رواية منقذي الفصل الثاني عشر 12 - بقلم ندى ياسر

"في بيت تميم" هانم: الو يبه بيقولو أن المدام ندي عملت حادثه. ادهم: ومتعرفيش بقت عامله أي دلوقتي؟ هانم: كويسه وشويه وهيرجعوا. ادم: تمام من أول ما يرجعوا اعملي اللي قولتلك عليه. هانم: أمرك يبه. "في المستشفى" تميم: يلا ي بابا يلا ي ماما نقدر ناخد دلوقتي ندي معانا. مهاب: طيب ي ابني هنزل أنا وأمك ونركب في عربيتي وتعالي أنت ومراتك وأختك في العربية التانية. نزل مهاب وفاطمة وفضل يارا وآدم وتميم وندي.

ادم: هاخد أنا يارا أوصلها ي تميم وأنت خد ندي بعربيتك وتعالي. تميم: تمام ماشي. نزل آدم ويارا عشان يرجعوا وتميم سند ندي لحد لما خرجت من المستشفى وركبت العربية. تميم: حمد لله على سلامتك ي حبيبتي. ندي: الله يسلمك ي حبيبي. ركبوا العربية ووصلوا البيت وأول ما وصلوا تميم طلع ندي الأوضة عشان ترتاح. تميم: نورتي بيتك ي نودي. ندي: نورك ي تيمو. تميم: كدا كنتي عايزة تسيبني، أومال مين هيحكيلي كل يوم عن نفسه؟

ندي: ازاي مكنتش بتبين أنك بتسمعني وعشان كدا كنت بتتغير معايا؟ تميم: هكدب عليكي لو قولتلك متغيرتش من كلامك، كنت بسمعك وبسمع كل كلمة كنتي بتقوليها. عارفة لما قولتيلي بحبك امبارح كنت عايز أقولك وأنا كمان ومنيمكيش زعلانه. كنت عايز أحدد مشاعري الأول تجاهك ومكنتش أعرف إن طلعتي غالية أوي أوي كدا عندي. حسيت بقلبي اتخلع لما عملتي حادثة، كنت زي المجنون لما شوفتك مبترديش عليا. أنا بحبك، بحبك ي ندي ومش هسيبك.

ندي: وأنا معرفتش يعني إيه حب وأمان غير وأنا معاك. تميم: حبيبتي يخليكي ليا. يلا بقى عشان تتعشي وتاخدي الدواء وتنامي. ندي: لسه بدري هنام بدري أوي كدا ليه؟ تميم: ما هو هتتعشي عشان تاخدي الدواء وبعد كدا هتيجي تنامي في حضني، حضنك وحشني أوي. ندي: احم طيب أنا هقوم أغير لبسي وكدا وبعد كدا هاجي. تميم: تمام وأنا كنت جبت الأكل من تحت. دخلت ندي تغير لبسها ولبست بيجامة بلون الوردى وكانت زي شكل الأطفال بيها أوي.

خرجت لقيت تميم جاب العشاء. تميم: لا بس حلوة البيجامة دي، متجوز طفلة أنا. ندي: إيه دي مش عاجباك، دا لونها وردي مسخسخ حلو. تميم: هو في لون اسمه وردي مسخسخ؟ ندي: أيوة أنا بقول عليه كدا. تميم بضحك: طب تعالي ي ندي ي مسخسخة عشان تتعشي وتاخدي الدواء. ندي: هات ي ابني وريني عندكم أكل إيه. تميم: أنا هاكلك. ندي: وماله، كدا كدا كنت عايزة أكلك. تميم: طيب مش هاكلك.

ندي بزعل: يرضيك أبقى طالعة من المستشفى وأكل لوحدي، لو كان يرضيك ي بني هاكل عادي وماله. تميم: خلاص خلاص ميرضنيش، هاكلك أنا. تميم أكل ندي وبعد كدا خدت الدواء وناموا وفعلاً نامت في حضنه برضو. بس المرة دي مستنتش أنه ينام عشان تحكي، دا تميم هو اللي طلب منها. تميم: إيه مش هتحكيلي النهارده زي كل يوم وإلا إيه؟ ندي: ما أنا حكيتلك كل اللي عندي، بس مش عارفة ليه قلبي مقبوض. تميم: ودا من إيه بقى وبعدين مالو قلبك وأنا موجود؟

ندي: لا مفيش، يلا نام تعبت النهارده أوي. تميم: تصبحي على ورد شبهك. ندي: تصبح على يوم جميل شبهك. ندي نامت لأنها كانت تعبانة وتميم هو اللي فضل صاحي. كانت قاعد بيفكر إزاي هيسعد ندي بعد كدا وكان سعيد أنه اعترف لها بحبه ليها. نام هو كمان واليوم عدى بكل حلاوته وبكل أحزانه وتفكيره. "تاني يوم الصبح" تميم صحي قبل ندي كالعادة، مع أنه المفروض العكس بس بطلتنا مرهقة شوية.

