسراء: أنا براحتي، يالا. أنت مش هتتحكم فيا.

عمر: أنتي شكلك عايزة تشقطيه.

اسراء: مش ينفع.

عمر: ليه يختي؟ عشان كبير 40 سنة يعني؟

اسراء بتحاول تغيظ في عمر: للأسف مش عشان السن، عشان بس هو قريبي.

عمر بغيظ: يقربلك إيه؟

اسراء: وأنت مالك بقى؟

عمر: يا بت، أنت لسانك طويل ليه؟

اسراء: ملكش دعوة.

اسراء: ويلا اطلع براااا.

عمر: والطفح بتاعك أخده؟

اسراء: لا سيبه.

عمر: ماشي يسطا.

وطلع من أوضتها.

طبعًا أحمد ولميس ولارا كانوا بيسمعوا كل ده.

أول ما طلع:

أحمد: يلهوووي، بتعمل إيه جوا مع اسراء؟

عمر: أنتوا ليه كلكم دماغكوا شمال؟ أنا كنت بوصلها النسكافيه.

لارا: ليه هي مش ليها إيد تعمل لنفسها؟ ولا تكون أنت الخدام بتاعها؟

اسراء كانت بتسمع الكلام اللي بتقوله لارا وجرت على عمر.

اسراء: عمر حبيبي، شكراً على النسكافيه.

وبصت لـ لارا وبتكمل اسراء: كان طعمه حلو أوي أوي أوييييي.

عمر: شكراً ياحبيبتي، أنا كنت عامله مخصوص ليكي.

واسراء مسكت إيده: تعالى أقولك على حاجة، أصل مش عايزة الناس تسمع.

طبعًا عمر كان منتهز الفرصة.

وقالتله في ودانه: أنت يالا دماغك ماتروحش شمال ها؟ أنت بس جاريني في الكلام.

عمر ضحك وقال: لا مش ينفع ياحبيبتي، قدام الناس دي كلها.

اسراء: خلاص بقى، مش قولتلي إحنا هنسافر؟

عمر: هنسافر بعربيتين، أنا عربية وأحمد عربية.

اسراء: ومين هيركب معاك؟

عمر بتلقائية: أنتي.

اسراء: نعمم!!!؟ بس أنا وأنت في عربية واحدة؟ لا لااا مستحيل.

عمر: وأنا مالي؟ ماتروحي تسألي آسر.

عمر: وأنت يا أحمد هيكون معاك لميس والتانية دييي.

لارا: بتقول التانية ليه؟ مش عايز تقول اسمي؟

عمر: أصلي قرفان.

لارا بتتغاظ من عمر جداً.

لارا: هو أنت بتعاملني كده ليه؟ هو أنا مش في التيم ده؟ ولا إيه؟ كلكوا بتعاملوني وحش.

عمر وأحمد في صوت واحد: شوفي أنتِ بتعملي إيه.

لميس: أيوه، أنتِ معاملتك وحشة معانا ليه؟

اسراء: عندهم حق فعلاً.

لارا: يعني أنا لو اتغيرت هتحبوني؟

عمر: اللي فيه طبع عمره ما بيغيره.

لارا: مش وجهتلك كلام.

ومشت دخلت أوضتها وبدأت تفكر في فكرة شيطانية تعملها.

أحمد: لارا دي غريبة فعلاً.

لميس: أنا مش عارفة هي بتعمل كده ليه.

اسراء: ما علينا، يلا يا جماعة ناخد صورة حلوة كده، أهو تكون ذكرى.

عمر: أنتي فاضية يبنتي؟

اسراء: أنت وراك حاجة تعملها؟

عمر: لا.

اسراء بزهق: خلاص تعالي اتزفت واتنيل أتصور معانا.

عمر: أنا مش بحب أتصور.

اسراء آخر ما زهقت راحت ماسكاه من إيده وشدته مرة واحدة وكان هيقع عليها، بس أحمد مسكه.

عمر: أنتي عملتي إيه؟

اسراء: ما قولت لك مرة وأنت مسمعتش الكلام، خلتني أستخدم معاك أسلوب العنف.

اسراء: يلا بقى اضحك، أنت مبوّز كده ليه؟

وأخده صور حلوة جداً مع بعض ولواحدهم، وكانوا مبسوطين.

بس لارا الشريرة كانت بتبصلهم من فاتحة الباب وبتبتسم بشر وبتقول:

لارا: ه هه، والله لأوريكوا. أنتي بالذات يا زفتة يا اللي اسمك اسراء. هاهاها.

وبيناموا أبطالنا الحلوين عشان بكرة سفر لباريس.

بيصحوا الفجر كلهم وبيجهزوا نفسهم.

واسراء بتكون لابسة جاكيت فرو مفتوح وتحته بلوزة بنص كم وبنطلون جينز متقطع حتت صغيرة، وفاردة شعرها الجميل.

الكل كان منبهر بجمالها، وعمر مش قادر يتكلم من جمالها.

لارا كانت متغاظة من إسراء أوي عشان هي جميلة.

لارا: الله، أنتِ جميلة أوييي وحلوة، شكلك كيوت أويي.

اسراء باستغراب: اا ش شكراً.

اسراء بتسأل: الجو عامل إيه في باريس دلوقتي؟

عمر: أنتي هاتشوفي بعيونك.

اسراء: يا غبي، عشان ألبس خفيف ولا تقيل.

عمر: وأنتي لابسة إيه دلوقتي؟

اسراء: الاتنين 😂😂. أنا بشوفهم كده.

وهما لسه هيركبوا العربيات، وقفهم آسر مدير المستشفى.

آسر: يا إسراء، أنتِ مش هتسافري.

اسراء: ليه؟ في إيه؟

آسر: أنتِ حضرتك بتشتميني و بتتكلمي عليا وحش كمان.

اسراء: أنا والله ما اتكلمتش. وبعدين حصل امتى ده؟

آسر: في حد بعتلي ريكورد بصوتك وأنتي بتشتميني.

اسراء: افتح الريكورد كده.

آسر فتحه.

الريكورد كان بصوت اسراء بتتكلم بتقول: "آسر دا أهبل ومجنون، أنا كنت بكلمه كده، باخده على قد عقله. هه، دا فاكرني عايز أرتبط بيه؟ ههه، دا بيحلم. صاحب الـ 40 سنة ده، دا مش بيفهم. ههه، هو كلب أصلاً."

الكل كان مصدوم من الريكورد ده.

آسر بغضب: صوتك ده ولا صوووووتك يا زفت؟

اسراء بدموع: .................

