رواية منقذى من الهلاك الفصل الثالث عشر 13 - بقلم ندى احمد

على: النهاردة العرض يا تميم. تميم: آه يا بابا.. أنا لازم أمشي بقى، سلام. آه، كارما، ما تروحيش الشغل النهاردة. كارما: إيه ده، ليه؟ تميم: ماما هتعرفك. غمزلها ومشى. *** في مستشفى المحمدي. يزيد: مكة، كنت عايزة أطلب منك طلب. مكة: اخلص يا يازيد، عايز إيه؟ يزيد: بقك بيتفتح عشان ترمي دبش وبس. مكة: هزعلك. يزيد: لا، وعلى إيه؟ الطيب أحسن. بصي، النهاردة أخويا عنده عرض تبع شركته، عايزك تيجي عشان أعرفك على بابا وماما وكده يعني.

مكة: هاجي، على إني مين؟ يزيد: على إنك حبيبتي مثلاً. *** في شركة F.O.T. فهد: خلصي الحاجات دي واطلعي على مكان العرض، ساعديهم هناك. وعد: حاضر يا فندم، أي أوامر تانية؟ فهد: لا. خرجت. هيثم: إيه يا بنتي، بتعملي إيه ده كله؟ وعد: أهو بقى، طلبات مش بتخلص وخلاص. هيثم: أجي آخدك من البيت الساعة كام عشان نروح العرض؟ وعد: لا، أنا هروح البيت، هاخد الهدوم والحاجة وهطلع على مكان العرض أساعدهم وهلبس هناك. هيثم: طب تعالي أوصلك. ***

في أوضة كارما. غادة: انتي قاعدة زي خيبتك كده ليه؟ كارما: أمال أعمل إيه طيب؟ غادة بتمثيل: لاااا، كده كتير، حرام. انتي عايزة تموتيني صح؟ كارما: بعد الشر عنك. غادة: قومي يا بت نشوف هتلبسي إيه في العرض. كارما: أنا مينفعش أروح. غادة: ده ليه إن شاء الله؟ كارما: مش عمو علي قال إن مينفعش حد يعرف. غادة: وأنا برضو قلتلك حاربي عشان جوزك ومتأخديش كلام حد، وأي حد يقولك حاجة متأخديش بيها، صح ولا لا؟ كارما: صح.

غادة: يبقى تتفضلي معايا نشوف هتلبسي إيه ونخليكي أحلى واحدة في العرض كله. *** في شركة New. حسن بعصبية: يعني إيه؟ عاملين عرض النهاردة؟ : أنا مالي أنا، عملت اللي طلبته، مليش دعوة بقى إنهم عرفوا يلحقوا نفسهم. حسن: ده أنا هوديك ورا الشمس، بس اصبر عليا. أنا تلعب عليا؟ طب لعلمك بقى، أنا هقولهم، وعليَّ وعلى أعدائي. : انت بتزعقلي أنا ليه؟

ما تروح تتشطر على التلت عيال اللي قد ابنك اللي خلوك ولا حاجة في السوق كله. ولعلمك مش هتقدر عشان ساعتها هتبقى بوظت سمعتك في السوق كله. سلام. حسين رمى كل حاجة على المكتب بعصبية. إيهاب: ممكن تهدى، هما أكيد مش هيعرفوا يعملوا تصاميم حلوة في أسبوع، هتبقى أي كلام، اهدى انت بس. *** في مطعم ورد. ديما: تؤمر بحاجة يا فندم؟ الزبون: عايزك انت يا قمر. ديما: لو سمحت احترم نفسك، انت في مكان محترم. الزبون: وأنا مش محترم.

مسكها من وسطها فجأة، لقى اللي عمال يضرب فيه لحد ما الراجل قطع نفسه. حسام: حد يخرج الحيوانات دول بره. شد ديما على المكتب. ديما عمالة تعيط وبتترعش. حسام: بس، اهدى، خلاص، اهدى، مفيش حاجة، خلاص. اهدى. خدها في حضنه وفضل يمسحلها على شعرها. ديما هدأت واستكانت في حضنه. بعد دقائق. ديما بعدت: أنا واللهي معملتش حاجة، هو... حسام خطف كلامها مبين شفايفه في بوسة طويلة تعبر عن كل شيء. بعد مدة بعد حسام وديما من الكسوف استخبت في حضنه.

