رواية منقذي الفصل الرابع 4 - بقلم رنوشة

عمر: عمومًا يا أستاذة، ممكن لو مش هضايقك أعرف أنتِ زعلانة ليه؟ رغد تسكت ولا ترد. عمر: ممكن أساعدك، على فكرة أنا ظابط. رغد بتردد: وتحكي له على كل حاجة. عمر بعصبية: ابن الكلب! وإنتي إيه اللي مخليكي عايشة معاه لحد دلوقتي؟ رغد بدموع: هروح فين، معنديش حد. عمر بهدوء: طيب، متقلقيش أنا هتصرف. رغد بتبص في الساعة: ينهارى! أنا اتأخرت، زمانه رجع من الشغل وهيضربني.

عمر بحزن: متقلقيش، هخلصك منه في أسرع وقت. علشان كده، خدي رقمي أهو علشان تتواصلي معايا. تأخذ رغد الرقم وتمشي تروح بسرعة. تدخل الشقة بتلاقي أحمد قاعد لها ومعاه حزام في إيده. أحمد: أهلاً أهلاً بالهانم! ما كنتِ تباتي برة أحسن. رغد بخوف: معلش، الدنيا كانت زحمة. أحمد: وأنا مالي يا روح أمك! وبينزل فوقها ضرب وهي شايلة بنتها، فبقت تحمي بنتها علشان الضرب ما يجيش عليها وهي واخدة الضرب كله على ضهرها.

أحمد: أنا هخليكي تقولي حقك برقبتي! ويُسخّن السكينة على النار ويحطها على رجليها وجسمها لحد ما ينزفوا دم. أحمد بضحك: أهو علشان متعرفيش تخرجي تاني. رغد بصريخ: مش هخرج! مش هخرج! بس أبوس إيدك ارحمني. أحمد: قرصة ودن صغيرة. المرة الجاية مش ضامن هعمل فيكي إيه. ويزقها ويخرج برة البيت. رغد بتتسحف على الأرض لحد ما توصل للأوضة بتاعتها وتقفلها عليها. رغد بانهيار تتصل على عمر. رغد: عمر، الحقني! عمر بخضة: رغد، فيه إيه؟

الحيوان ده قرب لك؟ رغد: الحقني يا عمر، أنا بموت. عمر: جايلك حالا. ويقفل بسرعة ويروح لها. عمر بيخبط على الباب مفيش رد، فحاول يكسره مرة واتنين، وبالفعل كسره ودخل ملقاش حد في الشقة. عمر: رغد، يارغد! إنتي فين؟ رغد بتسمعه: عمر، عمر! أنا هنا. عمر بيجري عند الأوضة وبيسمع صوتها: افتحي يا رغد. رغد: اكسر الباب، مش قادرة أتحرك. عمر بيكسر الباب ويدخل ويتصدم من منظرها.