آسر: صوتك دا ولا مش صوووووتك يا زفت

اسراء بدموع: والله انا مش شتمتك

آسر: واي الريكورد دا

اسراء: انا انا مش عارفة

لارا: حبيبتي انتي عملتي كدا لي

عمر: بس دا صوت تخين شوية

احمد ركز في صوت الريكورد

احمد: الصوت دا مش صوت اسراء دا برنامج بيقلد صوت اي حد

آسر: فين دليلك

لميس: احنا نشوف في تأثيرات علي الصوت ولا لا

ولما شالوا التاثير طلع صوت لارا

اسراء بغضب: انتي عملتي كدا لي وعملة اللي انتي اتغيرتي وبقيتي كويسة معانا

آسر: انتي عملتي كدا ازاي

لارا مش اتكلمت

آسر: ردي هو دا مقلب يعني بتعمليه فينا

وخدوها علي القسم

طبعا التيم كله كان موجود مع لارا في القسم وبضغط من الشرطي لارا اعترفت

لارا: انا كنت واخدة رقم آسر وبعتله الريكورد

آسر: وانتي خدتيه ازاي

لارا: لما اسراء كانت عايزاه منك انا حفظته وكتبته بسرعة

لارا: وبالنسبة للريكورد ذي ما احمد قال دا برنامج

الشرطي: وانتي لي عملتي كدا

لارا: كنت بهزر معاهم

عمر: هو اي اللي بهزر معاهم

الشرطي: هتاخدي حبس اسبوع

اسراء: يلا نسافر

آسر: مش ينفع

اسراء: لي في اي تانييي

آسر: لازم التيم كله يكون مع بعض

لارا ببرود طلعت فلوس وادتها للشرطي كفالة يعني

لارا: يلا نسافر

ومشيوا ركبوا العربيات

لما عمر بدأ يسوق اسراء اتكلمت

اسراء: اشغل اغاني

عمر: لاء

اسراء: عبو شكلك دا رخم اويي ياريتني ركبت مع احمد

عمر: بتقولي يا بت حاجة

اسراء بغيظ: اي بت دي انا ليا اسم زيك بالظبط و كمان انا مش خدامة عندك

عمر مردش عليها

اسراء طلعت الهاند فري و حطته في ودانها وشغلت اغنية بصوت عالي جدا ونامت و هي بتسمعها

الموبايل اتزحلق وقع منها و الهاندفري انفصل من الفون

الصوت كان عالي جدا

عمر: في اي اي الصوت دا ووقف العربية

اسراء: في اي يا عم صحتني من النوم لي

عمر: افصلي الزفت دا

اسراء: خلاص يا عم اهدي شوية

قفلت الأغنية

بعد شوية اسراء: خليني اشغل اغاني

عمر: قولت لاء

اسراء بترجي: ونبي ونبي

عمر: بس اغاني انجليزي لا

اسراء ماشي و بتفكر تعاند فيه وشغلت اغنية انجليزي

عمر بغضب: انتي مش بتفهمي قولت اقفلي الزفت

اسراء بضحك: ههههه مش بتهزر يا رمضان

عمر: لاااااااء

اسراء: هو انت اسمك رمضاان عشان ترد ههههه

عمر بصلها بصة غضب

اسراء: اي خلاص آسفين يا ابو صلاح

عمر: انتي بتقولي اي

اسراء: العب باليه

عمر: اسكتي خاااالص كفاية مش تتكلمي بقا

اسراء: قصدك اللي انا رغاية

عمر: ايوا

اسراء: والله لأوريك

عمر بصلها وسكت

_____

نروح شوية لأحمد

لميس لأحمد: انا مش هركب ورا معاها

احمد: خلاص تعالي اركبي قدام

لميس: ما هو دا اللي هيحصل

ركبوا

لارا: هو انتوا مركبيني ورا لي

احمد: ملكيش دعوة هو كدا

لارا: هو اي اللي ملكيش دعوه

لميس: لو مش عاجبك انزلي روحي لعمر حبيب القلب

احمد ولميس ضحكوا عليها

لارا طبعا مش عايزة تفضل ساكتة لازم تعمل مصايب

لارا: بس انا اللي المفروض اقعد جمب احمد

لميس: لي بقا ان شاء الله

لارا: اصل احمد هيتجوزني

لميس بصدمة: نعمممم !!!!؟

لارا: اي دا انتي مش عارفة ولا اي هو مش قالك

لميس: احمد ايه الكلام اللي بسمعه دا

لارا: يعني يعتبر دلوقتي احنا مخطوبين فأنا اللي لازم اقعد قدام

احمد وقف العربية وقال

احمد: انتي كذاااابة احنا مش مخطوبين ولا هنتجوز هي بتوقع بينا يا لميس

لميس: ااه صح انتي كذابة

لارا: بس انا معايا دليل

احمد: دليل اي

لارا مسكت موبايلها وشغلت ريكورد لما احمد كان بيقول ل لارا انه بيحبها وهيتجوزها بس لارا مسحت الجزء لما هي رفضته

لارا: دا الدليل

لميس كانت مصدومة من اللي سمعته: اييي اي دا يا احمد دا بجد ولا دا مش صوتك

احمد بهدوء: ايوه دا صوتي

لميس انفجرت من البكاء وكانت هتخرج من العربية بس احمد منعها

احمد: لميس اسمعي انا هحكيلك كل حاجة

لميس: مش عايزة اسمع بعد اللي سمعته بوداني

احمد: هحكيلك والله بس اهدي واقعدي

احمد حكي كل حاجة للميس

لميس: انت كنت بتحبها

احمد: كنت ودلوقتي بكرهها ومش بطيقها

لارا: علفكرة سمعاكوا

احمد: ما تسمعينا احنا هنخاف ولا اي

لميس: علفكرة انتي وحشه اويييي وكمان بتوقعي بين الناس

لارا مش ردت عليها

عمر اتصل علي أحمد

عمر: الووو يا أحمد انت قدامك كام وتوصل

أحمد: نص ساعه كدا

عمر: تمام يبقي هنوصل مع بعض سلام

أحمد: سلام

ولما وصلوا اتصدموا لما شافوا

لما وصلوا اتصدموا لما شافوا باريس كانت بتمطر جليد.

اسراء بتعجب: وااااااااااااو جمييييل. أنا هروح ألعب بيه.

عمر: استني، إيه اللي هتلاعبي بيه؟

اسراء: أنا براحتي، ملكش دعوة.

عمر: هتاخدي برد ولبسك أصلاً خفيف.

اسراء: براحتي بردوا.

ونزلت من العربية. اسراء مسكت التلج وكانت فرحانة أوي أوي، لدرجة إنها نامت زي الأطفال فيه.

عمر لسه كان نازل من العربية لقي كورة تلج في وشه.

عمر: انتييييي بتعملي إيييييي يا اسرااااااء!

اسراء بضحك: كنت برمي عليك تلج.

