رواية منار والكلاب الفصل الثالث 3 - بقلم كوكي سامح

الراجل ضرب هيام بالسكينة وفضلت منار تصوت وتقول: "الحقوني، الحقوني!" راح الراجل مسك منار وكتم صوتها وقالها: "اسكتي خالص، انتي إيه اللي رماكي هنا؟" ومنار بصت في عينه وافتكرت بصة أخوها ليها. طبعاً السكينة في إيده وكل ما يقرب من منار تترعب. بس الراجل قالها: "أنا طليق هيام وقتلتها، دي بنت كلب فاجرة، ياريت تبعدي عن هنا خالص." بس منار خافت منه والراجل هرب. ومنار فضلت واقفة ومش عارفة تعمل إيه، وكمان هيام غرقانة في دمها. وكمان معندهاش مكان تروحله. وقالت: "لازم أكلم كريم." وفعلاً اتصلت بكريم وقالت على كل اللي حصل. وكريم قالها: "خليكي مكانك، أنا جاي دلوقتي." ومنار فضلت قاعدة مستنية كريم وقاعدة مرعوبة من منظر هيام. وأول ما كريم وصل قال لمنار: "لازم أبلغ، وانتي شاهدة على اللي حصل." ومنار ساكتة خالص ومش قادرة تتكلم وعمالة تترعش. وكانت خايفة وقالت لكريم: "أنا مليش دعوة يا كريم بيه، طليقها اللي قتلها."