رواية منقذي الفصل الرابع 4 - بقلم ندى ياسر

ادهم: هنشوف هتجوزك وإلا لا، وبكرا كتب كتابنا. ندي: مش هتجوزك، مش هتجوز حيوان! ادهم: طب ماشي، هنشوف هتتجوزي الحيوان دا إزاي. وسابها ومشي. ندي بعد ما خرج قعدت على السرير بتنهيدة. يارب اختار لي الصالح، يارب أنا مش حمل كل دا. كفاية أنا عشت كتير أوي بتذل وأنا عايشة مع بابا، ومعرفش كان بيعمل معايا كدا ليه. يارب مش عايزة أفضل معاه، ابعده عني يارب. ساعدني وخليك جنبي، أنا ماليش غيرك.

ندي كل دا وقاعدة عمالة تعيط وتدعي، وبعدين قامت تصلي قيام الليل وفضلت تدعي كتير أوي وهي بتصلي. وبعد ما خلصت صلاة راحت على السرير وكانت لسه بتعيط. نامت وهي الدموع على خدها. نادية راحت لأدهم أوضته لأنها كانت سمعت صوت زعيق وشافته وهو خارج من عند ندي. نادية: إيه ي أدهم ي ابني، كنت بتزعق مع بنت عمك ليه؟ ادهم: بكرا كتب كتابنا. نادية: انت اتجننت؟ عايز تتجوزها غصب عنها؟ انت إيه الانتقام عماك للدرجة دي؟ مبقتش بتحس؟

حرام عليك تظلم ندي معاك، حرام عليك. ادهم: أيوا للانتقام عمايني، هي أه مالهاش ذنب غير أنها بنته، وأنا قلبي مش هيهدي غير لما أشوفها مذلولة، وعشان يبقى ليا حكم وكلام عليها هتجوزها. نادية: وأنا مش هسمحلك تتجوزها غصب عنها وتأذيها، مهما كان دي زي بنتي ومش هخليك تتجوزها عشان انت متستاهلهاش. ادهم: هتجوزها ي ماما، دي مش هتتجوز حد غيري، دي هتبقى ليا وهتشوفي.

نادية: حرام عليك ي ابني، حرام عليك تعمل فيها كدا، خلي في قلبك رحمة شوية، متخليش الانتقام يعميك. ادهم: أنا قولت اللي عندي ي ماما، تصبحي على خير. نادية طلعت من عنده وبتتوعد أنها متخليش الجوازة تتم عشان ميظلمش ندي معاه. إنما ادهم كان قاعد بيفكر. هو فعلاً عايز يتجوزها؟ مش معقول يكون كل دا بسبب الانتقام؟ ممكن عشان يكون حبها ومش عارف، أو بيكدب نفسه إنه بيعمل كدا عشان ينتقم منها. اليوم عدى على أبطالنا بكل حزن وتفكير وعياط.

تاني يوم الصبح. عند تميم. مهاب: فين ي فاطمه تميم؟ فاطمه كانت لسه هترد ونزل تميم من فوق. تميم: أنا هنا اهو ي بابا. يارا اخت تميم: احم، وأنا كمان هنا، وإلا مش عايزني، بتسألوا على تميم بس؟ فاطمه بضحك: تعالي ي آخره صبري ي اللي لسانك أطول منك. يارا: لا ي ماما ملكيش حق، مين دي اللي قصيره؟ فاطمه: انتي... هوا انتي مش شايفة نفسك قصيرة ولا إيه؟ يارا: تؤ، مش شايفة غير إني قمر ودمي عسللل عشان اللي جايباني نحلة.

فاطمه: أيوا أيوا اضحكي عليا بكلمتين. يارا: عيب عليكي ي فطوم، دا أنا مفيش أصدق مني. مهاب: خلصتوا؟ اقعدوا بقي عشان نفطر. وانت اقعد ي تميم عشان تفطر وبعدين تشوف الموضوع اللي قولتلك عليه. تميم: حاضر ي بابا. وأنا قولت لواحد يجيب لي كل معلوماته. وأول ما أوصل هعرف كل حاجة عنه، وبعدين هبقى أروح أجيبها. مهاب: تمام ي ابني. خلصوا أكل وتميم راح شغله، ويارا راحت الكلية. في الشغل عند تميم.

تميم: ادم، عايزك تجيب لي معلومات عند واحد اسمه ادهم سعد الفيومي، وتيجي لي النهارده قبل بكرااااا، وبسرعة ياريت. تميم صاحب آدم وأكتر من صاحب، بعتبره أخوه كمان. آدم أكتر حد بيفهمه وبيحكيله على كل حاجة اللي أهله ممكن ميعرفوهاش. ادم: إيه ي صاحبي، غريبة استعجالك على موضوع كدا؟ وبعدين عايز معلوماته ليه؟ تميم: عشان أعرف عنوانه عشان عايزه. وبعدين يلا بقي عشان تشوف شغلك. ادم بابتسامة: حاضر ي باشا، إحنا تحت أمرك ي برووو.

تميم: تسلم ي برووو، ويلا بقي أخلص. ادم: طيب خلاص، أهو أنا ماشي. عند ادهم. ادهم قام من النوم وخد دش، وبعدين نزل لأمه تحت لقاها قاعدة مع نور وبيجهزوا الفطار. ادهم: صباح الخير. نادية بصتله وسكتتتت ومردتش عشان زعلانه منه ومن اللي هيعمله. نور: صباح الورد ي برووو. ادهم: أه صحيح ي نور، ابقي جهزي النهارده ندي عشان النهارده كتب كتابنا. نور بخضة: كتب كتابكم؟ طب وندي موافقة؟ ادهم: لا مش موافقة، بس هتجوز غصب عنها.

وقام من على الفطار وقبل ما يمشي كمل كلامه وهو بيقولها: متنسيش تظبطي ندي وتنزل عشان لما المأذون يجي. وسابهم ومشي وقالهم إنه رايح الشركة. نور بعد ما مشي: انتي تعرفي ي ماما موضوع كتب كتابهم دا؟ نادية: أيوا قالي امبارح، بس مش هخلي الجوازة دي تتم، ندي متستاهلش واحد زي ابني أبداً. ندا تستاهل حد يعوضها عن اللي عاشته مع أبوها، مش هسمحله بكدا أبداً. نور: طب وهتعملي كدا إزاي؟ نادية: هقولك بس لما أنزل من عند نادية عشان هطلعلها.

نادية طلعت لندي لاقتها نايمة ووشها باهت من كتيرر العياط. نادية: ندي ندي قومي، عايزة أكلمك في موضوع. ندي بخضة: خير ي طنط؟ نادية: صباح الخير لأول ي بنتي. ندي: صباح الورد ي طنط. نادية: تعرفي إنك حتى وإنتي وشك باهت قمر وملامحك بريئة. ندي: تسلميلي ي طنط، دا من ذوقك. نادية: كنت جايه أتكلم معاكي بخصوص جوازك من ادهم. ندي: انتي كمان عايزاني أتزوجه غصب عني؟ نادية: لا ي بنتي مش موافقة، أنا جايه أقولك.