ورمت عليه تاني. أحمد وصل ونزلوا من العربية. وأول ما شاف عمر واسراء كدا ضحك عليهم.

أحمد: إيه دا؟ إيه الهبل اللي انتوا بتعملوه دااا؟ ههههه.

لميس سابته وجريت على اسراء وبقت بتلعب معاها وبتمسك تلج ترميه على أحمد. بيفضلوا يلعبوا لحد ما وقفتهم لارا.

لارا: إحنا جايين هنا عشان شغل. إيه الهبل اللي انتوا بتعملوه دا؟

اسراء: أنا تعبانة.

عمر: مانا قولتلك مش تلعبي بالتلج.

اسراء: انت عايزني أفوت فرصة زي دي؟ أنا عملت رجل التلج. صورتيه يا لميس؟

لميس: آه صورته.

عمر قلع الجاكيت بتاعه واداه لاسراء. لارا كانت متغاظة منها أوي أوي.

لارا: والله انتي بتتدلعي.

اسراء: هو أنا هتدلع في التعب كمان؟ دا انتي اللي بتعملي كدا.

وبيدخلوا الفندق وكان جمييييل أوي أوي.

أحمد: يا عمر، آسر قالي إن فيه حفلة بكرة عشان إحنا التيم الأول.

عمر: تمام.

بيدخلوا يناموا بعد يوم سفر متعب جدا.

تاني يوم. اسراء بتاخد الدوا عشان البرد وبتكون تعبانة.

عمر: انتي عاملة إيه دلوقتي؟

اسراء بهزار: عاملة أكل.

عمر كان بيبصلها بحب: اسراء، انتي دمك خفيف أوي.

اسراء بغرور مصطنع: مانا عارفة طبعاً.

عمر بيقرب منها: وحلوة كمان.

اسراء: في إيه يا عمر؟

عمر قرب منها جدا وراح واخد كوباية القهوة اللي وراها.

عمر بضحك: في إيه مالك وشك اتغير كدا لييي؟ 😂

اسراء: ما تقول من الأول، قول عايز الطفح اللي ورايا. قاعد تقرب كدا لي؟ 😂

عمر: بتفكري شمال علطول كداا.

اسراء: وأي بقا؟ انتي حلوة دي؟

عمر: مانتي فعلاً حلوة وجميلة.

اسراء: هو دا نوع من المعاكسة ولا إيه؟ 😂

لميس صحيت: اسراء تعالي شوفي أنا هلبس إيه؟

اسراء: يلبسك عفريت يارب.

وراحت معاها وطلعالها فستان ذهبي جميل.

اسراء: لميس، الفستان الذهبي دا هيكون جميل عليكي. أنا رايحة ألبس أنا بقا.

اسراء راحت تلبس وطلعت عاملة زي سندريلا، شكلها جميييل. كان شكلها زي اللي في الصورة. عمر فتح بوقه من جمالها.

عمر في نفسه: انتي جميلة أوييييي.

أحمد ضحك عليه: اقفل بقك يالاا.

عمر: اااا في إيه؟

أحمد: ع عمر، هي دي لميس؟

عمر: آه هي.

أحمد: هما أميرات كدا لي؟

عمر: فعلاً والله.

أحمد: ماتيجي نتقدملهم يالا.

عمر: انت مجهز حاجة أصلاً؟

أحمد: لاء.

عمر: خلاص اسكت. ههه.

لميس واسراء: إحنا جاهزين، يلا.

عمر: هنستنى الحرباية الأول.

أحمد: سيبك منها، يلا نروح وهي هتيجي ورانا.

ونزلوا من غير الحرباية قصدي لارا. لارا طلعت من اوضتها بتكبر بس ملقتش حد. اتضايقت جدا.

لارا: إيه الارف دا؟ هما مشيوا وسابوني لي؟ دا لو كانت الزفتة اسراء كانوا استنوها.

ونزلت. في الحفلة لازم كل اتنين يرقصوا مع بعض. أحمد رقص مع لميس اللي كانت حاسة بخجل شديد. وعمر رقص اسراء.

لما لارا وصلت مش لقت حد ترقص معاه وفضلت قاعدة لوحدها. في واحد أعجب ب لارا وقال:

الراجل: تسمحي ترقصي معايا؟

لارا: أيوه طبعاً.

بس لارا زهقت منه.

لارا: وسع بقا، أنا زهقت منك. انت مش عارف تتحرك.

الراجل: أنا غلطان.

وسابها ومشي.

اسراء لعمر: حتي الراجل الغريب بيكره طريقتها الزفت دي.

عمر ضحك بس كان بيبص لعيونها الجميلة وهما لسه بيرقصوا.

اسراء: انت بتبصلي كدا لي؟

عمر: عايز أقولك عايز حاجة.

اسراء: ارغي 😂

عمر: أنا أنا بحبك يا اسراء.

اسراء: إيه؟ انت بتقول إيه؟

عمر: في إيه؟

اسراء جريت على لميس وبتقولها:

اسراء: لميس، عمر اعترفلي بحبه.

لميس: بجد؟

اسراء: أيوا. أنا هروحله بقا.

وراحت كملت معاه.

أحمد: علفكرة، أنا كمان بحبك يا لميس.

لميس: مش قولتها من زمان لي؟

أحمد: معرفش، بس انتي بتحبيني ولا لاء؟

لميس: لاء، مش بحبك.

أحمد بعد عنها: إيه؟

لميس شدته: أنا بعشقك يا احمد.

وكانوا فرحانين جدا تحت أنظار لارا الحقودة الحسودة. 😂😂

لارا في نفسها: أنا لازم أعمل حاجة.

لارا راحت للراجل اللي كان بيرقص معاها دلوقتي.

لارا: ممكن ترقص معايا؟ معلش، أناا كنت عصبية شوية.

الراجل: ...................

لارا: ممكن ترقص معايا؟ معلش، أنا كنت عصبية شوية.

الراجل بسخرية: ها ها، انتي أصلاً محدش يطيقك.

وبدأ يعلي صوته: بتقولي إيه؟ الليلة بكام؟ انتي طلعتي رخيصة أويييي! غوريييي من وشيييي!

لارا انسحبت بسكات من شدة الخجل وقعدت لوحدها تاني.

إسراء: عمر، انت بتحبني؟

عمر: من أول ما شفتك كنت معجب بيكي، بس مش ببين. انتي بتحبيني ولا لأ يا إسراء؟

إسراء: أنا لما شوفتك لقيتك دبش في الكلام ومغرور ومتكبر، مش عارفة على إيه، بس انت آمور 😂.

عمر بضحك: مين الدبش دلوقتي في كلامك ده؟ 😂😂😂

إسراء: لا يسطا، انت عسل.

وبيكملوا رقص ويكونوا فرحانين جداً، وبيتم تكريم التيم.

