رواية منتقبة اوقعتني في حبها الفصل الرابع والعشرون 24 - بقلم هدير بدر

الدكتور: للأسف توفي. واحد من رجاله. أبو آيسل دخل جري عليه. الشخص: حصل له إيه فوق يا بيه؟ ياسين كان مصدوم. الشخص: إنت عملت له إيه؟ حمزة دخل واتصدم. حمزة: فيه إيه ومين دا؟ ياسين: أبو آيسل. حمزة: وإيه راميه كده؟ الشخص: والله لأفضحكم. وسابه ومشي. حمزة: حصل إيه؟ احكي لي. ياسين: كان جاي عشان بنته وفجأة وقع كدا والدكتور قال مات. حمزة: طب اهدي اهدي وطلب الإسعاف وجوا خدوه. حمزة: هاروح أطمن على أوضاع آيسل برضو.

ياسين: ماشي وأنا هاخلص إجراءات الدفن. حمزة راح مالاقاش آيسل في المخزن. شد شعره وجري على ياسين. ياسين: هي المصايب مش هاتسيبني. آيسل لقوها داخلة ومعاها الظابط. آيسل: ده قتل أبويا وأنا شاهدة. ياسين: ما حصلش. الظابط: تعالي اتفضلي معانا. حمزة: أنا المقدم حمزة اتفضل وأنا هاجي وأجيبه. آيسل: لأ، هايهربه عشان صاحبه. حمزة بغضب: لو إنتي مش ست كنتي هاأعرفك قيمة كلمتك. الظابط: آسفين جدا يا حمزة بيه.

هاستأذن أنا وتقدري تيجي معانا حضرتك. آيسل بصت لياسين بغرور ومشيت. حمزة: لازم نروح نخلص الموضوع ده. ياسين: تمام يلا. وراحوا. الظابط: إيه سبب إنك اتهمتي ياسين؟ آيسل: أول حاجة كان حابسني وعرضني للضرب. وبينت إيدها. ياسين فتح بؤه. تاني حاجة كان أي خلافات بينا عشان كان عايز يرجعني وأنا رفضته. والدي راحله وبعدين أكيد مش هايموت كدا أول ما راحله. وبدأت تعيط بخبث. الظابط: اهدي لو سمحت أنا مقدر موقفك.

وبعدين وجه الكلام لياسين: تقدر تحكي حصل إيه؟ ياسين: كل اللي حصل إنه دخل كان بيتخانق معايا وبعدين وقع. الظابط: هل تعرضت لحضرتها واتعديت عليها بالضرب؟ ياسين: ما حصلش وتقدر تجيب سجل الكاميرا. الظابط: نده لواحد وبالفعل. ياسين والظابط وآيسل وحمزة راحوا معاه. وجابوا سجل الكاميرا بس ما كانش موجود. ياسين اتجنن. آيسل: شفت حضرتك ضيعوا السجل عشان ما يتكشفوش. الظابط: ياسين بيه فين السجل؟ ياسين: ما أعرفش المفروض هنا.

ونده للمهندس. ياسين: فين الفيديو بتاع النهارده؟ المهندس: ما أعرفش يا باشا والله. ياسين فقد الأمل إنه يخرج منها. راجل جه وادا لآيسل التحاليل. آيسل بابتسامة: اتفضل دا تحليل إن أبويا ما ماتش كدا دا متخطط له. الظابط: ياسين بيه اتفضل قدامنا. حمزة: استنى حضرتك في حاجة غلط. الظابط: حمزة باشا حضرتك عارف إن شغلنا معتمد على الأدلة. حمزة بص في الأرض. خدوا ياسين.

الظابط: وبعد عرض الأدلة نقوم بحبس المتهم ياسين أربعة وعشرين ساعة على ذمة التحقيق. حمزة جه وطلب يشوف ياسين. حمزة: إيه العمل دلوقتي ما فيش أي حل حتى الفيديو مش موجود. ياسين: مش عارف دماغي واقفة. حمزة: خير إن شاء الله. حمزة اتصل على مراد وبلغه وراحوا لفيروز. فاطمة كانت رايحة تقدم لهم العصير وسمعت حمزة قال كدا. وقعت منها الصنية. فيروز: ابني لاااا. فاطمة: أخويا عمره ما يعمل كدا.

حمزة: اهدي بس وكل حاجة هاتتحل هاجيب له كبار المحاميين وإن شاء الله هايطلع صدقيني. فيروز: يارب يارب. فاطمة طلعت برا وفضلت تعيط. حمزة خرج: ممكن تثقي فيا صدقيني أنا مع أخوكي. فاطمة مسحت دموعها زي الأطفال: بجد؟ حمزة سرح فيها وبعدين فاق: احم بجد. فاطمة: شكرا لحضرتك عن إذنك. وسابته ومشت. حمزة: صبرني يارب كل أما أجي أتقدم خطوة تحصل مصيبة أي الجوازة الفقر دي. تاني يوم كان كله حاضر. حمزة: ثق في ربنا. ياسين: يارب.

القواضي طلعت. وكانت أدلة آيسل أقوى طبعًا. القاضي وبعد عرض الأدلة. فيروز حطت إيدها على قلبها وكله زعل عشان مش بإيدهم. القاضي: حكمت المحكمة حضوريا على المتهم ياسين. ****: استنى لو سمحت أنا معايا الدليل.