تميم: يلا ي حبيبتي قومي عشان تصلي وتفطري وبعدين تاخدي علاجك. ندي: عيوني. قامت ندي واتوضت وصلت وبعدين لبست فستان لونه لافندر زي لبس العيد بتاع السنة دي اللي الكل جايبه إلا العبد لله. لبست على الفستان طرحة لونها أبيض وكانت قمر بمعنى كلمة قمر. تميم: إيه رأيك مننزلش ي نودي ونفضل مع بعض؟ ندي: اتلم ويلا عشان هتلاقي دلوقتي ماما مستنيانا. نزلوا على الفطار. فاطمة: حمد لله على السلامة ي بنتي، عاملة إيه دلوقتي؟

ندي: الحمد لله ي ماما. تميم: متخافيش ي ماما على ندي طول ما هي معايا. فاطمة: إحنا واقعنا وإلا إيه؟ تميم: واقعنا بس، دا أنا غرقت كمان في حبها. يارا بغمزة: الله الله، ودا من أمتي. نسيت روز اللي كنت ماشي معاها؟ تميم: أنا... ندي: أنت كنت بتحب قبلي ي تيمو؟ تميم: يالهوي، جاية تدلعيني هنا والله ي بنتي محصل. دا أنت أول وآخر حب في حياتي. ندي: حبيبي شاطر أوي. تميم: طب قولي كدا اسمي تاني. ندي: تميم. تميم: لا التانية. ندي: احم...

تيمو. تميم: يالهوي أحلى تيمو في الدنيا. يارا: إحنا هنا على فكرة. ندي بكسوف: احم آسفين. تميم: بتتأسفي على إيه، دول منا وعلينا برضو وإلا إيه ي ماما؟ فاطمة: خدوا راحتكم ي ابني، أهم حاجة عندي سعادتكم. تميم: حبيبتي ي ماما ربنا يخليكي ليا. فاطمة: ويخليكم ليا ي حبايبي. يلا افطروا بقى. تميم فطر وبعدين قالهم أنه وراه شغل. تميم: ندي ورايا شغل ي نور عيني بس مش هتأخر عليكي. ندي: ربنا معاك ويعينك ي تيمو.

تميم: تيمو تاني، طب أنا ماشي قبل ما أتهور. وخرج تميم للشغل وفضلت يارا وفاطمة ومهاب مكنش موجود لأنه كان وراه شغل من الصبح وطلع. هانم: الو ي ادهم بيه، حطيتلها منه في الأكل بتاع العشاء امبارح وخدت منه والخطه ماشيه تمام. ادهم: حد شك في حاجة؟ هانم: لا أبداً. أنا حطيتهولها في العصير ودلوقتي دخلت جبت العصير لقيت الكوباية فاضية، يبقى شربتها. ادهم: أها تمام. خلي بالك وحطي لها في كل حاجة تشربها أو تاكلها. هانم: تمام ماشي.

ادهم: أه بقولك لو ندي طلعت من البيت، شوفتها هتروح فين وترني عليا تقوليلي بسرعة. هانم: حاضر يبيه. قفلت هانم مع ادهم وبعدين دخلت المطبخ. ياترى بيخططوا لإيه وهيا حطت إيه لندي في الأكل ويترى ادهم عايز ندي تخرج من البيت ليه؟ يارا: ماما أنا هروح الجامعة ي ماما ورايا محاضرة واحدة ومش هتأخر. فاطمة: تمام متتأخريش.

يارا: بقولك إيه ي ندي متيجي معايا وأهو نتسلى. تعالي معايا هندخل المحاضرة مع بعض ولو مش عايزة تحضري استني في الكافتيريا بتاعت الكلية وبعد ما أخلص نبقى نروح مشوار مع بعض، إيه رأيك؟ ندي: طب والله فكرة، هطلع أغير هدومي وأرجع. يارا: أشطا وأنا مستنياكي. طلعت ندي عشان تغير هدومها وفضلت يارا مستنياها لحد لما نزلت. في الوقت دا هانم عرفت أن ندي خارجة من البيت واتصلت على ادهم عشان تخبره.

هانم: الو يبيه، مدام ندي خارجة دلوقتي رايحة الجامعة مع آنسة يارا. ادهم: تمام، شكراً ي هانم. هانم: العفو يبيه. ادهم خلص المكالمة مع هانم وبعدين رن على شخص تاني. ادهم: بقولك إيه، هيتنفذ دلوقتي. هي دلوقتي هتخرج وتروح الجامعة مع بنت مهاب الميناوي، يتعمل اللي اتفقنا عليه. الشخص: ............. ادهم: تمام ماشي سلام. ولما يحصل اللي قولنا عليه الفلوس هتبقى عندك. الشخص: ...........

قفل ادهم مع الشخص وهو بيتوعد أنه ينتقم من ندي أشد انتقام. ياترى هيعرف ينتقم وإلا هيبقى في حكاية تانية؟