لما روحوا، أحمد دخل أوضة عمر.

أحمد: بقولك إيه يا عمر، انت بتحب إسراء صح؟

عمر وشه اتغير: وانت بتسأل ليه؟

أحمد: أنا عايز أتقدم لـ لميس، أنا بحبها.

عمر بهزار: وأنا مالي؟ انت شايفني مأذون قدامك ولا إيه؟

أحمد: إيه ده! انت طلعت بتهزر زينا اهو.

عمر ببرود: ليه؟ كنت شايفني حيوان مثلاً ولا إيه؟

أحمد: أنا مش قلت كده، بس انت كنت مش بتهزر خالص لحد ما...

وغمزله 😉.

عمر: لحد ما إيه؟ قول؟

أحمد: أقصد يعني، انت كان معروف عنك مش بتهزر ولا بتضحك خالص.

عمر: انت مش جاوبتني على سؤالي.

أحمد: لحد ما ظهرت إسراء في حياتك.

عمر: الصراحة آه، أنا بحبها أويييي.

أحمد: وأنا بحب لميس.

عمر: أعمل إيه يعني؟

أحمد: تعال أقلك.

******

عمر: انت متأكد؟

أحمد: طبعاً يبني.

وبيناموا.

تاني يوم، عمر: جماعة، الأسبوع الجاي عندنا حفلة مهمة، ده حتى الأستاذ آسر هييجي يحضرها وناس كتير مهمة.

إسراء: بجد؟ الأستاذ آسر؟

عمر: ومالك اتفاجئتي كده ليه؟

إسراء بتحاول تغيظ في عمر: أصل أنا بحب آسر أويييييي.

عمر: انتي بتقوليييي إيه؟ بتحبي مين؟

إسراء: آسر، أنا بحب آسر.

عمر: طب وأنااا؟

إسراء: انت مالك؟

عمر: انتي مش بتحبيني؟ طب وإيه الكلام اللي كان امبارح ده؟

إسراء بضحك: ده قريبي يبني، فـ عادي.

عمر: اممم، وانتِ مش بتحبيني؟

إسراء: انتي مش سألتني بعشق مين.

عمر: بتعشقي مين؟

إسراء: المكرونة بشاميل 😂😂😂.

عمر: أنا بتكلم جد.

إسراء: وأنا بردوا بتكلم جد.

عمر: افففففف.

إسراء: يا عم بحبك خلاص، مش تعيط.

عمر: مش تعيط إيه؟ مش تعيط دي؟ !!!!

إسراء ضحكت.

أحمد: إيه يا عسل، أخبارك إيه؟

لميس: ملكش دعوة.

عمر: كارت دعوة؟ 😂

لميس: اخرس يالا.

عمر: يابنتي أنا أكبر منك بـ 5 سنين.

لميس: وفيها إيه يعني؟

وبدأوا يتكلموا، وطبعاً لارا بتعمل كوارث 🙆🏻‍♀️🤦‍♀️.

بعد مرور أسبوع.

إسراء ولميس كانوا أميرات، أحلى من الأسبوع اللي فات.

أحمد وعمر كل منهم لبس بدلة.

لارا كانت لابسة فستان موف، وإسراء كانت لابسة فستان طاووس جميييل جداً، ولميس لبسة فستان سماوي.

لما وصلوا لمكان الحفلة، إسراء: إيه ده! فين الناس؟

لميس: مش عارفة، حتى مفيش نور أو أناس.

وفجأة حصل حاجة محدش يتوقعها خااااالص.

فجأة حصل حاجة محدش يتوقعها خالص. النور اشتغل وناس كتير طلعت، وآسر كان موجود.

أحمد وعمر طلعوا من ورا لميس وإسراء.

إسراء: هو إيه اللي بيحصل؟

لميس: إنتي غبية أويييييي.

عمر مسك إيد إسراء.

عمر: كان يومي بيعدي عادي لحد ما ظهرتي في حياتي، غيرتيها كلها. دلوقتي اليوم بيعدي بحماس ودهشة.

عمر: كنت بكون فرحان أول ما تبصيلي أو تكلميني يا روحي.

أحمد مسك لميس.

أحمد: وإنتي يا لميس، أنا بحبك جداً. إنتي آه شبر ونص بس بحبك يا أوزعتي، أنا بدمنك والله.

إسراء ولميس مش عارفين يقولوا إيه.

إسراء: بس مفيش حد من أهلي عارف حاجة.

لميس: آه، وأهلي كمان.

عمر بابتسامة: إحنا عاملين حسابنا بردوا.

وفجأة بنلاقي أهل لميس وإسراء وعمر وأحمد موجودين كلهم.

إسراء لما شافت مامتها جريت عليها.

إسراء: آآآآه يا فريدة، إنتي وحشتيني أويييييييييييييي. بس إنتي عرفتي إزاي؟

فريدة بضحك: يعني بنتي هتتخطب ومش هاجي؟

إسراء بغباء: لا بجد، إنتي عرفتي إزاي؟

فريدة: الواد العسل ده هو اللي قالي.

وبتتشاور على عمر.

إسراء: ولا عسل ولا حاجة، هو قالك إيه أصلاً؟

عمر: ولا عسل ولا حاجة! إنتي قصدك عليا؟

إسراء: أمال أمي مثلاً؟

عمر: خلاص، الجوازة دي مش هتم.

إسراء: هو إحنا اتخطبنا الأول عشان نتجوز؟

عمر: آه صحيح.

إسراء: المفروض نعمل إيه دلوقتي؟

عمر: لااا، ولا حاجة.

إسراء: أنا بتكلم جد.

عمر: هو إنتي غبية يبنتي، هو إيه اللي هنعمل إيه؟ هتكوني خطيبتي بس 😏.

إسراء ضربته في كتفه.

إسراء: شوفي يا ماما بيتكلم إزاي، أنا مش موافقة.

عمر: إحنا هنتهزر ولا إيه؟ اتظبطي كدااا.

إسراء: لي، شايفني عاملة إيه يعني؟

عمر ضرب وشه بأيدي 🤦‍♂️.

فريدة: والله ربنا يصبرك يبني، إنت اللي اخترت بقا.

إسراء: إيه ده يا ماما، إنتي عايزة تخلصي من بنتك حبيبتك؟

فريدة: ههه.

إسراء: وهو إيه اللي ربنا يصبرك؟

فريدة: مفيش حد يعاشرك أصلاً.

إسراء: ماني عارفة، بس بتقولي ربنا يصبرك لي؟ هو أنا هعيش مع صبارة؟

كلهم ضحكوا جداً وكانوا مبسوطين.

لميس: أحمد، إزاي أهلي هنا؟ هما عرفوا إزاي؟

أحمد: طبعاً أنا اللي قولتلهم، جبت أرقامهم كلهم.