حسام بابتسامة: مكنتيش هتسكتي غير كده. *** عند عدي. غرام: اهدى يا عدي، في إيه؟ هو انت أول مرة تصمم؟ عدي بتوتر: لا، أول مرة أعمل كولكشن في أسبوع كله من جنونك. غرام: التصميمات هتعجب الكل، انت اهدى، ممكن؟ عدي: تعالي هنا، انتي رايحة فين؟ غرام: هدخل أجهز، الساعة ٥ والعرض ٧، يعني إحنا المفروض نجهز. ياله، أنا جايبة حاجتي معايا، هدخل، أنهي أوضة؟ *** سعد: بت، قومي اجهزي واقفي جنب تميم، مش جوزك؟

تغريد: مقالهاش. انتي عرفتي من التليفزيون، خلي عندك كرامة. سعد: سيبك من أمك وياله قومي. *** في العرض. تميم واقف بيستقبل الضيوف، جه عليه فهد. فهد: إيه الوضع؟ أنا قلقان. تميم: وحياة أبوك اسكت، خلي الليلة دي تعدي على خير. بعد ساعتين. تميم واقف بيتكلم مع أحد رجال الأعمال، شاف مامته وبوه، راح عندهم. تميم: ها، قولولي رأيكم. علي: ربنا يوفقك يا ابني. غادة بتوشوش تميم: متقولي انت رأيك. تميم أول ما عينه جت على كارما، فضل مبلول.

غادة: ولاااا! تميم: انتي مين لبسك كده؟ ده انتي ليلتك سودة. إيه اللي انتي مش لبساه ده؟ غادة بخبث: إيه يا تميم؟ ده حلو أوي عليها. تميم أخد أمه على جنب: بقى أنا بقولك جهزيها وهاتيها معاكي، تعملي فيها كده؟ غادة: مش انت اللي قلت؟ تميم: أنا قلت ده يبقى ليا أنا، مش لكل الناس. يا ماما، أخبيها فين أنا دلوقتي؟ بالفستان اللي هي مش لبساه ده، اوعي، اوعي. كارما: انت لو زعلان إن جيت، أنا ممكن أمشي.

تميم مسك إيدها وباسها: ده أحلى وأجمل عرض عشان انتي معايا، أنا بس معترض على الفستان اللي انتي لبساه. كارما ابتسمت بكسوف: واللهي قلت لماما كده وهي قالتلي، حلو. مليكة: إيه رأيك فيا يا تيمو؟ تميم بضحك: أمي خلتكم تنحرفوا. وعد واقفة لوحدها، لقت هيثم جه وقف معاها. هيثم: انتي حلوة أوي على فكرة. وعد: ميرسي. فهد من وراهم: عادية على فكرة، مش الواو يعني. فيه كتير أحلى.

هيثم: يمكن من وجهة حضرتك لأ، لكن بالنسبة لي هي أجمل بنت في الحفلة. فهد وشه احمر من كتر العصبية، وسابهم ومشي. غرام: انت هتفضل مبتكلمنيش كده كتير؟ عدي بعصبية: أنا مش عايز أسمع صوتك ولا أشوفك بالزفت اللي انتي لبساه ده. غرام: يا عدي، دي حفلة، وبعدين انت مالك زعلان كده، كأني خطبتك مثلاً. عدي بنرفزة: عشان انتي... امشي يا وعد ومتظهريش قدامي خالص. يزيد: هو القمر نزل على الأرض ولا إيه؟ مكة: بس بقى، أنا مكسوفة أصلاً.

