رواية منقذى من الهلاك الفصل التاسع 9 - بقلم ندى احمد

في صباح يوم مليء بالأحداث على السفرة في فيلة المحمدي غرام: أطلع أجيبها طيب ولا إيه؟ غادة: قولتلها مرضيتش، حتى قولت آخد أختها، قالتلي لا، هي هتقعد معايا وهي مش بتفطر أصلاً. تميم تنهد بيأس. أحمد: أنا قررت قرار بالنسبة لجوازتك يا تميم. الكل انتبه. تميم: إيه هو يا بابا؟ أحمد: تفضل متجوزها عادي زي ما أنت عايز، لاكن محدش يعرف بجوازكم ولا تخلف، وتتجوز إلين وتعلن جوازك بإلين، وإلين هي اللي تخلف.

تميم بغضب وعصبية: أنت إزاي جالك قلب تحكم على واحدة إنها ما تبقاش أم لمجرد إنك عايز أم أحفادك تبقى من عيلة عشان تتباهى قدام الناس، إزاي جالك قلب كده؟ غادة: تميم اهدى، مش كده. أحمد: يا ولد اتكلم عدل، أنت ناسي إني أبوك؟ وده قرار وهيُنفذ. تميم: وأنا آسف، أنا مش هتجوز إلين وعلاقتي بـ كارما تتعدل وأعلن جوازنا، لاكن إلين مش هتشيل اسمي، مش عشان ما أخسرش أخويا أخسر أنا ساعتي. ثم سار.

أحمد: استنى عندك، بعد أسبوعين فرحك على بنت عمك، وأنا مش باخد رأيك، ده اللي هيحصل. غادة: بجد، حرام عليك، ما صعبتش عليك لما عرفت اللي حصلها، أنت ما كنتش كده، إيه اللي جرالك؟ اللي قدامي ده معندوش قلب ولا رحمة ولا إنسانية، إيه اللي حصلك؟ أحمد بعصبية: اللي عندي قولته. *** في مطعم ورد حسام: ديما، عايزك في المكتب ثواني. ديما: حاضر يا فندم. في المكتب

حسام: أنا كنت سألتك على حاجة وسبتك أسبوعين، وأنتِ ما ادتنيش رد بـ "آه" أو "لا". ديما وشها احمر وتوترت: فيه برا شغل كتير قوي. حسام: خلاص يا ديما، من غير ما تتوترِ كده، كل شيء قسمة ونصيب عادي. ديما بسرعة: بس أنا موافقة. ديما بعد ما اكتشفت هي قالت إيه، جرت برا. حسام ضحك على كسوفها. *** تغريد: أنتِ رايحة فين كده يا إلين؟ إلين: رايحة لـ تميم يا ماما عشان نحضر للفرح، وعايزة ديكور الجناح يبقى على ذوقي.

سعد: أيوه كده، اتملكي منه بدري. إلين: ما تخافيش يا بوب. *** فهد: آلاء، ابعتيلي وعد. بعد عشر دقائق. وعد: خير يا فهد بيه؟ فهد: وعد، أنا معجب بيكي وشايفك أم عيالي، ادينا فرصة نقرب من بعض فترة لحد ما مشاعرنا تكون متبادلة، أكمل ولا كفايا؟ فهد بعصبية: أنتِ إيه اللي جابك هنا؟ مريم: جاية لجوزي وأبو ابني. فهد: جوز مين؟ أنا الورقة اللي بينا قطعتها تاني يوم يا حلوة، وابنك ده أنا مليش دعوة بيه، واتفضلي اطلعي برا.

مريم بصدمة: إيه اللي بتقوله ده؟ إزاي تعمل كده؟ فهد: لو ما مشيتيش هجيبلك الأمن. مريم بدموع: حسبنا الله ونعم الوكيل فيك، عشان أنا حبيتك بجد. ثم قالت لـ وعد اللي واقفة مصدومة: خلي بالك من نفسك عشان مصيرك ما يبقاش زيك، وأدي إيه شفتي، أول ما بيجي الجد بيخلع. ثم مشت. فهد: وعد، هفهمك. وعد سابته وأخدت شنطتها ومشيت من الشركة كلها. في مكتب عدي غرام: عدي، هو مش ده الكولكشن اللي أنت رسمته؟ عدي: أنتِ عبيطة؟

وإيه اللي هيجيبه في المجلة يعني؟ غرام: عدي، الكولكشن أهو، شوف. مسك عدي المجلة وشاف. عدي بصدمة: دي مصيبة، ده الكولكشن ده المفروض إحنا هنعرضه الأسبوع اللي جاي، دي مصيبة. ياسمينا، اتصيلي بـ تميم وفهد بسرعة، قوليلهم فيه مصيبة. غرام: طيب، اهدى اهدى. بعد نص ساعة. تميم: إزاي ده حصل؟ فهد: ده اللي عمل كده، أنا هخرب بيته. عدي: إحنا لو ما نزلناش بـ كولكشن بعد كل الدعاية اللي عملناها دي هنفلس.