لميس: جبت أرقامهم إزاي؟

أحمد: دي شغلتي أنا بقا 😂.

لميس: إنت رخيم لي؟ ما تتكلم علطول.

أحمد: رخيم!!! في واحدة محترمة تقول لخطيبها رخيم؟

لميس: إحنا لسه ما اتخطبناش على فكرة، وإنت قصدك إيه يعني اللي أنا مش محترمة؟

أحمد: أنا مقولتش كدا.

لميس: امممم.

أحمد: أنا بحبك يا أوزعتي.

لميس: اسكت يالا، هو إحنا لسه اتخطبنا أصلاً؟

أحمد: اعتبرينا اتجوزنا 😂😂.

وطبعاً لارا مش مصدقة، لازم تعمل كارثة 🙆🏻‍♀️.

لارا: هو إيهيييي اللي بيحصل داااااااا.

فريدة: في إيه؟ إسراء، هي مالها دي؟

إسراء: دي صاحبة الكوارث والمصايب اللي بتحصل في التيم بتاعنا.

عمر بغضب: إنتيييي بتعليييي صوتك ليييييي؟

لارا بسخرية: هو إنتوا هتتخطبوا ولا إييي؟

أحمد: وإنتي مالك؟ نتخطب نتجوز، ملكيش دعوه.

لارا: هه، وإيه بقا كلام، إحنا علينا حفلة بعد أسبوع. نينيني. وإيه كمان بتقول هييجي فيها ناس مهمة؟ لااا، تصدق يا عمر، ناس مهمين أوي. والدليل على كدا هتتخطبوا.

آسر: هو في إيه؟ مفيش احترام لييي؟

لارا: والله المفروض كان يقول إن هما هيتخطبوا.

آسر: وإنتي مالك أصلاً؟ يقول ولا مش يقول؟

لارا: هو إيه اللي إنتي مالك دا؟ أنا بردوا في التيم.

آسر بعلو صوته: إنتي في التيم ااااه، بس مش تنسي إن عمر دااا هو رئيس التيم، يعني يقول اللي هو عايزه وهو اللي يقرر كمان، مش إنتي.

لارا: بس هو...

آسر: ما بسش، واخرسي خالص، مش اسمعلك نفس. مش كفاية اللي عملتيه في إسراء ولميس وغيرهم من الناس.

فريدة بخوف: عملت فيكي إيه يا إسراء؟

إسراء: خلاص يا ماما، مش وقته الكلام دا.

آسر سمع إسراء.

آسر: لا وقته، وأنا هقول عملت فيها إيه.

آسر: الهانم بعتتلي ريكورد بصوت إسراء، ومش كانت عايزة تخليها تسافر. وبالنسبة ل لميس، كانت عايزة توقع بين أحمد و لميس، وكمان كسرت قلب أحمد وقلتله أنا مش أقبل بواحد زيك. هي أصلاً مش تتحب. كل اللي عرفها كرهها.

آسر كان بيتكلم بصوت عااالي. الناس كلها مصدومين من اللي بيحصل، وبقوا يبصوا ل لارا نظرات احتقار.

لارا اتكسفت جداً ومش عارفة تقول إيه.

لارا بدموع: إنت بتدافع عن إسراء عشان هي قريبتك بس.

واحد رد عليها: هو إنتي لسه ليكي عين تتكلمي؟ إنتي مش مكسوفة من نفسك؟

ولارا انفجرت من البكاء.

آسر: بطلي دموع التماسيح دي. قولنالك ليكي محدش بيحبك يا حرباية.

إسراء راحت عند آسر.

إسراء: خلاص، اهدا يا آسر، مش تنسي إنك كنت مريض قلب.

آسر: اديكي قولتيها، كُنت، بس دلوقتي خفيت.

إسراء: ماشي، يلا نروح.

آسر: ...............

ماشي يلا نروح

آسر: نروح فين؟ انتي عارفة بتقولي إيه؟

إسراء: هنقعد نعمل إيه يعني؟

آسر: لا والله هتقعدي تعملي إيه؟ هو انتي بتسألينييي!!!؟

إسراء: فيي إيه يا آسر؟

آسر: والناس دي هتروح فين؟

إسراء: خليهم يروحوا بردوا.

آسر: هو إيه اللي يروحوا؟

إسراء: كل واحد يروح بيته. هو أنا قولت حاجة غريبة؟

آسر: 🤦‍♂️ يلهوووي هتخليني أصوت. يبنتي فوقي. إحنا في باريس.

إسراء بغباء: ماني عارفة. اللي إحنا في باريس.

آسر: يلهووي.

إسراء: في إيه؟ أنا مش فاهمة حاجة.

آسر: الناس دول يروحوا ازاااااااااي واحنا في باريس؟

إسراء وهي بتخبط على راسها: اااااااااه صحيح. ما تقول كدا من الأول.

آسر: مانا بفهمك من الصبح. أعمل إيه أكتر من كدا؟

إسراء: يا أسر يا حبيبي. اسألني أسئلة مباشرة. أجاوبك إجابات مباشرة.

آسر بضحك: انتي قلبتي على عم بندق ولا إيه؟ 😂

إسراء: أناااا!!

عمر أتدخل: لا أمي ياختي. أمي اللي في التربة هي اللي جت.

إسراء: تب كويس اللي مش أنا.

عمر: استني بقا عندك. انتي كنتي بتقولي آسر و حبيبي كمان صح؟

إسراء: أيوا. آسر حبيبي وعسل كمان 🤗

عمر: بتقولييييي إي؟!!!!!؟

إسراء: ااا اا بقول زي زي ما انت ما سمعت.

عمر: وأناااا؟

إسراء: انت إيه؟

عمر: بقولك وأناااااا؟

إسراء: والله هعيطلك هناااا إهه.

عمر: ما تعيطي. أعملك إيه؟ 😒

إسراء لسه جاية تعيط.

عمر حط إيده على بؤها: بسسسسسسسسسس اسكتي.

إسراء: لا هاسكت بحاجة واحدة بس.

عمر: إيه هي؟

إسراء: عاملني بلطف.

عمر بضيق: حاضر.

إسراء: كنت بتقول إيه؟

عمر: انتي بتقولي آسر حبيبك صح؟

إسراء: أيوا.

عمر: وأنا بالنسبالك إيه؟

إسراء: انت روحيييييي وقلبي وحياتي كلها.

عمر بفرحة: بجد ولا كلام؟

إسراء: بجد يروحي. أنا عايزة أقولك حاجة.

عمر: أكيد. قولي.

إسراء: بحبك يسطا. أنا بدمنك.

عمر: هههههه. يسطا.

إسراء: أيوا يسطا. عندك مانع؟

عمر: لا معنديش.