يزيد: تعالي، متتكسفيش. راح عند باباه ومامته. يزيد: هي دي بقى مكة اللي حكيتلكم عنها. أحمد: أهلاً، إزيك يا بنتي؟ مكة: الحمد لله يا أونكل. غادة: بسم الله ما شاء الله، ربنا يحرسك. مكة: ربنا يخليكي يا طنط. تميم واقف وموقف كارما معاه هو ورجال أعمال. إلين: حبيبي، سوري اتأخرت عليك. هاي يا جماعة. تميم: انتي إيه اللي جابك؟ إلين: لازم أبقى جنب جوزي، ولا إيه؟ أحد رجال الأعمال: تميم بيه، هي مين الآنسة دي (كارما) هي عارضة جديدة؟

رجل أعمال آخر: فعلاً، عندك الإمكانيات. هو حضرتك مين؟ تميم: دي تبقى... إلين مقاطعته: قريبة طنط غادة. العرض خلص وكله روح. *** وعد وهي خارجة لقت حد بيشممها حاجة ومحستش بحاجة بعدها. *** عدي لف شريطه على عين غرام. غرام: انت ساحبني فين يا عدي؟ عدي: اخرسي، مسمعش صوتك. بعد شوية. عدي: انزلي. غرام: تعالي نزلني. نزلها ومدخلها مكان وشال الشريطة، لقت مكان كله ورد وشموع وبلالين وأغنية هادية. عدي بيمدلها إيده: تسمحيلي؟

رقصوا سلو، وفي نص الرقصة عدي طلع علبة قطيفة وفتحها، لقت فيها خاتم ألماس. عدي: تتجوزيني؟ غرام هزت دماغها بـ آه. عدي لبسها الخاتم وشالها ولف بيها، وبصوت عالي: بحبببببببك! *** في فيلا المحمدي. تميم بعصبية ونرفزة: انتي ليه قولتي إنها قريبتي؟ ماما مين اداكي الحق إنك تقولي كده؟ إلين: أمال عايزني أقول إيه يعني؟

تميم: مراتي وحبيبتي كمان، وأنا مش مغصوب من جوازي منها، وأنا لو هخلف مش هتمنى إني أخلف من حد غير منها هي. أنا مش عايزك. علي: تميم، احترم نفسك. تميم: تمام، مش انت عايز تجوزهالي غصب؟ ماشي، الفرح الأسبوع الجاي، ومتقوليش بتعمل إيه. وسابهم وطلع لأوضة كارما. تميم أول ما دخل، كارما اترمت في حضنه وفضلت تعيط. كارما: أنا بعملك مشاكل، مشيني. تميم: كارما، انتي بتحبيني ولا لا؟ كارما سكتت. تميم: ردي، آه أو لا.

كارما هزت دماغها بـ آه. تميم: خلاص، يبقى يتفلق أي حد. وقرب من شفايفها وباسها بوسة طويلة، وفتح سوسة الفستان، بس كارما وقفت إيده. تميم باستغراب: في إيه؟ كارما سكتت. تميم: خلاص، مش هضغط عليكي. *** فاقت وعد. وعد: آآآآه، دماغي. بتبص، انت بتعمل إيه هنا؟ فهد: انتي في بيتي أصلاً. وعد: آه، وأنا إيه اللي جابني هنا؟ فهد ببرود: أنا. وعد: ده انت بارد، أوعى كده، عايزة أمشي، مش ناقصاك على المساء. فهد: اقعد، هنتكلم وبعد كده امشي.

وعد: مش عايزة أتكلم معاك. فهد: خلاص، مفيش مشيان. وعد قعدت: اتفضل، ارغي. فهد: أنا بحبك، ولو وافقتي مش هتكلم معاكي غير لما تكوني على اسمي. يا ستي، أنا بس كل اللي عايزك تعرفيه، هتتقبلي الماضي بتاعي. وعد بعياط: ما أنا كمان بحبك، بس انت بتكذب عليا. فهد: يالهووووي على الغباء. طب إيه اللي يثبت إن إني مش بكذب؟ وعد: مش عارفة. فهد: أجي أتقدم؟ إيه رأيك؟ وعد: فكرة برضه.

فهد: طيب، تاخذيلي معاد مع أبوكي بقى. وهيقوم ده، لو شفتك واقفة معاه، هنفخك، ماشي؟ وعد: طيب. فهد: ياله عشان أوصلك.