رواية منقذي الفصل العاشر 10 - بقلم ملك شكري

هترجع امتى ياحبيبي الساعه 8 كده هكون عندك ياقلبي تيجي بألف سلامة ياحبيبي.. هروح أظبط شوية حاجات عشان ليلى جيالي ماشي ياقلبي مع السلامة قفلت ليان وغمزتلهم بحماس: كله تمام مازن وليلى: أيوا بقى ليان: يلا بينا... داده هاتي الحاجات اللي جبناها عشان نلحق نعلق الزينة جابت عايدة الزينة وابتدوا يعلقوها جوه والناس بره كانت بتنظم الجنينة والتربيزات عشان الناس اللي هتيجي *بليل* زين دخل من باب القصر كان كل الأنوار مقفولة ملقاش

أي حد في القصر فضل ينده: ليان.. ليان.. انتي فين. خرج برا في الجنينة لقى الأنوار اتفتحت وكل الموجودين بيسقفوا لحضور صاحب الحفلة والأغاني اشتغلت وجت قدامه ليان وهي لابسة فستان أوف وايت وحجاب وميكب بسيط وفي إيدها تورته وفيها شمعة برقم 30 ليان بحب: كل سنة وانت أحلى حاجة حصلتلي في حياتي زين ومع إنه مش بيحب يعمل عيد ميلاده، لكنه فرح بطريقة متتوصفش: وانتي طيبة يا كل عمري.. انتي فاكرة ياليان

ليان بابتسامة: طبعاً فاكرة.. ده يوم يتنسي؟ ... يلا عشان نحتفل سوا وابتدت الحفلة والناس كلها اتبسطت ومع إن الحفلة كان فيها رجال أعمال كتير.. لكنها كانت حفلة بسيطة نالت إعجاب كل الموجودين

ليان مسكت مايك وقالت: حابة بس أقول حاجة.. أنا وزين اتعرفنا من أربع شهور. في الأول مكناش متعودين على بعض ولا نعرف بعض أصلاً.. أول ما ابتدينا نشارك كل حاجة مع بعض وبنعيش الوحش قبل الحلو مع بعض.. حسيت فعلاً بقيمته في حياتي.. أنا لأول مرة بتكلم بالطريقة دي وبدون خجل وقدام ناس كتير.. فاعذروني على التوتر.. دايماً كان بيحللي مشاكلي وعمره ما اتخلى عني في يوم.. ف عايزة أقوله كل سنة وانت أغلى ما ليا...

وكل سنة واحنا دايماً مع بعض.. شكراً سقف الكل على كلام ليان.. وكانوا مبسوطين جداً بحبها الظاهر في عينيها لزين وزين اللي كان واقف وعينه بتلمع بحب ليها. زين راح ناحيتها وحضنها: انتي كل حياتي.. لو كنت خسرتك كنت هموت يا ليان.. ليان: الحمد لله عدت على خير *فلاش باك* زين صرخ: لييييان

مازن جري على زين فكوا وجريوا هما الاتنين ناحية ليان شالها زين وراح على عربيته وراح زين ناحية عربية المنشاوي اللي كان فيها ليلى وركب عربيته واتحركوا بسرعة رهيبة وخلال مدة مش طويلة وصلوا للمستشفى وكانت إصابة مش خطيرة خدها الممرضين لغرفة العمليات وبعد وقت خرج الدكتور من غرفة العمليات: حمد الله على سلامتها يازين بيه الإصابة كانت في الكتف فمش خطيرة.. شلناها ونص ساعة وهتفوق بإذن الله زين اتنهد بتعب: الحمد لله يااارب

مازن: طب طب وليلى يادكتور الدكتور: لا ده إرهاق بس مش أكتر علقنالها محلول تغذية وهيخلص وهتبقى زي الفل مازن: الحمد لله يارب مشي الدكتور وبعد وقت دخل زين ل ليان اللي أول ما شافته عيطت: زين زين جري حضنها: عيونه وقلبه وكل حياتي والله.. أنا كنت هموت يا ليان لو بعدتي عني.. أنا مش مصدق الحمد لله يارب الحمد لله مسحت ليان على شعر زين واتكلمت بتعب: أنا الحمد لله بقيت كويسة انت كويس يازين حصلك حاجة

زين: بسببي ياليان أنا عارف كل اللي حصلك بسببي.. أنا اسف يا ليان سامحيني ليان بتتكلم بتعب: زين متزعلنيش منك.. ده نصيب ياحبيبي هشوفوا هشوفوا أياً كانت الطريقة وبلاء أخف من بلاء.. احمد ربنا إننا خرجنا كويسين هو رحيم بينا زين: ونعمة بالله خبط الباب ودخل مازن: حمد الله على سلامتك يا ليان ليان ابتسمت بتعب: الله يسلمك يامازن شكراً