أحمد: احم احم. بلاش كلام الحب دا. إحنا هنعمل إيه دلوقتي؟

عمر: كلام الحب بردوا. مانت كنت بتتكلم مع لميس دلوقتي.

أحمد: اااي؟ بتقول إيه؟

إسراء: أي دااا. انت اتعديت من عمر ولا إيه؟

أحمد: لي؟

إسراء: إلحقي يا لميس. أحمد مش بيسمع بردوا.

لميس: ياختي. هو إحنا حظنا كدا علطول؟

أحمد: ماله حظنا يا ست لميس ها؟

لميس: حظنا حظنا حلو. أنا مش قولت حاجة.

إسراء: يبنتي انتي خايفة منه لي؟ دا هما الاتنين آخرهم ضربة مني ويموتوا فيها.

عمر: نعم يعني إيه؟ آخرهم إيه؟ سمعيني كدا تاني.

إسراء: أيوا. آخركم ضربة مني وتموتوا.

عمر: دا انتي مفعوصة.

إسراء: أناااا.

عمر: قصدي انتوا الاتنين.

إسراء: اسكت يالا. أنا ممكن مش أوافق.

عمر: والله انتي براحتك.

إسراء: يعني مش همك يعني؟

عمر: وأنا يهمني في إيه؟

إسراء: اهوووووو يماما. بيقول يهمني في إيه. يعني مش مهتم بيا أصلا. أمال بقا لما نتجوز هيعمل فيا إيه؟ لا لا مش ينفع كدا.

لارا بطلت عياط وكانت سامعة كل حاجة. وراحت تدخل. ماهي دي وش الكوارث.

لارا: حاجة بسيطة هتحصل لما يتجوزك. عارفة هيعمل إيه؟

محدش رد عليها. وأسر بيبصلها بضيق.

لارا: هيطلقك يا إسراء. هيطلقك.

آسر: اخرسييي. في إيه؟ انتي بتدخلي كدا في إيه حاجة وخلاص. اسكتي عشان مش أقول فضيحتك.

لارا: ههه فضيحة إيه. كانوا بيتكلموا بصوت واطي.

أحمد: استني يا أسر. أنا عايز أتكلم.

آسر: ماشي. اتفضل اتكلم.

أحمد: كفاية يا لارا اللي انتي عملتيه.

لارا: وأنا كنت عملت إيه؟

أحمد: مش انتي بردوا اللي مامت عمر؟

لارا: اففف. أيوا ايوا يا أحمد. أنا اللي موتها. هااا. عندك حاجة؟

أحمد: لا.

وبكل بساطة كدا.

لارا: أيوا. عشان هي اللي كانت مش عايزة عمر يتجوزني.

آسر: انتي اكييييد مجنونة. انتي إزاي تعملي كدا؟

لارا: أيوا. أعمل ونص كمان. وهنتجوز ومحدش هيمنعنا. ولو انت منعتنا هقتلك بردوا.

إسراء: هو انتي مش عارفة اللي انتي ممكن تدخلي السجن؟

لارا: ههه لا مش هدخل. دا خطأ طبي حصل مني.

إسراء: لا انتي قاصدة.

عمر: لا. وكمان كنتي هتموتي واحد صحح؟

لارا: أيوا. عندك مانع؟

أحمد شد عمر وحكاله على حاجة من غير ما حد يسمع.

أحمد: *******

عمر: تسلم دماغك اللي بتفكر دي.

أحمد: يلا نروح لخطبتنا 😂

عمر: ههه يلا.

وبيتخطبوا هما الاتنين وبيكون الكل فرحان جدااا.

لما بيخلصوا الشرطة بتيجي 😱

الشرطي ( لؤي ): إحنا عندنا أمر بالقبض عليكي.

لارا: مين؟ أنااا!!!؟

لؤي ببرود: يعني أنا مثلا. يلا تعالي معانا.

لارا: ...............

لارا: مين أنا!؟

لؤي ببرود: يعني أنا مثلاً، يلا تعالي معانا.

لارا: أنا مش هاروح في حتة لحد ما تقول لي أنتوا مين.

لؤي: إحنا مش هنرغي هنا، قلت يلا معانا.

عمر: في إيه حضرتك؟

لارا بدموع: الحقني يا عمر، عايزين يخطفوني.

لؤي: بس يا بت اسكتي، إيه اللي يخطفك.

لؤي: أنا حضرة الظابط لؤي، وعندنا أمر بالقبض عليها.

عمر: تمام، بس ممكن طلب.

لؤي: اتفضل.

عمر: نخلص بس الخطوبة وتعمل اللي أنت عايزه، ونيجي معاك نفهم.

لؤي: يعني نروح ولا أعمل إيه؟

أحمد: ينهار أبيض، حبيبي يا صاحبي.

وراح حضن لؤي.

عمر: هو أنت تعرفه؟

أحمد: أكيد، دا حبيبي يا عمري، صاحبي، أنت مش كلمتني من زمان؟

لؤي: زي ما قلت لك، كنت في مأمورية، بس شوفتك أهو يا صاحبي.

أحمد: حبيبي، مش نسيتني!

لؤي: نروح يعني ولا إيه؟

أحمد: إيه اللي نروح، لا مينفعش يا صاحبي، تعالي احضر خطوبتي يلا.

لؤي: تمام يا صاحبي.

وحط حراس على لارا عشان مش تهرب، واتصوروا شوية صور حلوين كدا وكانوا مبسوطين.

لارا كانت عايزة تهرب بأي شكل.

لارا: أنا عايزة أروح التويلت.

الحارس: مش ينفع.

لارا: إيه اللي مش ينفع.

الحارس: تمام، هتروحي، بس والله لو فكرتي تهربي هيكون آخر يوم في عمرك، وهنوصلك بردوا لو حتى سافرتي برا باريس.

لارا: خلاص ياعم أنت كمان بطل رغي شوية.

ولارا دخلت التويلت، لقت في شباك مفتوح، حاولت اللي هي تنط منه بصعوبة، وبالفعل نطت من الشباك، بس وقعت على الأرض، وأول ما قامت عشان تنضف هدومها، بس انصدمت لما لقت لؤي واقف ومربع إيده وجنبه الحراس.

لارا: أنت إزاي؟ أنت كنت واقف برا.

لؤي: هه، مفيش حاجة بتحصل غير وأنا عارف.

لارا: عرفت إزاي؟

لؤي: امسكوها.

الحارس (يوسف): مش قلت لك لو حاولت تهربي هيكون آخر يوم في عمرك.

لارا: عمرررررررر! يااااااا عمرررررررر! أحمددددددددددددددد! الحقونييييييي!

لؤي: بطلي بقا تصويت، إيه الارف بتاعك دا.