غرام: أنتوا ممكن تهدوا كده وتسيبكم من اللي عمل كده دلوقتي وتركزوا إزاي تطلعوا نفسكم من المصيبة دي. تميم باستهزاء: ده إحنا نعملها إزاي يعني؟ غرام: يعني عدي والمصممين يبدأوا يرسموا من دلوقتي حالاً، عشان كل دقيقة هنضيعها هنحتاجها، وتميم وفهد شغلهم يشوفوا المصانع والميزانية. عدي: أنتِ فاكرة إن أنا هقول لدماغي "صممّي" هصمم؟ غرام: ما تخافيش، أنا هكون معاك وهنطلع تصميم أحلى كمان.

فهد: احم، ماشي، يلا نبدأ، وأهو نكون عملنا حاجة. *** قدام مطعم ورد حسام: يلا. ديما: يلا فين؟ حسام: تعالي، هنقعد في أي حتة نتكلم شوية، متخافيش، مش هاكلك. ديما: مينفعش. حسام: متخافيش، مش هنتأخر. ركبت معاه العربية. حسام مسك إيدها وباسها: بحبك أوي. ديما شدت إيدها: مستر حسام، مينفعش كده. حسام بصدمة: مستر حسام؟ حد يقول لحبيبه مستر؟ ديما: أمال أقول إيه يعني؟ حسام: أنا اسمي قصر معاكي في حاجة يعني؟ ديما ضحكت جامد.

حسام: ضحكتك حلوة على فكرة. *** في مستشفى المحمدي يزيد بيمر في المستشفى، لقى مكتب دكتورة مكة مفتوح، قرب عليها. يزيد: تسمحيلي أقعد معاكي؟ مكة: طبعاً، اتفضل. مكة: على الرغم من كل اللي أنت فيه، وإنك ابن صاحب المستشفى، ومش متكبر خالص. يزيد: وإيه اللي يخليني أتكبر؟ كلكم سواسية. ثم سأل: أنتِ ليه دايماً قاعدة لوحدك؟ مكة: مش بحب الدوشة، بحب الهدوء، فعشان كده قاعدة لوحدي.

يزيد: ما أنتِ بتعرفي تلعبي اهو، ولا أنتِ قولتي "ألعبي على كبير" ابن صاحب المستشفى بقى. مكة بعياط: أنت بتقول إيه يا حيوان أنت؟ يزيد: احترم نفسك واتكلم عدل. مكة: عملنالنا فيها المحترمة، ومش بتكلمي أي راجل، وأنتِ بترسمي على كبير. يزيد ما استحملش ونزل فيه ضرب، وشد مكة وطلع بره المستشفى. *** في فيلة المحمدي إلين: هاي، إزيك يا عمي؟ علي: إزيك يا حبيبتي؟ غرام نازلة على السلم هي ومليكة وكارما. إلين: إزيك يا غرام؟ غرام: كويسة.

إلين: مش تعرفينا؟ الكل سكت وما اتكلمش. تميم من وراهم: كارما مراتي، ومليكة أختها. إلين: بطل هزار. آه، صح، أنا جاية عشان عايزة أقابل مهندس الديكور اللي هيعمل الجناح بتاعنا. تميم: على فكرة أنا ما بهزرش، وكارما فعلاً مراتي. إلين بعصبية: ده إزاي يعني مراتك؟ وفرحنا اللي بعد أسبوعين ده إيه إن شاء الله؟ أنت بتستهبل؟

علي: يا حبيبتي، مش مراته زي ما أنتِ فاهمة، بص، هو هيفضل متجوزها، بس محدش هيعرف بجوازه غيرك أصلاً، وهي مش هتخلف. تميم: وأنا مش هعمل كده يا بابا، قول. علي: أنت تخرس وتعمل اللي أنا بقول عليه وبس. كارما دموعها نازلة زي الشلال، مش بتقف. إلين: وهو يتجوزها ليه أصلاً؟ علي: ظروفها صعبة يا حبيبتي. إلين: اممم تمام، خلاص، أخليها الشغالة بتاعتي. كارما سابتهم وطلعت، وتميم طلع وراها. في أوضة كارما

دخلت كارما، قعدت على الأرض وضامة رجليها لصدرها وعمالة تعيط. دخل تميم. تميم: مليكة، روحي اقعدي مع غرام. خرجت مليكة. قرب تميم على كارما وشده في حضنه: أنا آسف. كارما فضلت تعيط في حضنه وطلعت كل اللي جواها. وبعد ما استوعبت هي فين، بعدت. كارما وهي بتمسح الدموع: أنا آسفة. تميم باستغراب: آسفة على إيه؟ كارما: إني فضلت... يعني. تميم فهم: أنتِ بتتأسفي عشان عيطتي في حضن جوزك؟ أنا جوزك أنتِ وبتاعك أنتِ، مهما مكناش متفقين.

ثم باسها من جبهتها وسابها وخرج. *** في أحد الكافيهات على النيل قاعدة وعد وسرحانة ودموعها بتنزل. وعد لنفسها: أنتِ زعلانة ليه؟ أنتِ تستاهلي أصلاً. حبيته ليه؟ فكرة نفسك في رواية ولا إيه؟ أهو طلع كان هيتسلى بيكي. دموعها زادت أوي. وتكلمت بصوت: تستاهلي، أنتِ اللي سمحتي له يقرب وخليتي نفسك تحبيه، وهو استغل ده وكان هيلعب بيكي، تستاهلي. صوت من خلفها: أولاً، أنا ما كنتش هلعب بيكي.