رواية منقذي الفصل الثالث والعشرون 23 - بقلم نانسي محمد

سليم بضحك: والله العظيم هو اللي قالي. نور بعدم استيعاب: إزاي؟

زين: هقولك. بعد ما خرجت من عندك حسيت إنك بتقولي كدة وإنتي مغصوبة. رجعت المستشفى تاني وراجعت الكاميرات، ولحسن الحظ إنها بصوت. سمعت كلام عمر ليكي. وأنا أصلاً من قبل كدة كنت بَراقب أسر. اتفاجأت إنه بيقابل ميرنا على طول. لما دخلت ناس تبعي وسطهم عرفت إنهم عايزين يدمروا علاقتنا عشان ميرنا تدخل حياتي وأتجوزها. أكتبلها كل أملاكي وبعدين تهرب. لما بدأت أفتش وراهم أكتر عرفت إنهم بيتاجروا في كل حاجة ممنوعة. هما استغلوا إنك ممكن

تعملي أي حاجة في مقابل إني أبقى كويس. وعملوا كدة فعلاً وبعتولك عمر يهددك. وإنتي عشان بتحبيني سمعتي كلامهم. بس اللي متعرفوش إن قلبي بيحس بكل كلمة بتقوليها. مقدرش أشوف الضعف في عيونك وأسكت. أنا مستحيل أسيبك حتى لو فيها موتي. عندي أموت في حضنك ولا أعيش بعيد عنك لحظة واحدة. إنتي بنتي حبيبتي وأمي وأختي واختيار ربنا ليا. عايزاني أسيبك بكل سهولة؟

مستحيل. نور بدموع: كنت خايفة عليك وفي نفس الوقت خوفت تبعد عني وتبقى لغيري. زين بابتسامة: إزاي بقا وأنا لما بتضيق بيا بلاقي حضنك هو الدنيا وكل ما فيها؟ حضن واحد بس منك بحس بيه إني في الجنة. ببقى مش مصدق إنك معايا وبقيتي على اسمي. سليم بتصفير: يا عم روميو الناس. زين: ملكش دعوة، خليك في حالك. واحد ومراته، انت إيش حشرك؟ يذهب إليه يوسف بخجل: متزعلش مني يا زين، بس انت عارف نور عندنا غلاوتها عاملة إزاي.

زين بابتسامة: مش زعلان من حد فيكم. أنتم عملتوا الصح وأنا احترمتكم أكتر. وبعدين إحنا إخوات. مصطفى: ده العشم يا أبو نسب برضو. زين وهو يضربه بمرح: بقا عمال تقول لي سيبها واحنا ننسيها إنك كنت في حياتها، هااا؟ أنا هوريك يا جزمة. مصطفى بضحك: الله، اختي يا جدع وزعلان عليها. من حقي. زين: حقك مين ياض يا جحش انت؟ دي مراتي. ملك: يا شباب والله كبرتوا الموضوع. حصل خير. لينا: شوفي جوزك اللي هيموت ده وهيموتنا كلنا بسبب لسانه.

ملك: لا اسم الله على جوزك يا أختي. نور: شرشحو كمان يا حبيبي، شرشحوا. زين: فرح لينا ويوسف خلاص الأسبوع اللي جاي. عايزين نلحق نعمل التمارين بتاعتنا عشان نرجع زي الأول. نور بكسوف وحزن: مش لازم أروح أنا هبقى أكلمها فيديو. لينا بزعل: اخص عليكي يا نونو، عايزة تسيبيني في يوم زي ده؟ مستحيل أستغنى عنك. ولا ملك أحسن مني يعني. نور بدموع: بس مش هعرف أتحرك براحتي زي زمان. هبقى على الكرسي. ملك: وإيه يعني؟

كفاية علينا إنك وسطنا يا روح قلبي. سليم: وبعدين زينو، مش هسيبك الأسبوع ده. ربنا يكون في عونك. زين: قصدك إيه يا حيوان؟ سليم: عم الناس. أنا بقولها ده نعمة لا تقدر. زين بتنهيدة: اسمعي ياروح زين، أنا ميهمنيش انتي على كرسي أو على رجلك. أنا بحبك بكل عيب فيكي قبل مميزاتك. وبعدين الكرسي ده مش هيبقا معانا تاني. أنا رجعت ومش هسيبك غير وإنتي زي الفل. نور بتردد: هتعبك معايا.

زين بعشق: يا ريت تعب الدنيا يكون زي تعبك. وبعدين في بنت تقول لباباها هتعبك؟ ده انتي بنتي الأولى. لتمر الأيام وزين مش بيسيب نور لحظة واحدة. وهي بدأت تتحسن كتير، وطبعاً بسبب حالتها النفسية اللي بتتحسن. وجه يوم فرح لينا ويوسف. نور بدموع فرحة: زي القمر يا نور عيني، اللهم بارك. لينا: بجد يا نونو شكلي حلو؟ ملك: هو في إيه يابنتي؟ دي عاشر مرة تسألينا. نور بضحك: سيبها، ما انتي دوختينا يوم فرحك لحد ما سبتلك الأوضة ومشيت.

ليضحك الجميع على ذكر ذلك اليوم، فجميع لحظتهم كانت مليئة بالضحك والسعادة. حور: أنا جيت يا بشر. أخوكم أبو جبل هناااا. لينا: حوري وصلت، قلب فواز تعالى. حور: يوسف تحت على نار. سايبة الشباب تحت عاملين عليه حفلة. أنما إيه. ملك: بكرة نشوف لهفة زين على نور وهيبقا مكان يوسف. لتكمل بغمزة: وعلي عليكي يا حوري. حور بكسوف: يا ملك بقا انتي عايزة مني إيه؟ لينا بضحك: هنعوز إيه؟ عايزين نلبس فستان. نور: وانتي منيلة إيه دلوقتي؟

لينا بفخر: لا اعذروني، فساتين العيلة دي تختلف. أنا كان هيجرالي حاجة يوم خطوبة نور من كتر الفرحة. نور بضحك: مجانين. يلا عشان ننزل للي بيخلل تحت ده. ملك انزلي نادي جيمى ياخد بنته العبيطة يسلمها لجوزها. بعد فترة في القاعة كان زين ماسك إيد نور مسندها، ونور ماسكة فيه جامد خايفة تقع. نور: زين أنا مساندة عليك جامد. خلينا نقعد شوية. زين بخوف: تعبتي ياحبيبتي؟ نور: لا يا حبيبي، انت اللي تعبت. أنا العجازة مساعداني أقف.

زين: عجازة؟ وأنا موجود. سيبيني وتعالى نرقص سلو معاهم. نور باستغراب: إزاي بس؟ زين وهو يحملها: كدة. لتشهق نور بكسوف: زين لا الناس. زين: تولع الناس. محدش يهمني غيرك. ينزلها برفق على قدمه، ويحيط خصرها، ويبدأ بالرقص معها بدون تعب أو مشاكل في حياتهم.