وأداها حقنة بنج ونامت.

ولما وصلوا القسم، مفيش حد كان بيتكلم مصري، بس واحد كان بيترجم.

وحكموا عليها بالسجن 10 أيام لحد ما يرجعوا مصر بعد كدا يقرروا.

وسابوا لارا في الحبس، وطلعوا يتمشوا شوية في أجواء باريس.

إسراء: عمر احكي لي، أنا مش فاهمة حاجة خالص من الكلام ده.

عمر: هحكيلك.

فلاش باك.

أحمد شد عمر واتكلم معاه بصوت واطي.

أحمد: بص ياعم، أنا دلوقتي سجلت كل كلمة هي قالتها، يعني هي اعترفت على نفسها إن هي موتت مامتك الله يرحمها، وكانت عايزة تموت واحد كمان، فأنا هاخد التسجيل ده وأبعته للشرطة.

عمر: بس هنا مفيش حد بيتكلم عربي أو مصري.

أحمد: لا فيه يسطا، صاحبي لؤي، هو جه لباريس ومعاه حارس اسمه يوسف بيتكلم عربي بردوا، يبقى كدا ارتحنا من الحرباية، قصدي الزفتة اللي اسمها لارا دي.

عمر: تسلم دماغك اللي بتفكر دي.

أحمد: عيب عليك، يلا بقا نروح لخطوبتنا.

عمر: هههه، يلا.

باك.

إسراء: إيه الدماغ اللي بتفكر دي.

عمر: هتحسدي الولا، اسكتي.

إسراء: بس استنى، وهي هتتحبس 10 أيام ليه؟

عمر: يا بنتي افهمي، هي هتتحبس في باريس 10 أيام، وبعد كدا هتتحاكم في مصر لما نرجع، لؤي ساعدنا.

إسراء بتفكير: آه، الواد لؤي ده عسل أوي.

عمر: بتقولييي إيييه!

إسراء: بقولك لؤي متجوز.

عمر: نهارك أسود، النهاردة وإنتي هتعملي إيه يعني لما تعرفي.

لؤي: أيوا، أنا متجوز يا إسراء.

إسراء بصوت واطي: يا خسارة.

عمر: بتقولييي إييييييه! على فكرة إحنا مخطوبين خلاص.

إسراء: اممم، عندك عيال.

عمر: يا بت اسكتي بقا، وإنتي مالك وماله.

إسراء: يا عمر، عادي، ده مجرد سؤال.

عمر: لا مش تسألي، إنتي خطيبتي وليا حكم عليكي.

إسراء: اففف، على فكرة ممكن أسيبك في أي وقت، وأنت مش هتتحكم فيا.

عمر: الرجال قوامون على النساء، عندك كلام تقوليه.

إسراء: أيوا.

عمر: ارغييي.

إسراء: عندك عيال.

لؤي: أيوا عندي، أنا قد آسر في السن.

إسراء: هنبقى نزورك مرة كدا.

عمر: تزوريه ليه؟ هو أنت تعرفيه أصلاً؟

إسراء: يا ابني، إحنا قرايب أصلاً.

عمر: استنى، عايز أصدقك، ولو كنتوا قرايب، مش كنتي سألتيه عنده عيال ولا لا.

لؤي: يا عمر، إسراء فعلاً قريبتي، أنا سافرت برا مصر وأنا كنت خاطب، فهي مش عارفة أنا اتجوزت ولا لا أو خلفت.

إسراء طلعت له لسانها: أهو عشان تصدق.

عمر: لمي نفسك يا بت، اسكتي.

إسراء: مش تقولي بت تاني عشان هوريك الوش التاني.

عمر: ليه هتمسحي المكياج؟

إسراء: أنا مش بحط أصلاً، ده جمال طبيعي يا جاهل، شكلك أنت اللي بتحط مكياج وأنت فاكر إن الناس كلها زيك.

لميس: أووو، كسفتك يا عمر، أنت لازم تلم كرامتك دلوقتي.

إسراء: يا بنتي أنا خبيرة في كسف الجبهات.

عمر: هي أصلاً مش عندها جبهة عشان أكسفها.

إسراء: كنتي بتقولي إيه يا لميس.

لميس: لمي كرامتك، هو أصلاً مش عنده كرامة عشان يلمها.

أحمد: يلهوي يا عمر، أنت اتهنت خالص، لازم تعمل حاجة.

لؤي: لا بقا، ده أنا لازم أتعلم منك.

إسراء: الدرس بـ 30 جنيه.

لؤي: بكام!؟

إسراء: في إيه دا! أنا حتى عملت لك تخفيض عشان بس قريبي.

لؤي: والعادي بكام؟

إسراء: اممم، بـ 50 جنيه.

لؤي بضحك: أنت مش عملت لي تخفيض للنص حتى.

عمر: احم احم، في إيه يا جماعة، أنتوا اندمجتوا.

إسراء: قريبي وبتكلم معاها.

عمر: تب والله، ماشي.

أحمد: هنمشي من هنا.

وقتين.

إسراء: بتقول إييييييه! أنا مش همشي من هنا خاااالص، أنا عايزة أكون في باريس طول حياتي.

أحمد: ..........

اسراء: بتقول إييييييييييي أنا مش همشي من هنا خالص.

أحمد: وإحنا هنقعد هنا نعمل إيه.

اسراء: لااا مش ليا دعوة، وبدأت تعيط.

أحمد: في إيه يا عمر، ماتسيطر على خطيبتك شوية.

عمر: ما خلاص يا إسراء، عيب كدا.

اسراء بعياط: لاا، أنت بتزعقلي لي، وصوتها بدأ يعلي وهي بتعيط.

عمر: خلاص اسكتي بقا، وحط مصاصة في بؤها، واسراء سكتت.

أحمد بضحك: أنت كان معاك المصاصة دي لي.

عمر: هااا، بتقول إيه.

لؤي: إيه دا، أنت اتخطبتي لطفل بقا.

عمر: في إيه يا جماعة، دي مش ليا والله.

أحمد: خلاص يا عمر، أنا عرفت لمين.

عمر: أنت الوحيد اللي فاهمني يا صاحبي.

أحمد بضحك: المصاصة دي ليا، هههههه.

عمر بيضرب أحمد في كتفه: وأنا اللي افتكرتك فاهمني.

لميس: لحظة يا جماعة، نفهم كدا، أنت بتقول يا عمر افتكرتك فاهمني.

عمر: أيوا.

لميس: معني كدا إن المصاصة دي كانت ليك، ههههه.

عمر: والله مش ليا.

اسراء بطلت عياط: أمال لمين هااا، رد، أه أنت مش بترد عشان جايبها لواحدة صح، كنت بتخوني.

عمر: هو أنا لما أفكر أخونك، مش هاخونك بمصاصة يعني.