مازن: بتشكريني على إيه بس المهم إن انتي وزين بقيتوا كويسين.. آه صح يازين الرجالة خدوا المنشاوي المستشفى شوية على ما يفوق وتروح تشوفه زين: تسلم ياصاحبي ليان باستغراب: مستشفى إيه هو اتصاب وبعدين بعد كل ده وخايفين عليه مازن ضحك: إيه ده انتي متعرفيش المستشفى بتاعتنا ليان باستغراب: مش فاهمة فهمني يازين زين ضحك: حاضر ياقلبي هفهمك بعدين مازن: هخلع أنا بقى ليان: ليلى... فين ليلى أوعوا تكونوا سبتوها هناك

مازن: متخافيش هي في الأوضة اللي جنبك ليان بخضة: مالها هي كويسة زين: الدكتور قال شوية إرهاق بس وعلق لها محلول تغذية وشوية وهتفوق مشي مازن وبعد يومين خرجت ليان من المستشفى وكان زين مبيورحش الشركة وقاعد جنبها طول الوقت بيهتم بيها وبأكلها ومش بيأكلها غير أكل صحي ليان: يوه يازين زين: أنا زهقت من أكل العيانين ده ليان ضحكت: معلش ياحبيبتي.. بس ده الأفيد ليكي دلوقتي ليان ضحكت: دلوقتي إيه محسسني إن أنا والده

زين ابتسم بحب: الله ويبقا عندي بيبي ألعب بيه... ليان ضحكت: عايزني أجيب بيبي عشان تلعب بيه يازين... طب ما تشتري دبدوب وخلاص زين ضحك: لا عايز دبدوب حقيقي عدت تلت أسابيع بدون أحداث مهمة وجه عيد ميلاد زين *باك* خلصت الحفلة ومشيوا الناس دخل زين وليان القصر زين: تعالي عايز أوريكي حاجة ليان باستغراب: حاجة إيه زين: تعالي مسك زين إيدها وطلعوا على فوق ووقفوا قدام أوضة بابها مقفول

زين: مش انتي على طول بتسألي إيه الأوضة المقفولة دي... ليان بفضول: أيوا بجد نفسي أعرف أوي زين: دلوقتي جه الوقت تعرفي خرج مفتاح من جيبه وفتح الباب ونور النور: ادخلي ياليان دخلت ليان واتصدمت لما لقت صورها مالية الأوضة.. وكمان صور مرسومة.. مش مطبوعة ليان بصدمة: زين انت بتهزر...

زين ابتسم: لا مبهزرش.. أنا من أول يوم شوفتك فيه وحسيت إني أعجبت بيكي لقيت نفسي برسم ملامحك.. كنت بحب أفتكرك وأفتكر ملامحك فكنت برسمها.. ومكنتش بسمح لحد يدخل الأوضة دي خالص.. لأنها خاصة بيكي انتي وبس.. ليان بعيون بتلمع: حلوين أوي يازين انت بجد رسمتني بالأتقان ده إزاي وكأني واقفة قدام مراية.. بجد أنا بحبك أوي زين حضنها: وأنا بموت فيكي.. جهزي نفسك عشان بكرة بليل ورانا طيارة.. ليان باستغراب: طيارة إيه..

زين: هنسافر.. عايز أبسطك وأروح أنا وانتي أماكن كتير ويبقا لينا ذكريات في كل مكان ليان: زين أنا طول ما أنا جنبك مبسوطة.. أنا مع كل كلمة بتنطقيها ليا بحبك أكتر.. زين: ربنا يخليكي ليا ياروحي.. يلا نرجع أوضتنا رجعوا للجناح ولبست ليان بيجامة بيتي مريحة وزين كذلك قعدت ليان على السرير زين: ينفع أنام على رجلك ليان: طبعاً يازين نام زين على رجل ليان وابتدت ليان تلعب في شعره زين: ليان ليان: نعم ياحبيبي زين: مش عايزة تعرفي حاجة

عن حياتي من زمان ليان: طبعاً عايزة أعرف.. بس كنت محترمة سكوتك.. ومستنياك تيجي بمزاجك وتحكيلي من غير ما أضغط عليك زين: أنا والدي توفى وأنا 16 سنة.. ليان: ربنا يرحمه زين بحزن وعيون مدمعة: مات بفعل فاعل.. مش مو*تة ربنا ليان بصدمة: إيه