اسراء: أهووو، بان على حقيقته، أنا مش هكمل معاه.

عمر: حقيقة إيه.

اسراء: أنت بتقول لما أفكر أخونك، يعني في تفكير، وهي أكيد رفضتك عشان مش عايزة مصاصة، هي عايزة فلوس.

عمر: ممكن أفهم هي مين دي.

لؤي: استنى بس، هيخونك مع مين، بعدين إحنا في باريس، مفيش حد بيتكلم عربي إلا قليل خالص.

اسراء: هيخوني مع لارا.

عمر: بتقولي ميين، هاهاها، دي حرباية.

اسراء: مليش دعوة، أنا مش هكمل معاك.

أحمد: في إيه دا كله عشان مصاصة.

اسراء: هو خلاص بان على حقيقته.

لؤي: اسراء أكيد بتهزر.

اسراء: أنت مش قولت بردوا لمين المصاصة دي.

عمر لسه هيتكلم، لقى اسراء جريت بسرعة.

عمر: يا مجنونة، أنت رايحة فين.

ولما بص وراه، لقى اسراء في حضن آسر.

عمر: اسراااااااااااااااااااااااااااااااااااااااااااااااااااااااء.

اسراء اتخضت من الصوت، واستخبت ورا آسر.

عمر قرب منها بغضب: لااااا، وكمان بتستخبي وراه، دا أنت نهارك أسس.

آسر: بس يااااااالا، فييي إيه، أنت نسيت نفسك.

عمر: دي خطيبتي، وفي حضن راجل غريب.

آسر: اخرس، دا أنا في مقام جدها، قريبتي، اهدي بقا.

عمر: هو إيه.

آسر: مش تكتر في الكلام، واخرس.

أحمد: بس بس، في إيه.

آسر: صاحبك اتجنن، صح.

لؤي: في إيه يا عمر، اسراء قريبة آسر، افهم بقا، وأنا بردوا قريبها.

عمر: وأنت بردوا قريبها!!! عايز تاخدها بالحضن بردوا.

لؤي: أنت فاهم غلط.

عمر: فاهم إيه، يعني إيه حد قريبها تروح تاخده بالحضن.

لؤي: آسر دا زي جدها بالظبط.

عمر: هو إيه اللي زي جدها، يعني مش جدها.

لؤي بصوت عالي: يعمر، آسر دااااا هو اللي أنقذها من الموت وهي صغيرة، افهم بقا.

عمر: اااا، إزاي.

اسراء افتكرت اللي حصل، وبدأت تعيط.

لؤي: عاجبك كدا، اسكت بقا.

عمر: أنا آسف، مكنتش أعرف.

لؤي: مش تفكرها تاني.

وعمر طبطب عليها لحد لما سكتت.

عمر: مسامحاني.

اسراء: أه، بس بشرط.

عمر: إيه.

اسراء: كنت جايب مصاصة لي.

الكل ضحك عليها.

عمر: كنت رايح أشتري حاجة من أكلها، و مكنش في فكة، ف اداني مصاصة.

اسراء: لا ياشيخ، استنى أصدقك كدا.

عمر: أقسم بالله.

اسراء بجدية: كان ممكن يديك بيهم لبان.

عمر: بس أنا مش بأكل لبان.

اسراء: يعني بتاكل مصاصة، ههههه.

عمر: لا والله.

اسراء: إيه، عندك مانع.

عمر: لا أبدا.

اسراء: بحسب.

لميس: أيوا ي مسيطرة.

واتمشوا شوية في باريس، وبدأوا يلعبوا في التلج زي الأطفال.

عمر: اسراء.

اسراء: إيه.

عمر: هنسافر مصر الأسبوع الجاي.

اسراء: تؤتؤ.

عمر: مفيش اعتراض، اسكتي.

اسراء: اففففف.

لؤي: أنا مروح بقا.

أحمد: رايح فين.

عمر: مش هتروح.

لؤي: ...............

لؤي: أنا رايح بقى.

أحمد: رايح فين؟

عمر: لا مش هتروح.

لميس: خلاص يقعد في فندق هو وأسر وكده نكون خلصنا.

إسراء: فكرة حلوة.

وبيروحوا ياخدوا فندق جنب الفندق بتاعهم، وطبعًا بيتفسحوا في أجواء باريس ويشتروا هدايا وحاجات كتير لحد ما يرجعوا مصر.

عمر: سوسو جهزتي كل حاجة؟

إسراء: أيوا كده تمام.

أحمد: طب يلا بسرعة.

لميس: بسرعة ليه؟

أحمد شدها من إيدها: هو أنا لسه هشرح تعالي!

وبيسافروا مصر.

ولارا بتكون مسافرة مع لؤي ويوسف عشان مش تهرب.

لما بيوصلوا مصر بيتم محاكمة لارا، حبس 3 سنين.

وبيعملوا فرح كبير وبيتجوزوا في يوم واحد وبيكونوا أميرات.

إسراء في نص الفرح بهمس لعمر: عمر إيه التورتايه الكبيرة دي؟

عمر: دي اللي إحنا هنقطعها.

إسراء: احلف.

عمر: أحلف إيه؟ هو أنا هكذب عليكي يعني.

إسراء: طب أنا هروح واقعد.

عمر: تروحي تقعدي! أنتي مجنونة يا بنتي دا فرحنا.

إسراء: مش جاوبت على سؤالي برضه.

عمر: هنروح بيتنا.

إسراء: تقصد إيه بـ بيتنا؟

عمر: أنتي هتشليني.

إسراء: ليه؟

عمر: اسكتي خالص تعالي.

وشدها من إيدها عشان يقطعوا التورته، كانت كبيرة جدًا.

لميس: أنا فرحانة أوي.

أحمد: وأنا أسعد شخص في العالم، بحبك يا لميس.

لميس: عيب كده.

أحمد: هو إيه اللي عيب؟ أنتي مراتي ودا فرحنا.

لميس: طب اسكت.

أحمد: في واحدة بتقول لجوزها اسكت؟

لميس: أيوا عاجبك ولا لأ.

أحمد: عاجبني يا أوزعتي.

لميس: إيه أوزعتي دي؟

أحمد: أنتي فعلاً أوزعة.

لميس: وأنت عمود نور.

أحمد: أنتي عارفة إحنا فين يا حبيبتي؟

لميس: إيه؟

أحمد: دا فرحنا والكل باصص علينا وسامع كلامك المجنون.

لميس: والمطلوب إيه؟

أحمد: ارقصي معايا.

بعد كدا انتهى الفرح وكل واحد راح بيته وعاشوا مبسوطين، وكل حد بيسأل عن التاني.

مع العلم كانوا جنب بعض، بيت أحمد جنب بيت عمر.